Sidnei- Themeluesi i Uikiliks, Xhulian Asanzh, aktualisht në arrest shtëpie në Britaninë e Madhe vendosi të marrë pjesë në zgjedhjet senatoriale në Australi, parashikuar të zhvillohen në vitin 2013, njoftoi sot në rrjetin social Tuiter.

Me kombësi australiane, Asanzh, i cili u bë i njohur në vitin 2010 me publikimin e dokumenteve ushtarake sekrete mbi Irakun dhe Afganistanin si dhe telegrameve diplomatike amerikane, ndodhet në arrest shtëpie në Britaninë e Madhe që prej një viti.

Ai është në pritje që drejtësia britanike të vendosë përfundimisht për mandat arestin e lëshuar kundër tij nga Suedia për një çështje përdhunimi dhe agresioni seksual.

“Ne kemi zbuluar se është e mundur për Xhulian Asanzh të përfaqësohet në senatin australian edhe pse ndodhet në arrest shtëpie”, konfirmoi Uikiliks. (LajmeShqip.com)