Prishtinë- Nesër do të mbahet një seancë e jashtëzakonshme e Kuvendit të Kosovës ku me kërkesë të grupit parlamentar të PDK-së dhe me mbështetjen e grupeve tjera parlamentare, pritet të votohet një rezolutë, me të cilën Kuvendi i Kosovës zotohet se do t’i kryej të gjitha obligimet që dalin nga procesi i përmbylljes së pavarësisë së mbikëqyrur.

Kryeparlamentari Jakup Krasniqi theksoi se rezoluta në fjalë, kërkon nga institucionet e Kosovës që të marrin të gjitha përgjegjësitë të cilat do të ndihmojnë në heqjen e pavarësisë së mbikqyrur.

Visar Ymeri, shef i grupit parlamentar të Vetëvendosjes, tha se kjo rezolutë është refuzuar nga ky subjekt, për shkak se ajo nuk sqaron se cilat obligime duhet t’i marrë Kuvendi.