Lajme Shqip Lajme Shqip Thursday, 10 November 2011 16:28

Prishtinë – Gjykata Komunal në Prishtinë ka pezulluar përkohësisht gjykimin ndaj gazetarit të së përditshmes “Koha Ditore”, Vehbi Kajtazi. Ky pezullim vjen pas që paditësi, i cili është ish gjyqtarë, Selman Bogiqi ka bërë kualifikimin e veprës penale, duke futur paragrafin 3 të nenit 339 të veprës për shpërdorimi të detyrës zyrtare, nen ky që parasheh dënimin deri në 8 vjet burgim.

Për këtë arsye gjyqtari i lëndës, Faik Hoxha ka shtyrë seancën duke kërkuar sqarim kompetencash pasi që gjykata Komunal nuk ka kompetencë të dënojë për një vepër të tillë, por këtë duhet ta bëjë ajo e qarkut. Avokati, mbrojtës i Kajtazit, Tomë Gashi ka thënë se më këtë shihet qartë tendenca e ish-gjyqtari Bogiqi për të bërë presion ndaj medias së lirë. Sipas Gashit, kjo tregon që paditësi nuk i njehë mirë ligjet e Kosovës edhe pse për kohë të gjatë ka punuar vetë si gjyqtarë.

Ndërsa gazetari, Kajtazi ka thënë se nuk do të bije pre e provokimeve dhe trysnisë se askujt por se do të vazhdojë të shkruaj dhe të bëjë punë e tij. Vehbi Kajtazi po përballet me një proces gjyqësor nga ish-gjyqtari, Selman Bogiqi për të cilin gazetari ka raportuar më parë për abuzimet sa ishte gjykatës. Ky i fundit pati kërcënuar edhe me jetë Kajtazin, por që organet e drejtësisë nuk janë marrë asnjëherë.

 
Lajme Shqip Wednesday, 09 November 2011 22:06

Prishtinë – Njëri prej gazetarëve hulumtues të gazetës Koha Ditore, Vehbi Kajtazi po përballet me një proces gjyqësor nga një prej ish-gjyqtarëve, Selman Bogiqi, për të cilin gazetari ka raportuar më parë lidhur me abuzimet sa ishte gjykatës. Ky i fundit pati kërcënuar edhe me jetë Kajtazin, por organet e drejtësisë nuk janë marrë asnjëherë me këtë kërcënim. Së fundi, është ushtruar një padi private nga ana e Bogiqit ndaj Kajtazit për keqpërdorim të detyrës zyrtare dhe shpifje.

Asociacioni i Gazetarëve Profesionist të Kosovës ka njoftuar se seanca e radhës ndaj Vehbi Kajtazit do të mbahet të enjten në Gjykatën komunale. Kryetari i AGPK-së, Arben Ahmeti thotë se është shqetësues qasja selektive e drejtësisë në Kosovë.

“AGPK përkrah angazhimin e institucioneve të drejtësisë edhe në rastet kur gazetarët mund te kenë bërë shkelje, mirëpo në këtë rast kemi një qasje krejtësisht selektive të drejtësisë. AGPK ka shqyrtuar ankesën e ish-gjyqtarit dhe vlerësojmë se raportimi i kolegut Kajtazi ka qenë plotësisht profesional. Ajo që na shqetëson është ngurrimi i institucioneve të drejtësisë që të merren me rastin kur ky ish-gjyqtar e pati kërcënuar me vrasje kolegun Kajtazi. Një kërcënues me vrasje, siç është ky ish-gjyqtar, e ka vendin në bankën e të akuzuarve e jo në vendin e paditësve. Duke mos dashur të bëjmë presion mbi drejtësinë, ne në heshtje po e monitorojmë këtë proces me një kujdes të veçantë”, tha Ahmeti, transmeton Indeksonline.

Kajtazi në muajt e fundit është protagonist i një sërë shkrimesh hulumtuese, veçmas në gjyqësinë kosovare dhe historinë e dëshmitarit X, njërit prej ngjarjeve që kanë shënuar vitin 2011.