12
 
Lajme Shqip Saturday, 05 April 2014 18:06

Në Kosovë, drejtues të organizatave të dala nga lufta e kanë kundërshtuar krijimin e një gjykatë të veçantë që të trajtonte pretendimet për krime lufte të ish Ushtrisë Çlirimtare të Kosovës. Ata thonë  se kjo shkel integritetin e shtetit dhe e mohon luftën çlirimtare. 

“Krijimi i një gjykate për krimet e supozuara të luftës nga UÇK-ja shkel sovranitetin e Kosovës dhe si i tillë do të kundërshtohet nga veteranët e luftës”, tha   kryetari i Shoqatës së Veteraneve të Luftës, Muharrem Xhemajli, gjatë një takimi që zhvilloi me kryeministrin e Kosovës, Hashim Thaçi. 

Gjatë takimit Thaçi theksoi se Kosova ka sistemin e saj të drejtësisë, në gjendje për t’u përballur me çdo sfidë.  Diplomatët perëndimorë po debatojnë me autoritetet në Prishtinë për ngritjen e kësaj gjykate të veçantë për krime lufte që do të trajtonte pretendimet e ngritura nga ish i dërguari i Këshillit të Evropës Dick Marty.  Ndërkohë, mediat në Kosovë  shkruajnë se kohëzgjatja e gjykatës së posaçme për krimet e luftës në Kosovë do të jetë jo më pak se 5 vjet.

 
Lajme Shqip Wednesday, 02 April 2014 13:24

Brukseli, Prishtina dhe Haga janë tri qytetet ku do funksionojë Gjykata Speciale që do t”i trajtojë aktakuzat e mundshme nga hetimi trevjeçar për dyshimet që pati ngritur Dick Marty. Në Bruksel, gjykata do ta ketë selinë qendrore. Në Prishtinë do të ketë një zyrë administrative, derisa seancat gjyqësore do të mbahen në Holandë, sipas të gjitha gjasave në Hagë.

Zyra në Prishtinë, do të jetë administrative dhe do të ketë funksion të komunikimit me publikun. Seli në Bruksel është vendqëndrimi i prokurorëve dhe stafit kryesor të gjykatës, derisa vendimi që seancat të mbahen në Holandë është krejtësisht praktik, i kanë thënë gazetës zyrtarët e afërt me ekipin që po e përgatit gjykatën, shkruan “Tribuna”.

Sipas këtyre zyrtarëve, shumica e shteteve anëtare të BE-së kanë refuzuar të pranojnë krijimin e gjykatës për shkak të mungesës së rregullimit të brendshëm ligjor për këtë çështje, derisa Holanda, tashmë ka pasur disa gjykata ndërkombëtare brenda territorit të vet dhe nuk ka pengesa ligjore të tilla. 

 
Lajme Shqip Wednesday, 05 February 2014 12:53

Ish udhëheqës të UÇK-së gjatë vitit 2014 do të përballen me akuzat që janë ngritur kundër tyre në një Gjykatë të re Ndërkombëtare Evropiane.

Një Gjykatë Evropiane do të krijohet ekskluzivisht vetëm për krimet e pretenduara se janë kryer nga pjesëtarë të UÇK-së, krime të cilat janë përshkruar në raportin e senatorit zviceran Dick Marty, shkruan “Tribuna”.

Lufta e UÇK-së, është e vetmja luftë në ish Jugosllavi që do të trajtohet edhe nga një mekanizëm tjetër ndërkombëtarë përveç Gjykatës së Hagës.

Tashmë janë kryer konsultimet për krijimin e Gjykatës Evropiane e cila do të trajtojë aktakuzën që do të dalë nga hetimet e Task Forcës që ka hetuar aferën me publicitet ndërkombëtarë për trafikimin e organeve. Një draft i statutit të kësaj gjykate tashmë është hartuar dhe është konsultuar nga zyrtarët e lartë evropian.

 
Lajme Shqip Monday, 09 December 2013 18:07

Beograd- Kryetari i Komisionit  për persona të zhdukur në Qeverinë e Serbisë, Velko Odalloviq ka deklaruar sot se Komisioni do ty’i kërkojë Prishtinës hapjen e arkivave të UÇK-së në Shkup (?!) meqë të dhënat për ta do të mund të ndihmonin zbardhjen e fatit të disa qindra të të zhdukurve nga territori i Kosovës. 

Odalloviq këtë deklaratë e dha ne tribunën e “Shoqatës së familjeve të të kidnapuarve dhe të të vrarëve në Kosovë e Metohi”, transmeton Tanjug, sipas të cilit kohë më parë ka marrë vesh se në Shkup ekziston arkivi i UÇK-së, transmeton koha.

Sipas Beogradit vazhdojnë të konsiderohen të zhdukur 1750 persona nga Kosova, nga të cilët 529 serbë e joshqiptarë dhe të tjerët shqiptarë.  

 
Lajme Shqip Saturday, 23 November 2013 19:12

Prishtinë- Është kthyer në Kosovën krenar që e ka ndihmuar këtë vend 14 vjet më parë, merita të mëdha i jep edhe miqve të tij të UÇK-së të cilëve u është mirënjohës për kontributin dhënë Kosovës. Por, sot më shumë se një dekadë nga përfundimi i luftës, ish-diplomati amerikan, James Rubin shpreson se duhet të vijë koha kur krahu i luftës do ta kuptojnë se është mirë të largohen nga pushteti derisa janë ende të popullarizuar dhe të mos presin derisa është shumë vonë.

Në intervistën dhënë gazetës “Zëri”, Rubin, rikujtojë sfidat në kohët më të rënda për Kosovën, flet për miqtë e tij të UÇK-së dhe kontributin që kanë dhënë gjatë luftës, por jep edhe mesazh të qartë për ata.

“Unë shpresoj që njerëzit të cilët kanë qenë aq të rëndësishëm për revolucionin tuaj, për lirinë tuaj e kanë mençurinë të largohen sa janë në majë të suksesit të tyre”, ka thënë Rubin.

Rubin thotë se nuk dëshiron të jetë si diplomatët e dikurshëm të Departamentit të Shtetit kur kanë zgjedhur se me cilin krah të luftës duan të bashkëpunojnë, dhe se kosovarët nuk duhet pritur që ai të vijë e të tregojë se çfarë zgjedhje duhet bërë.

 
Lajme Shqip Thursday, 31 October 2013 15:42

Një ngjarje e pazakontë ka ndodhur gjatë zhvillimit të ndeshjes së femrave mes Shqipërisë dhe Greqisë.

 

Në shkallët e stadiumit “Niko Dovana” të Durrësit, për t’i përkrahur vajzat shqiptare kanë qenë të pranishëm edhe “Tifozat Kuq e Zi”.

 

Por, qëndrimi i tyre nuk ka zgjatur shumë, madje qysh pas ekzekutimit të himnit.

 

Sipas burimeve të portalit Asport.info, një tifoz është shoqëruar në polici për shkak se mbante hapur një flamur me mbishkrimin UÇK, kjo për ta ka qenë e papranueshme dhe në shenjë proteste ata kanë liruar stadiumin.

 

Mësohet se pak kohë më vonë tifozi është liruar. Si duket kjo nuk ka qenë e mirëpritur nga drejtuesit e FSHF-së, të cilët kanë kërkuar nga forcat e rendit që të merren me tifozët.

 

Kujtojmë se para pak kohësh mesfushori i Kombëtares Shqiptare, Ergys Kaçe ka pasur një problem të tillë, por me autoritet greke të cilat e pezulluan edhe nga ekipi.

 

Kaçe u bë çështje në opinion helen, meqë kishte postuar një fotografi në rrjetet sociale i veshur me një bluzë ku shkruante UÇK.

 
Lajme Shqip Thursday, 24 October 2013 17:13

-Astrit Leka, tanimë 89-vjeçar, rrëfen për Kongresin e Ushtarakëve Historianë, ku Shqipëria megjithëse anëtare nuk kishte përfaqësues, ndërsa atij iu desh që të mbronte ngjyrat e atdheut edhe pse ishte i deleguar nga Zvicra, nënshtetas i së cilës është prej shumë vitesh

 

Nga cili aktivitet ktheheni së fundit?

 

Isha në Kongresin e 39 të Komisionit Ndërkombëtar të Historisë Ushtarake, që u zhvillua në Torino, Itali. Atje kishin ardhur delegatë e 40 shteteve edhe 15 universitetet më të mëdha të botës, që nga SHBA, Japonia, Kina, Rusia, Gjermania, Franca, etj. Sigurisht me erdhi keq që Shqipëria nuk ishte e përfaqësuar, sepse edhe ne kemi një histori ushtarake që ka lënë gjurmë të mira, që nga lashtësia e deri më sot.

 

Me çfarë statusi ishit i ftuar në Kongres?

 

Isha i ftuar si veprimtar i historisë ushtarake, anëtar i Shoqatës së Historianëve Ushtarakë të Zvicrës. Unë jam qytetar zviceran, por në këtë kongres përfaqësova edhe ngjyrat e Shqipërisë. Para se të shkoja në Kongres me rastin e pranimit në Shoqatën e Historianëve Ushtarakë zviceranë, pata një letër falënderimi nga kryetari i shoqatës, gjeneral divizioni, Domenik Juliand që i shkruante këto fjalë “Nuk do të doja ta mbyllja këtë letër pa ju përgëzuar për punët dhe kërkimet e rëndësishme të bëra nga ju, për angazhimet për një botë më demokratike dhe t’u shpreh juve respektin tim përpara kaq dëshmive të shumta të mbështetjes dhe të homazhit që u janë bërë nga personalitete të tjera botërore”. Unë isha i futur në këtë kongres jo vetëm si historian, por edhe si aktor i historisë ushtarake. Rasti e ka dashur gjatë jetës time, prej 7 prillit 1939 e deri në ditët e kongresit, të marrë pjesë në ngjarje historike përcaktuese për fatin e njerëzimit.

 

Cilat kanë qenë këto ngjarje përcaktuese?

 

Në Labinot të Elbasanit, natën e 8 shtatorit 1943, i kthyer nga misioni britanik ku më kishte dërguar Enver Hoxha për të zëvendësuar Koço Tashkon, sapo u mor vesh kapitullimi i ushtrisë italiane, u ngarkova të merrja kontakt me drejtuesit italianë në qytete, që ata të dorëzoheshin te partizanët, lënien e armëve dhe shpëtimin e jetës së tyre nga ana jonë nëpër male, edhe pse në kushte të vështira. Ky ishte një aksion i madh për të mos i lënë italianët në dorën e ushtrisë gjermane.

 

Po pas luftës, cili ka qenë kontributi juaj?

 

Vite më vonë më është dashur që në Gjenevë të marr pjesë në ngjarje të rëndësishme historike ndërkombëtare, por ajo që është më e rëndësishmja ndërmjetësimi, midis përfaqësuesve të Xhorxhio Napoletanos, president i Italisë dhe të Romano Prodit, ish-kryeministër i Italisë, të autorizuar nga NATO, për të zgjidhur çështjen e karakterizimit terrorist ose jo, të UÇK-së. Përfaqësuesit e NATO-s me këtë rast u paraqitën tek unë me kërkesën që t’i ndërlidhja me përfaqësuesit e UÇK-së, pasi siç shkruan gazetari Maurizio Stefanini: “Astrit Leka ishte studiuar dhe kishte rezultuar se nuk bënte pjesë në asnjë rrjet spiunazhi në Gjenevë, i njohur si qytet jo vetëm diplomatik, por edhe i spiunazhit botëror”. Ata dinin gjithashtu se unë gëzoja besimin e shqiptarëve, por edhe besimin e shqiptarëve të Kosovës. Sipas tyre, unë isha personaliteti më i përshtatshëm për ta zgjidhur këtë çështje kaq të rëndësishme midis palëve. Nga takimet e ndryshme që u bënë doli se UÇK nuk ishte organizatë terroriste, por luftonte për lirinë e popullit të vet nga zgjedha serbe. Iu kërkua palës së autorizuar nga NATO që ta sanksionon këtë çështje në shtyp me një personalitet të njohur botërisht që të vinte në Gjenevë. Amerikani Gelbart, i njohur si një person kundër UÇK-së deri atëherë, erdhi në Gjenevë, mori kontakt direkt me përfaqësuesit e Ushtrisë Çlirimtare dhe çdo gjë u shpall në shtyp. Kështu shpjegohet që gazetari Stefanini më paraqiti mua si çelësi i zgjidhjes së çështjes midis NATO-s dhe UÇK-së, që solli më pas luftën e Kosovës, duke mos lejuar në këtë mënyrë që Kosova të bëhej një Bosnje e dytë.

 

Të kthehemi te kongresi. Çfarë ndodhi atje?

 

Kongresi  u hap me solemnitet dhe mediat e përmendën shumë rëndësinë e tij, por ajo që na intereson ne si shqiptarë është një artikull nga gazeta “Libero” e Italisë. Ja citime nga një artikull me titull: “Kështu jeton një armik i popullit të kësaj gazete: “Astrit Leka është një nga atdhetarët më të mëdhenj shqiptarë. Ai ishte një hero i rezistencës…” Artikulli vazhdon “…deri të shtunën vazhdon në Torino Kongresi i 39 me delegacione ushtarake të 40 vendeve e me historianë të 15 universiteteve, ku midis pjesëmarrësve një nga më të moshuarit është shqiptaro-zvicerani Astrit Leka, një 89-vjeçar i kthjellët, që mund të quhet kujtesa e gjallë e shekullit XX e më tutje”. Në një paragraf tjetër shkruhet: “Në Shqipëri kanë bërë një vepër teatrale për aksionet e tij, gjatë luftës partizane dhe kjo vepër ka marrë çmimin e konkursit të 40-vjetorit të themelimit të Partisë Komuniste Shqiptare. Kryetari i Komisionit të historianëve ushtarakë të Shqipërisë, i përcakton aksionet e tij me njësitet guerilje të rëndësisë evropiane. Kështu ai përmend aksionin që udhëhoqi në bodrumet e bankës së Durrësit, u mori mallin e destinuar për 15 mijë ushtarë gjermanë, që ishte lesh për veshje ushtarësh, më të cilat do të përballonin të ftohtin rus. Ky lesh u vu në dispozicion të partizanëve”. Që të kthehemi te kongresi, unë i ndoqa të gjitha punimet, i bëra vërejtje substanciale kumtesave të delegacioneve të ndryshme, si provë që ndërhyrjet e mija ishin të sakta e shkencore dhe dinjitoze për një historian shqiptar i cili në atë kongres ishte dhe aktor i historisë. Këtë e provoi me faktin se anëtari i komisionit ndërkombëtar të historianëve ushtarak, personaliteti i shquar zviceran, gjeneral dhe prof, dr. Fritz Joeckli, disa herë laureat i disa universiteteve, erdhi e më përgëzoi duke më pyetur çfarë kombësie kisha. Më erdhi mirë që i thashë: “jam shqiptar”. Në këtë kongres nisa përpjekjet për të futur Kosovën anëtarë të këtij Komisioni Ushtarak dhe për këtë mora kontakt  të drejtpërdrejtë me institucionin e drejtuar nga Agim Çeku në Prishtinë.

 

Shtypi italian/ Astrit leka dhe bisedimet NATO-UÇK

 

Maurizio Stefanini, në “Gazeta Liberal”, Romë, më 28 nëntor 2012 boton artikullin “Ndërmjetësimi i Lekës” me nëntitull: “Astrit Leka qe njeriu çelës i raporteve midis shërbimeve të fshehta italiane dhe luftëtarëve të UÇK”, ku shkruan: “Kjo ndodhi në kohën e luftës së Kosovës, para ndërhyrjes së NATO-s. Perëndimi i ngarkoi detyrë Italisë që të realizonte një kontakt me luftëtarët e UÇK, që të mund ta bënte veprën e tyre në pajtim me kërkesat e NATO-s. Në Gjenevë ishte një personazh, autoriteti i të cilit kishte bërë atë të besueshëm ndaj italianëve, shqiptarëve e kosovarëve, pra ishte njeriu që mund të bënte ndërmjetësimin e palëve. Pikërisht me atë, i dërguari italian foli një ditë të tërë dhe ra në ujdi duke mbetur pa mend kur Leka refuzoi të pranojë çfarëdo shpërblimi financiar nga ana jonë. UÇK pranoi të kufizonte disa veprime të saja. Pastaj Italia vuri në dispozicion bazat ushtarake për avionët e NATO-s, që vepruan kundër regjimit të Milosheviçit. Kosova arriti një pavarësi nën administrimin e OKB-së, pastaj erdhi shpallja e pavarësisë më 17 shkurt 2008. Sot, Kosova njihet nga 95 vende prej 193 shteteve anëtare të OKB. Qe pikërisht Astrit Leka, njeriu i Gjenevës, dikur viktimë e regjimit të Enver Hoxhës, çelësi i tratativave midis NATO-s dhe UÇK, por edhe zgjidhës i kaq shumë çështjeve themelore gjatë këtyre 70 viteve të historisë së Shqipërisë”. (shekulli)

 
Lajme Shqip Wednesday, 16 October 2013 13:37

“Wikileaks” në Greqi, kapen 3700 email-e. Në inbox-in e Venizelos, kontrata e Berishës me Podestën, hetimet për financimin e UÇK-së nga Ukraina dhe Daut Kadriovski.

Zbulohen dokumentet sekrete të zëvendëskryeministrit njëherësh ministër i Jashtëm i Greqisë, Evangelos Veniselos. Dokumentet e dërguara në e-mail-in e kreut të diplomacisë së jashtme greke hedhin dritë mbi aktivitetet sekrete dhe prapaskenat e diplomacisë së vendit helen. Kështu informojnë aktivistët e rrjetit të hackers-ave “Anonymus” të cilët kanë mundur të nxjerrin në dritë këto materiale. Nëpërmjet këtyre dokumenteve, shumica prej të cilave të klasifikuara si sekrete, Venizellos është informuar në mënyrë të detajuar mbi të gjitha zhvillimet politike në rajon.

Dokumentet sekrete
Një dokument i veçantë informon Venizellos mbi marrëveshjen e nënshkruar mes ish-kryeministrit, Sali Berisha dhe kompanisë “Podesta”. Informacioni është dërguar nga agjencia amerikane FARA dhe jep përm bajtjen e plotë të marrëveshjes mes palëve dhe detyrimeve që lindin prej saj. Dokumenti daton më 24 shtator 2012.

Po kështu, Venizellos ka marrë nga Qendra e Parandalimit të Konflikteve, Sekretariati i OSBE-së në Vjenë, informacione edhe për fillimin e punës së qeverisë “Rama”, vendimin e parë të marrë prej saj për familjet rome apo dhe rrëzimin nga gjykata të vendimit për 21 janarin. Dokumenti i OSBE-së e informon diplomatin grek dhe për situatën e përgjithshme, por dhe aktivitetet ku merr pjesë Prezenca e OSBE-së në Shqipëri.

Vëmendja e diplomacisë greke është përqendruar në mënyrë të veçantë dhe për zhvillimet në Kosovë, lidhjet e Daut Kadriovskyt me UÇK-në apo takimet e zyrtarëve amerikanë me Presidenten e Kosovës, Atifete Jahjaga.
Një tjetër dokument i marrë nga inbox-i i kryediplomatit grek dhe që klasifikohet si sekret, flet mbi një marrëveshje mes Agjencisë Kombëtare të Inteligjencës Gjeo-hapësinore të Departamentit të Mbrojtjes të Shteteve të Bashkuara të Amerikës dhe Shtabit të Përgjithshëm të Mbrojtjes në Ministrinë e Mbrojtjes greke për dërgimin e të dhënave gjeohapësinore që përshijnë Bosnjë –Hercegovinën, Serbinë, Kosovën, Malin e Zi, Slloveninë, Maqedoninë dhe Qipron. 

Përmbajtja e email-eve (përkthyer nga origjinalet)
Qendra e Parandalimit të Konflikteve Sekretariati i OSBE, Vjenë Sekret. Fr/592/13 11 tetor 2013 E kufizuar Vetëm në anglisht për të gjitha delegacionet e OSBEsë në Vjenë OSBE, Organizata për sigurinë dhe Bashkëpunimin në Evropë Misioni në Kosovë 

Raport

Oficerët e EULEX konfirmojnë lidhjen e Daut Kadriovski me rrjetin e organizatën ukrainase të krimit të organizuar
Në orën 17:00, zyra speciale e Prokurorisë së Kosovës përmes Task-Forcës së Mitrovicës në një përpjekje për të goditur financimin e aktiviteteve të UÇKsë ka kryer një kërkim në 12 biznese dhe subjekte jofitimprurëse për të cilat kishte pretendime për lidhje midis familjes së krimit të organizuar të Daut Kadriovskit dhe karteleve meksikane të drogës Sinaloa dhe Los Zetas .

DPPPP / NJIF raporton lidhjet e supozuara që përfshijnë ish-ministrin e Transporteve të Ukrainës, Nikolay Rudkivsky, i cili u ka dhënë mbështetje të konsiderueshme anëtarëve të familjes së Daut Demaj mbi operacionet Kaalbye të Detit të Zi, duke përfshirë edhe doganat dhe zyrat kufitare të Ukrainës, shkruan Bota Sot.

Për ta është dyshuar për financimin e terrorizmit dhe trafikut të drogës, duke themeluar organizatën e tyre jofitimprurëse në Shtetet e Bashkuara dhe Australi që u ka dërguar fonde organizatave terroriste, AKSH-së dhe UÇK-së. Ndërkaq, Rudkivsky ka përdorur IBCs të kontrolluar nga anëtarët e Sinaloa në Amerikën e Jugut për të lehtësuar transaksionet financiare për individë të lidhur me organizatën e Daut Kadriovskit. Shefi i Misionit të EULEX, Berndt Borchardt në një takim të mbajtur në fshehtësi, me president-

Marrëveshja e angazhimit
Kjo Marrëveshje Angazhimi ( në vijim do referohet si Marrëveshja) ka hyrë në fuqi në Prill , 2012 midis — Këshillit të Ministrave të Republikës së Shqipërisë (në vijim do referohet si CoM) që ka zyrat e saj kryesore në Bulevardin Dëshmorët e Kombit nr.1 Tiranë dhe grupit Podesta (në vijim referuar si Ofruesi) që ka zyrat e tij kryesore të biznesit në 1001 G Street NW, Washington, DC 20001 Duke pasur parasysh dëshirën e CoM për të pasur shërbimet e Ofruesit si më poshtë dhe duke pasur parasysh dëshirën e Ofruesit të ofrojë shërbimet e tij si pasojë palët në këtë mënyrë bien dakord si më poshtë:

Baza ligjore: Kjo marrëveshje bazohet në nenit 6 të ligjit nr. 9643, datë 20.11.2006, “Të prokurimeve publike”.
Qëllimi i punës: Ofruesi do të ofrojë shërbimet e tij në çështjet e revokimit që do të shërbejnë në forcimin e lidhjeve mes Republikës së Shqipërisë dhe institucioneve të Shteteve të Bashkuara. Ofruesi do të asistojë për mbledhjen e fondeve nga SHBA dhe agjencitë ndërkombëtare si dhe shërbime të tjera që mund të bien dakord nga palët me shkrim. (në vijim referohet si qëllimi i punës)

Termat
Ofruesi do të ofrojë shërbimet e tij gjatë periudhës që fillon nga 1 prill 2012 dhe vazhdon deri në 31 mars 2013, ose në çdo periudhë tjetër që mund të bien dakord palët me shkrim. Këshilli i Ministrave do të shqyrtojë këtë marrëveshje çdo 6 muaj pasi ajo të jetë nënshkruar. Pagesa Këshilli i Ministrave do të paguaj Ofruesin një shumë prej 60 000 $ amerikanë çdo 6 muaj plus shpenzimet. Këshilli i Ministrave do të paguaj Ofruesin në fillim të çdo periudhe 3-mujore duke përfshirë fillimin….
Informacionet nga SHBA për vëzhgimet ajrore të rajonit
APPENDIX I Për Zbatim aneksi A Produktet topografike, të dhëna, publikime dhe materiale të lidhjeve të inteligjencës gjeo-hapësinore.

Agjencia Kombëtare e Inteligjencës Gjeo-hapësinore ( NGA) do të sigurojë falas të dhënat e mëposhtme të NGA, produktet topografike, të dhëna, publikime dhe materialet që lidhem me informacionet gjeohapësinore të Shërbimin Gjeografi Ushtarak grek ( HMGS ) , Shtabin e Përgjithshëm grek të Mbrojtjes Kombëtare ( HNDGS ) të Ministrisë së Mbrojtjes.

Botimet aktuale do të ofrohen fillimisht, nëse kërkohet. Pas kësaj, botimet e reja ose amendimet e zbatueshme do të ofrohen në sasi. Produktet e prodhuara dhe mbajtura nga Republika greke ose vende të botës së tretë, nuk janë të përfshira.

Versionet e digjitalizuara (p.sh. CADRG ) të këtyre produkteve duhet të jepet në bazë të kërkesës nëse janë vënë në dispozicion. 1.1 . Produkte Topografike : Sasinë e caktuar të çdo edicioni aktual dhe të ardhshëm të disponueshme / të lëshuara të produkteve topografike të identifikuara më poshtë , automatikisht : 1.1.1. Seria M709 – shkallë 1:50,000, dhjetë (10) kopje secila prej vendeve të mëposhtme: Bosnia & Herzegovina- të gjitha fletët e nxjerra Serbia – të gjitha fletët e nxjerra Kosovë – të gjitha fletët e nxjerra Mali i Zi – të gjitha fletët e nxjerra Sllovenia – të gjitha fletët e nxjerra FYROM – të gjitha fletët e nxjerra Cvprus – të gjitha fletët e nxjerra 1.1.4 .

Operacionet e përbashkëta grafike – shkallë 1:250,000 , dhjetë ( 10) kopje secila. Seria 1501 – G (Ground ) hartat topografike do të ofrohen ( seria ajrore 1501 do të jetë kusht për fletët ku 1501 – G nuk janë në dispozicion ). /Bota Sot/

 

 
Lajme Shqip Tuesday, 17 September 2013 22:41

Gjykata sot për here të dytë e shpalli të pafajshëm Fatmir Limajn. Ai wshtw liruar nga të gjitha akuzat për krime të luftës qw akuzohej nga EULEX-i.  Bashkë me Fatmir Limaj të pafjahsëm janë shpallur edhe Arben Krasniqi, Naser Krasniqi, Nexhmi Krasniqi, Behlul Limaj, Refki Mazreku. 

Kryetari i trupit gjykues, gjyqtari Malcolm Simons i EULEX-it, deklaroi se në raport me Limaj nuk kishte asnjë argument fajësues dhe se të gjitha provat e vërtetuan pafajësinë e tij.

Pas më shumë se tre vjet përballjeje me akuza tepër të rënda dhe të paargumentuara ndaj Limaj më në fund e fitoi pafajësinë e dytë në këtë rast.

Tom Gashi, avokat i Limajt, deklaroi se e konsiderojmë fitore të Limajt dhe fitore të drejtësisë dhe të sundimit të ligjit.

“Në këtë rast u vërtetua se kur nuk ka implikime nga jashtë drejtësia triumfon” deklaroi Gashi.

 
Lajme Shqip Monday, 02 September 2013 09:54

Burrel – Ish-komandanti i Ushtrisë Çlirimtare të Kosovës, aktualisht Lideri i AAK-së, Ramush Haradinaj, zhvilloi dje një vizitë të paralajmëruar në Burrel. Vizita e Haradinajt nisi në qendër të qytetit të Burrelit, pranë bustit të mbretit Zog, ku vendosi edhe një buqetë me lule.

Pranë këtij busti u prit nga Princi Leka dhe përfaqësues të Legalitetit, raporton “Gazeta shqiptare”. Më pas ai u zhvendos pranë Bashkisë Burrel, ku u prit në ambientet e këtij institucioni nga kryetarja e Bashkisë Burrel Adelina Farrici, ku shkëmbyen edhe disa dhurata simbolike. Gjatë vizitës në institucionin e bashkisë ai u prit nga Këshilli Bashkiak i Burrelit, ku u akordua muaj më parë titulli, me konsensus nga këshilli i Bashkisë Burrel, “Qytetar Nderi” i kësaj bashkie, ku tërhoqi edhe këtë titull.

-Nga kush do të përfaqësohet AAK-ja në Prishtinë në zgjedhjet lokale?

Nga kandidati për kryetar, Besnik Tahiri, dhe lista e kandidatëve, – një listë e përbërë nga kuadrot e AAK-së në Prishtinë.

-Cili është qëndrimi juaj për fletët e votimit që mbajnë stemën e Kosovës që kundërshtohen nga Serbia?

Ne kemi interes me i mbajt zgjedhjet dhe do shkojmë drejt veprimeve që na ndihmojnë me i mbajt zgjedhjet. Për sa i përket regjistrimit të partive politike, dokumentacioni bëhet i njëjtë, me logo. Edhe në ato zona ku ka popullsi serbe, në fletët e votimit duhet të ekzistojë vetëm logoja e KQZ-së së Kosovës, e cila është një institucion i zgjedhur i Republikës së Kosovës.

-Si e komentoni zbatimin e Marrëveshjes Kosovë-Serbi deri më tani?

Zbatimi nuk ka ndodhur në masën e duhur, po mendojmë se përgatitjet për zgjedhjet dhe vetë mbajtja e zgjedhjeve ndoshta është veprimi më i dobishëm në atë që ne e mendojmë si zbatim të marrëveshjes Kosovë-Serbi. Sepse zbatimi i saj përforcohet, që do të thotë normalizim i rendit dhe ligjit, ose shtrirjen e diksionit një pjese të territorit të vendit, që është veriu i vendit.

-Ç’mund të na thoni për akuzat për trafik organesh në të ashtuquajturën “Shtëpia e verdhë”?

Lufta ka qenë shumë e ashpër, ka pasur të vrarë nga të dyja palët. Në atë shtëpi për të cilën bëhet fjalë, nuk ka pasur transplant organesh dhe përfundimet duhet t’i nxjerrë drejtësia.

 

12