Lajme Shqip Monday, 10 March 2014 11:53

Bllokohet trafikimi i 250 kilogramë kanabis sativa nga Policia e Gjirokastrës, ndërsa shoferi i makinës është larguar duke përfituar edhe nga errësira. Burime zyrtare nga uniformat blu të Gjirokastrës kanë bërë të ditur se, makina që transportonte lëndën narkotike si pasojë e ndjekjes nga policia dhe shpejtësisë së madhe ka dalë jashtë rruge.

 
Drejtuesi i makinës me inicialet R. B., 28 vjeç, duke parë se nuk kishte rrugë shpëtimi i ka vënë flakën makinës duke djegur edhe lëndën narkotike. Gjithçka ka ndodhur rreth orës 03:00 të mëngjesit të sotëm.
 
Specialistët e Sektori Kundër Narkotikëve në Policinë e Gjirokastrës kishin marrë informacione se një automjet tip Volvo me targa greke YKP 3974 po transportonte një sasi rreth 250 kilogramë kanabis sativa nga Lazarati në drejtim të kufirit jeshil me destinacion Greqinë.
 
Rreth orës 03:20, automjeti është konstatuar se po lëvizte me shpejtësi të madhe në aksin rrugor në drejtim të Jergucatit. Në ndjekje të automjetit janë vënë specialistët e Sektorit Kundër Narkotikëve.

 
Lajme Shqip Monday, 25 November 2013 14:01

Tiranë– Blutë e kryeqytetit në kuadër të operacionit policor “STUHIA-2″, ka bërë të mundur sekuestrimin e 32 kg kanabis si dhe arrestimin e poseduesit të drogës.

Në pranga ka rënë 64-vjeçari Enver Maxhaku, lindur dhe banues në Shëngjergj Tiranë.Në vijim të operacionit“Stuhia” dhe hetimeve disa ditore, në ngarkim të 64-vjeçarit, u arrit të përcaktohet vendodhja e drogës dhe e autorit, duke bërë të mundur arrestimin në flagrancë të tij, në fshatin Urë, komuna Shëngjergj Tiranë.

Kapja në flagrancë e 64-vjeçarit u bë në stanin e tij që ndodhej në Malin e Shtogut. Gjatë zhvillimit tëoperacionit nuk pati rezistencë nga ana e personit të arrestuar.
Sipas policisë, lënda narkotike e llojit Cannabis, ishte e kultivuar në pyjet e fshatit Urë të komunës Shëngjergj, dhe vendi ku lënda narkotike u sekuestrua ishte Stani i tij, me vendodhje në Malin e Shtogut. Lënda narkotike ishte e futur në tetë thasë, gati për tregun e shitjes (të brendshëm dhe të jashtëm). Gjatë kontrrollit në ambjentin ku qendronte i arrestuari është gjetur edhe një armë gjahu teke dhe dhjetra fishekë arme gjahu, për të cilat 64-vjeçari Maxhaku nuk dispononte leje nga organet kompetente.