Lajme Shqip Saturday, 26 October 2013 15:13

Beograd- U përcoll për në banesën e fundit me të gjitha nderimet shtetërore në Beograd bashkëshortja e Josif Broz Tito, Jovanka.

Jovanka Broz ndërroi jetë pas një ataku kardiak në moshën 88-vjeçare në kryeqytetin serb fundjavën e kaluar në moshën 88-vjeçare.

Ajo u varros përkrah bashkëshortit të saj në muzeoloumin “Shtëpia e Luleve” me të gjitha nderimet ushtarake për shkak të statusit si anëtare e dekoruar e luftës anti-naziste në Luftën e Dytë Botërore.

Për 3 dekada, Jovanka ishte Zonja e Parë e Jugosllavisë, ndërkohë që pas vdekjes së bashkëshortit, në vitin 1980, u tërhoq plotësisht nga jeta publike, por jo vetëm kaq, u përball edhe me akuzat e ngritura nga regjimi i Millosheviçit, njëra prej të cilave ishte edhe ajo e “tentativës për grusht shteti”.

Në një intervistë për gazetën serbe “Politika” në vitin 2009, e veja e Titos rrëfeu momentet e arrestimit.

“Erdhën në mes të natës më morën me forcë ashtu sic isha, pa mundur të marrë asgjë tjetër me vete. Isha në izolim dhe trajtohesha si një kriminele. S’mund të largohesha nga shtëpia pa shoqërimin e rojeve të armatosura”, tha ajo.

Në ceremoninë shtetërore mori pjesë edhe kryeministri serb, Ivica Daçiç që në fjalën e tij e cilësoi atë si krenaria e kombit, ndaj së cilës serbët kanë kryer “faje”. /top channel/

 
Lajme Shqip Wednesday, 21 August 2013 17:51

Beograd – Zbulimet e CIA-s se Josip Broz Tito nuk ishte me origjinë jugosllave, kanë bërë që Serbia të reagojë.
Historianë e gjuhëtarë serbë, thonë se nuk ka prova për të mbështetur pohimin e shërbimit amerikan CIA, se Josip Broz Tito nuk ishte me origjinë jugosllave.
Historianët thonë se nuk do të merren me analizën gjuhësore e as historike, por, siç thonë ata, kjo mund të shpjegohet nga qëndrimi i gjatë në vende të ndryshme dhe të mësuarit e gjuhëve të ndryshme, dhe kjo bënë që CIA mund të mendojë se Tito nuk ka qenë kroat, e as me prejardhje jugosllave.
Ata thonë se Tito kishte dialekt kroat, e cila gjuhë më shumë i ngjanë gjuhës sllovene, dhe se nëna e tij ishte sllovene, raporton Zëri.
Historianët thonë se Tito ka jetuar gjatë jashtë vendit, dhe ndoshta periudha më e rëndësishme e formimit të dialektit të tij ishte pikërisht periudha e Luftës së Parë Botërore dhe në periudhën midis dy luftërave, duke shtuar se Tito kurrë nuk e ka përfunduar plotësisht shkollimin e tij, dhe këtu mund të ketë keqkuptime.