Lajme Shqip Tuesday, 04 February 2014 15:12

Në Ministrinë e Energjisë dhe Industrisë u mblodh sot Komisioni Ndërinstitucional për bashkërendimin e punës në zbatim të projektit të gazsjellësit Trans Adriatik Pipeline (TAP).

TAP, Gjiknuri: Do gjenerojë mijëra vende pune

Në fjalën e tij, ministri i energjisë Damian Gjiknurindërsa e cilësoi projektin TAP si mjaft të rëndësishëm për pozitën e Shqipërisë, theksoi se vendi nuk duhet të mjaftohet me kaq por duhet të shfrytëzohen edhe benefitet ekonomike që rrjedhin nga ky projekt.

“Një detyrë e rëndësishme që del dhe që në ditët në vijim duhet të përfundojë dhe unë mendoj që brenda një viti Shqipëria do të ketë edhe masterplanin e saj për gazin. Jemi duke punuar me partner serioz ndërkombëtar,qoftë nga Azerbajxhani qoftë edhe nga institucione të tjera ndërkombëtare në mënyrë që ky proces të kryehet në kohë në mënyrë që Shqipëria të mos e humb shansin e saj dhe vendi të mos mjaftohet me faktin që në vend kalon një gazsjellës që është shumë e rëndësishme nga pikëpamja strategjike që ndikon direkt në sigurinë e Shqipërisë, në rolin që ka Shqipëria në rajon por edhe më gjerë, pasi ky gazësjellës furnizon Europën dhe pozita e Shqipërisë kthehet në një pozitë strategjike por për të marrë edhe benefitet më të mëdha ekonomike sai përket përfitimit të gazit në Shqipëri” tha Gjiknuri.

Ministri theksoi se projekti TAP pritet të gjenerojë mijëra vende të reja pune gjatë kohës që do të ndërtohet.

“Projekti TAP është shumë i rëndësishëm për vendin tonë, pasi ndryshon faqen e Shqipërisë. Puna e Shqipërisë për TAP është shumë e rëndësishme, pas disa vitesh do të kemi burime të reja energjie. Është një investim shumë i rëndësishëm dhe duhet të përgatitemi. Në këtë proces janë shumë ministri që duhet të punojnë si, ajo e Transporteve, e Drejtësisë, e Zhvillimit Urban, Mjedisi etj” tha ministri Gjinuri.

Gazsjellësi TAP do të sjellë gazin natyror nga Azerbajxhani në Evropë. Tubacioni TAP do të kalojë përmes Italisë, Greqisë dhe Shqipërisë. Kostoja totale e projektit është rreth 2.2 bilionë dollarë./albeu.com/

 

 

 
Lajme Shqip Saturday, 16 November 2013 17:45

Tiranë- Vitin e ardhshëm, drejtuesit eprojektit të gazit TAP do të nisin ndërtimin e rrugëve në zonat nga ku do të kalojë rrjeti i gazit në Shqipëri, në mënyrë që të jetë gati për ndërtimin e tubacionit në vitin 2015. Burime të Trans Adriatic Pieline (TAP). Ata thanë se në muajin shtator ka nisur procesi i shërbimeve dhe blerjen e tokës (LEA) në Greqi dhe Shqipëri, ku ekipet e punës po punojnë intensivisht për të identifikuar pronarët e ligjshëm në zonat nga ku kalon tubacioni, shkruan në numrin e së shtunës gazeta Shekulli.

Përveç diversifikimit në furnizimin me gaz për Europën, tubacioni i TAP-it do të sjellë përfitime të konsiderueshme ekonomike për Europën Jugore, veçanërisht edhe për Shqipërinë.Sipas një studimi të pavarur të “Oxford Economics”, në Shqipëri, zbatimi i TAP do të kushtojë përafërsisht 1 miliard usd çka do të nxisë aktivitetin ekonomik në tërësi dhe në zonat ku do të kalojë. Përfitimet lidhen edhe me punësimin, mbajtjen dhe krijimin e infrastrukturës, zhvillimin e potencialeve lokale dhe aftësitë.

Sipas studimit, ndikimi i drejtpërdrejtë i projektit do të arrijë kulmin në vitin 2017, pasi pritet që aktiviteti nga TAP të gjenerojë 57 milionë euro për PBB-në shqiptare, të krijojë 4.200 vende pune në vit, me kohë të plotë e të pjesshme.Nga studime të pavarura, nga zbatimi i projektit TAP Greqia do të mund të injektojë në ekonomi 1.5 miliardë euro, do krijohen rreth 2,000 vende pune të drejtpërdrejta dhe rreth 10,000 në mënyrë jodirekte si dhe një sinjal pozitiv për investitorët e huaj.

Aktualisht Shqipëria ka një prodhim minimal të gazit natyror, rreth 4-5 milionë m³, një sasi gati e parëndësishme dhe që shërben vetëm për të furnizuar proceset teknologjike të rafinerisë dhe industrisë së naftës. Pavarësisht përpjekjeve dhe inkurajimit të investitorëve të huaj, Shqipëria nuk është ende e lidhur me rrjetin ndërkombëtar të gazit, që kur të bëhet, do të ketë ndikim pozitiv në përmirësimin e situatës së energjisë në vend dhe ndikim shumë pozitiv në përdorimin me kursim të energjisë së përfituar nga produktet e naftës dhe energjisë elektrike.Shqipëria, përveç projektit TAP, synon dhe projektin e gazsjellësit Jon Adriatik, (IAP), që lidhet me planet e zhvillimit të rrjetit të gazit natyror në Ballkanin Perëndimor, nga Kroacia në Bosnjë & Hercegovinë, Mal të Zi dhe Shqipëri.

Projekti IAP do të jetë gjithashtu pjesë e Unazës së gazit të Komunitetit të Energjisë, si një projekt rajonal, i aprovuar nga Komuniteti i Energjisë dhe BE. Projekti i gazsjellësit IAP është aktualisht në fazën e kryerjes së studimit të fizibilitetit, me një fond prej 3 milionë eurosh nga BE.

Gazsjellësi Trans Adriatik (TAP) është një projekt i tubacionit të gazit natyror. Tubacioni do të niset nga Greqia, do të kalojë nëpër Shqipëri dhe Detin Adriatik dhe do të përfundojë në jug të Italisë, duke lejuar që gazi të rrjedhë drejtpërsëdrejti nga rajoni i Detit Kaspik drejt tregjeve evropiane./albeu/

 
Lajme Shqip Monday, 19 August 2013 17:07

Tiranë – Kryeministri Sali Berisha priti sot në takim kryetarin e Partisë Aleanca për Ardhmërinë e Kosovës, zotin RamushHaradinaj. Gjatë bisedës janë diskutuar projektet e Shqipërisë mes të cilave dhe ai i TAP pas interesit që shprehu kreu i AAK-së.

Haradinaj mes të tjerave çmoi figurën e Berishës dhe partneritetin që AAK ka me PD-në.
“Gjithashtu bashkëbiseduesit trajtuan tema të interesit të bashkëpunimit reciprok në fushën e ekonomisë, energjetikës, infrastrukturës etj.. Në këtë aspekt, zoti Haradinaj tregoi interes të posaçëm në lidhje me projektin TAP dhe mundësitë e Kosovës për të përfituar nga ky projekt energjetik madhor trans-europian. Kryeministri u shpreh se projekti TAP ka një rëndësi strategjike për sigurinë energjetike jo vetëm të Europës, por edhe të rajonit dhe siguroi se Kosova do të përfitojë në këtë kuadër”, thekson zyra për shtyp e kryeministrit.

Zoti Haradinaj u shpreh se kishte ndjekur me shumë interes zhvillimet politike në Shqipëri dhe përfitoi nga rasti për të shprehur kënaqësinë për partneritetin që AAK ka me Partinë Demokratike në Shqipëri. Të dy bashkëbiseduesit konfirmuan vazhdimësinë e këtij partneriteti dhe në të ardhmen.

“Zoti Haradinaj vlerësoi lart kontributin e Kryeministrit Berisha dhe mazhorancës së udhëhequr prej tij në demokratizimin dhe zhvillimin e Shqipërisë. Zoti Haradinaj çmoi projektet e mëdha të infrastrukturës të realizuara nga Kryeministri Berisha si një kontribut të jashtëzakonshëm për të sjellë shqiptarët së bashku dhe shprehu shpresën se këto projekte të nisura dhe reformat e ndërmarra nuk do të ndërpriten”, thekson më tej zyra e shtypit të kryeministrit në detyrë.

Nga ana e tij, Kryeministri Berisha theksoi se të gjitha arritjet e mëdha të Shqipërisë në kuadrin e integrimeve euro – atlantike lidhen vetëm me Partinë Demokratike, duke theksuar se një asimetri e tillë tregon mungesën e vullnetit të Partisë Socialiste, e reflektuar kjo në sjelljen destruktive të opozitës gjatë 4 viteve të shkuara, kur ajo bllokoi integrimin europian të Shqipërisë.Kryeministri nënvizoi se alternanca është ligjësi themelore e demokracisë, por ai theksoi se Partia Socialiste erdhi në pushtet përmes premtimesh të parealizueshme, prej të cilave që tani PS po tërhiqet, raporton albeu.

Në takim u bisedua në lidhje me zhvillimet politike në planin e brendshëm dhe atë ndërkombëtar të Kosovës. Vend të veçantë zuri procesi i zbatimit të marrëveshjeve midis Republikës së Kosovës dhe asaj të Serbisë, ku u theksua rëndësia themelore e zbatimit të tyre për konsolidimin jo vetëm të Kosovës por dhe të paqes dhe stabilitetit në rajon. Në këtë kuadër, zoti Haradinajtheksoi se ky proces do të vazhdojë të ecë përpara.

Me interes u trajtuan dhe temat e zhvillimit të infrastrukturës së përbashkët energjetike dhe shfrytëzimit të resurseve për prodhimin e energjisë në të dy vendet.

Më pas Kryeministri Berisha shtroi një drekë për nder të zotit Haradinaj dhe delegacionit që e shoqëronte.

 
Lajme Shqip Monday, 22 July 2013 16:20

Tiranë – Kryeministri Berisha priti sot në takim Ambasadorin e Estonisë për Shqipërinë z. Andres Talvik, me rastin e përfundimit të mandatit të tij.

Pasi i uroi përzemërsisht mirëseardhjen dhe vlerësoi marrëdhëniet e shkëlqyera midis të dy vendeve dhe qeverive, Kryeministri Berisha shprehu mirënjohjen për mbështetjen, bashkëpunimin dhe ndihmën që Estonia i ka dhënë Shqipërisë, në veçanti në sektorin e teknologjisë së informacionit dhe e-government, shkruan BW.

Ambasadori Talvik i shprehu Kryeministrit Berisha mirënjohjen më të thellë për bashkëpunimin dhe mbështetjen që Kryeministri Berisha dhe qeveria shqiptare i ka dhënë misionit të tij gjatë kësaj periudhe. Ambasadori Talvik vlerësoi progresin e jashtëzakonshëm që Shqipëria ka shënuar gjate kësaj periudhe në të gjitha fushat, në veçanti në reformat e lidhura me anëtarësimin në BE dhe uroi që bazuar mbi këtë progres, vendi ynë të marrë së shpejti statusin e vendit kandidat.

Në takim u vlerësua gazsjellësi TAP si një projekt me rëndësi strategjike për Shqipërinë, zhvillimin e ekonomisë së saj dhe rajonin, i cili përbën edhe një arritje të rëndësishme gjatë kësaj periudhe.

 
Lajme Shqip Tuesday, 16 July 2013 09:50

Tiranë – Sa mosmirënjohës janë këta shqiptarët. Nuk i panë gjithë këto arritje, që na vendosin të dytët pas Gjermanisë në Europë, por nxituan pas premtimeve të opozitës, që ishin edhe më bombastike se mrekullia ekonomike që ishte ndërtuar këtu, shkruan tema.
Kështu duket se mendon kryeministri Sali Berisha, që nuk i shkëputet dot rrjetit social, Facebook.
Kësaj here ai shkruan se Shqipëria ia doli duke e pozicionuar veten në një rol kyç për energjinë në Europë.
Sipas Berishës, pas anëtarësimit në NATO, gazsjellësi TransAdriatik është arritja më e madhe për Shqipërinë.
Kryeministri në largim ka publikuar një letër që i kanë dërguar drejtuesit e kompanisë zvicerane AXPO, e cila ka iniciuar e para projektin TAP.
Në letër falënderohet Berisha për punën e palodhshme dhe të paçmuar për suksesin e projektit TAP.
“Falë kësaj, Shqipëria dhe AXPO janë pozicionuar në mënyrën më të favorshme në rajonin e Kaspikut si dhe me partnerët europianë,” thuhet në letër.

 
Lajme Shqip Sunday, 07 July 2013 19:30

Tiranë – Pas miratimit të planit kombëtar sektorial për gazsjellësin Trans-Adriatik, përgjegjësi i sektorit të Hidrokarbureve në Ministrinë e Energjetikës, Stavri Dhima bën të ditura detajet e projektit që shndërron Shqipërinë në pikë kalimi të gazit natyror që vjen nga Azerbaxhani, me destinacion Evropën perëndimore.

“Pjesa shqiptare hyn në zonën e Korçës, në luginën e Devollit, afër Bilishtit. Më tej, vazhdon në Skrapar, del në Çorovodë, zbret në fushat e Beratit. Dalja në det është në zonën e Semanit në Fier, prej andej në Detin Adriatik del në Leçe të Italisë”, shpjegon zoti Dhima, raporton Top Channel.

75% e territorit shqiptar në të cilin do të ndërtohet TAP-i është tokë private e cila do të kompensohet në dy forma: “Nëse bëhet fjalë për trasenë, do të bëhet një kontratë qiraje, marrëveshje mes kompanisë TAP dhe pronarit. Atij i jepet një sasi të ardhurash për atë sipërfaqe ku përfshihet gazsjellësi. Kjo sasi i jepet pronarëve që në fillim. 
Për zonat në të cilat do të ndërtohen stacionet e valvulave apo kompresorëve që janë dy, Bilisht dhe Seman, do të kalojnë në pronësi të përhershme të TAP-it dhe do të bëhet kompensimi i tyre konform rregullave.”

Përdorimi i gazit natyror ul me 30 deri në 40% koston e energjisë. Pas marrjes së gazit të parë në 2019, qeveria shqiptare ka parakontraktuar një total prej 750 milionë metër kub gaz e që është parashikuar të shkojë për industrinë dhe TEC-et: “Konsumatorët e mëdhenj si TEC-i i Vlorës, Metalurgjiku dhe fabrikat e çimentos do të kenë një konsum të konsiderueshëm që do të jetë i disponueshëm që në fillim.”

Por e njëjta gjë duket se nuk do të ndodhë me konsumatorët e thjeshtë, pasi ndërtimi i tubacioneve për shpërndarjen e gazit natyror në familjet shqiptare kërkon një investim shumë herë më të madh: “Kjo lidhet edhe me nevojat për gaz. Pozicioni ynë gjeografik është i tillë që nuk e ka domosdoshmëri. Kjo mungesë emergjence bën që investimi të jetë i kujdesshëm.”

 

 

 
Lajme Shqip Thursday, 04 July 2013 13:00

Tiranë – Mbledhja e radhës e Këshillit Kombëtar të Territorit ka pasur në qendër miratimin e planit kombëtar sektorial për gazsjellësin TransAdriatik.

Kryeministri Sali Berisha tha se ky është një lajm i mirë për Shqipërinë, pasi i jep fund problemeve energjetike të Shqipërisë.

Berisha tha se në vitin 2019, në Shqipëri do të vijë gazi i parë nga fushat e Shah Denizit.

“Siç është bërë e njohur, gazsjellësi TAP sjell gazin e Shah Deniz në detin Kaspik në Europë dhe kalon në territorin shqiptar. TAP u përzgjodh nga konsorciumi si më i leverdishmi për të sjellë gazin e fushave kaspike në Europë. Sot ky është projekti më gjigand. Për herë të parë në histori peshku i madh nuk ha të voglin dhe TAP fillon me 40 miliard dollarë investim fillestar. Ky është vetëm fillimi, pasi fusha të tjera të mëdha gazi do t’i bashkohen në të ardhmen”, tha Berisha.

“Ky projekt rigjeneron të ardhur për shqiptarët duke filluar nga shpronësimet deri tek punësimet ku janë 10 mijë familje shqiptare që përfitojnë. Burimi i gazit nga ky gazsjellës do të mund të mbështesë totalisht si industritë e vendit, dhe përdorimin familjar dhe me një kosto shumë më të ulët. Projekti gjeneron të ardhura për buxhetin e shtetit. TAP është një ogur i bardhë për rezervat e mëdha të gazit që mesa duket ka Shqipëria” vijoi kryeministri.

“TAP është tani burimi më real, më i mundshëm, më i prekshëm i gazit. TAP fillon vitin e ardhshëm ndërtimin, përfundon në 2018 dhe në 2019-n Shqipëria merr gazin e parë”, raporton tema.

Berisha nuk ka harruar të falenderojë presidentin e Azerbajxhanit, Ilham Alijev, i cili sipas tij tregoi ndjenjat më miqësore ndaj Shqipërisë dhe shqiptarëve.

 
Lajme Shqip Saturday, 20 April 2013 12:36

Romë – Promovimi i ndërtimit të gazsjellësit Trans Adriatik Pipeline (TAP) ishte fokusi i takimit që u zhvillua në Romë mes përfaqësuesve të tre vendeve (Shqipëri-Greqi-Itali), ku pritet të kalojë ai. 

Zëvendësministrja e Jashtme shqiptare Edi Harxhi, zv.ministri i Tregtisë Eno Bozdo, zv.ministri i Jashtëm Italian Marta Dasu dhe zv.ministri grek i mjedisit Makis Papageorgiu, u takuan dje në Romë, në kuadër të vazhdimit të bashkëpunimit për ndërtimin e këtij gazsjellësi kaq të rëndësishëm për të tre vendet. 

Në takim u diskutua për krijimin e një grupi pune të përbashkët për koordinimin më të mirë midis tre vendeve, në mënyrë që të sigurohet mbështetje më efektive për procesin e përzgjedhjes së tij nga konsorciumi, që shfrytëzon vendburimet në Azerbajxhan, Shah Deniz II.

Veçanërisht optimist u shfaq zëvendësministri grek i Mjedisit, Energjisë dhe Ndryshimit të Klimës, Makis Papageorgiou. Pas përfundimit të takimit ai deklaroi se të tre vendet kërkuan për t’i dhënë një ton më strategjik bashkëpunimit të tyre në mbështetje të TAP.

“Ky është një projekt shumë i rëndësishëm, për të tre vendet tona. Për këtë arsye ne kemi krijuar një Këshill të Ministrave të vendeve tona, të cilët do të takohen rregullisht për të mbështetur dhe promovuar këtë projekt”, tha ai. Papageorgiou shtoi se kjo mbështetje do të jepet në të gjitha drejtimet, si për konsorciumin në Azerbajxhan ashtu edhe në Bruksel. 

“Eshtë e qartë se është ky projekt, që do të që zbatojë “Korridorin Jugor” të dizejnuar nga Komisioni evropian, i cili mundëson zhvillimin e rrjeteve dhe furnizimeve me gaz për Ballkanin dhe Evropën Juglindore. Ai është një projekt strategjik për vendet tona, ndaj duhet një përpjekje gjithëpërfshirëse për ta fituar këtë betejë”, përfundoi zv.ministri grek i Mjedisit.(LajmeShqip.com)

 
Lajme Shqip Wednesday, 10 April 2013 20:00

ATHINE- Parlamenti grek ka ratifikuar marrëveshjen ndërqeveritare mes Shqipërisë, Italisë dhe Greqisë për ndërtimin dhe funksionimin e gazjellësit TAP.

Marrëveshja mes tri vendeve është nënshkruar në Athinë më 13 shkurt 2013, ku është konfirmuar mbështetja e tre vendeve fqinje për bashkëpunim në zbatimin e projektit TAP.

Gazjellësi do të përbëje një nga projektet më të mëdha të investimeve të huaja në Greqi, dhe pritet të krijojë rreth  2.000 vende pune dhe në një periudhë pak më afatgjatë rreth 10.000 të tilla, duke i dhënë Greqisë një ndihmë të madhe. TAP-i është i vetmi opsion i tubacionit që kalon nëpërmjet Greqisë.

Ndërkaq, parlamenti shqiptar ka ratifikuar këtë marrëveshje më25 mars të këtij viti.

Gazsjellësi Trans Adriatik (TAP) është një projekt i tubacionit të gazit natyror. Tubacioni do të niset nga Greqi, do të kalojë nëpër Shqipëri dhe Detin Adriatik dhe do të përfundojë në jug të Italisë, duke lejuar që gazi të rrjedhë drejtpërsëdrejti nga rajoni i Detit Kaspik drejt tregjeve evropiane.(LajmeShqip.com)

 
Lajme Shqip Saturday, 06 April 2013 18:53

Tiranë – Ministria shqiptare e Ekonomisë, Tregtisë dhe Energjetikës dhe Projekti i Gazsjellësit Transadriatik (TAP) nënshkruan Marrëveshjen me Qeverinë e Vendit Pritës duke rënë formalisht dakord mbi termat e angazhimit për të ardhmen e tubacionit të Korridorit Jugor të Gazit. Marrëveshja përcakton rregullat sipas të cilave projekti do të realizohet dhe do të operojë në territorin shqiptar.

Pas kësaj marrëveshje dhe pas përfundimit të këtij projekti, këto tubacione do të kalojnë edhe nëpër shtetin e Kosovës.

Vetë Ministri i Zhvillimit dhe Ekonomisë Besim Beqaj, para disa ditësh ka konfirmuar se Kosova do të jetë pjesë e Korridorit Jugor të Gazit.

“Qeveria e Kosovës, do të ofrojë hapësirën e vetë për korridorin Jugor të Gazit dhe besojmë se kjo është në interesin tonë”, ka thënë Besim Beqaj.

Bëhet e ditur se ky projekt, pas Shqipërisë do të nis për Kosovë. Vetëm në Shqipëri Investimi i TAP llogaritet të jetë 1 miliard euro për afro 209 kilometra tubacione

Kjo përfshin procese të blerjes dhe servitutit të tokës, zbatimin e standardeve teknike, të sigurisë për komunitetin, si dhe rregulloret për lejet. Pas ratifikimit të pritshëm nga Kuvendi në javët në vazhdim, MQP-ja do të kthehet në një ligj të plotë dhe të zbatueshëm.

“Është firma ime e parë në këtë institucion dhe kjo më bën vërtet krenar, që kjo firmë përkthehet në miliarda dollarë investime të drejtpërdrejta ose indirekte, në mbi 20 mijë vende pune, në më shumë të ardhura dhe në jetë më të begatë për qytetarët shqiptarë”, tha ministri Florion Mima.

TAP është një nga burimet më të mëdha të investimeve të huaja në Shqipëri, që do të sillte prurje madhore të ardhurash në vend. Për më tepër, projekti do të luajë një rol madhor në zhvillimin e tregut shqiptar të energjisë, si dhe në çuarjen përpara të objektivit të qeverisë për t’u kthyer në një nyje gazi në Europën Juglindore.

Pikat e planifikuara të daljes në vend dhe një instrument i rrjedhjes në drejtim të kundërt do të ndihmojnë në përforcimin e sigurisë së furnizimit, ndërsa ekziston edhe një mundësi për zhvillimin e depozitave të gazit natyror në Fier.

“Sot (dje) vendoset një tjetër gur i rëndësishëm themeli për Projektin e Gazsjellësit TransAdriatik, duke treguar edhe njëherë gatishmërinë tonë për të përmbushur afatet kohore të Konsorciumit të Shah Deniz-it”, deklaroi Kjetil Tungland, drejtori menaxhues i TAP.

Gazsjellësi do të transportojë gaz natyror nga fusha gjigante e Shah Deniz II në Azerbajxhan, përmes Greqisë dhe Shqipërisë, për në Itali, prej ku mund të transportohet më tej për në Europën Perëndimore, në sasi nga 10 deri në 20 miliardë metër kub në vit.(LajmeShqip.com)