Lajme Shqip Thursday, 29 August 2013 17:15

Tiranë – Regjimi i Assadit në Siri dyshohet se ka përdorur Zarin-a, një nga lëndët helmuese luftarake nga më të rrezikshmet e ndaluar rreptësisht nga Konventat Ndërkombëtare ndaj popullsisë civile.

Dyshimi hidhet nga Qemal Poçi është Doktor i Shkencave Toksikologji-Veterinari, Profesor i asociiuar, i cili në një intervistë për ‘Dita’-n, tregon edhe disa eksperimente që ai ka drejtuar kryesisht në 1978 në Shqipëri ku është përdorur kjo lëndë për testime.

Ai shpjegon edhe përdorimin e Zarin-it në frontin e luftës, pasojat dhe mënyrën e identifikimit të saj në terren nga ekspertët e OKB-së, pasi sipas tij, ‘gjurmët e një masakre të tillë, nuk mund të fshihen’…

“Për mendimin tim, në Siri është përdorur armë kimike, si njëra nga armët e dëmtimit në masë… Dihet se prodhimi i armëve të dëmtimit në masë (kimike, biologjike, termobërthamore), me konventë ndërkombëtare është i ndaluar. Këtë konventë e kanë firmosur të gjitha shtetet anëtare të OKB-së, duke përfshirë dhe shtetet kryesore që i kanë këto rezerva në sasi të konsiderueshme. Për mendimin tim, në Siri është përdorur grupi i lëndëve helmuese luftarake neuro-paralitike, ose siç quhen ndryshe, gaze nervore” shprehet Poçi.

video: http://www.youtube.com/watch?v=9cY5dfxFwc4

 
Lajme Shqip Tuesday, 27 August 2013 16:43

Damask – Ministri sirian i Punëve të Jashtme, Walid Mouallem, tha sot se vendi i tij do të mbrohej në rast sulmi nga perëndimorët, dhe se kishte në dispozicion mjete mbrojtjeje që do të befasonin botën.

“Jemi përballë dy alternativave, ose të dorëzohemi, ose të mbrohemi me mjetet që kemi në dispozicion. Alternativa e dytë është ajo e duhura, ne do të mbrohemi”, deklaroi ai gjatë një konference shtypi në Damask.

“Të sulmosh Sirinë nuk është gjë e vogël. Ne kemi mjete mbrojtjeje që do t’i habisin të gjithë “, shtoi Mouallem.

“Ne po dëgjojmë alarmin e luftës rreth nesh. Nëse ata duan të ndërmarrin një sulm ndaj Sirisë, mendoj se alibia e armëve kimike nuk është ajo e duhura. I sfidoj të më tregojnë provat që zotërojnë”, nënvizoi shefi i diplomacisë siriane duke iu referuar perëndimorëve.

“Informacionet e shpërndara nga administrata amerikane për përdorim armësh kimike janë të rreme”, nënvizoi ai.

Rusia paralajmëron pasoja katastrofike nëse ndërhyhet në Siri

Rusia paralajmëron se një sulm mbi Siri do të kishte pasoja katastrofike. Për Rusinë përpjekjet për të anashkaluar Këshillin e Sigurimit të OKB-së për herë të njëqindtë krijojnë pretekste artificiale të pabazuara për ndërhyrje ushtarake në rajon.

Deklarata erdhi nga ministria e Jashtme ruse nëpërmjet zëdhënësit të saj, Alexandër Lukashevich, i cili theksoi se pasojat katastrofike do të ishin për Lindjen e Mesme dhe Afrikën e Veriut.

Edhe një ditë më parë, shefi i diplomacisë ruse, Sergei Lavrov u shpreh kundër një ndërhyrjeje në Siri. /BW/

 
Lajme Shqip Wednesday, 14 August 2013 18:54

Damask- Organizara bamirëse turke, IHH, ka rekrutuar qindra muslimanë shqiptarë dhe i ka dërguar ata në Siri pas trajnimeve ushtarake në Turqi, të që marrin pjesë në kryengritjen e armatosur kundër qeverisë në Damask, kanë thënë burimet për agjencinë e lajmeve FNA.
“IHH, e cila operon nën petkun e religjionit dhe aktiviteteve bamirëse dhe operon në koordinim të plotë më Ministrin e Jashtëm turk, Ahmet Davutoglu dhe ekstremistët vahabistë të Saudisë, ka kohë që kanë rekrututua dhe transferuar një numër prej 769 shqiptarëve për në Siri, duke iu bashkangjitur kështu të ashtuquajturës Ushtria Çlrimtiare siriane”, ka thënë një burim për agjencinë, i cili ka dashur të mbetet anonim.
Burimi i cili ka vërejtur ekzistimin e një programi të tillë dhe ka desertuar vetëm pas dy javësh luftime në Siri, ka shtuar se ata të cilët janë rekrutuar nga IHH “janë transferuar për në Turqi nga Tirana dhe kanë mbajtur trajnime nga oficerë të pensionuar amerikanë në bazën ushtarake të quajtur Reyhanli në provincën jugore turke, Hatay”.
“Të fundit që janë rekrutuar ka qenë një grup prej 90 shqiptarësh të cilët kanë fluturuar për në Stamboll me kompaninë ‘Turkish Air’, numër 1078 në qershor të vitit 2013, ka vazhduar më tej burimi. I pyetur për shkakun se pse ai ka dezertuar, burimi ka thënë: “Derisa IHH ofron ndihmën e rekrutimit për në Ushtrinë Siriane, rreth 450 muslimanë shqiptarë kanë dezertuar Brenda pak javësh, dhe u janë bashkangjitur grupeve të lidhura me al-Qaedën, në vecanti i ashtuquajturi “Fronti al Nusra”. Burimi, i cili është kthyer në Shqipëri pasiqë ka thënë se ai ka parë krime lufte që janë kryer nga grupe terroristësh kundër civilëve sirianë.
Ai ka thënë se nuk e ka takuar familjen e tij pas rikthimit në Shqipëri, pasiqë ka qenë tepër i shqetësuar nga reagimet e inteligjencës turke, duke shtuar se familja e tij e ka parë pasiqë është arratisur nga Tirana. Në qershor, dhjetëra oficerë të pensionuar të ushtrisë amerikane, kanë marrë pjesë në trajnimin e njerëzve nëpër Turqi, për ti përgatitur ata për luftën në Siri. Ndërkaq IHH ishte themeluar nga Stamboll në vitin 1991 me pjesëmarrjen e politikanëve si kryeministri turk, Necmettin Erbakan. Me kalimin e viteve, organizata është distancuar nga partitë politike. Që prej fillimit të luftës në Siri, ata kanë një rol aktiv në rekrutimin e njerëzve për të luftuar përkrah kryengritësve në Siri. /Lajmeshqip/