Lajme Shqip Saturday, 16 November 2013 13:30

Shkup- Ka kaluar një vit i tërë që ende shmanget vendosja e përmendoreve të tre personaliteteve shqiptare të rëndësishme në historinë e kombit shqiptar.   

Tre përmendoret shqiptare, që duhej të ndryshonin karakterin monoetnik të projektit “Shkupi 2014”, kanë ngecur  në fazën e derdhjes në bronz, ndonëse ky proces ka nisur që para shumë një viti.  

Në gusht të vitit 2012, Komuna Qendër kishte informuar se përmendoret e Nexhat Agollit, Josif Bagerit dhe të Pjetër Bogdanit do të vihen deri në fund të vitit 2012, ndërsa po vjen fundi i vitit 2013 dhe përmendoret shqiptare s’janë askund. 

Burime të “Zhurnal” kanë theksuar se vonimin e qëllimshëm të mosvendosjes së përemdnoreve shqiptare në qendër të Shkupit po e bën partneri i koalicionit shqiptar, partia maqedonase VMRO DPMNE, por kjo ndodhë edhe pasi nuk përfillet kërkesa e BDI-së që përmendoret shqiptare të vendosen sa më shpejtë dhe në këtë mënyrë të ndryshohet pak a shumë karakteri maqedonas i kryeqytetit. 

Pasi komunën Qendër të Shkupit në zgjedhjet e fundit lokale e kishte fituar partia opozitare LSDM, edhe pse këta të fundit patën deklaruar se do të bllokojnë gjithçka sa i përket projektit “Shkupi 2014”, për përmendoret shqiptare patën deklaruar se nuk do të bëjnë asnjë problem. 

Komuna Qendër do të heq dorë nga detyrimet e saj për një pjesë të ”Shkupit 2014”. Ajo planifikon të tërhiqet nga mirëmbajtja e gjitha përmendoreve dhe fontanave të projektit qeveritar.

Kryetari i komunës Andrej Zhernovski kishet deklaruar se Qyteti i Shkupit është përgjegjës për mirëmbajtjen e përmendoreve dhe nuk do të ketë ndonjë problem sa i përket përmendoreve shqiptare. 

“Me qëllim që të sigurohet menaxhim më efikas dhe ekonomik për objektet në fjalë, propozohet që ata t’i jepen për mirëmbajtje, mbrojtje dhe shfrytëzim Qytetit të Shkupit, me çka edhe mjetet e nevojshme do të ishin siguruar nga buxheti i qytetit”, thuhet në sqarimin e propozim-vendimit të nënshkruar nga Zhernovski. 

Thuajse të gjitha objektet që janë dashur të përfundohen në të njëjtën periudhë me përmendoret shqiptare siç ishin ishin skulpturat në urën “Syri” dhe në “Urën e artit”, përmendorja e Petar Çulevit etj, kanë përfunduar, ndërsa përmendoret për tre figurat shqiptare, 
Nexhat Agolli, Josif Bageri dhe Pjetër Bogdani nuk janë askund. 

Partia opozitare LSDM ka akuzuar qeverinë se ka harxhuar 60 milionë euro para të dyshimta nga anekse për projektin “Shkupi 2014”, më tepër se kontratat paraprake.

Edhe për kundër këtyre milionave euro të harxhuara edhe nga paratë e shqiptarëve të Maqedonisë, mbeten ende pa u realizuar përmendoret e figurave shqiptare.

 
Lajme Shqip Thursday, 01 August 2013 13:30

Shkup – Në Maqedoni ka filluar një garë e ndërtimit të përmendoreve, skulpturave, pllakave përkujtimore etj., ndërmjet maqedonasve dhe shqiptarëve. Në fshatrat ku kishte luftuar UÇK-ja gjatë vitit 2001 dhe në vendet ku kishin rënë dëshmorët, thuajse çdo kund është ndërtuar nga një kompleks përkujtimor.

Të njëjtën gje po e kanë bërë dhe po e bëjnë maqedonasit. Rast më i freskët është ndërtimi i një pllake përkujtimore në Neproshten të Tetovës, ku maqedonasit dëshirojnë t’i përkujtojnë të zhdukurit e tyre gjatë konfliktit të vitit 2001.

Besim Hoda nga OVL e UÇK-së e konsideron provokim një gjest të tillë, kryetari i komunës së Tearcës ku bën pjesë ky fshat thotë se s’kanë dhënë leje për një pllakë të tillë, kurse Nazmi Azizi kryetar i bashkësisë lokale thekson se kjo nuk iu pengon shqiptarëve, pasi edhe ata kur ndërtuan përmendoret për dëshmorët e UÇK-së, askush nga maqedonasit nuk u ankua, transmeton DW.

Por çfar ënë të vërtetë po ndodh në Maqedoni. Profesori Ilija Acevski konsideron se ekziston një garë për ndërtimin e përmendoreve ndërmjet shqiptarëve dhe maqedonasve.

“Shoqëria në Maqedoni është e ndarëm kurse me ndërtimin e përmendoreve kushtuar konfliktit të vitit 2001, kësaj ndarje i vendohen ‘themele më të forta’. Kjo garë e përmendoreve do të vazhdojë edhe më shumë”, thekson Acevski.

Ndërkaq, profesori Sunaj Raimi konsideron se gjenerator i ndërtimit të dyfishtë të përmendoreve është fakti se askush nuk e sqaron se çfarë ndodhi në vitin 2001.

“Pala maqedonase konsideron se kjo ishte një lloj agresioni ose një luftë e instaluar. Tentohet që të gjithë të vrarët nga radhët e forcave policore-ushtarake të konsiderohen si njerëz që e mbrojtën Maqedoninë, kurse pjesëtarët e UÇK-së konsiderohen si sulmues. Tek shqiptarët krijohet përshtypja se maqedonasit nuk mund të kuptojnë se arsye për luftën ishte mohimi i të drejtave të tyre elementare. Duke pasur parasysh se shteti bëhet i shurdhër e qorr, dhe nuk i sheh ndjenjat e njëjta te shqiptarët, ata janë të detyruar që vetë të organizohen me qëllim që t’i respektojnë dhe nderojnë njerëzit që humbën jetët e tyre për arritjen e barazisë politike dhe të drejtat e etnikmit të tij”, tha Raimi për DW, transmeton “Zhurnal”.

Shpesh gjenden edhe pohime se “ekspansioni i skulpturave” është rezultat i “skulpturomanisë së Nikolla Gruevskit”.

 
Lajme Shqip Friday, 17 May 2013 22:25

Shkup – Me 1 qershor, në Ohër do të mbahet Samiti për bashkëpunim rajonal në të cilin do të marrin pjesë 16 kryesues të shteteve dhe qeverive të vendeve pjesëmarrëse në Procesin e Bashkpunimit në Evropën Juglindore (PBEJ), ku nikoqir i të gjithë këtyre do të jetë Gjeorgje Ivanov, presidenti i Maqedonisë.

Sa I përket ftesës për pjesëmarrje të presidents së Kosovës, Atifete Jahjaga apo kryeministrit, Hashim Thaçi në këtë samit, nuk ka asnjë konfirmim nga kabineti I presidentit Ivanov. Edhepse, më herët mediet raportonin se në këtë samit është e ftuar edhe Kosova. Ndërsa, është konfirmuar prania e presidentit serb, Tomislav Nikoliq dhe kryetarit të Asamblesë së Përgjithshme të OKB-së, diplomatit serb, Vuk Jeremiq.

Pikat e rendit të ditës, në këtë samit, do të jenë temat për bashkëpunim rajonal dhe dialog për partneritet dhe fqinjësi të mirë në Evropën Juglindore, por edhe temat mbi zvogëlimin e rreziqeve nga katastrofat si dhe adaptimi ndaj ndryshimeve klimatike.
Deri tani pjesëmarrjen e kanë konfirmuar presidenti i Shqipërisë, Bujar Nishani, presidenti i Bullgarisë Rosen Plevneliev, presidenti kroat Ivo Josipoviq, Presidenti rumun Trajan Basesku, presidenti serb Tomislav Nikoliq, presidenti slloven Borut Pahor, presidenti i këshillit të Bosnjë- Hercegovinë Nebojsha Radmanoviq si dhe ministri i jashtëm turq, Ahmet Davutoglu. Në kuadër të këtij samiti janë ftuar edhe përfaqësues të tjerë të lartë të OKB-së, Bashkimit Evropian, etj. 
Ndërkohë, mospraninë në këtë samit deri tani e ka paralajmëruar presidenti grek, Karolos Papulias.  

 
Lajme Shqip Monday, 22 April 2013 18:18

Shkup – Projekti “Shkupi 2014” i përmendoreve në sheshin e Shkupit nga viti 2008 deri tani ka arritur një shifër financiare mbi 207 milion euro.

Kjo u bë e ditur sot në një konferencë të përbashkët nga ministrja e Kulturës, Elizabeta Kançeska – Milevska, kryetari i deritanishëm i komunës Qendër, Vladimir Todoroviq dhe drejtori i Shërbimit për punë të përgjithshme dhe të përbashkëta të Qeverisë së Maqedonisë.

Ministrja e Kulturës Kançeska – Milevska theksoi se konferenca është thirrur për të parandaluar të gjitha spekulimet dhe defokusimin e opinionit lidhur me realizimin e këtij projekti. Në këtë konferencë në detaje janë prezantuar të gjitha specifikacionet dhe dokumentet për të gjitha harxhimet dhe investimet financiare për objektet, skulpturat dhe përmendoret e përfshira në kuadër të projektit “Shkupi 2014”.

Ministrja Kançeska – Milevska tha se të gjitha projekt – marrëveshjet kanë qenë transparente dhe të publikuara nga Byroja për furnizime publike.

Duke u pyetur se përse është tejkaluar shuma prej 80 milion eurove ashtu siç ishte prezantuar projekti “Shkupi 2014” në vitin 2008, ministrja Kançeska – Milevska tha se kjo shumë ishte si fazë fillestare dhe se shumë ndërtime nuk ishin paraparë në projektimin e parë.

“Kjo shumë prej 207.872.492 euro është bërë nga rindërtimet dhe plotësimet, zgjerimet, por megjithatë nuk bëhet fjalë për 500 milion apo

1 miliardë euro, ashtu siç dëgjojmë nga disa media. Këto spekulime aspak nuk janë të vërteta”, theksoi ministrja e Kulturës.

Financimet nga Ministria e Kulturës

33 skulptura – 886 mijë euro

3 shelgjet –      270 mijë euro

“Porta Maqedoni” –  mbi 5,1 milion euro

Muzeu për Luftën Maqedonase – 13, 3 milion euro

Teatri i Vjetër i Shkupit ( i papërfunduar) – 36,8 mil

ion euro

Filharmonia e Shkupit ( i papërfunduar)  – 7,4 milion euro

Muzeu Arkeologjik – 8,2 milion euro

 

Financimet nga Komuna Qendër

Totali prej 55 milion e 418 mijë euro

 

Drejtoria për punë të përgjithshme dhe të përbashkëta të Qeverisë së Maqedonisë (SOZR)

Ndërtesa e Ministrisë së Jashtme – 19,2 milion euro

 
Ndërtesa e Prokurorisë dhe Policisë Financiare – mbi 14 milion euro (akoma pa përfunduar)

Objektet e Gjykatës Kushtetuese, Muzeut Arkeologjik dhe Arkivit Shtetëror – 27,6 milion euro

Si dhe projekte tjera ndërtimore prej rreth 10 milion euro.

Ministrja e Kulturës dhe kryetari i deritanishëm i komunës Qendër, Todoroviq kanë theksuar se nuk frikësohen nga asnjë lloj revizioni dhe se projektet janë realizuar plotësisht në mënyrë transparente. Ministrja Kançeska – Milevska theksoi se me këtë projekt nuk janë penguar investimet në sektorë të tjerë. Sipas saj për ndërtimin dhe realizimin e projektit, në vitin 2008 janë ndarë 0,5 për qind nga buxheti shtetëror, 2009 – 0,76 për qind, 2010 – 1,1 për qind, 2011 – 2,2 për qind, 2012 – 1,6 për qind dhe 2013 – 1,3 për qind nga buxheti i përgjithshëm vjetor. (INA/LajmeShip.com)

 
Lajme Shqip Sunday, 04 November 2012 12:30

SHKUP – Janë rreth 40 skulptura me emra të personaliteteve historike maqedonase dhe botërore, përfshirë edhe emra të carëve dhe knjazëve rus e bullgar, papës, e deri tek Mbreti i Jordanisë.

Përveç emrave të personaliteteve historike ndërkombëtare, në këtë ndërtesë janë të vendosur edhe skulptura gjigante me figura me veshje kombëtare, historike të burrave dhe grave ballkanase, por të përvetësuara si veshje tradicionale historike maqedonase.

Në mesin e këtyre skulpturave janë edhe ato me veshje serbe dhe bullgare, që janë të shkruara në tabelat e vendosura.

Punonjësit shqiptarë në MPJ theksojnë se të paktën duhej vendosur një figurë historike shqiptare, që ka të tilla të njohura si Nënë Tereza, apo edhe figura tjera të personaliteteve eminente historike shqiptare. “Sigurisht se duhet të ketë, por ne nuk jemi të thirrur për tu përgjigjur për këtë. Përgjigja duhet të vijë nga personalitete që kanë funksione të larta zyrtare, se përse të paktën një figurë simbolike shqiptare nuk është vendosur apo një elemente veshjeje apo tradite shqiptare, meqë dihet se edhe ne jemi pjesë e këtij vendi”, theksoi për INA një punonjës i kësaj ministrie.

Ndërtimi i ndërtesës së re të MPJ është pjesë e projektit “Shkupi 2014”. Ajo është ngritur menjëherë përskaj lumit Vardar në pjesën qendrore të Shkupit, ndërsa kostoja e projektit ka arritur në 16 milion euro. (INA)

Skulpturat e vendosura:

1.    Anton Martin Slomshek  – poet, prif katolik dhe një nga rilindësit e sllavizmit në shekullin 19.
2.    Benito Juarez – Politikan, reformator, themelues i sistemit republikan dhe lideri i parë i Meksikës.
3.     Boris Safarov – revolucionar maqedonas
4.    Bronislav Geremek – disident, historian dhe diplomat i mirënjohur
5.    Karl Manerheim – Marshalli finlandez dhe oficer si pjesë e ushtrisë së kalorësisë ruse
6.    Kirili i Madh – udhëheqësi më i fuqishëm antik persian
7.    Dag Hammarskjold – diplomat suedez dhe fitues i çmimit të Nobelit për Paqe
8.    Mbreti rus Pjetri i Madh – si një reformator i madh për modernizimin e Rusisë
9.    Jaroslav I Mudri – knjaz rus i Kijevit si reformator që solli legjislacionin e parë

Si dhe figura të tjera si: Xhorxh Uashington, Jitzak Rabin, Uinston Churchil, Robert Shuman, Jean Mone, Nelson Mandela, Konrad Adenauer, Mbreti i Jordanisë  Hussein, Justiniani i Parë, etj.

 
Lajme Shqip Friday, 02 November 2012 17:04

Shkup – Reagimi i presidentit bullgar, ka ardhur pasi që presidenti i Maqedonisë, Gjorgje Ivanov i ka dërguar një letër në të cilën kërkon festimin e përbashkët të ngjarjeve historike, duke përfshirë Ditën e Evropës, ditën e njohjes së vendit nga Bullgaria dhe ditën e vendosjes së marrëdhënieve diplomatike midis dy vendeve.

Ai ka theksuar se nuk planifikon të vazhdojë korrespodencën me letra me homologun maqedonas. Duke komentuar propozimet e Ivanov për festimet e përbashkëta, Plevneliev është përgjigjur: “Ato propozime janë shumë larg nga ato data që Bullgaria vlerëson se duhet të jenë datat për festime të përbashkëta. Jo vetëm një apo dy data, por duhet më shumë, data që janë evropianizuese dhe të njohura më parë si dhe të vërteta. Përse të mos festojmë Goce Dellçev”.

Plevneliev ka thënë se është koha që midis Shkupit dhe Sofjes të shkohet në zgjidhje konkrete për çështjet e hapura.

Një numër i madh i personaliteteve historike të rilindjes bullgare festohen edhe në Maqedoni, si personalitete historike kombëtare si revolucionarët Goce Dellçev, Jane Sandanski, Nikolla Karev, por edhe datat për Shën Kirilin dhe Metodin. Instituti i Historisë në Sofje i ka propozuar Shkupit më parë një listë datash që kanë një histori të përbashkët dhe identifikohen me personalitete të njëjta historike që kanë luftuar për një kauzë të përbashkët.

Presidenti bullgar Rosen Plevneliev ditë më parë në takimin me evrokomisionerin për zgjerim, Shtefan Fyle ka theksuar se në Maqedoni po shënohet rritje e trendeve të retorikës nacionaliste, raportit diskriminues ndaj qytetarëve me përkatësi bullgare dhe barriera administrative për biznesin dhe investimet bullgare. (INA)

 
Lajme Shqip Tuesday, 16 October 2012 16:29

Shkup – Kongresi i katërt ndërkombëtar i ekologëve në Strugë, përveç debateve dhe promovimit të nismave të ndryshme, zgjoi kureshtjen edhe për çështje tjera.

Ajo që u ka rënë në sy  shumë pjesëmarrësve në këtë Kongres, ishte pllakati nga “Programi për rimëkëmbjen e rrëqebullit të Ballkanit”, me një përmbajtje mjaft interesante. Në këtë material promovues  shkruan se: “Rrëqebulli është simbol nacional kombëtar maqedonas!.

Pos pllakatit, është shpërndarë edhe një broshurë-fletëpalosje, kushtuar këtij programi, në të cilin pos tjerash thuhet: “ Rrëqebulli është simboli ynë kombëtar dhe krenaria e maleve të Ballkanit. Mbijetesa e tij është në pikëpyetje dhe mbetet në duart tona. Ndërgjegjja dhe vetëdija e njerëzve janë faktorët kryesor për mbijetesën e tij”.
Këto  të dhëna gjinden edhe në web faqet: www.mes.org.mk dhe www.ppnea.org, ndërsa informacione më të hollësishme plotësuese mund të gjinden në ëb faqen: www.catsg.org/balkanlynx.

Historianë të Shoqatës së Historianëve Shqiptarë në Maqedoni të pyetur për skandalin theksojnë se “nëse rrëqebulli (lat. Lynx lunx balcanicus) na qenka simbol kombëtar maqedonas, atëherë ata shtrojnë pyetjen se pse “luani” promovohet dhe përdoret si simbol kombëtar në stema partiake, institucionale dhe në bustet e vendosura në kuadër të projektit “Shkupi 2014”. (LajmeShqip.com)

 
Lajme Shqip Wednesday, 13 June 2012 17:24

Shkup – Patriotizëm i rremë dhe tentim për të shëruar komplekse, kështu i cilësoi  akuzat e një dite më parë të PDSH-së, sekretari i përgjithshëm i BDI-së, Abdilaqim Ademi, në një konferencë për shtyp në selinë partiake në Shkup, ku ka prezantuar një sërë dokumentesh që dëshmojnë se shumë projekte nga megaprojekti “Shkupi 2014”, janë miratuar nga qeveria 2006-2008.

Ademi ka adresuar breshëri akuzash ndaj PDSH-së, duke i quajtur krerët e tyre si “përçarës të votës shqiptare dhe përbuzës të Luftës Çlirimtare të vitit 2001”. Sekretari i BDI-së ka vënë në dukje dhe shumë “mëkate” të tjera të PDSH-së gjatë qeverisjes së saj për dy vitesh me VMRO-DPMNE-në.

“Shqiptarët e Maqedonisë asnjëherë nuk do të harrojnë që PDSH dhe drejtuesit e saj ishin historikisht promotorët e përçarjes së votës shqiptare. Shqiptarët e Maqedonisë dhe në rajon asnjëherë nuk do të harrojnë deklaratën e Menduh Thaçit kur e quajti UÇK-në ‘terroristë’ dhe u shpreh që ‘qeni i keq ta sjell ujkun te dera’ duke aluduar në UÇK-në. Shqiptarët asnjëherë nuk do të harrojnë që PDSH, edhe pse i humbi zgjedhjet në vitin 2006, theksoi që ‘çdo tenxhere e ka kapakun e vet’ duke dëshmuar se për PDSH-në, vota e shqiptarit nuk vlen dhe shitet për pjesëmarrje në Qeveri”, ka theksuar Ademi.

Shqiptarët, shtoi Ademi, asnjëherë nuk do ta harrojnë uzurpimin 16 muajsh të institucioneve shtetërore të PDSH-së, pa vullnetin e shqiptarëve, uzurpim që solli moratorium për çështjet etnike,  mosnjohjen e Kosovës, instalimin e regjimit me viza me Shqipërinë, respektimin e marrëveshjes Serbi – Maqedoni mbi kufirin e Kosovës, mosrealizimin e demarkacionit, abrogimin e Ligjit për Flamur, inferioritetin dhe servilitetin ekstrem, gërmimet politike në Kalanë e Shkupit dhe shumë padrejtësi institucionale ndaj shqiptarëve”, ka vijuar akuzat sekretari i BDI-së, për të rikujtuar më pas edhe “kasaphanën” e 1 qershorit të vitit 2008.

Ademi ka akuzuar gjithashtu se zanafilla e kishës në Kala ndodhet tek gërmimet e filluara në mars të vitit 2007, kur siç ka thënë, “PDSH uzurpoi institucionet e vendit dhe udhëhiqte Ministrinë e Kulturës pasi kishte përdhosur votën shqiptare”. “Më 11 shkurt të vitit 2010, nënkryetari i PDSH-së, Iljaz Halimi, do të deklarojë: ‘mua më së paku mund të më pengojë të ndërtohet kishë, inshalla edhe tre kisha tjera le t’i ndërtojnë në sheshin e Shkupit’ duke konfirmuar vendimin e marrë nga ana e PDSH-së për ndërtimin e kishës ortodokse mbi shtëpinë e lindjes së Nënës Terezë. Shqiptarët e dinë shumë mirë se autori ekskluziv i projektit Shkupi 2014 është PDSH-ja gjatë qeverisjes së paligjshme dhe drejtimit të Ministrisë së Kulturës nga Arifhikmet Xhemaili”, është shprehur Ademi.

Sipas tij, vendimi për projektin “Shkupi 2014” është marrë më 20 janar të vitit 2008, koha kur “qeveria e PDSH-së miratoi vendimet për projektin monoetnik dhe monofetar, projekt të cilit BDI ia ndryshoi tërësisht karakterin duke përmirësuar gabimet trashanike të PDSH-së”.

“Ndërsa sa i përket vendosjes së kryetrimit shqiptar, Gjergj Kastrioti Skënderbeu në qendër të Shkupit dhe pretendimeve të PDSH-së, Bashkimi Demokratik për Integrim shpreh kënaqësinë që për herë të parë, që nga viti 2006. kur e kemi vendosur atë shtatore, PDSH shpreh mirënjohje dhe gatishmëri ta pranojë atë si një të arritur të madhe për të gjithë shqiptarët. Andaj, ftojmë PDSH-në që ta nderojë kryetrimin shqiptar pas gjashtë viteve dhe të festojë bashkë me të gjithë shqiptarët ndërtimin e sheshit më të madh në Ballkan, sheshit Skënderbeu”, ka thënë Ademi. (LajmeShqip.com)

 
Lajme Shqip Wednesday, 14 September 2011 18:08

Shkup – Përmendoret e personaliteteve shqiptare Pjetër Bogdani, Josif Bageri dhe Nexhat Agolli, pjesë e projektit “Shkupi 2014”, janë duke u përpunuar nga skulptorët dhe pritet që në muajin tjetër të vendosen në qendrën e Shkupit.

Këtë e ka bërë të ditur zëdhënësi i Bashkimit Demokratik për Integrim (BDI), Bujar Osmani, ndërsa edhe nga Komuna qendër kanë dhënë informata të ngjashme.

“Duhet ta keni parasysh se përmendoret e personaliteteve shqiptare nuk janë duke u vonuar me qëllim apo diçka të ngjashme, por sikur se e dini, propozimi për përpunimin e tyre është dorëzuar më vonë se sa për përmendoret maqedonase, prandaj për arsye logjike deri më tani nuk janë në sheshin e Shkupit, për kohën që duhet kaluar të përgatiten të njëjtat“, ka thënë zëdhënësi i BDI-së.

Ai ka shtuar se BDI kur është bërë pjesë e Qeverisë e ka gjetur projektin “Shkupi 2014” të gatshëm dhe mono-etnik. “Për këtë arsye ne bëmë përpjekje për ta pasuruar atë me figura shqiptare, që projekti të pasqyrojë prejardhjen multi-etnike të vendit, dhe propozimi u pranua nga Komuna Qendër. Tani ato përgatiten nga autorët dhe presim që së shpejti të jenë gati”, ka thënë Osmani.

Ndërkaq, edhe nga Komuna Qendër kanë konfirmuar të njëjtën. “Përmendoret e personaliteteve shqiptare të projektit ‘Shkupi 2014’ janë në fazë të përpunimit”, është përgjigjur shkurt zëdhënësi Jovica Ackovski. Sipas vendimit të miratuar më 16 qershor, në në një seancë të Këshillit të Komunës Qendër, duhet që Nexhat Agolli të jetë i vendosur afër Goce Dellçevit në sheshin Maqedonia, Pjetër Bogdani në parkun “Zhena -borec”, ndërsa Josif Bageri do të qëndrojë para Teatrit të vjetër. Përmendoret do të jenë në lartësi prej afër pesë metrash, ndërsa, sipas kryetarit të komunës, Vlladimir Todoroviq, vlera e tyre do të jetë prej rreth 70.000 eurosh.

Sipas të dhënave, skulptorja Lindita Beqiri është duke punuar përmendoren e Pjetër Bogdanit, themelues i letërsisë shqipe. Ideja e saj u zgjodh në konkursin e Komunës, për çka do të fitojë 200.000 denarë. Ndryshe, ky projekt tanimë e ka kaluar shumën prej 80 milionë eurove, për të cilat Qeveria vërtetonte se do të kushtojë projekti. (LajmeShqip.com)

 
Lajme Shqip Sunday, 21 August 2011 15:51

Shkup – Në vend të statujës me kokën e Lekës së Madh, e cila tani është e vendosur në terminalin e ndërtesës së vjetër të Aeroportit të Shkupit, i paraparë të pozicionohet në ndërtesën e re, aty është vendosur përmendore e re e Lekës.

Drejtori operativ i TAV-it, Murat Ornekoll ka thënë se janë marrë vesh me Ministrinë e Transportit dhe Lidhjeve të vendoset përmendore e re e Lekës së madh në hyrjen të ndërtesës së terminalit e cila do jetë e lartë 1.5 metra.

“MTL-ja e ka kaluar përmendoren e re. Kjo në një farë mënyre do jetë edhe dhuratë për Aeroportin e ri”, ka thënë Murat Ornekoll.

Përmendorja e Lekës së madh me ngjyrë bronz e lartë 13 metra kohë më parë është vendosur edhe në shatërvanin e sheshit të qytetit. Komuna Qendër zyrtarisht e shpalli vendosjen e luftëtarit mbi kalë, e cila nuk ndodhi edhe për përmendoret e tjera të cilët u vendosën gjatë periudhës së kaluar kurse janë pjesë nga projekti qeveritar “Shkupi 2014”.

Nga Komuna qendër kanë thënë se i tërë projekti për ndërtimin e shatërvanit, skulpturës dhe pjesët e tjera shoqëruese financohet në disa vite buxhetore, me respektim të plotë të normave dhe procedurave ligjore. (LajmeShqip.com)