Lajme Shqip Thursday, 04 October 2012 20:06

Tiranë -Kryeministri Sali Berisha nisi një konferencë për shtyp me mediat rreth orës 18:00 të pasdites, ndërsa u tregua i hapur të përgjigjet para gazetarëve për cdo lloj pyetje dhe për cdo lloj cështje. Greva e ish-të përndjekurve, takimet me nxënësit e shkollave, buxheti, të ardhurat nga privatizimet, statusi në BE ishin disa nga temat që kryeministri preku në këtë konferencë.

Ai u ndal të komentojë ndër të tjera edhe akuzat e vazhdueshme të Partisë Socialiste për Ministrinë e Mbrojtjes, e ministrin Imami lidhur me shitjen e armëve kompanive të dyshmita serbe, e njerëzve që bëjnë pjesë në listën e zezë të OKB-së, sic pretendojnë socialistët. Për Berishën kjo është një fushatë e organizuar shpifjesh, ndërsa akuzoi opozitën se është e përlyer në trafiqe të shumëllojshme. “Është një fushatë e organizuar, e strukturuar shpifjesh, trillimesh banale ndaj një institucioni që përfaqëson vendin me dinjitet edhe në zonat më të nxehta ku vendi operon. Në rast se e keni ndjekur për 2 muaj rresht shpifën dhe trilluan se është përgjuar opozita e amabasadat dhe nuk sollën dot dhe as një fakt të vetëm. E vërteta është krejt tjetër, këtyre iu djeg shumë tregtia transparente se kanë histori lyerjesh dhe përlyerjesh në trafiqe, të përfolura dhe të denoncuara, të shumllojshme”, komentoi ai. 

Kryeministri Berisha shtoi më tej se dokumentat e publikuara nga deputeti Brace përbëjnë sekret shtetëror, prandaj sic tha ai, “Botimi i dokumentave të klasifikuara për llogari të atyre që i paguajnë, ata që e bëjnë kryejnë vepër penale, do përgjigjen para ligjit. Tregtia e armëve është legjitime. Ata që veprojnë për llogari të grupve të trafikut, do përgjigjen para ligjit”, tha ai.

Ish-të burgosurit do marrin c’ju takon me ligj, PS iu tregoi brrylin
Duke folur për grevën e të burgosurve politikë Berisha tha se të gjitha gjërat që i takojnë me ligj të gjithë ish-të burgosurit do t’i marrin, ndërsa nuk nguroi ta cilësojë atë si grevë politike. Berisha komentoi se në një vend demokratik lejohen protestat, ndërsa tha se gjatë gjithë kohës që partia e tij ka qënë në qeveri e ka mbështetur dhe dëmshpërblyer këtë kategori. “Shqipëria vend i lirë, në këtë vend janë të garantuara protestat paqësore. Për sa i përket kapitullit të të përndjekurve politikë që në themelim të saj kjo parti i ka ata aleatë të saj dhe në epiqendër të vëmendjes”, tha Berisha, ndërsa akuzoi të majtët që në 8 vjet qeverisje nuk bënë asgjë për ish-të përndjekurit politikë.

“Në 8 vjet PS i privoi nga të gjitha të drejtat ligjore. Nuk mund të shkruani ju gazetarët as një fakt të vetëm, ndihmë, dëmshpërblim që PS i dha kësaj shtrese të martirizuar. Di që 4 a 5 i bëri konsuj e ambasador për të thënë që i kemi ndihmuar, ndërsa të tjerëve ju tregoi brrylin”, komentoi Berisha. 

Berisha komentoi më tej se qeveria e tij ka hartuar një kuadër të plotë ligjor për këtë kategori. “Kur erdhëm në pushtet hartuam një kuadër ligjor unik në mbarë Europën dhe Botën. Kurrë nuk do gjeni një kuadër ligjor të tillë, e kanë përcaktuar vetë ata. Ka faturë të madhe, por është i drejtë, dëmshpërblimi për ditën e ndëshkimit. Ne parashikojmë dëmshmpërblim të plotë për vitet e burgut, ekzekutimin dhe format e tjera, kemi shpërndarë miliarda lekë, gjatë këtyre viteve, kjo është e vërteta. Kjo shpërndarje, janë mbi 11 mijë dosje, për secilën prej këtyre dosjeve është dhënë kësti i parë, vazhon dhënia e këstit të dytë, është marrë një vendim me këkresën e tyre që të kenë përparësi ata që janë mbi 65 vjec, është marrë edhe një vendim që t’ju jepet e gjithë shuma atyre që janë mbi 85-vjec”, shtoi ai. 

Kryeministri tha më tej se të gjithë ata që kanë hyrë në grevë e kanë marrë këstin e parë të dëmshpërblimit, ndërsa tha se një gjë e tillë nuk ka qënë e mundur për ata që s’kanë dorëzuar në kohë, sic përcakton ligji dokumentacionet. “Unë kam respekt për cdo lloj kundërshtie politike ndaj meje, kur këta përdorin kamerat dhe thonë s’kemi marrë asnjë këst, thonë një të pavërtetë të madhe. Unë sot ju them se në mënyë absolute kanë marrë këstin e parë, në përputhje me ligjin edhe të dytin, ligji thotë që duhet të jenë mbi 65 vjec. Kush ka dorëzuar dokumentat në afatn ligjor kanë marrë atë që ju takon, ata që s’kanë dorëzuar dokumentat s’kanë marrë asgjë”, komentoi ai më tej. 

Takimet në shkolla, Berisha: Biseda me nxënësit interesant jo fushatë, do vijojë
Duke iu referuar akuza se kryeministri po përdor një retorikë të ashpër politike me nxënësit gjatë ceremonive të përurimit të shkollave të reja në vend, Berisha vlerësoi se bashkëbisedimi me ta ishte më interesanti, pasi bëhet fjalë për ëndrën jo vetëm të vendit, por ëndrrën e të ardhmes së tyre Europiane. “Diskutimi me të rinjtë është nga më interesantët dhe aspiruesit në jetën time. Unë nuk kam deklaruar se Edi Rama po trillon kur flet për 1 milionë të papunë. Unë nuk ju kam deklaruar se Edi Rama po dezinformon kur thotë se ka një kolaps të biznesit të vogël. Unë kam përzgjedhur të diskutoj një gjë shumë të madhe për ta dhe vendin. Ëndrrën e tyre. Pasi ëndrrat më të pastra i kanë ata. I them Ramës mos u shqetëso fare, në takimet e mija me ta nuk do ketë temë tjetër përvec ëndrrës së tyre evropiane. Sot ata janë shumë larg nga ajo që ne mund të mendojmë me ta. Sot ata në atë moshë kanë një dialog që ne se kemi pasur. Kush mërzitet të fikë televizorin”,- deklaroi Berisha. 

“Fushata fillon sipas kodit midis datës, nga 10 -15 maj ndaj gjer atëherë nuk bëhet fjalë për fushatë elektorale. Ju garantoj se unë do respektoj fushatën. Për herë të parë në historinë e këtij vendi unë dekretova përjashtimin e të gjitha mjeteve të administratës në fushata dhe kjo ndodhi. Se të kujtohet ty, kur unë mora makinë me qera dhe kundërshtarët me thanë ke blerë makinë të rej. Kjo do të ndodhë edhe ne fushatën e ardhshme. Unë mbetem i angazhuar në këtë zotim”,- shtoi Berisha.

Statusi, Berisha: Rama do pazare, as Shesheli me Millosheviçin nuk e bënin
Kur vetëm pak ditë na ndajnë nga marrja e përgjigjes së progres-raportit të bërë nga Shqipëria për rrugën e saj Europiane, kryeministri Berisha theksoi se ai është një proces i cili bazohet tek meritokracia. Numri 1 i ekzekutivit akuzoi kreun e opozitës Edi Rama se po përpiqet të bëjë pazare me statusin në një moment vendimtar, ashtu sic bëri me liberalizimin e vizave. “Unë marr këtë proces si proces të merituar. Se cili do jetë vendimi nuk mund të them, por si qeveri dhe personalisht bëj gjithçka për të përmbushur ato detyrime që rrjedhin nga ky proces që i bën qytetarët shqiptarë më të lirë dhe të begatë. Ndaj i besoj këtij procesi, natyrisht ky është një proces jo vetëm i angazhimit qeveritar, por sic është bërë i ditur kërkon angazhimin e të gjithë faktorëve politikë, nuk është sekret për askënd se në Shqipëri si në asnjë vend të Europës, as Shesheli as partia e Milloshevicit nuk janë ngritur dhe kanë bllokuar reformat sic ka bërë grupi i neobllokmenëve. Në vitin e parë qëndruan jashtë Kuvendit. Vitin e dytë u organizua përpjekja për të rrëzuar qeverinë si në asnjë rast tjetër dhe u rrethua KQZ, për të marrë mandat me dhunë. Unë bënë përpjekje më të papranueshme për bllokimin e vizave me vallen e famshme hap kutitë të cliroj vizat. Këto në gjeografinë politikë të europës nuk ekzistojnë.”,- deklaroi Berisha. 

Kryeministri Berisha duke ju referuar ‘mollës së sherrit’ e cila nga nxehur gjakrat mes palëve politike, shprehu vullnetin për të zbatuar cdo vendim gjykate, por duke shtuar se Rama do të ndikojë Gjykatën e Lartë me cështjen e Qarkut të Fierit. “Cfarë kërkon ai që ato që ka hedhur poshtë Gjykata e Lartë ti hedh poshtë. Rama kërkon mocionin aktual të qarkut të Fierit, pasi 50 këshilltarët nuk të votojnë ty, por ai kërkon tek unë pazar, sic bënte hap kutitë të liberalizohen vizat. Jam i vendosur të respektoj cdo vendim gjykatash, por parime themelore nuk shkelen. Në ligjet për vendorët në dy nene, sanksionohet të drejtën e këshillave të bashkive dhe komunave për të zgjedhur dhe shkarkuar përfaqësuesit në këshillin e Qarku. Ai përdor këto si pretekst.”,- theksoi Berisha. 

Reklamat shtetërore, qeveria i ndau vetëm për 3 TV kombëtare
Kryeministri Birisha duke theksuar se qeveria e tij 4 deri 6 herë më pak shpenzime për reklama se qeveritë e rajonit, theksoi se ajo i ka shpërndarë reklamat e saj vetëm në 3 TV Kombëtare. “Qeveria ime është e detyruar me Kushtetutë, të informojë qytetarët shqiptarë dhe nëse ka një gjë që e ka lënë mangut është reklama dhe informimi mediatik në shtypin e shkuar dhe mediat elektronike, ne kemi shpenzuar 4 deri 6 ehrë më pak se cdo qeveri e rajonit. Ne i jemi përmbajtur parimit 3 TV Kombëtare, po të kishim para absolutisht secilit prej jush do i jepnim, fryma është e ndarjes së barabartë. Qeveria nuk sulmon asnjë media, respekton cdo media”,- deklaroi Berisha.

Prokuroria, Berisha: I takon presidentit, kam besim tek Nishani
Teksa mandati i kryeprokurores Ina Rama po shkon drejt fundit, shefi i qeverisë theksoi se kreu i ri i organit të akuzës i takon me Kushtetutë Presidentit të Republikës.
“Unë duhet të siguroj qytetatër shqiptarë, se kjo mazhorancë është e vendosur të respektojë ligjet e vendit, pavarësinë dhe ndarjen e institucioneve të vendit, kam besim të plotë tek trajtimi dhe mënyra e ushtrimit të kompetencave nga ana e presidetiti. Sic e dini Prokurori i Përgjithshëm emërohet nga Presidenti dhe votohet në Kuvend. Nuk kam asnjë koment tjetër përvec besimit se zoti Nishani do zbatojë me përpikëmëri ligjet dhe Kushtetutën e vendit, që është votuar në Parlament. ”, – theksoi Berisha. 

Zgjedhjet, Berisha: Lajtmotivi i Ramës, të bashkojë fundërrimat kundra meje
Duke iu referuar zgjedhjeve të 2013, sipas kryeministrit Berisha, opozita e ka bërë zgjidhjen e saj thirrjet e fundit kundra qeverisë, ndërkohë shtoi se edhe këtë radhë do marrin disfatën.“Ju e dini se problemi i zgjedhjeve të qershorit Rama e ka zgjidhur, fundërrina bashkoheni të mundim Berishën, të ndalemi tek ky lajtmotiv që kanë zgjedhur, e para kjo është fyerje shumë e rëndë e së matjës, nëse dilet me moton të bashkohemi me cdo fundërrimë të mundim Sali Berishën, imagjinoni se cfarë kënete do ketë përballë Berisha. Së dyti me duhet të them se këta nuk do kenë disfatën, por fshesën. 

Kryeministri Berisha theksoi se i takon financimit kodi elektoral ka rregulla transparente, ndërkohë vlerësoi se beteja do jetë shumë e bukur, pasi PD qëndron me kuotat më të larta të mbështetjes ndër vite sipas tij. “Nga një anë kam thirrjen e tyre bashkohuni kundër Berishës, nga ana tjetër kam Partinë Demokratike në kuatoat me të larta në historinë e saj. Beteja që vjen do jetë betejë e shkëlqyer e bukur, më vjen keq që kundërshtari im i lejon vetes, motive nga zëdhënësit e saj më besnikë, e fyen të majtën që i thotë të bashkohemi me cdo fundërrimi, duke i thënë bashkohuni me Berishën. Kodi i ri ka përcaktaur rregulla me transparente sa i përket financimit. Më detyrove të bëj analizë të hershme të një problemi, por nuk mund të mos bëhem edhe njëherë avokat i së smajtës. Mbase nuk më takon, por kur fyen të majtën duhet t’aa transmetoj”,- tha Berisha. 

Të ardhurat e privatizimeve, destinacion qytetarin
Kryeministri Sali Berisha u shpreh sot se, të ardhurat e privatizimeve do të kenë si destinacion kryesor qytetarin. “Ato do të shndërrohen në rrugë, shkolla, ujësjellës, kanalizime, në rritje të re të rrogave dhe pensioneve, politikë kjo konstante e jona”, u shpreh Kryeministri. “Shqiptarët e kanë të qartë, ne nuk i largohemi detyrimit tonë. Ato do të shndërrohen në mbështetje të fuqishme të biznesit dhe zhvillimit rural. Të mos harrojmë që investimet kolosale janë bërë në Shqipërinë rurale”, tha Berisha.

Në lidhje me buxhetin 2013, Kryeministri theksoi se, “buxheti 2013 do të jetë më i madhi në histori. Shqipëria do të vijojë axhendën e saj për të qenë një vend i zhvilluar brenda vitit 2017. Buxheti do të garantojë rritje makorekonomike. Buxheti mbetet një megabuxhet që vendi nuk e ka njohur më parë”. Sipas Kryeministrit, gjithçka synojmë është nxitje e rritjes ekonomike dhe të punësimit. “Qëllimi përfundimtar i të gjitha reformave tona, është punësimi. Dhe kjo po funksionon. Nuk them se nuk ka të papunë, por papunësia po ulet sipas të gjitha statistikave”, tha kreu i qeverisë.

FMN nuk ka vënë në diskutim rritjen ekonomike në Shqipëri
“FMN nuk ka vënë në asnjë rast në diskutim rritjen ekonomike të shpallur në Shqipëri, por në shumë raste ka korrigjuar parashikimin e saj”, deklaroi sot Kryeministri Sali Berisha. Berisha tha se, “ka një histori 6 vjeçare të një diskordance madhore mes parashikimit të FMN-së dhe rritjes së vërtetë ekonomike në Shqipëri”. “FMN është një institucion shumë serioz, gjigand dhe shumë i rëndësishëm me vështrim global, i cili nuk pretendon të ketë monopolin e të vërtetës, por ka meritën që kur nuk parashikon saktë e korrigjon”, tha Berisha. Ai theksoi se “nuk është qeveria shqiptare që ka korrigjuar aq shumë parashikimin e saj, por FMN ka korrigjuar parashikimin e tij për Shqipërinë”. “FMN nuk ka vënë asnjëherë në diskutim rritjen ekonomike të shpallur, sepse në çdo rast është e ftuar të marrë dokumentacionin dhe ta shqyrtojë dhe ka patur raste që e ka bërë këtë. Midis parashikimeve të FMN-së dhe rritjes konkrete në Shqipëri ka patur dallime disa herë”, tha Berisha.

Përsa i përket taksës së biznesit, Berisha kujtoi se “kjo taksë sot është 67 mijë lekë ndërsa Edi Rama e kishte vendosur 147 mijë lekë”. “Sot ne morën një vendim që kushton shumë më tepër për buxhetin siç është heqja e TVSH-së për makineritë. Kjo për buxhetin do të thotë 3 herë më shumë humbje, por në fakt kjo masë nxit punësimin, inkurajon sipërmarrjet dhe instalimin e ndërmarrjeve prodhuese”, tha Berisha.(LajmeShqip.com)

 
Lajme Shqip Wednesday, 03 October 2012 16:22

TIRANË – Ministri i Punëve Publike dhe Transporteve, Sokol Olldashi  tha se prapa gjoja skandalit të reklamave qeveritare fshihen interesa ekonomikë shumë të ngushta të dy personazheve, të Koço Kokëdhimës dhe Besnik Sulës.

Në një konferencë për shtyp, Olldashi solli një panoramë të shpërndarjes së njoftimeve dhe spoteve televizive nga Edi Rama, në kohën kur ky i fundit ka qenë në krye të Bashkisë së Tiranës.

Ai tha se njoftimet e tij, Rama i ka publikuar vetëm në gazeta klientësh, spotet në televizionet klintëve të tij apo të kontrolluar politikisht, prodhimin e ka bërë në tri kompani që kanë një pronar, dhe më pas i ka transeruar nga këto kompani tek motra e këshilltarit të tij, Juela Mazniku Shamku.

Gazeta e partisë, siç e quajti Olldashi, gazetën Shekulli,  në 5 vite ka marrë nga Bashkia e Ramës, 98 milionë lek.  Në këtë llogari shtoi më tej Olldashi, nuk janë përfshirë 1 miliard e 247 milionë lek, detyrime fiskale të Kokëdhimës të fshira nga regjistri fiskal i Bashkisë.

Spotet në 2005 janë bërë nga Delta Publicity dhe MC Monitoring, po ti referohemi regjistrave të QKR-së kemi të njëjtat kompani, brenda tyre qëndron Edi Muka, i afërt me Edi Ramën, po kështu ka ndodhur edhe në 2006, vazhdoi Olldashi, ku të njëtat kompani kanë përfituar edhe prodhimin edhe transmetimin.

Në vitin 2007 janë plot 120 milionë lekë spote, theksoi Olldashi, një vit elektoral, ku sipas tij, Rama i ka shpërndarë spotet në tre televizione, Vizion Plus, News 24 me pronarë grupin EDISUD dhe  Top Channel.

Në vitin 2009 janë kompanitë Universal Group, Unlimited Media dhe Universal Albania, që sipas QKR-së janë e njëjta gjë, më të njëjtin pronarë që kanë prodhuar dhe transmetuar spotet. Po në 2009 edhe 2010, spotet i kanë kaluar një personi që quhet,  Juela Mazniku Shamku, motra e këshilltarit të Ramës.

Olldashi sqaroi se nën drejtimin e tij, ministria ka dhënë dy spote, të dyja spotet janë ndarë në mënyrë të barabartë mes tre televizioneve kombëtare. Klan, TCH dhe TVSH. (LajmeShqip.com)

 
Lajme Shqip Tuesday, 02 October 2012 12:22

TIRANË- Ashtu sic kishte paralajmëruar, Partia Socialiste ka dorëzuar në Prokurori dosjen për abuzimet me reklamat shtetërore.

Selia rozë bën me dije se ka dërguar paraditen e sotme në organin e akuzës dosjen për abuzime ndaj ministrit të Transportit Sokol Olldashi.

Vetëm pak ditë me parë, deputeti socialist ka bërë publike faktet reja duke nënvizuar shpërdormin nga ana e Ministrisë së Transportit, i cili sipas tij ka paguar 500 mijë $ për organin e Partisë Demokratike, RD. 

Në konferencën pë shtyp të mbajtur më 24 shtator, deputeti socialist, Eduard Shalsi, akuzoi ministrin e Transporteve, Sokol Olldashi, se ka shpërdoruar fonde të mëdha për gazetën partiake “RD” pa dhënë asnjë shpjegim për destinacionin e tyre. “Më dramatike është se Rilindja Demokratike ka marrë 500 mijë dollarë nga Ministria e Trabnsporteve, 100 mijë dollarë shkojnë për gazetën 55, dhe 200 mijë dollarë për gazetën Koha Jonë. Dhe nëse nëse do pyesni ku i keni gjetur janë në letrën që Sokol Olldashi i dërgon me 29 maj të këtij viti kolegun tim Erion Brace”,- deklaroi Shalsi. 

Deputeti i PS-së bëri me dije se opozita do nxjerrë fakte të reja në ditët në vijim, ndërkohë që do thirret në interpelancë çdo ministër për të dhënë llogari për këtë abuzim.(LajmeShqip.com)

 
Lajme Shqip Monday, 17 September 2012 18:40

Tiranë -Partia Socialiste ka bërë të ditur sot shpenzimet për reklama që kanë kryer disa ministri.

Deputeti Eduart Shalsi theksoi se paratë e taksapaguesve harxhohen nga qeveria që vetëreklamohet.  “Sot ne do të bëjmë publike shpenzimet e reklamave të disa ministrive, për t’i dhënë mundësi shqiptarëve të shohin sesi shpenzohen dhe ku shkojnë paratë e tyre. Afërisht 2 milion dollarë ka shpenzuar ministria e Lulzim Bashës për llogari të Sali Berishës. Shuma ekzakte 1 930 000 dollarë, duket e pabesueshme, por është e vërtetë. Një vit më pas, në vitin 2011, 1 milion dollarë për reklamë dhe propagandë qeveritare. Në vitin 2012, në 5 mujorin e parë, shifra kap 714 000 mijë dollarë”.

Më tej, Shalsi renditi me anë të një liste përkatësisht sesa para janë shpenzuar për reklamat në vite.

-Viti 2006 7 500 $
-Viti 2007 100 000 $
-Viti 2008 219 000 $
-Viti 2009 765 000 $
-Viti 2010 1 930 000 $
-Viti 2011 1 000 000 $
-Viti 2012 vetëm për 5 mujorin e parë 714 000 $

Deputeti Shalsi krahas shifrave të siguruara nga dokumentet zyrtare tregoi edhe kompaninë, e cila ka përfituar këto para. “Siç e shihni shifrat flasin qartë për nivelin e shpenzimeve reklamuese të Ministrisë së Brendshme, ku bie në sy fakti se është një kompani që menaxhon pjesën më të madhe: quhet Promo sh.p.k siç edhe e dëshmojne këto letra. Pra dhjetëra, qindra, miliona euro për reklama nga njëra anë dhe nga ana tjetër janë të njohura kushtet e vështira të punës dhe pagat e ulta të punonjësve të policisë, është fakt i njohur mospagesa e orëve të punës shtesë të policëve, mungesa e karburantit për makinat e policisë dhe gjithkush sjell në kujtesë pamjet e policëve që shtyjne makinat se s’kanë naftë, dhe për të vazhduar me mungesën e pranuar tashmë të logjistikës adekuate. Kjo është fytyra e vërtetë e qeverisë së Sali Berishës të cilën shqiptarët e dinë por që ne do t’ja u bëjmë edhe më të kuptueshme dhe më të qartë përditë”, tha Shalsi.

Sipas Shalësit, ajo që bie në sy është një kompani e pranishme në të gjithë këto vite, quhet ‘ Promo shpk’. “Nuk bëhet fjalë për reklama informuese, por për propagandë të pastër politike dhe e shitur tek klientela e drejtpërdrejtë mediatike e kryeministrit”. (LajmeShqip.com)