Lajme Shqip Tuesday, 10 January 2012 13:07

Prishtinë – Drejtori i Doganave të Kosovës, Naim Huruglica dhe shefi i zyrës ligjore të Doganave të Kosovës, Lulzim Rafuna janë deklaruar të pafajshem lidhur me aktakuzën për shpërdorim të detyrës zyrtare.

Ata e kanë konsideruar qesharake këtë aktakuzë të ngritur ndaj tyre nga Prokuroria Speciale e Republikës së Kosovës

Sipas tyre nuk ka asnjë shkelje ligjore sepse kompanitë shumë kohë para marrjes së vendimit për rritje të akcizës kishin paguar doganën dhe akcizën.

Në këtë rast është ish ministri Ahmet Shala si denoncues.

Dëmi sipas prokurorisë për buxhetin e Kosovës është rreth 5 mijë euro. Procesi vazhdon të mërkurën.

Dy zyrtarët më të lartë të Doganave të Kosovës u paraqitën sot në Gjykatën e Prishtinës nën akuzën për shpërdorim të detyrës zyrtare të ngritur nga Prokuroria Speciale e Republikës së Kosovës.

Ata mund të dënohen deri në 8 vjet burgim për veprime të paligjshme që kanë të bëjnë me importimin e duhanit.

Prokuroria Speciale i akuzon Naim Huruglicën dhe Lulzim Rafunën se në dhjetorin e 2008-së kishin lejuar importin e një sasie të madhe të duhanit nga kompanitë Gekos, Buqaj, Tabakos dhe Kosova Tobacco, përkundër një vendimi të Qeverisë së Kosovës që në fillim të janarit 2009 të ngritëj akciza për importimin e duhanit.

Prokuroria më 8 qershor të vitit të kaluar kishte ngritur aktakuzë kundër Huruglicës dhe Rafunën, se kishin kryer veprat penale, shpërdorimi i detyrës zyrtare ose i autorizimit dhe keqpërdorim i autorizimit në ekonomi.

Por aktakuza u hodh poshtë nga Gjykata duke mos e konfirmuar.

Por pas ankesës së prokurorit Special të EULEX-it të bërë në Gjykat, njëra pikë ishte konfirmuar duke hedhur poshtë kështu vendimin e një gjyqtari i cili nuk kishte konfirmuar asnjërën prej pikave të aktakuzës. Kjo ka bërë që këta dy zyrtarë të lartë të gjykohen për shpërdorim. (LajmeShqip.com)

 

 
Lajme Shqip Monday, 09 January 2012 20:22

Prishtinë – Dy zyrtarët më të lartë të Doganave të Kosovës duhet të lënë të martën të gjitha punët në Doganë për t’ju nënshtruar një procesi gjyqësor në Gjykatën e Prishtinës.

Drejtori i Doganave të Kosovës, Naim Huruglica dhe shefi i zyrës ligjore të Doganave të Kosovës, Lulzim Rafuna, këtë të martë duhet të ulën në bankën e të akuzuarve nën akuzën për shpërdorim të detyrës zyrtare të ngritur nga Prokuroria Speciale e Republikës së Kosovës.

Ata mund të dënohen deri në 8 vjet burgim për veprime të paligjshme që kanë të bëjnë me importimin e duhanit.

Prokuroria Speciale i akuzon Naim Huruglicën dhe Lulzim Rafunën se në dhjetor tw  2008-së kishin lejuar importin e një sasie të madhe të duhanit nga kompanitë Gekos, Buqaj, Tabakos dhe Kosova Tobacco, përkundër një vendimi të Qeverisë së Kosovës që në fillim të janarit 2009 të vendosej akciza për importimin e duhanit.

Gjykimi i Huruglicës dhe Rafuës do të bëhet vetëm për një pikë të aktakuzës. Prokuroria më 8 qershor të vitit të kaluar kishte ngritur aktakuzë kundër Huruglicës dhe Rafunës se kishin kryer veprat penale; shpërdorimi i detyrës zyrtare ose i autorizimit dhe keqpërdorim i autorizimit në ekonomi. Por këtë aktakuzë e pati hedhur poshtë Gjykata duke mos e konfirmuar.

Por pas ankesës së prokurorit Special të EULEX-it të bërë në Gjykatë, njëra pikë ishte konfirmuar duke hedhur poshtë kështu vendimin e një gjyqtari i cili nuk kishte konfirmuar asnjërën prej pikave të aktakuzës. Kjo ka bërë që këta dy zyrtarë të lartë të gjykohen për shpërdorim. (LajmeShqip.com)

 
Lajme Shqip Thursday, 09 June 2011 17:12

Prishtinë – Qeveria e Kosovës pritet të kërkojë dorëheqjen e krerëve të Postë-Telekomit dhe doganës, pasi EULEX-i ka ngritur aktakuzë për keqpërdorime ndaj tyre. Prokuroria speciale e Kosovës nën dyshimin për korrupsion ka ngritur aktakuzë për drejtorin e bordit të PTK-së Rexhe Gjonbalaj, drejtorin ekzekutiv Shyqyri Haxha si dhe pronarëve të kompanisë Devolli, Blerim e Shkëlqim Devolli dhe një personi tjetër. Po ashtu për korrupsion aktakuzë është ngritur edhe ndaj kreut të doganave Naim Huruglica. Burimet tona brenda ekzekutivit thonë se qeveria pritet t’u kërkohet dorëheqja Gjonbalajt, Haxhajt dhe Huruglicës.

Nëse gjykata përshpejton konfirmimin e aktakuzës ndaj krerëve të PTK-së dhe atij të doganave, qeveria do t’u kërkoj, sipas procedurave ligjore dorëheqjen Rexhë Gjonablajt, Shyqyri Haxhës dhe Naim Huruglicës.

Sipas të njëjtave burime aktualisht, përderisa zyrtarisht nuk është dhënë informacioni dhe nuk është konfirmuar aktakuza, nuk do të ketë veprime rreth pozicioneve të tyre. Aktakuza ngarkon shefin e bordit të PTK-së Rexhë Gjonbalajn dhe drejtorin ekzekutiv Shyqyri Haxhën për lidhje të kontratave të dëmshme për PTK-në me kompaninë Devolli për rrjetin mobil virtual “Dardafon”. Ata akuzohen po ashtu për shpërdorim të pozitës zyrtare dhe keqpërdorim i autorizimeve në ekonomi. Aktakuzë, gjithashtu për mashtrim dhe krim të organizuar është ngritur edhe ndaj pronarëve të kompanisë “Devolli”, Blerim e Shkëlqim Devolli. Ndërsa, drejtori i Doganave, Naim Huruglica dhe shefi i Zyrës Ligjore, Lulzim Rafuna dyshohen për shpërdorim të detyrës zyrtare dhe abuzim të autorizimeve ekonomike në një rast të importit të duhanit në dhjetor të vitit 2008.