Lajme Shqip Thursday, 03 October 2013 11:38

 

Ish- kryeministri i Britanisë së Madhe, Toni Bler, zbarkoi në Tiranë, ku ishte i pranishëm në mbledhjen e radhës së qeverisë së re.

 

Më pas ai doli në një konferencë për shtyp me kryeministri Edi Rama, ku u pranua se ai do jetë këshilltar i qeverisë së re.

 

Por zërave të shumtë se cila do jetë pagesa ndaj Bler, kryeministri Edi Rama iu përgjigj duke thënë se ai do vijë me kontribut vullnetar.

 

“Kryeministri Bler është në shërbimin tonë personalisht dhe tërësisht vullnetarisht. Për këtë dua t’i shpreh mirënjohjen për atë që bëri dhe të nënvizoj se sa e vërtetë mbetet doktrina e kryeministrit Bler lidhur me domosdoshmërinë për të vepruar në mbështetje të çdo populli që nuk mund të çlirohet dot i vetëm nga një diktaturë”, u shpreh Rama.

 

Vetë Bler u shpreh entuziast për misionin e tij të ri. Ai tha se do të ndihmojë për të ndërtuar një Shqipëri ndryshe.

 

“Jam këtu sepse besoj në këtë vend, tek ky popull dhe vizioni i progresit që është përcaktuar për të. Ideja e orientimit në BE është mjaft e rëndësishme. Është një perspektivë mjaft e mirë. Është një mundësi shumë e mirë bashkëpunimi që do të krijoni me vendet e rajonit. Ajo që është e rëndësishme për një qeveri, sidomos në mandatin e saj të parë, është që të realizojë ato gjëra që prekin gjërat e përditshme të njerëzve në këtë vend. Ajo që donim të bënim është të punojmë së bashku me Bankën Botërore të realizojmë projektin: Të kthejmë vizionin e objektivat në gjëra të prekshme. Sfidë e qeverisë është që gjërat të bëhen,” tha Bler.

 
Lajme Shqip Saturday, 28 September 2013 11:52

 

Qeveria e re, prej pak ditësh në detyrë, është ende e impenjuar në krijimin e stafit, në emërimet e drejtorëve të rinj apo me përgatitjen e zyrave të punës. Por pranë problemeve logjistike dhe teknike, qeveria e Edi Ramës është duke u përballur edhe me një temë shumë delikate: sigurinë informatike dhe përgjimet e paligjshme. Dyshimi i ngritur është i fortë: godina e qeverisë dhe zyrat e ministrive mund të jenë “të kontaminuara” me përgjues, dmth me “çimka” dhe “mikrospiunë”, të fshehur nga administrata e mëparshme,  e akuzuar shumë herë për përgjime joligjore.

 

“Kemi thirrur ekspertë për të kryer një kontroll – pohon për “Shqiptarja.com” një funksionar, i cili dëshiron të mbetet anonim – por sigurisht që kjo nuk mjafton. Për më tepër, nuk mund të kemi ende besim në besnikërinë e gjithë strukturave të Shtetit, e kësisoj duhet t’i hedhim hapat me kujdes të madh”. Teksa thotë këtë, duket se ka parasysh strukturat e SHISH, të cilat normalisht janë të ngarkuara për të kryer këto kontrolle antispiunazhi, por tek të cilat, me sa duket, administrata e re socialiste ende nuk ka besim.

Ndryshimet e mëdha këto ditë në selinë e Këshillit të Ministrave; të mobiljeve, pikturave dhe perdeve të hequra mund të kenë si qëllim të dytë edhe një pastrim radikal, me themel, që bashkë me pluhurin dhe sendet e vjetra synon të lëvizë edhe përgjueset.

 

Po kontrollohen edhe çelësat e mureve, ambazhurët, linjat telefonike, moketet, por edhe mobiljet, karriget, divanët e deri te fotokopjet: ka disa që përveçse fotokopjojnë dokumentet, fotografojnë përmbajtjen, duke ruajtur një kopje të materialit në një memorje virtuale, e cila më pas mund të “shkarkohet” edhe nga larg, duke përdorur një skedë të thjeshtë telefonike.

 

Problemi i sigurisë dhe frika e përgjimeve ilegale në dëm të anëtarëve të kabinetit të ri nuk i përket vetëm rrezikut të përgjimeve të telefonatave apo bisedave që bëhen në zyrë. Një shqetësim i madh i përket edhe rrjetit telematik të kompjuterëve, ku është më e lehtë që të fshihen sisteme të përgjimit, qoftë edhe në mjedis (përmes një kompjuteri është shumë e lehtë të dëgjosh fshehur atë që thuhet në zyrën ku është instaluar kompjuteri), por edhe sisteme të përgjimit të e-maileve, ku përfshihen dokumente, të cilat shkruhen në kompjuter dhe janë të paracaktuara për mbledhje të rezervuara.

 

Për të pasur një siguri absolute, kompjuterat do të kontrollohen një nga një, qoftë fizikisht, e sidomos edhe në programet e tyre. Në një kompjuter mund të fshihen software specialë (quhen keylogger dhe janë të padukshëm për sytë e njeriut joekspert), të aftë për të dërguar së jashtmi në mënyrë të fshehtë përmes rrjetit të internetit gjithë materialin përmbajtësor në atë kompjuter, duke përfshirë tekste dokumentesh, passëord të shtypur, fotografi dhe deri listën e faqeve të vizituara në web.

 

“Kontrolli i rrjetit informatik është një përparësi absolute – rrëfen më tej funksionari për “Shqiptarja.com” – por për të qenë të sigurt se nuk janë fshehur sisteme spiunimi ndaj punës sonë nevojitet shumë kohë dhe sidomos nevojiten ekspertë të ndershëm”.

 

Frika e përgjimit natyrisht nuk i përket vetëm selisë së Kryeministrisë, por edhe gjithë institucioneve ministrore (sidomos asaj të Brendshme, të Jashtme, të Mbrojtjes, të Financës), ku prej ditësh me pak njerëz dhe mjete ende të disponueshme po kryhen kontrolle teknologjike. Evitimi i përgjimeve të paligjshme është një përparësi për qeverinë e re jo vetëm për të garantuar konfidencialitetin e brendshëm, por edhe për të respektuar detyrimet mbi sekretet, vënë nga marrëdhëniet ndërkombëtare. 

 
Lajme Shqip Saturday, 11 May 2013 14:48

Vlorë – Kryetari i Partisë Socialiste në Shqipëri, Edi Rama ka marrë pjesë në aktiviteti e organizuar nga Bashkia e Vlorës për hapjen e sezonit turistik në këtë qytet. Rama u shpreh se Vlora është një qytet i harruar nga qeveria në Tiranë.
“Kjo nuk është dita për fushatën tonë elektorale, por është dita për fushatën e Bashkisë së Vlorës për sezonin turistik. Vlora ka ndryshuar shumë, por do të kishte ndryshuar shumë më tepër nëse do të kishte pasur një qeveri që do ta shikonte Vlorën me sytë e zemrës, e cila do të kishte sy për të parë të shkuarën e lavdishme”, u shpreh kreu i PS-së, raporton Noa.
Ai shtoi se edhe Kosova e sheh Vlorën si kryeqytetin e Shqipërisë.
“Vlora nuk e ka pasur një qeveri të tillë në Tiranë. Ka pasur një qeveri që e ka lënë Vlorën të izoluar nga pjesa tjetër e Shqipërisë dhe nga Kosova, sepse edhe Kosova e sheh Vlorën si kryeqytetin e shtetit shqiptar, si kryeqytetin e pavarësisë, si kryeqytetin e atyre parimeve dhe idealeve që bën të nis rrugëtimi i Shqipërisë evropiane”, u shpreh Rama.

 
Lajme Shqip Monday, 29 April 2013 15:22

TIRANË – Sot në Parlament u miratua vetem me votat e dathta ngritja e Komisionit Hetimor për incidentin e ndodhur në Vjenë mes kryetarit të PS-së, Edi Rama dhe diplomatit shqiptar pranë OSBE-së, Egin Ceka. 

Me 71 vota pro, asnje kunder e asnje abstenim Kuvendi ka miratuar ngritjen e Komisionit Hetimor.

Komisioni hetimor perbehet nga 9 deputete me kryetar Fatbardh Kadillin, nderkohe qe PS nuk ka caktuar anetaret, sepse nuk ishte prezente ne votim.

Votimi sot erdhi pasi grupi parlamentar i Partisë Demokratike depozitoi mesditën e së premtes në Kuvend kërkesën për ngritjen e një komisioni hetimor “për hetimin e fakteve, rrethanave dhe përgjegjësive të incidentit të datës 24 prill 2013 pranë Akademisë Diplomatike të Vjenës”.

Kërkesa e deputetëve të maxhorancës parashikon që objekti i punës së komisionit të jetë hetimi për zbardhjen e plotë të fakteve dhe rrethanave të incidentit të datës 24 prill, si dhe hetim të plotë të veprimeve dhe përgjegjësive të individëve të përfshirë në këtë incident. 

Gjate nje tryeze me gazetare, Kryetari i PS, Rama, objekti i ketij hetimit te ri parlamentar, u shpreh se ‘komisionet hetimore te qeverise Berisha kane deshmuar vetem deshtim dhe rrenim”.

KUVEND, 71 DEPUTETË VOTUAN PRO NGRITJES SË KOMISIONIT HETIMOR
Kuvendi miraton me 71 vota pro ngritjen e komisionit hetimor për hetimin e zbardhjen e ngjarjes mes Edi Ramës dhe Egin Cekës, në Vjenë.
Të pranishëm në seancë ishin vetëm 71 deputetë të djathtë, ndërsa opozita nuk ishte prezente në sallën e Parlamentit. “Kuvendi jep miratimin per hetimin e ngjarjes se tmerrshme qe ndodhi ne Vjene”, -tha Topalli ne pernfundim te votimit.

RAMA: 24 PRILLI, DITË E BUKUR T’I SHKULIM VESHIN VETES OSE TJETRIT. KOMISIONI HETIMOR NJË DËSHTIM
“Sa i përket përmbajtjes, kam parë se kam pasur një mbështetje të madhe publike, propozimi i Fate Velaj, ditë kombtërae të shkuljes së veshit.Do ishte një ditë e bukur ku secili tia shkulte veshin vetes, apo tjetrit për cfarë do nevojë për të reflektuar për të përmirësuar veten dhe një tjetrin. Do ishte ditë e vecantë, në 365 ditët e vitit shqiptar.”, kështu komentoi Rama sot gjatë një bashkëbisedimi me gazetarë cështjen e incidentit në Vjenë me diplomatin Ceka.

Sa i përket ngritjes së një komisioni hetimor për zbardhjen e ngjarjes në Vjenë me diplomatin Egin Ceka, Rama tha se komisionet hetimore kanë dëshmuar vetëm rrënim të mëtejshëm të qeverisë.
“Sa i përket veshit, shprehem i kënaqur që mora medaljen e radhës nga PD dhe kryetari i saj, që do të thotë komisionin hetimor të radhës. Megjithëse nga komisioni në komision shfaqet dështimi dhe rrënimi i qeverisjes, rrënimi i përgjithshëm i PD që sot është një parti familjare”, tha Rama.

KONFERENCA E KRYETARËVE ‘OK’ KËRKESËS SË PD, OPOZITA NUK MERR PJESË
Ora 10:05-
Konferenca e Kryetarëve ka miratuar kërkesën e PD për ngritjen e një komisioni hetimor për incidentin që deklarohet sipas Ministrisë së Jashtme ka ndodhur mes Ramës dhe Cekës në Vjenë.
Opozita nuk ishte e pranishme në këtë votim, por pritet që gjatë seancës së sotme të ketë debate të shumta mbi këtë cështje.
Kërkesa u miratua vetëm me votat e mazhorancës, ndërsa përfaqësues të opozitës në disa deklarime të tyre janë shprehur se kërkesa nuk qëndron, pasi nu ka asnjë rregullore që përcakton ngritjen e një Komisioni Hetimor mbi këto cështje.
Ndërkohë nuk dihet si do ecë filli i një komisioni të tillë që pritet të ngrihet dhe të hetojë e zbardhë cfarë ndodhi në Vjenë, kur për pak ditë troket zyrtarisht fushata elektorale për zgjedhjet parlamentare të vitit 2013.

RELACIONI NGA PD
Relacioni shoqërues i kërkesës parashtron fakte të hollësishme mbi dinamikën e ngjarjes. Po ashtu, kërkesa argumenton dhe përputhshmërinë ligjore të nismës së maxhorancës, në kuadër të veprimtarive të komisioneve hetimore parlamentare.

“Rama me veprime fizike i është avitur dhe e ka kapur në pjesën e kokës dhe të flokëve, duke e tërhequr me dhunë. Veprimi ka qenë i kryer për të shprehur jo vetëm dhunën fizike, por edhe sinjale të pastra poshtërimi, shpërfilljeje dhe fyese. Këtij veprimi të dhunshëm, diplomati i është përgjigjur vetëm me fjalë, duke i thënë që kjo është një sjellje aspak njerëzore dhe që nuk i kishte ngjarë kurrë më parë.

Ndërkohë kryetari i grupit parlametar të PD-së, Astrit Patozi, i ka dërguar Kryetares së Kuvendit, znj. Jozefina Topalli emrat dhe funksionet që i përkasin grupit parlamentar të PD-së në komisionin hetimor për hetimin e fakteve, rrethanave dhe përgjegjësive të incidentit të datës 24 prill pranë Akademisë Diplomatike të Vjenës. Kështu kryetar Komisioni do të jetë deputeti Fatbardh Kadilli dhe anëtarë deputetët Paulina Hoti, Osman Metalla, Gert Bogdani dhe Dashnor Sula.

Nisma e shumicës, e paralajmëruar të enjten në Kuvend nga Kryeministri Sali Berisha, vjen pas incidentit të ndodhur në Vjenë mes kryetarit të PS-së, Edi Rama dhe diplomatit shqiptar pranë OSBE-së, Egin Ceka.

Kryeministri Berisha e cilësoi ngjarjen një akt ‘të turpshëm dhe amoral’ të kreut të opozitës, ndërsa kërkoi që të hënën parlamenti të votojë ngritjen e komisionit të posaçëm që do të hetojë mbi këtë “akt të paprecedent”. 

Nga ana e z. Rama, veprimi i dhunshëm i mësipërm është shoqëruar edhe me përsëritjen e shprehjes, që i atribuohej diplomatit, si “provokator”. Nga ana e diplomatit, është reaguar, duke i thënë se “një njeri që sillet në këtë mënyrë të dhunshme me një bashkëbisedues nuk është i denjë për të qeverisur shqiptarët”. E gjithë kjo skenë është ndjekur drejtpërdrejt nga të pranishmit dhe konflikti është neutralizuar prej tyre”, shkruhet në relacionin e PD-së lidhur me këtë ngjarje.

Incidenti ndodhi me 24 Prill në përfundim të një takimi në Akademinë Diplomatike të Vjenës, ku ishte i ftuar kryetari i PS-së. Ministria e Jashtme shqiptare, në një deklaratë për shtyp, akuzoi Ramën se ka përdorur dhunë verbale e më pas edhe fizike ndaj diplomatit Ceka, kur ky i fundit ka reaguar ndaj deklaratave të kreut të PS-së.(B.W/LajmeShqip.com)

 
Lajme Shqip Friday, 26 April 2013 13:36

Tiranë – Për incidentin e Vjenës reagoi edhe Ambasadori i Shqipërisë në Romë, Neritan Ceka, babai i Eginit, diplomatit shqiptar në Vjenë, për të cilin Ministria e Jashtme njoftoi për një incident me liderin e opozitës, Edi Rama.

Përmes një letre publike, Neritan Ceka i drejtohet kreut të PS-së, “Miku im i dikurshëm”, dhe i kujton kohët e largëta të miqësisë mes tyre.

Ceka thotë se Rama duhet t’i kërkojë falje publike për fyerjen, që i ka bërë të birit.

“Ke fyer djalin tim dhe jo vetëm atë, por edhe familjen time. E ke ofenduar dhe e ke kapur prej veshi, si një fëmijë kopshti. Si mund të guxosh të kapësh prej veshi historinë shqiptare?”, shkruan Ceka, i cili i kujton se Egini është nipi i Petro Nini Luarasit,  Migjenit dhe Hasan Cekës.

Neritan Ceka shkruan në letrën e tij se i biri është njeri i lirë, ndërsa për Ramën thotë se është i rrethuar nga skllevër dhe sahanlëpirës.(LajmeShqip.com)

 
Lajme Shqip Thursday, 25 April 2013 18:54

TIRANË- Ministria e Punëve të Jashtme të Shqipërisë konfirmoi sot incidentin mes kryetarit të Partisë Socialiste Edi Rama dhe diplomatit Egin Ceka, në Vjenë.

Lajmi u publikua fillimisht nga disa agjenci lajmesh ku u tha se Rama është konfliktuar me Egin Ceka, djali i ambasadorit tonë në Itali, Neritan Cekës, për komentet e zymta që ka bërë në lidhje me realitetin dhe zhvillimet e fundit në Shqipëri. 

Ministria e Punëve të Jashtme të Shqipërisë ka konfirmuar incidentin mes kryetarit të Partisë Socialiste Edi Rama dhe diplomatit Egin Ceka, në Vjenë. Partia Socialiste ka reaguar në lidhje me akuzat e Ministrisë së Jashtme duke shprehur keqardhje për nivelin banal ku ka rënë institucioni. 

Incidenti ka ngjallur akuza dhe debate të ashpra edhe në sallën e Kuvendit të Shqipërisë, pasi me një ton të ashpër kryeministri Berisha akuzoi kryesocialistin Rama për dhunë shtazore duke kërkuar hetim parlamentar. Ndërkohë, kreu i grupit parlamentar, Gramoz Ruçi kërkoi shkarkimin e diplotamtit Egin Ceka. Berisha dhe Ruci sollen ne Kuvend, secili prej tyre versionin, si ndodhi ngjarja ne Vjene.

DIPLOMATI: NUK I BËJ KOMENTE PËR NGJARJEN
Diplomati Egin Ceka në një prononcim për News 24, deklaroi se për incidentin e tij me kryetarin e Partisë Socialiste Edi Rama reagoi zyrtarisht Ministria e Jashtme. 

“Nuk i bëj asnjë koment ngjarjes, respektoj kodin e punës”, ka komentuar shkurt diplomati Ceka duke shmangur komentet e tepërta.

BERISHA: RAMA DHUNE SHTAZORE, HETIM PARLAMENTAR
Kryeministri i vendit Sali Berisha ka kërkuar ngritjen e një komisioni hetimor për të zbardhur aktin e dhunës së diplomatit, Egin Ceka nga kreu i opozitës Edi Rama. Gjatë seancës plenare kryeministri i vendit ka reaguar ashpër, duke e cilësuar agresionin si dhunë shtazore dhe rrugaçëri.

“Aktin më të rëndë, ndofta në të tërë historinë diplomatike dhe politike të takimeve dhe konferencave. Ky akt qëndron në agresionin e rëndë të turpshëm, brutal shtazor që kryetari i partisë socialiste dhe kryetari i koalicionit të pazarit dhe ngjalave i ka bërë njërit prej diplomatëve të ri më të përgjegjshëm dhe të përgatitur të këtij vendi. Dua ti informoj shqiptarët se dje në një nga sallat, më prestigjioze të Austrisë, teksa zoti Rama mbante një konference në akademinë politike të Vjenës i sponsorizuar nga partia Social Demokrate Austriake dhe një piktor shqiptar, pas ekspozesë së tij, pasi sot gjithçka lexon mashtrimet ndaj vendit dhe kombit të tij. Ky zotëri duke dalë pasi mbyllet konferenca në të cilën zoti Rama humbi tërësisht kontrollin kur e pyetën për gjëra të ndryshme, njëri nga dy diplomatët që ishte aty qoftë për ti shërbyer zotit Rama sic kanë porosi gjithë ambasador të trajtojnë cdo qytetar apo funksionar të pozitës apo opozitës, diplomati i ri ndër më korrektet dhe të përkushtuarit i shtron pyetje zotit Rama dhe i thotë si ka mundësi që ju flisni në këtë mënyrë për vendin tuaj .Pyetjes që iu bë zotit Rama në sallë nga emigrantë pse nuk lejohemi në votojmë në ambasada Rama u përgjigj se diplomatët janë hajdut votash. Dhe zotit Rama, diplomati i ri i tha se jemi këtu zotëri për të shërbyer nuk jemi hajdut votash, kjo mjaftoi për të shtrirë dorën dhe grushtin e pakontrolluar drejt diplomatit. Kjo mjaftoi për të lëshuar prej rrugaçi të mirëfilltë të gjendjes civile nga familjes së diplomatit. Kjo mjaftoi për të dalë jashtë cdo lloj kontrolli dhe u bë një ndërhyrje e fuqishme ngatë gjithë të pranishmit pasi donte të adresonte më tej diplomatin e ri”, tha Berisha.

Shefi i qeverisë akuzoi liderin e opozitës se ka ushtuar dhunë jo vetëm ndaj diplomatit por edhe kolegëve të tij të partisë apo dhe femrave që ka pasur në krah. Berisha duke denoncuar aktin theksoi se Rama ose ka probleme psikike ose ishte nën efektin e drogës, për të cilën përflitet. Kryeministri vlerësoi diplomatin Egin Ceka si me te sjellshmit dhe të përkushtuarit teksa krahasoi Ramen me liderin e dhunshme te Ugandës se viteve ‘80.

“Ky akt i turpshëm, ky akt i përsëritshëm i tij edhe ndaj jush që jeni këtu, por ju mirë ua bën. Por unë këtu denoncoj në mënyrën ë të ashër këtë akt të turpshëm dhe violent, burtal dhe amoral të një njeriu që ose humbi cdo kontroll të fakultetit të tij psiqëik, os ishte sic e akuzojnë në efektin e dozave të mëdha, por cila do q2ë të jetë ky është ati më i turpshëm. Akt të tillë në ambasada nuk kanë realizuar as etërit e zotit Rama. Por, ju në këtë histeri kolektive duhet ë mendoni se ai mund të ishte, djali, vëllai apo njeriu juaj dhe se ai është një nda djemtë më të sjellshëm të diplomacisë shqiptare, sepse ai ishte një nga djem të më të sjellshëm, në historinë e politikës botërore ne Ugandën e viteve 80 shihte një person kryetar qeverise , ai u bë i famshëm sepse me grushta rrihte ministrat e kabinetit të tij ai përfundoi në koshin e historisë. Ju garantoj se kr4etari juaj do të përfundojë njëlloj aty ku e meriton, prej cilit prej jush thuhet se ka rrah gruan shtazërisht. Ka rrah nën si kafshë, se i ka goditur bashkëpunëtorët e tij në zyrë. Prej asnjërit prej jush nuk thuhen. Thuhen 1 mijë e1 por kjo këto, për të faktuar se ai humbet cdo kontroll për të faktuar se ai ka probleme të rënda psikike apo overdozash ai faktoi dje në akademinë politike të Vjenës”, theksoi Berisha.

Berisha kërkoi ngritjen urgjente të Komisionit Hetimor Parlamentar diten e hene duke paralajmëruar se mazhoranca ka gati 30 dëshmitare.

“Jemi gati në këtë parlament të sjellim jo një por 30 dëshmitarë urdhëroni të krijojmë komision hetimor për të parë është prekur diplomacia me dhunë, ne do krijojmë komision hetimor. E di si më dukeni mua apo jo jeni ulur në cifte si Konstandini me Dhoqinën, jeni të pashpresë ju ka heq nga lista. Zoti kryetar i grupit i propozoj grupit parlamentar që të marrë komision parlamentar për këtë akt të dhunshëm ulu aty, ditën e hënë, ky parlament voton komisionin hetimor parlamentar për të hetuar gjer më 1 aktin e paprecedentë të turpshëm dhe amoral, akti që nuk ka ndodhur në hitsorinë e këtij shteti , të agresionit të një diplomati të ri nga kreui i opozitës në një moment sfazimi total bipolarizmi ose overdoze, të të gjitha do të bëhen ditën e hënë do të votohet kimizoni. I keni faktuar se sa mund të na pengoni. Ai ju tërheq ju nga gropa në gropë”, shtoi Berisha. 

RUCI: SHKARKO DIPLOMATIN. TË VJEN INAT SE KE 3 VJET QË S’TË FTOJNË NË VJENË
Kryetari i grupit parlamentar socialist, Gramoz Ruci reagoi ndaj fjalës së Berishës duke i bërë thirrje që të shkarkojë diplomatin Egin Ceka. Ruci më pas zbardhi ngjarjes që sipas tij ndodhi në Vjenë. Ai akuzoi Berishën se i përdor diplomatët në botë si mitingashë.

“E prita kryeministrin deri në fund të seancës se mos shprehte ndonjë gjë për ato probleme që ka vendi se qeveria dhe kryeministri në ikje, me vrap e shumë vrap, nxitohet të japë me koncesione aktivitete të dështuara deri tani që dhe nesër t’i rrjepë shqiptarët. Të dështuara totalisht deri tani, kryeministri në ikje me vrap do të konsolidojë KLD, duke çuar Lulin e parlamentit në KLD dhe familjen e Lulit në KQZ dhe duke liruar vende në Gjykatën e Lartë, se ka tmerr, nesër që të jetë absolutisht i imunizuar nga drejtësia në gjykatën e shkallës së parë, në gjykatën e shkallës së dytë e të Lartë.
Se ligji nesër me institucione të kapura nga ty, një ditë thotë një postulat i vjetër, drejtësia vonon, po nuk harron. Ligji do vendoset, pandëshkueshmëria e ligjit do marrë fund, i politikanëve shqiptarë të korruptuar dhe inkriminuar, më kot përpiqesh nga ana tjetër vjen dhe anatemon ligjin dhe nuk do ishte ajo konferencë shtypi që bëri ministria e Jashtme, por shkarkimin e diplomatit që more në mbrojtje sot. Pse? Ai është lideri i opozitës dhe shkoi në një shtet dhe e priti krahu i atij shteti si përfaqësues të opozitës sot dhe kryeministër të Shqipërisë nesër, dhe e priti kreu i atij shteti që zotëria juaj ka 3 vjet që lutesh të të presë dhe s’të pret. Tërbimi jot është që u prit nga krerë të Austrisë, që e takoi kreu i OSBE, për të zgjidhur ato probleme që t’i i le lidhur, e zhvilloi aktivitet për të dhënë vizionin e tij mbi Shqipërinë dhe midis probleme të tjera shqiptarë të nderuar, Edi Rama dënoi, në përgjigje, nepotizmin dhe mungesën e profesionalizmit në trupin diplomatik shqiptar. Se emri që përmendi Rama ishte diplomat në Vjenë, dhe i jati diplomat në Romë. Ky djali, i biri i babait ambasador, nuk e honepsi dot, madje mësova se ai djali nuk kishte vajtur se nuk kishte vend atje, se po të kishte qenë përfaqësues diplomacie tamam, duhet të dilte që në aeroport ta priste, të rrinte në takimin me kryeministrin austriak. Ky është diplomati dhe jo diplomat që t’i e përdor si mitingash, që e përdor për të prishur takimin dhe për t’i dhënë një njollë turpi Shqipërisë”.

Ndërhyn Topalli “epo duhet ta rrahi kryetari i opozitës së Shqipërisë”

Ruci: “Ja pse ju si kryeministër i e merrni në mbrojtje sot, një diplomat që duhet ta kishe shkarkuar që kur kishte anatemuar me shprehje aspak diplomatike papën, ky është diplomati që ke ti.
Turpi juaj që e merrni në mbrojtje”.

REPLIKON BERISHA: EGIN CEKA, VJEN NGA KRYQËZIM FAMILJESH TË MREKULLUESHME
“Në cdo rrethanë, para cdo akti, njeriu, dinjiteti, integriteti është dhe ka qenë i parë në gjithçka tjetër. E vërtetë është se nuk u ndala për një gjë. Në respekt të liderit të opozitës, qeveria ime me ardhjen në pushtet i garantoi me ligj, vendim qeverie, liderit të opozitës, statusin e ministrit. Praktikë kjo vetëm e disa vendev. I ka garantuar të gjithë, mbrojtjen dhe e vërteta është, se kryetari i opozitës e ka dhe do ta ketë. Në çdo rast për secilin prej jush, diplomatët kanë një porosi të prerë të ofrojnë ato shërbime që mund të ofrojnë dhe kjo asgjë nuk mund të ndryshojë. Diplomatët janë sot të emëruar nga të gjitha qeveritë, mund të them sot se ka jo një, por disa ambasadorë të emëruar nga qeveria, por të përdorësh grushtin kundër këtij diplomati përbën aktin më të turpshëm e të dënueshëm.

Dhe cfarë u tha dhe nuk u ngritën asnjë rast gjatë fjalës së tij (Ramës), dhe nuk u bë asnjë pyetje, aty kanë qenë disa qindra vetë, por prekja e tjetrit me imunitet diplomatik, grushtimi i diplomatit, i një punonjësi në detyrë përbën një vepër të rëndë penale. Ai përbën një nga familjet me kryqëzim nga më të mrekullueshmit, është stërnipi i Petronini Luarasit, Migjenit prandaj dhe të mos hymë në biografi. Është nipi i Skënder luarasit, nipi i Migjenit dhe ato epitete që përdor kundër tij, nuk të bëjnë nder ty dhe ndaj dhe për të gjitha këto do i sqarojë komision hetimor parlamentar. Se ai nuk është jetim i braktisur dhe është punonjës i këtij shteti dhe askush nuk mund të veprojë si kryetari juaj”.

Ruci: Ky djali që është sojli po zbaton porositë e sojsëzit dhe po bëhet sojsëz.

Topalli:Po Damiani pse nuk i tregon sojzëzët

Berisha: Do marrë përgjegjësitë, komision do ngremë

Topalli: Këta kur thonë sojli, ikin me vrap…

Në lidhje me incidentin, doli në një konferencë për shtyp në orën 14:30 zv.ministrja e Punëve të Jashtme, Edit Harxhi.

Në prononcimin e saj Harxhi konfirmoi lajmin që kreu i PS-së ka ushtruar dhunë verbale dhe fizike ndaj diplomatit Egin Ceka, kur ky i fundit i është afruar për të biseduar për votën e emigrantëve. Sipas saj, Rama ka cënuar me deklaratat e tij imazhin e Shqipërisë.

NJOFTIMI I PLOTE I EDIT HARXHI
“Jam këtu përpara jush nga Ministria e Punëve të Jashtme, duke iu përgjigjur interesimit të meidave shqiptare sot, për një incident të ndodhur në Vjenë, pranë Akademisë Diplomatike të Vjenës. Ministria e Punëve të Jashtme, është njoftuar sot, nëpërmjet ambasadorit të Republikës së Shqipërisë pranë Misionin e OSBE-së z. Spriro Koci, mbi incidentin e ndodhur dje në Akademinë diplomatike të Vjenës gjatë një takimi të oraganizuar nga kjo Akademi. Zoti Edi Rama Kryetar i Partisë Socialiste të Shqipërisë, ka qenë i ftuar në këtë takim në të cilin kanë marrë pjesë diplomatë shqiptarë, diplomatë të huaj dhe shqiptarë që jetonin në Austri.

Gjatë një bisede, është fyer imazhi i Shqipërisë disa here. Në të njëjtën kohë një nga diplomatët shqiptarë z, Egin Ceka, diplomat i ri energjik, prej disa vitesh diplomat në ambasadën tonë në Vjenë, aktualisht në Misionin tonë në OSBE, i shkolluar jashtë, në përfundim të takimit është afruar tek z. Rama për të biseduar rreth një pike që z. Edi Rama e ka ngritur disa here: pengimin nga ana e tij për votën e shqiptarëve kudo nëpër botë nëpërmjet ambasadave tona. Z. Rama ka potencuar gjatë bisedës së tij, që nuk është e mundur vota e shqiptarëve për arsye të tejpolitizimit të përfaqësive diplomatike shqiptare e pikërish z. Ceka duke u nisur nga dëshira e tij për të bashkëbiseduar dhe për ta depolitizuar bisedën është afruar tek z. Rama për të diskutuar rreth kësaj temë që shërbimi diplomatik shqiptar jo vetëm që nuk është politik, por në mënyrën më të mirë të mundshme, do të mund të kthente një shërbim të tillë ndaj shtetasve shqiptarë, pikërisht për të siguruar votën e tyre pranë ambasadave shqiptare. Në këtë moment zoti Rama ka reaguar në mënyrë mjaft agresive, ka përdorur dhunë fillimisht verbale, më pas në dhunë fizike, e cila ka rezultuar me një konflikt të hapur mes dy palëve Ramës dhe diplomatit Ceka. Ky konflikt është shpërndarë nga të pranishimit në sallë dhe diplomatët e huaj që ishin prezent. Dhuna verbale ka vazhduar edhe më tej duke i kërkuar z, Ceka që të dalë jashtë, madje duke përdorur edhe fjalë që nuk janë të denja për asnjë qytetar shqiptar, aq më tepër për një kryetar partie karshi diplomatëve shqiptarë.

Natyrisht Ministria ePunëve të Jashtme dënon shumë rëndë këtë akt, që është një akt i paprecedentë. Gjatë këtyre tetë viteve të fundit, nuk ka ndodhur asnjëherë një akt i tillë. Gjithësesi ky akt dënohet, sepse është një cënim jo vetëm i dinjitetit të diplomatëve shqiptarë, si shërbim i denjë i shtetit tonë, i cili mundohet të ngrejë imazhin e Shqipërisë dhe shqiptarëve në botë, por dënon

dhe dekërcënimin e imazhit të Shqipërisë që i bëhet sot për sot në botë. Fatkeqësisht kjo vjen në një moment mjaft delikat për politikën në të njëjtën kohë edhe si cënim që në mënyrë të drejtpërdrejtë kërcënon ashpër momente të vecanta të jetës së shqiptarëve. Natyrisht ne vazhdojmë ta dënojmë këtë akt pa fund dhe jam e sigurt që shërbimi diplomatik shqiptar, si edhe diplomatët shqiptarë bashkohen me mua dhe shumë të tjerë. Sot jemi pranë zotit Ceka”.

PS: MINISTRIA E JASHTME NIVEL BANAL
Partia Socialiste ka reaguar në lidhje me akuzat e Ministrisë së Jashtme duke shprehur keqardhje për nivelin banal ku ka rënë institucioni. Partia Socialiste në një njoftim për shtyp sqaron ngjarjen duke theksuar se provokatori ka qenë diplomati Ceka dhe kryesocialisti Rama është përpjekur vetëm për ta qetësuar.

“Partia Socialiste shpreh keqardhje për nivelin banal ku ka rënë Ministria e Jashtme dhe trupi diplomatik shqiptar. Në Akademinë Politike të Vjenës ka pasur vetëm një ngjarje: Dialogu prej më shumë se dy orësh i një audience të nderuar me kryetarin e Partisë Socialiste Edi Rama. Pas takimit djali i Neritan Cekës,që për hatër të babait paguhet me taksat e shqiptarëve si diplomat, i është afruar Edi Ramës duke derdhur një lumë fjalësh të padenja kundër opozitës. Ndërsa kryesocialisti është përpjekur ta qetësojë, të pranishmit e kanë larguar djalin e Neritan Cekës nga mjedisi i Akademisë Politike. Ndërkohë sot, Ministria e Jashtme vazhdoi avazin e saj të propagandës antiopozitare duke i dalë në mbrojtje një “diplomati” që s’është asgjë tjetër veçse një prej shumë shëmbëlltyrave të degradimit të trupit tonë diplomatik në një lukuni kalamajsh, kunetërish, mbesash, kushërinjsh, dhëndurësh e krushqish të sojit e të sorollopit të oborrit të një pushteti të dalë duarsh, që po jeton ditët e veta të fundit”, thuhet në njoftimin e PS-së.

LAJMI NE MEDIA
Sipas, Civitas.al Rama ka qenë i ftuar për të mbajtur një fjalim në Akademinë Diplomatike të Vjenës, ndërsa të pranishëm kanë qenë mbi 100 diplomatë.

Burimet bëjnë të ditur se në përfundim të takimit Egin Ceka, diplomat shqiptar në misionin tonë në OSBE, i ka kërkuar Ramës sqarime në lidhje me këto qëndrime fyese të tij. Më pas raportohet se mes të dyve ka patur ofendime publike, madje edhe konfrontime fizike.

“Rama nuk ka preferuar të japë përgjigje, por e ka kapur diplomatin prej veshi dhe si të mos mjaftonte kjo e ka goditur diplomatin në kokë”, shkruan Civitas.al. 

Dëshimitarë të këtij kanë qenë të gjithë të pranishmit e Akademisë Diplomatike të Vjenës, madje disa prej tyre kanë ndërhyrë për të ndarë këtë kacafytje të Ramës dhe diplomatit Ceka, thuhet më tej nga mediat.(BW/LajmeShqip.com)

 
Lajme Shqip Tuesday, 02 April 2013 16:02

TIRANE – Kryetarët e dy partive Rama-Meta kanë rënë dakord mes tyre që të ndjekin një skenar të caktuar për të shkuar drejt një bashkëpunimi parazgjedhor mes tyre. Një ditë më parë burime pranë dy partive pohojnë se bisedat për këtë marrëveshje kanë kohë që kanë nisur, por është pritur momenti i duhur për të shkuar në realizimin e saj. Sot pati zhvillime të shumta në kampin socialist dhe reagime nga ai, demokrat.

Pak para se Rama të zyrtarizonte ftesën për LSI, Berisha komentoi në ‘Facebook’ se çdo forcë politike ka të drejtë të zgjedhë të bëjë koalicion me kë dëshiron. Në mbledhjen e kryesisë së PS u bë zyrtare ftesa për LSI, kurse në mbledhjen e grupit parlamentar të kësaj partie pati debate të shumta dhe të zjarrta mbi këtë marrëveshje. Rama vlerësoi se për hir të interesit kombëtar do bëjë koalicion me LSI, por jo të të njëjtit mendim kanë qenë deputetë të PS dhe aleatë të kësaj force politike.

DEPUTETET E PS KUNDËR ALEANCËS ME LSI
Ora 13:30
-Mbledhja e kryesisë ku u zyrtarizua dhe ftesa që PS i drejtoi LSI për një koalicion në zgjedhjet parlamentare të 23 Qershorit është karakterizuar me debate të shumta. Kundra këtij vendimi dolën Arta Dade, Erjon Braçe, Pandeli Majko. Deputeti Majko sot ne mbedhje heshti por anëtari i Kryesisë socialiste, u shpreh dje kundër një bashkëpunimi parazgjedhor me LSI-në. Në adresën e tij në rrjetin social Facebook, Majko, përmes një postimi tregon qëndrimin e tij të papajtueshëm për një afrim me LSI-në, duke e cilësuar ditën e djeshme, 1 prillin, si ditën e gënjeshtrës dhe politikanëve që mohojnë të vërtetat. “Miq! Gëzuar 1 prillin! Ditën e mashtrimit dhe gënjeshtrës. Ditën kur gënjeshtrën e mirëkuptojmë si humor. Kjo është dita kur themi gënjeshtra të “stisura” ose pa dashje pohojmë të vërtetat e mëdha të gënjeshtrës. Ai është fakti se në ditët e tjera të vitit gënjeshtra është edhe zgjedhja juaj”, shkruan Majko në adresën e tij. Për ish-kryeministrin socialist, në periudhat më të vështira të historisë së kombit shqiptar, politikanët e 1 prillit nuk po i japin alternativa popullit për të bërë dallimin se cili gënjen dhe cili thotë të vërtetën. “Gëzuar 1 prillin, ditën e politikanëve që nuk u bënë kurrë të tillë, por iu dorëzuan shenjës së kësaj date. Të gënjesh një popull është faj. Ta lësh atë pa të drejtën e zgjedhjes midis të vërtetës dhe gënjeshtrës është dramë e maskarenjve pa principe të politikës. Kjo është arsyeja që besoj se gënjeshtra kujtohet, por nuk festohet. Rilindja e së vërtetës është shpresa për nesër. Kam zgjedhur koalicionin e 21 janarit dhe jo atë të 1 prillit”, shkruan Majko.
Shënimin e tij në faqen e tij në Facebook, i cili përshkohet nga një zemërim i dukshëm, Majko e mbyll me një fjali që paralajmëron një debat të fortë në mbledhjen e Kryesisë socialiste që do të zhvillohet sot paradite. “Nesër është 2 prill. Ditë e bukur për ‘t’u vrarë’”, përfundon Majko shënimin e tij në Facebook.

TAHIRI: FTESA PER LSI, PREMISA ME MORALE PER REALIZIMIN E PROGRAMIT TONE
ORA 13:15 –
Në një deklaratë të shkurtër për mediat, deputeti socialist Saimir Tahiri tha se ftesa e PS-së për LSI-në është premisa më morale për të realizuar programin për një rilindje shqiptare. “Ne duam tu japim shqiptarëve programin që kemi realizuar bashkë me ta, duke fituar zgjedhjet”,- u shpreh Tahiri.

BLUSHI: KOALICION ME TË GJITHË ATA QË FLUTUROJNË
Ora 12:50
-Pas mbledhjes së grupit të PS, para dyerve të selisë rozë, deputeti Ben Blushi komentoi për mediat këtë ftesë të PS për koalicion me LSI.
“Në vitin 2009 kemi humbur për këtë arsye dhe është në arsye që ne duhet ta shmangim. Ne e dinim që çdo gjë që fluturon hahet, ne do bëjmë koalicion me të gjithë ata që fluturojnë i vetmi që nuk fluturon është Saliu”, tha Blushi.

RAMA: JEMI SOCIALISTE, S’DUHET TE NGUROJME KUR MUND TE UDHEHEQIM

ORA 12:40 – Në mbledhjen e grupit parlamentar të PS-së, kryesocialisti Edi Rama ftoi zyrtarisht Lëvizjen Socialiste për Integrim për tu bashkuar me PS-në në koalicionin parazgjedhor, në mënyrë që siç tha ai, shumicës së vendit t’i kthehet e drejta për të qeverisur.

Ndërsa shpjegoi arsyet e këtij vendimi, duke cilësuar si prioritare interesat e shqiptarëve dhe garantimin e zgjedhjeve, Rama tha se “në kushtet ku ndodhet vendi, vetëm një koalicion forcash me vullnetin e madh për bashkim mund ta izolojë Berishën dhe planin e tij të lexueshëm për vjedhjen e zgjedhjeve”.

Më tej, Rama theksoi se Partia Demokratike nuk mund të përfitojë më nga ndarja e socialistëve të Shqipërisë.
“Nga ky bashkim do të humbiste vetëm PD, e cila ka përfituar 8 vjet rresht falë manipulimeve zgjedhore dhe mosmarrëveshjeve në kampin tonë. Sot duhet bashkim, askush që do rotacionin nuk duhet t’i trembet këtij bashkimi. Nga ky bashkim do të fitonte çdo njeri i zakonshëm në këtë vend, që prej 8 vjetësh nuk voton dot i lirë, nuk mendon dot i lirë, për shkak të shantazhit politik të kryeministrit. Shumica dërrmuese e shqiptarëve kanë arsye të dyshojnë fort sot se vota përsëri është e kërcënuar nga vjedhja, ashtu siç kanë arsye të mendojnë se e ardhmja e këtij vendi është peng i historisë që përsëritet”,- theksoi Rama. 

Në pritje të përgjigjes zyrtare të LSI-së, Rama theksoi se PS pret që partia e Metës t’i përgjigjet ftesës duke u nisur nga interesi i vendit dhe së majtës shqiptare. Rama mirëkuptoi edhe qëndrimet e kritikëve për këtë vendim, por theksoi se bashkimi i së majtës është rruga e fitores, që i jep socialistëve pushtetin për të të sjellë ndryshimin.

“E di që e shkuara ka hijen e saj, por kur politika nuk e kapërcen dot të shkuarën, e shkuara mban peng politikën. Ne jemi këtu për të mos lejuar që e ardhmja t’i ngjajë së shkuarës. Nuk pres që sot të gjithë të më jepni të drejtë, pres vetëm që të më kuptoni se unë dua të fitoj për të gjithë ju dhe kjo është rruga e fitores që na jep pushtetin për të ndryshuar gjërat. Ne jemi PS dhe jemi bërë për të fituar dhe jo për të nguruar atëherë kur mund të udhëheqim”,- u shpreh Rama.

KOALICIONI PS-LSI, XHAXHAI I ALEKS NIKËS KËRKON TAKIM ME RAMËN
ORA 12:10
-Pas lajmit se Rama po bën koalicion me Metën, xhaxhai i Aleks Nikës, protestuesit të vrarë më 21 Janar kërkoi sot një takim me kryetarin e PS. “Pasnesër takim me Edi Ramën, nëse kjo është e vërtetë, atëhere kjo është një tradhti!”, tha xhaxhai i Akleks Nikës, një prej 4 protestusve që mbetën të vrarë më 21 Janar të vitit 2011.

NGJELA: DUHET NJË QEVERI TEKNIKE, META TA ÇOJË PUNËN DERI NE FUND
ORA 12:00-
Spartak Ngjela, kreu i PLD në një interviste për “News 24” theksoi se pas largimit të LSI nga koalicioni qeverisës, duhet një qeveri teknike. Sipas Ngjelës, lëvizje e Metës është politike dhe se ai si kryetar i PLD është pro koalicioneve.

“Qeverisë i humbet legjitimiteti, duhet një qeveri teknike, ndaj Meta ta çojë punën deri në fund. Unë jam pro koalicioneve, ndaj lëvizja e Metës ishte politike”, tha Ngjela gjatë një interviste për “News 24”.

PS MBLEDH KRYESINE, ZYRTARIZOHET FTESA PER KOALICION ME LSI
ORA 11:25
-Kryesia e PS zyrtarizon ftesën për koalicion me LSI. Burime bëjnë të ditur për “News 24”, se vendimi u miratua me jounanimitet në mbledhjen e kryesise, pasi mbledhja u karakterizua dhe me debate.  Deputeti Erjon Braçe është shprehur kundër kësaj aleance. Për të argumentuar këtë ai bëri dhe lidhjet me ngjarjet e 21 Janarit.

TOPALLI: PAVARESISHT LARGIMIT TE LSI, QEVERISIM DERI ME 23 QERSHOR
ORA 11:09 –
Në të njëjtën linjë me kryeministrin Berisha, kryeparlamentarja Jozefina Topalli e cilëson largimin e LSI-së nga qeveria si zbatim të së drejtës së çdo partie politike për të bërë zgjedhjet e veta. 

Nga Shkodra, Topalli u shpreh e bindur se shqiptarët do të zgjedhin sërish demokratët më 23 qershor.
“Jam optimiste se në 23 qershor shqiptarët do dinë të zgjedhin. Pavarësisht largimit të LSI, qeverisim deri më 23 qershor”,- u shpreh Topalli.

BERISHA: PARTITË BËJNË ZGJEDHJEN QË DËSHIROJNE
Ora 10:00-
Kryeministri Sali Berisha ka reaguar në rrjetin social Facebook mbi marrëveshjen parazgjedhore Rama-Meta.
Reagimi bëhet një ditë pasi mediat mësuan mbi nënshkrimin e një marrëveshjeje mes aleatit të tij në qeverisje, Meta me kundërshtarin politik, Rama. Sipas Berishës, çdo forcë politike ka të drejtën të bëjë zgjedhjet e saj, ndërsa ai në postin e kryeministrit ka për detyrë të gjejë zgjidhje kushtetuese për çdo problem institucional që mund të krijohet.

“Mirëmëngjes miq! Një debat i gjerë ka shpërthyer lidhur me njoftimet se LSI do të vendos të lerë qeverinë. Qëndrimi im ka qenë dhe mbetet i pandryshuar se çdo forcë politike bën zgjedhjen që dëshiron. Natyrisht për mua, qeveria dhe qeverisja janë përgjegjësi që bëhen edhe më të mëdha në periudhë elektorale.

Me këtë rast dua të siguroj zgjedhësit se asgjë nuk do të cënojë vendosmërinë e qeverisë për organizimin e një procesi zgjedhor të lire dhe te ndershem ne perputhje me Kodin Zgjedhor dhe Kushtetuten e vendit. Së dyti, dua të garantoj qytetaret se Kushtetuta e vendit ka te gjitha percaktimet e qarta per zgjidhje plotesisht kushtetuese te çdo problemi institucional dhe se ajo do te respektohet me rigorozitet në frymen dhe germen e saj. Une mbetem totalisht i përkushtuar te punoje me te gjithe energjite e mia, ne interesin me te mire te qytetareve dhe te vendit. Pershendetje, sb”, shkruan Berisha në ‘Facebook’.

RAMA MBLEDH TË VETËT, FESTON DERI NË MESNATË. ZYRTARISON SOT NE MBLEDHJEN E KRYESISE FTESEN PER KOALICION ME LSI
Partia Socialiste zyrtarizon sot, në mbledhjen e kryesisë, ftesën për koalicion drejtuar Lëvizjes Socialiste për Integrim. Por, para mbledhjes së kryesisë, kreu socialist, Edi Rama mblodhi në një darkë pune një pjesë të kryesisë së PS-së dhe grupit parlamentar. Gramoz Ruçi, Fatmir Xhafaj, Pandeli Majko, Arben Ahmetaj, Taulant Balla, Blendi Klosi, Ditmir Bushati, Bashkim Fino, Damian Gjiknuri, Saimir Tahiri, Eduard Shalsi, Erion Veliaj, bashkiakët Qazim Sejdini, Vangjush Dako, Niko Peleshi e Endri Fuga ishin dje, pjesë e darkës në një prej lokaleve të periferisë së Tiranës, “Xibraku”. Për rreth 4 orë, deputetët dhe Rama kanë shkëmbyer mendime, jo vetëm për ofertën ndaj Metës, por edhe për atë se si kjo do të pritet në elektoratin socialist. Tashmë është folur për një marrëveshje Rama- Meta, sipas së cilës LSI-ja largohet nga Qeveria me kushtin që PS-ja të votojë 3 ligjet e integrimit, që është edhe misioni i LSI-së në këtë qeveri. Pas darkës me deputetët, Rama u shpreh se “ishte një darkë festive”. Arsyeja e dhënë zyrtarisht për këtë darkë ishte lindja e djalit të dytë të deputetit Eduart Shalsi, megjithatë pakkush e ka besuar se kjo ka qenë arsyeja e vetme. Sot, rreth orës 10:30 mblidhet edhe kryesia e PS-së, e cila duket hapur se nuk do ta kalojë pa debate afrimin me LSI-në. Deri më tani, publikisht janë shprehur kundër marrëveshjes me Metën, anëtarë të kryesisë si Erjon Braçe, Pandeli Majko.

Por, sipas burimeve nga PS-ja, ka qenë edhe një lloj presioni nga të majtët evropianë që kërkojnë nga të majtët shqiptarë t’i japin fund kapitullit “Berisha” në qeverisje të vendit. 
Dhe thirrjet e tri ditëve të fundit të faktorit ndërkombëtar, presidentit të Partisë Socialiste Europiane, Sergei Stanishev, zv.presidentit të Parlamentit Europian, Xhani Pitella dhe dje të presidentit të Internacionales Socialiste, Jorgo Papandreu për t’u bashkuar Rama dhe Meta në një koalicion të përbashkët parazgjedhor për të qeverisur pas zgjedhjeve të bashkuar, kanë qenë të koordinuara në funksion të qëllimit të shkëputjes nga qeverisja aktuale.

Zbardhen detaje nga marrëveshja Rama-Meta
Kryetarët e dy partive kanë rënë dakord mes tyre që të ndjekin një skenar të caktuar për të shkuar drejt një bashkëpunimi parazgjedhor mes tyre. Burime pranë dy partive pohojnë se bisedat për këtë marrëveshje kanë kohë që kanë nisur, por është pritur momenti i duhur për të shkuar në realizimin e saj. Kreu i PS-së, Edi Rama, ka pranuar që deputetët e Grupit parlamentar socialist, pas disa muajsh refuzimi, të votojnë tri ligjet që kërkon Brukseli nga Shqipëria për marrjen e statusit të vendit kandidat, edhe pse afatet për ta arritur këtë tashmë kanë përfunduar. Tri ligjet mund të votohen edhe ditën e enjte gjatë seancës plenare, ndërsa sipas marrëveshjes Rama-Meta, LSI do të largohet nga qeveria duke tërhequr dhe ministrat e saj. E perditshmja ‘Panorama’ shkruan se Meta i ka kërkuar Edi Ramës që t’i garantojë tre vende në listat e kandidatëve të PS për përfaqësues të LSI-së, tre ministri të rëndësishme, por dhe drejtuesin e Parlamentit. Mësohet se nga ana e Ramës këto kushte janë pranuar, por kreu socialist ka kërkuar që ministritë të drejtohen nga emra të tjerë, për të ndryshuar imazhin e qeverisë së ardhshme.

Një ditë para mbledhjes së Kryesisë socialiste, e cila do të vendosë të ftojë LSI-në në një bashkëpunim parazgjedhor me PS, Rama ka zhvilluar një darkë me një grup të madh të anëtarëve të Kryesisë. 

PRAPASKENAT
Pas tri thirrjeve të figurave të së majtës evropiane për bashkim Rama-Meta para zgjedhjeve të 23 qershorit, të majtët e Tiranës nisën dje, lëvizjet politike. Paraditen e 1 prillit, kreu i LSI-së, Ilir Meta takoi në Kryeministri kreun e mazhorancës së djathtë, Sali Berisha. Edhe pse asgjë nuk u bë publike pas takimit, burimet folën për dy çështje të diskutuara mes dy aleatëve. Mësohet se Ilir Meta i ka dhënë siguri kryeministrit se nga LSI-ja nuk ka asnjë pengesë për kalimin e tri dekreteve të presidentit.

Nga ana tjetër, mes tyre është diskutuar edhe për çështjen e koalicionit. Asgjë nuk është thënë publikisht, por deri më tani, lajmi që po diskutohet në mjediset politike është largimi i Ilir Metës nga qeveria dhe bashkimi në një koalicion me PS-në. Pas takimit rreth gjysmë ore Meta-Berisha, asnjë prej tyre nuk ka konfirmuar gjë. Më pas, diku rreth mesditës, Meta mblodhi në hotel “Rogner” drejtues të kryesisë së LSI-së. Ky takim, sipas Luan Ramës ishte për çështje organizative të LSI-së, por një gjë e tillë nuk ka krijuar shumë bindje në media. LSI-ja pritet që brenda muajit prill të mbledhë Konventën e saj Kombëtare. Ky forum pritet të japë një qëndrim zyrtar edhe për këtë çështje. Nuk ka një datë për mbledhjen e forumit, edhe pse mendohet se mund të jetë mesi i muajit. Burimet thonë se nga kjo Konventë do të shpallet shkëputja nga qeveria, duke tërhequr ministrat. Pas kësaj, burimet edhe nga PS-ja flasin për krijimin e një qeverie teknike, deri në afrimin e datës së zgjedhjeve, për të mos lënë vendin në vakum qeverisës.

Madje ky skenar mendohet si më i pëlqyeshmi edhe për ata që janë dakord me këtë afrim të PS-së dhe LSI-së. Kjo, edhe për një arsye tjetër, që ka lidhje me të gjithë ata anëtarë apo simpatizantë të PS-së, të cilët mund të mos miratojnë një bashkim të tillë. Pas takimit me drejtues të LSI-së, Meta tha për mediat se: “Sot është 1 prilli dhe kuptohet që nuk ka vlerë të bëjmë ndonjë deklaratë, sepse nuk e di se sa të besueshme do të ishin deklaratat. Po ne takime kemi vazhdimisht dhe takimet janë mjaft konstruktive”. “Këto janë qëndrime, të cilat në fund fare do t’i vlerësojnë forumet e LSI-së. Meqenëse kam dëgjuar qëndrime të ndryshme për çështjen e dekreteve, natyrisht siç kemi vepruar gjithmonë, për çdo dekret do të shprehemi sipas bindjes së çdo deputeti”, – tha Meta. Po në “Rogner”, Meta ka shkëmbyer biseda edhe me kreun e PDS-së, Paskal Milo e kreun e PBDNJ-së, Vangjel Dule. (LajmeShqip.com)

 
Lajme Shqip Saturday, 23 February 2013 18:28

TIRANE –Partia Socialiste nisi sot ditën e dytë të Konventës Kombëtare, pasi dje prezantoi, 21 çështjet të cilave do u japëzgjidhje, pas marrjes së pushtetit në 23 qershor. Edhe pse kanë ruajtur ende premtime të pabëra publike, drejtuesit socialistë kanë prezantuar ato që i quajtën “plagët e shoqërisë shqiptare”.

Në nisje të konferencës për programin, paraditen e sotme u shfaq një video me rrugëzgjidhjet që do të japë PS-ja, ndërkohë që kreu socialist, Edi Rama u shpreh se: “Ne duam që njerëzit ta shohin, ta prekin, ta ndjejnë me sytë e parafytyrimit dhe me ndjeshmërinë e lartë që ka sot çdo shqiptar kur dëgjon politikanët të flasin, se cila do të jetë natyra e re e qeverisjes.

Sekretari i Pergjithshem i Internacionales Socialiste ka përshendetur sot punimet e Konvetës për programin në diten e dytë të saj. Pas videos hapëse të Konventes dhe një fjalë të shkurtër të Erjon Veliajt, ka marrë fjalen Ayala, i cili e vuri theksin tek lufta për zgjedhje të lira dhe qeverisja e mirë. 

RAMA: DUAM NJE MANDAT, JO TE QENDROJME GJITHE JETEN NE PUSHTET
“Bashkë t’ja dalim që zërat ë vijnë nga larg të afrohen dhe shumë kush që ëhstë këtu nesër të vijë ta jetojë Shqipërinë jo vetëm me zemër dhe mendie, por edhe me trup. Kush foli sot besoj se bëri më të mirën për të shpjeguar themelet e programit tonë, që është e pamundur për tu shfaqur vetëm në dy ditë, pasi do donte shumë kohë. Unë i falënderoj nga zemra një nga një kush mori fjalën sot. Ende me shumë mirënjohës jam për ato njerëz të zakonshëm që morën fjalën në emër të qindra mijëra njerëzve që janë pa zë dhe askush përvec PS nuk ka një vesh për ti dëgjuar.

Dje unë e fillova këtë bashkëbisedim të gjatë mes nesh me një pyetje: Në cfarë Shqipërie duam të jetojmë, në një të vërtetë apo gënjeshtër? Sot jemi si popull të imponuar në jetojmë në një Shqipëri gënjeshtër, ne duam ta zhbëjmë këtë imponim dhe tu japim mundësi shqiptarëve të jetojnë në një Shqipëri të vërtetë që ti ta jetojë dhe thotë të vërtetën. Dum Shqipëri të lirë apo të trembur? Sot jetojmë në Shqipëri të trembur, ne duam që me votën e 23 qershorit cdo shqiptar, i majtë apo i djathtë, veri apo jug, të jetojë me një shqipëri të lir pa ju frikur veprimeve, fjalëve të veta, ku ato janë shprehje të lirisë së tij. Si duam ne të jetë vendi ynë pas katër vjetësh, apo 20 vjetësh, një vend me nj program për të ardhmen, apo vend që programon të njëjtin avaz sot kemi një vend që programohet i njëjti avaz. PS propozon që të kemi një vend ku së bashku të programojmë të ardhmen, nuk dua të shkoj në cdo teme, temat u shtjelluan mjaftueshmërisht për këtë faqe, thuajse përfundimtare të programit tonë, thuajse pasi duam të dëgjojmë akoma, duam ti marrim të gjitha pyetjet që u kanë lindur njerëzve që na kanë dëgjuar. Nuk duam t’ju japim menu për t’ju marrë votën, por një plan ndryshimi për jetën e tyre.

Do të vrapoj nga pika në pikë, duke dashur të prek vetëm pikat më nevralgjike të programit tonë. Aty ku në fakt bëhet dallimi i madh mes nesh dhe qeverisë. 

Cdo shqiptar duhet të kuptojë se cila është zgjedhja që duhet të bëj me 23 qershor. Zgjedhja për punësim, apo rritjen e papunësisë. Taksë e ndershme apo taksën e sheshtë. Zbrapsje e krimit apo nënshtrim ndaj krimit. Sot në është imponuar një Shqipëri ku mbi 70% e shqiptarëve ndjehen të kërcënuar. Shërbime sipas nevojës apo sipas xhepit. Sot cdo gjë është mall, edhe drejtësia është mall që blihet dhe kush nuk ka para nuk e blen dot,. Zhvillim rural apo braktisje të fshatit. Atdhe të pastër apo vend që prodhon dhe importon plehra. Nacionalizëm primitiv për të shkuar buzë humnerës së të shkuarës, apo sytë nga e ardhmja. Beteja ndaj Milloshevicit ishte beteja e atdhedashurisë ndaj nacionalizmit dhe fitoi beteja e atdhedashurisë ndaj nacionalizmit.

Cfarë duam dhe ku do shkojmë? Nuk duam mocione përtej tifozi, qe e bëjnë të paaftë votuesit të kuptojë se po voton rrënimin e vet. Në këtë pikë përtej fanellave dhe emocioneve të tifozëve ka një rëndësi të vecantë që njerëzit të kuptojmë ku ndryshojmë ne nga ata që qeverisën, ku ndryshojnë idetë dhe rrugët, më e para gjë nuk është programi ynë ekonomik, as programi për ripërtëritjen shqiptare, as për rivendosjen e demokracisë, e para gjë është se politika për ne është qëllim fisnik, për ata është mjet përfitimi. Politika për ne është mundësia për ti shkuar pas një vizioni për Shqipërinë evropiane. dhe pyetja që lind për të gjithë ata që janë ende të luhatur dhe që shkojnë pas fanelës bardhë e blu dhe që e ngatërrojnë me fanellën e Tiranës. Sot jemi në një siklet ndërkombëtar në sytë e botës për shkak të imazhit të rrënuar të Shqipërisë dhe 1 mijë e 1 problemeve që mbeten sot e gjithë ditën në të gjitha rezymetë që bota bën për të shkuar pranë saj.

Programi ynë është i ri dhe modern dhe jo i vjetër dhe i lodhur, ne me këtë program hapim rrugën e bashkimit përmes një plani zhvillimi të qyteti dhe fshatit. Programi i avazit të vjetër është për të sunduar përmes përcarjes dhe errësirës që ushqehet përmes varfërisë. Sot Shqipëria shkon drejt rrugës së gabuar. Përsëri përtej këtyre që ju thamë, konstatimeve drithëruese me shifra dhe fakte, Shqipëria shkon në drejtim e gabuar sepse jetojmë në një Shqipëri që nuk dëgjon, shqiptarët nuk dëgjohen. Dua tju rrëfej si mund të ndjehesh kur takon 1 invalid dhe kërkojnë të drejtën për tu dëgjaur, pas zhbërjes së ligjit që u caktonte të drejjën për të tu dëgjuar. Takon ish – të përndjekurit dhe u mungon e drejta për tu dëgjuar dhe i vënë flakën vetes pasi plas nga pamundësia për tu dëgjuar,. Takon gruan e policit të vrarë në Kukës e cila ankohet se nuk na dëgjojnë. Takon një mësues në fshat, 23 vjet mësuese historie të papunë, pasi historinë në atë fshat e jep një muzikant jo me shkollë të lartë por një që i ka rënë darjes në një miting… Po të huajt cfarë thonë, nuk ju merr kush seriozisht nëse jeni kështu sic jeni…këtu lind domosdoshmëria për të shkuar përtej programit ne zemren e cdo shqiptari që është prind dhe sipërmarrës para se të jetë i rreshtuar në partinë në pushtet etj. 

Në nuk duam të qëndrojmë 30 vjet në pushtet, por një mandat për të qeverisur dhe deri kur forcat dhe idetë e reja do të lind natyrshëm. Cfarë propozojmë ne për të kthyer vendin në drejtim të duhur. Propozojmë që para sesa të shkojmë tek programi njerëzit të na shikojmë ne, nuk jemi të përsosur dhe të pagabueshëm, por ama ne kemi prova, që mësojmë nga e shkuara, por nuk jetojmë në të shkuarën, të kundërtën bën qeveria e sotme, me ta ka vetëm të shkuar me ne ka rrugë drejt të ardhmes. Ne do jemi forca e shembullit këta janë shembulli i forcës”. 

Ne do ulim taksat për 95% te popullit shqiptar, pasi më shumë se 95 % e njerëzve është jashtë mundësisë për të marrë pjesë në fitim e përbashkët, apsi 5 % zotërojnë më shuam se gjysëm ne pasurisë së vendit. Ku jemi këtu në gjermani, jo kështu nuk është as Franca as Gjermania, por këtu është ato që fjalët e Reganit dhe Thecerit i përdorin për të sunduar si gjela maj plepit. 

LUIS AYALA: BETEJA KRYESORE, LUFTA PËR ZGJEDHJE TË LIRA, PS GATI PER PUSHTET
“Vlerat e socializmit na cojnë drejt një shteti të mirëqenies që kanë në bazë vlerat e solidaritetit. Bota ka para ndryshime të shumta dhe gjatë 20 viteve të fundit edhe dramatike ndaj vlerat e social demokracisë sjellin vlerat që përfaqësojnë shumica sot. Ndaj jam këtu sot që angazhimi juaj, nënkupton shumë për gjithë socialistë në botë.

Në fakt doja t’ju thosha se lufta e socialistëve shqiptar është shumë e rëndësishme për 170 familje të partisë tonë që qeverisën vendet e tyre në mbarë kontinentin. Doja t’ju thoja dy gjëra të rëndësishme:

1. Arsyeja e parë është se gjatë 20 viteve të fundit në shumë vendeve të botës ka patur një luftë thelbësore për të vendosur demokracinë, por lufta thelbësore është lufta për zgjedhje të lira dhe të ndershme, ndaj dhe lufta që ju betë do gjejë jehonë tek familja jonë e madhe.

Në këtë luftë kemi qenë së bashku përkrah Edi Ramës dhe socialistëve shqiptarë sepse asgjë nuk do ketë më shumë se zgjedhje të lira dhe të ndershme.

2. Arsyeja e dytë është se në këto vende kemi arritur demokraci, por ajo që është e rëndësishme është se kemi arritur qeverisje të mirë që është e rëndësishme për popullin.

Jemi në një kohë që kriza ka prekur shumë vende, ashtu edhe SHBA. Në fakt ka patur origjinë dhe kjo krizë tek ato gjëra që ne i kemi kundërshtuar pasi është një betejë që kërkon rregullim, ne duhet të shpenzojmë më tepër për njerëzit. E kemi patur zhvillimin tek ato qeveri që kanë patur në drejtim parti sociale që kanë patur në thelb ato që thatë dhe ju sot.Kjo është arsyeja pse për ne është e rëndësishme lufta juaj, pasi ne e ndjejmë se ju do bëni ato që thatë dje, të keni një qeveri të mirë dhe të pastër që i shërben popullit. Në fakt doja t’ju thoja se Shqipëria ka nevojë që PS ta drejtojë, ka nevojë për një qeverisje të përgjegjshme me institucionet ë shëndosha, dhe që ti japë llogari cdo ditë qytetarëve të saj dhe ti japë vendit një kuptim. Në Kili kishim një shprehje: Gëzimi po vjen. Ajo cfarë shoh tek ju është se shoh një PS gati për të fituar, Edi Ramën për të marrë një qeveri të gatshme, dhe gazimin tuaj. Ju uroj fitore në zgjedhjet që vijnë”. 

BUSHATI: JA PROJEKTI YNË PËR SHQIPËRI EVROPIANE
“Suksesi me i fundit e ka emrin Kroacia që dënoi korrupsionin. Ne jemi të vendosur për ti dhënë fund praktikës së dështuar, periferike dhe dritëshkurtër sipas nevojave të ditës së politikës. Ne kemi vullnetin e nevojshëm dhe kapacitetin e nevojshëm për reformimin e sektorit diplomatik. Shqipëria evropiane është projekti ynë I dinjitetit në marrëdhëniet ndërkombëtare, si dhe kontribut për një fqinjësi të mirë. Projekti ynë Shqipërisë evropiane vlerësoi komunikimin rajonal. Projekti ynë i Shqipërisë evropiane nuk mund të bëhet pa angazhimin e studentëve shqiptarë që studiojnë jashtë, ndaj ne do bëjmë te pamundurën për të kthyer trurin”. 

DAKO, GJIKA, SEJDINI DHE PELESHI: QEVERISJA SOCIALISTE, MË EFIÇENTE
Kryebashkiakët socialist në rrethe, Vangjush Dako, Sejdini, Peleshi dhe Gjika, gjatë referimit të tyre parashtruan arritjen gjatë dreejtimit të bashkive më të mëdha ne vend si dhe planin për të ardhmen. Në fjalën e tyre kryebashkiakët e Durrësit, Vlorës, Elbasanit, Korcës theksuan se qeverisja socialite është me eficente.

INFRASTRUKTURA, BLENDI KLOSI: RRUGË KORRUPSIONI
Sot infrastruktura rrugore ka tre dimensione. Dimensioni politik, rrugët nuk shihen si mjete lidhëse, por si ambient kur pritet shirita edhe merren vota. Ambienti korruptiv, rrugët shihen si ambient për të vjedhur më shumë tendera. Së treti, institucione të paafta. Cka ndodh për shka të politizimit, dhe shkallës së lartë të korrupsionit dhe mungesës së kontrollit, sot investimet por kryhen pa kontrolle duke shtuar borxhin publik” 

“Rrugët me standarde nuk duhet të prishen brenda 20 viteve. Projektimi i By Pass-it Fier-Vlorë ka shtuar trafikun. Rrugët në vendin tonë po sjellin fatkeqësi të mëdha, janë rritur aksidentet. Qytetarët paguajnë 160 mln euro për rregullimin e makinave. Nëse do kishte rrugë me standarde,kjo shifër do ishte më e vogël. Të mos shohim vetëm Shqipërinë industriale, por dhe atë turistike. Edhe infrastruktura është një nga arsyet pse duhet votuar PS”

BALLA: DO TË HETOJMË SALI BERISHËN PËR KORRUPSION
“Të luftosh korrupsionin në qeveri është detyrimi më i lartë i patriotizmit ndërsa kush mundohet të mbulojë korrupsionin duke u shtirë si patriot, është veçse një tradhtar i rëndomtë”, – ka thënë G. Edward Griffin një amerikan i shquar, filloi fjalën deputeti Balla. 

“Ne do t’i qëndrojmë një për një angazhimit të dhënë për hetimin e pasurimit të Sali Berishës dhe familjarëve të tij. Në këto shtatë vitet e fundit, janë harxhuar mbi 2 miliardë euro në infrastrukturë, por pas tetë vjetësh asnjë aks rrugor nuk ka përfunduar tërësisht sipas standardeve të përcaktuara të marrjes në dorëzim. Asnjë rrugë e dorëzuar sot në Shqipëri nuk ka gjerësinë, muret mbajtëse, trashësinë e shtresave etj., sipas projekteve të kontraktuara. Departamenti Kombëtar Anti-Korrupsion, një institucion i specializuar sipas modelit ekzistues në shumë vende europiane, do të verifikojë një për një çdo metër rrugë dhe do t’i referojë Prokurorisë gjetjet për çdo shkelje të konstatuar”,- tha Balla. 

BORXHI PUBLIK, KODHELI: ÇDO SHQIPTAR QË LIND SOT, 3 MIJË EURO BORXH
“Rritja e borxhit publik, pengon rritjen ekonomike. Çdo shqiptar që lind sot do të ketë 3 mijë euro borxh. Situata alarmante, 64 lekë borxh në 100 lekë që prodhojmë. Edhe pse borxhi publik po shkon afër 1 trilon, situata është alarmante. Vetëm interesat e këtij borxhi janë dy herë më shumë se rritja ekonomike. Borxhi publik është sa 3 fishi i të ardhura tatimore. 1.2 miliard dollarë është borxhi në sistemin tonë energjetik, dhjetra milion dollarë është borxhi i qeverisë ndaj bizneseve”.(B.W/LajmeShqip.com)

 
Lajme Shqip Thursday, 07 February 2013 16:40

TIRANE- Kryesocialisti Edi Rama ka mbajtur sot një konferencë për shtyp ku ka ‘dënuar’ vendimin e Gjykatës së Tiranës për të shpallur të pafajshëm 2 të pandehurit e ngjarjeve të 21 janarit.

Rama tha se sot për këtë ngjarje nuk u mor vendim, pasi sic shtoi ai drejtësia nuk vihet në vend me vendime të padrejta.

“Kryeministri i ka kthyer gjykatësit në gardistë togëzinj që e pushkatojnë drejtësinë në publik njësoj si garda 4 dëshmorët e 21 janarit. Pafajësia e vrasësve i duhet më shumë atij që pas 23 qershorit do jetë thjesht kryetari i Partisë Demokratike. Sot nuk pati gjykim por vetëm një përfaqësim mes vrasësve të drejtësisë dhe vrasësve të 4 protestuesve. Edhe pse ishte krimi më barbar në Shqipëri pas komunizmit, vendimi i sotëm është më barbari”, tha Rama.

Sipas tij, “Familjet e 4 dëshmorëve të 21 janarit nuk duhet ta vuajnë sot përfundimin e një gjyqi që në të vërtetë ende nuk ka filluar. Siguroj se 21 janari është nga ato ngjarje që nuk harrohen pa u gjykuar drejtësisht dhe nuk mbyllen me gjykim të padrejtës”, shtoi ai.

Ai tha më tej se, “Pas 23 qershorit, do të nisë një proces publik për kreun e PD”.Sipas Ramës, mos dënimi i të pandehurve është një turp për të gjithë shoqërinë.

“Ky i sotmi nuk është turp nga vrasësit e drejtësisë, ky është një turp për shoqeërinë tonë, është përgjegjësia jonë historike si shoqëri. Përgjegjësi që duhet ta ndjejë cdo prind, cdo i ri dhe e re në këtë vend, cdo socialist apo demokrat që ka respekt për veten”, tha ai.

Rama shtoi se sot, “Cdo mik ndërkombëtar që u angazhua për 21 janarin, besoj se ndjehet më afër një shteti ku ligjet nuk vlejnë asnjë grosh dhe kultura e pandëshkueshmërisë bën ligjin”, shtoi ai.(LajmeShqip.com)

 
Lajme Shqip Friday, 25 January 2013 09:35

TIRANE – Partia Socialiste do të nënshkruajë marrëveshje dypalëshe me secilën prej partive të koalicionit që pritet të krijohet para zgjedhjeve të 23 qershorit. Kjo është konfirmuar dje, në tryezën e kreut socialist, Edi Rama me disa prej krerëve të partive aleate, kreun e PSD-së Skënder Gjinushi, atë të PDS-së, Paskal Milo, kreun e PSV ’91, Petro Koçi, kreun e PLD, Spartak Ngjela. Në takim ka munguar kryetari i PBDNJ-së, Vangjel Dule, ndërkohë që kreu i PDS-së, Milo për shkak të një angazhimi tepër të rëndësishëm, diskutoi i pari dhe kërkoi mirëkuptimin e të pranishmëve për tu larguar, sipas sqarimit që ai dha për “Gazeta Shqiptare”.

Pas 1 orë e 20 minuta diskutimesh e propozimesh, duket se aleatët kërkojnë të kenë marrëdhënie dypalëshe dhe jo kolektive me PS-në, partinë që synon të qeverisë pas 23 qershorit. Që në fillim të tryezës së aleatëve, sekretari socialist për koalicionet, Ndre Legisi ka informuar se numri i partive që i janë afruar koalicionit të PS-së është rritur dhe pritet të shtohet ende. Në përfundim të takimit kreu i PSD-së, Skënder Gjinushi, deklaroi për gazetarët se në tryezë “u diskutua mbi rrugën që do të ndjekë opozita shqiptare për të hyrë në fushatën elektorale për zgjedhjet e 23 qershorit. “Ky është fillim i mbarë. Tashmë e rëndësishme është që opozita ka një platformë bindëse. Më pas do të diskutohet edhe marrëveshja për formën e bashkëpunimit. Ka një marrëveshje për të realizuar fitoren në zgjedhje dhe një për të qeverisur vendin në zgjedhjet e ardhshme”, tha Gjinushi.

Ndërkohë, kreu i PDS-së, Paskal Milo ka bërë disa propozime. Milo kërkoi që të hartohet një platformë e përbashkët opozitare, të përshpejtohet edhe hartimi i një projektmarrëveshjeje për krijimin e koalicionit. Milo u ka sugjeruar aleatëve që fryma e takimeve institucionale që zhvillohen në Tiranë duhet përcjellë edhe në strukturat lokale të secilës parti. Një propozim tjetër i Milos ka të bëjë me intensifikimin e takimeve dhe shfaqjen përpara popullit opozitar së bashku, për të dhënë mesazhin e bashkimit.

Ndërkaq në fund të takimit kreu i PSV 91, Petro Koçi, theksoi se, “riaktivizimi i koalicionit me rreth 30 parti është mjaft i mirë për Shqipërinë, sepse ka të bëjë me objektivin për të fituar zgjedhjet”. Sipas tij, boshti i këtij koalicioni do të jetë rikthimi i politikës tek ndërgjegjja kombëtare që kërkojnë qytetarët. “Duke përputhur forcën organizative me numrin e nevojshëm të partive në koalicion, nevoja e qytetarëve për ndryshim do të realizohet”.

Ndërsa kreu i Partisë për Ligj dhe Drejtësi, Spartak Ngjela u shpreh se, “është vendosur të rritet spektri i partive të koalicionit, ka arritur 30 dhe mund të rritet akoma. Por çështja është tek fushata elektorale. Çdo njeri duhet të dijë të bëjë fushatë elektorale dhe duhet të jetë krijues për mbrojtjen e votës”.

Vangjel Dule: Jo në koalicion me AK e PDIU
Partia Bashkimi për të Drejtat e Njeriut mbetet e palëkundur në qëndrimin e saj për të mos bërë koalicion me parti, të cilat kanë probleme të rënda demokracinë dhe shtetin e së drejtës”. Këtë vendim ka marrë PBDNJ, aleate e PS-së. Në një prononcim televiziv, kreu i saj, Vangjel Dule, duke ju referuar Partisë Drejtësi, Integrim dhe Unitet dhe Aleancës Kuq e Zi, u shpreh se: “Është e njohur publikisht se PBDNJ nuk do të bashkëpunojë me forcat politike të cilat kanë probleme me vizionin europian dhe me demokracinë dhe shtetin e së drejtës. Rrjedhimisht nuk ka hapësirë bashkëpunimi të PBDNJ me kategori të tilla forcash politike”. Por, shtoi Dule, “kjo nuk do të jetë prioritet vetëm i PBDNJ, është një aspekt tejet negativ i jetës politike të vendit tonë, ku forca serioze politike, qeverisëse, siç janë PS e PD flirtojnë për bashkëpunime me forca të tilla politike të cilat cenojnë rëndë profilin europian të sistemit tonë politik dhe situatës politike”.(LajmeShqip.com)