Lajme Shqip Wednesday, 16 April 2014 15:21

Dosjet e pronave janë mbyllur deri ne vitin 1995. Drejtoresha e Agjencisë së Kthimit dhe Kompensimit të Pronave, Sonila Qato tha në një intervistë për emisionin investigativ, “Fiks Fare”, se ka një kalendar te ri dhe brenda 4 viteve pritet te mbyllet i gjithë procesi. 

“Në vitin 2013 kemi arritur të shkojmë dhe të kompensojmë deri në një vendim marrje të muajit Shkurt të vitit 1995. Personat të cilët e kanë vendimit pas këtij muaji nuk kanë arritur të përfitojnë nga ky fond. Ne kemi nxjerr të njëjtin vendim për shkak të pamjaftueshmërisë së fondeve”, tha Qato. 

Drejtoresha e AKKP shtoi gjithashtu se edhe vitin tjetër, me rihapjen e fondit të kompensimit, procesi do të jetë i njëjtë dhe më parë do të kompensohen personat të cilët disponojnë vendime të 1993 dhe ’94-ës, pavarësisht nëse kanë aplikuar më parë apo jo. 

“Ne nuk kemi ende statistika të qarta, por kemi marrë përsipër që në një periudhë kohe shumë të shkurtër, të bëjmë transparencën e të gjithë vendimmarrjes. Dyshojmë që janë rreth 20 mijë deri në 25 mijë vendime”, tha drejtoresha e AKKP.  / Top Channel/

 
Lajme Shqip Wednesday, 12 June 2013 13:13

Beograd – Sipas dokumentacionit ekzistues, prona që pretendon Serbia në Kosovë vlen mbi 220 miliardë dollarë. Siç shkruan e përditshmja e Beogradit, “V.Novosti”, e afërt me pushtetin, vetëm pasuria e serbëve të ndjekur, siç i quan kjo gazetë serbët që janë larguar vetë nga Kosova, kalon vlerën e katër miliardë dollarëve. Përveç 580 mijë hektarëve të tokës bujqësore, pyjore e për ndërtime, që është në pronësi të shtetit të Serbisë, ajo është edhe pronare e 1,4 milion metrave katrorë të lokaleve zyrtare, 145 mijë metrave katrorë të ndërtesave afariste dhe 25.999 metrave katrorë banesa. Të gjitha këto, shkruan kjo gazetë, ndodhen në shënjestër të shitjes së kundërligjshme, raporton koha.

Me mija hektarë të tokës së pëlleshme të Kosovës, pronë e subjekteve ekonomike serbe, përmes privatizimit ilegal nga Agjencia Kosovare e Privatizimit po u shiten “pronarëve” të rinj (siç i fut në thonjëza këta “Novosti”) – shqiptarëve.

Shefi i Grupit për gjyqësi në Zyrën për Kosovën (të Qeverisë së Serbisë), Igor Popoviq, citohet nga “V.Novosti” të ketë thënë se tjetërsimi i pronës së ndërmarrjeve serbe, përkatësisht aksionarëve, gjatë vitit të fundit po zhvillohet i përshpejtuar. “Qëllim është shkatërrimi i pozitës ekonomike, por edhe hapësinore e Bashkësisë së ardhshme të komunave serbe”, citon kjo gazetë Popoviqin.