Tag Archives: priftitube
|
|
Thursday, 08 November 2012 17:34
TIRANE– Tërhiqet Prokuroria nga akuzat e ngritura ndaj ish-ministrit të Ekonomisë, Dritan Prifti dhe ish zv/ministrit të kësaj ministrie, Leonard Beqiraj, të akuzuar për korrupsion pas publikimit në media të një videoje të fshehtë, ku ata shfaqeshin duke ndarë një sasi te konsiderueshme parash me njëri-tjetrin.
Tërheqja e palës akuzuese vjen pas vendimit të Gjykatës së Lartë, e cila rrëzoi provën kryesore të Prokurorisë lidhur me çështjen “Prifti- Beqiraj”, duke e shpallur të papërdorshme videon e xhiruar nga ish-ministri i Ekonomisë, Dritan Prifti.
Ndërsa para 4 ditësh kjo Gjykatë i ka rikthyer dosjen Prokurorisë, e cila vendosi pushimin e çështjes.
Kështu pra prej 4 ditësh, ish- ministri i Ekonomisë Dritan Prifti është i lirë nga çdo akuzë.
VIDEOJA
Videoja u zbulua në shkurt të vitit 2011 nga eksperti amerikan që mori në dorëzim kompjuterin e ish-ministrit të Ekonomisë, ndërsa kryente ekspertizën për origjinën e videos Meta-Prifti. Videoja ishte filmuar prej vetë Priftit, përpara se të filmonte veten dhe ish-eprorin e tij, Meta.(LajmeShqip.com)
|
|
Friday, 21 September 2012 16:10
TIRANE – Tërhiqet Prokuroria nga akuzat e ngritura ndaj ish- ministrit të Ekonomisë, Dritan Prifti dhe ish zv/ministrit të kësaj ministrie, Leonard Beqiraj, të akuzuar për korrupsion pas publikimit në media të një videoje të fshehtë, ku ata shfaqeshin duke ndarë një sasi te konsiderueshme parash me njëri-tjetrin.
Tërheqja e palës akuzuese vjen pas vendimit të Gjykatës së Lartë, e cila rrëzoi provën kryesore të Prokurorisë lidhur me çështjen “Prifti- Beqiraj”, duke e shpallur të papërdorshme videon e xhiruar nga ish-ministri i Ekonomisë, Dritan Prifti.
Videoja u zbulua në shkurt të vitit 2011 nga eksperti amerikan që mori në dorëzim kompjuterin e ish-ministrit të Ekonomisë, ndërsa kryente ekspertizën për origjinën e videos Meta-Prifti. Videoja ishte filmuar prej vetë Priftit, përpara se të filmonte veten dhe ish-eprorin e tij, Meta.
Në përfundim të procesit gjyqësor avokatët e dy ish-funksionarëve të lartë u prononcuan për mediat.
“Prokuroria sot në seancë, pasi kishte kërkuar kohë për t’u shprehur vendimin që mori në seancën e herës së kaluar Gjykata e Lartë, u shpreh që për shkak të papërdorshmërisë së provës kryesore, të asaj videos së famshme, tërhoqi aktet”, – tha Fatmir Braka, avokat i Dritan Priftit.
“Prokuroria e tërhoqi akuzën në seancë, kështu që nuk presim gjë tjetër”, – u shpreh Vladimir Meci, avokat i Leonard Beqirit. (LajmeShqip.com)
|
|
Monday, 10 September 2012 17:15
Tiranë – Gjykata vendosi të shpallë si të papërdorshme videon e fshehte kundër ish- ministrit të Ekonomisë, Dritan Prifti dhe ish- zëvendësit të tij, Leonard Beqiraj.
Në seancën e zhvilluar paraditen e së hënës, prokurori i çështjes, Bujar Sheshi, kërkoi që video kundër dy- ish zyrtareve, të shfaqej me cilesine e proves para Gjykatës. Ndërkohë që pala mbrojtese, duke kundërshtuar prokurorinë, i kërkoi Gjykatës deklarimin e videos të papërdorshme, me pretendimin se ajo ishte administruar në shkelje të ligjit nga akuza.
Pasi dëgjoi palet, trupi gjykues, i përbërë nga pesë gjyqtarë, me shumicë votash vendosi që të shpallë videon të papërdorshme në këtë proces, duke rrëzuar në këtë mënyrë provën e vetme të prokurorisë. Në kushtet e reja të krijuara pas vendimit të Gjykatës, prokurori Sheshi kërkoi kohë për të përgatitur hapat ligjore që do të ndërmarrë lidhur me procesin.
Nga ana tjeter, për avokatin Fatmir Braka, me rrëzimin e provës së prokurorisë, ky proces duhet të pushohet. Ish- ministri i Ekonomisë, Dritan Prifti dhe ish zv/ministri i kësaj ministrie, Leonard Beqiraj, akuzohen për korrupsion pas publikimit në media të një videoje të fshehtë, ku ata shfaqeshin duke ndarë një sasi te konsiderueshme parash me njëri tjetrin.
Videoja mes Dritan Priftit dhe Leonard Beqirajt u zbulua në shkurt të vitit 2011 nga një ekspert i huaj që mori në dorëzim kompjuterin e ish-ministrit të Ekonomisë, ndërsa kryente ekspertizën për origjinën e videos “Meta-Prifti”.(LajmeShqip.com)
|
|
Friday, 20 January 2012 01:51
Tiranë – Dje në mbrëmjme çështja e video-përgjimeve në Shqipëri mori një trajtë ordinere më një video të publikuar gjatë një emisioni politik ku shfaqej ish-ministri i ekonomisë Dritan Prifti duke ndarë një shumë parash (60 mijë euro) me ish-vartësin e tij Leonard Beqiri më shumë se një përmasat e një skandali të ri në Shqipëri dha krijoji një tymnajë e cila solli me vete qindar pikëpyetje të tjera.
Në videon e servirur nga avokati i Ilir Metës Spartak Braho e cila u soll dhe iu dorëzua drejtuesit të emisioni aty për aty (ose të paktën kështu u shit) shfaqte pamje teksa z.Dritan Prifti vendos objektin e regjistrimit në ambejntet e banesës së tij.
Në një moment në video-regjistrimi shfaqet Prifti në shtëpinë e tij duke pritur ish-zëvendësministrin e Ekonomisë, Leonard Beqiraj, i cili mbërrin aty një çantë me para në dorë.
Mes Dritan Priftit dhe Beqiraj që shfaqet me imazh të retushuar, zhvillohet një bisedë ku në fakt thjeshtë bëhet numërim parash. Beqiraj nxjerr nga çanta 70 mijë euro dhe ia jep z.Prifti i cili numëron eurot bashkë me të.
Avokati i Metës Spartak Braho deklaroi në formë kërcënimi se janë në total rreth 187 orë regjistrime e ndërsa video që doli në publik, është një material i gjatë 20 minuta.
Video e çuditshme me audio thuajse të padëgjueshme…
Një tjetër pjesë e dyshimtë për rëndësinë e përmbajtjes së videos është edhe audio e dixhitalizuar dhe e mbytur e cila shoqërohet nga një tik-tak shurdhues i cili bën materialin thuajse jo-domethënës për teleshikuesin e thjeshtë nga ekrani.
Braho pretendon se janë në total rreth 187 orë regjistrime. Kurse duke iu referuar videos që bëri publike, tha se është një përgjim 20 minutësh.
Dritan Prifti i e Leonard Beqiri reagojnë me mesazhe telefonil
Prifti: “Do të ishte mirë të jepej me zë kjo video sepse dikush e ka ulur zërin me qëllim. Video është 45 minuta. E kam regjistruar unë dhe të garantoj se s’ka asnjë sekondë korrupsion. Është vetëm diçka private. Është një marrëdhënie biznesi privat mes meje dhe personit. Gjykata e nxori si provë të jashtëligjshme”. Do të doja shumë të isha në studio. Ke zgjedhur panel të njëanshëm”.
“Jam Leonard Beqiraj, megjithë konsideratën që kam për ju dhe personin tuaj, dua të them se do ishte nderin tim të isha dhe unë në atë emision, pasi po bëhen shumë akuza të paligjshme. Për respekt të hetimeve dhe publikut duhet ta dini se kjo është një çështje private që s’ka të bëjë me detyrën dhe në ambient privat. Z.Braho nuk thotë se unë jam anëtar i Partisë Socialdemokrate gjermane dhe kryetar në rajonin ku banoj në Gjermani”.
Publikimi i transkriptimit që nuk figuron në video…
Sipas Gazetës Tema që citon burime të saj konfidenciale,videoja e transmetuar nga Spartak Braho është e vjedhur nga tre ekspertët e caktuar nga Gjykata e Lartë për të ekspertuar video-skandalin e Ilir Metës. Ata kërkuan qëllimisht kompjuterin si provë për të bërë ekspertizën dhe kanë kopjuar prej andej gjithë videot dhe materialet private të Dritan Priftit. Videoja e transmetuar është e cunguar dhe spekulative. Videoja e plotë, të cilën gazeta Tema mund ta bëjë publike të transkriptuar dhe nga prokuroria, tregon sesi Ilir Meta u kërkon para cdo muaj vartësve të vet.
Ja një pjesë e transkriptuar, që nuk u transmetua:
Prifti: Nuk kanë ndonjëherë Ministria aty, nga presioni i madh. Me biznese e kupton,. vetëm ti ndihmosh kështu se s’kam ça i bëj më parë s’kam mundësi.
Beqiri: Nuk është kjo rruga, me dëgjo mua.
Prifti: Po t’i thashë o burrë.
Beqiri: Po pse ça të ka thënë?
Prifti: Do përditë o vëlla, përditë nga 100 mijë euro, nga 200 mijë euro.
Beqiri: Jo o burrë, është shumë.
Prifti: Po… ne, ne, ku ti gjejmë! I bi me shit shtëpinë pastaj!.
Beqiri: – Po jo o burrë jo, shiko tani mos, unë nuk besoj, unë të thashë, në fillim unë të thashë një herë, të dola hapur, tani po të them, po të betohem, unë nuk kam bërë absolutisht i kam thënë, po do hajde ulemi ca i kam thënë (Ilirit). (Unë kam thënë,) shiko, ca më ke kërkuar, nja dy gjëra (politike), ato që kam bërë më tepër (kanë qenë) thjesht (konfliktin e) makinës, nuk më është futur në pazare, (i thashë) një herë që vajti (t’i jepje), jo tha ai… (Monika), absolutisht. Për këtë tha, i thashë unë dëgjo: Ka ndonjë gjë që nuk shkon te Tani? Epo s’do merrem me (atë) tha, unë një herë i them tha, kaq. Nuk ka thënë ndonjë (gjë)………….
|
|
Wednesday, 18 January 2012 11:30
Tiranë- Kryetari i Lëvizjes Socialiste për Integrim (LSI) dhe ish-kryeministri Ilir Meta, gjatë një emisioni televiziv të martën në mbrëmje, komentoi vendimin më të fundit të Gjykatës së Lartë, për çështjen e videopërgjimit, ndërsa hodhi akuza se prapa saj fshihet kryetari i PS-së, Edi Rama.
Meta tha se prokuroria qëllimisht nuk po e heton videon ku Dritan Prifti merr 70 mijë euro.
“Ekspertët amerikanë gjetën një video tjetër tek ora e atij që më përgjoi mua. Çështja e Priftit që po bëhet sikur po hetohet, ka një presion të jashtëzakonshëm që kjo gjë të mos hetohet nga prokuroria. Video ku u shfaqa unë u regjistrua për qëllime shantazhi, Prifti është një viktimë, është i përdorur në këtë proces dhe pas tij fshihet lideri i opozitës(Edi Rama)”, tha Meta.
Ai u shpreh i kënaqur me vendimin unanim të Gjykatës së Lartë, që e shpalli atë të pafajshëm ndaj akuzave për korrupsion të ngritura nga ish-ministri i Energjetikës, Dritan Prifti. “Mendoj se ky rezultat flet shumë qartë dhe pastër dhe vë pikëpyetje të tmerrshme mbi organin e akuzës”, u shpreh Meta.
Ndërkohë, kreu i LSI-së shprehu shqetësim për atë që ai e quajti standard të dyfishtë të prokurorisë dhe e cilësoi organin e akuzës si problemin më të madh për drejtësinë në vend.
“Më shqetëson që prokuroria ka standard të dyfishtë. Nga procesi që ka ndodhur unë mësova që problemi më i madh për këtë situatë që ne kemi me ligjin, luftën kundër korrupsionit është prokuroria”, tha Meta.
Lidhur me debatin për Presidentin ai tha se LSI gjykon se Kreu i shtetit duhet të zgjidhet sipas Kushtetuës dhe të jetë sa më konsensual. “Sa për emrin është tepër herët. Ka shumë individë të spikatur. Ne kemi një marrëveshje me PD-në dhe nuk bëhemi pjesë e spekulimeve, por pjesë e një zgjidhje konstruktive dhe parimore”, u shpreh Meta. (LajmeShqip.com)
|
|
Wednesday, 18 January 2012 10:15
Tiranë-Partia Socialiste e konsideron vendimin e Gjykatës së Lartë të Shqipërisë për dhënien e pafajësisë ish-kryeministrit Ilir Meta si “dëshminë më alarmante të rënies së rendit ligjor dhe shtetit të së drejtës dhe provën përfundimtare të vendosjes së pushtetit gyqësor nën kontrollin e pushtetit politik të qeverisë”.
Në një deklaratë për shtyp të kryesisë së PS-së, e mbledhur pasditen e së martës, ky vendim i Gjykatës së Lartë konsiderohet “fakti më tronditës i thërrmimit të parimit kushtetues”.
Partia Socialiste e konsideron këtë vendim si “një refuzim i drejtpërdrejtë i tre prioriteteve kyçe të vendosura nga Bashkimi Europian për Shqipërinë: një drejtësi e pavarur e profesionale; luftë kundër korrupsionit në nivelet e larta; luftë kundër krimit të organizuar”. (LajmeShqip.com)
|
|
Saturday, 07 January 2012 13:45
Duke përdorur tabulatet telefonike, rrethanat dhe dëshmitë e ndryshme, prokuroria ka arritur në përfundimin se dëshmia e Dritan Priftit është e besueshme dhe se Ilir Meta është fajtor për akuzën për korrupsion aktiv. Bëhet fjalë për dy ryshfete në shuma të mëdha, njëri 700 mijë euro dhe tjetri në shumën 1 milion dollarë.
Edhe pse ekspertiza e videos ka tërhequr vëmendjen më të madhe, prokuroria ka përdorur të gjithë elementët në dispozicion për të provuar se ajo është origjinale dhe e paprekur.
Kështu, prokuroria e nis pretencën e saj duke theksuar se me vullnetin e tij, Dritan Prifti ka dëshmuar se Ilir Meta kishte nisur t’i bënte presione të pandërprera për të bërë afera korruptive. Në këto kushte, më 1 mars 2010, Dritan Prifti ka vendosur të regjistrojë Metën. Prokuroria thotë se ashtu siç dëshmon edhe Prifti, ekziston tablati i telefonatës së Metës përpara vizitës së tij në zyrën e Priftit, sikundër është faktuar se Meta është larguar menjëherë jashtë vendit, njësoj sikur thotë Meta gjatë telefonatës. Prokuroria ka verifikuar sistemin TIMS, që tregon largimin e Metës jashtë vendit pak pasi ishte në zyrën e Priftit.
Në pretencën e prokurorisë thuhet se Meta kishte kërkuar ndërhyrje për dy raste.
I pari për ndërhyrjen në garën për koncesionin e ndërtimit të hidrocentraleve Egnatia- Shushicë, me një kosto prej 65 milion euro. Synimi ishte që garën ta fitonte kompania “Vëllezërit Tola”. Në këmbim si shpërblim i kundërligjshëm do merrej shuma 700 mijë euro dhe 7 përqind të aksioneve.
Rasti i dytë ishte ai i favorizimit të shoqërisë “Halilaj Holding’ në ankandin për shitjen e 30 mijë tonëve naftë bruto të prodhuar nga Albpetrol. Nga ky favorizim, Meta ofronte një përfitim të paligjshëm prej 1 milion dollarë, që do ndaheshin mes Metës dhe Priftit.
Regjistrimi i videos
Prokuroria thekson se pas presioneve të shumta për shtytje në veprimtari të paligjshme, Dritan Prifti vendosi të regjistronte bisedën me Metën.
Video është regjistruar më 1 mars, telefonatat e Metës faktojnë se ai ishte nisur për në zyrën e Priftit dhe është larguar menjëherë nga ajo.
Regjistrimi është realizuar me një pajisje joprofesionale, e kamufluar në një orë tavoline dhe është shkarkuar menjëherë në laptopin e Priftit.
Prokuroria thotë se gjykata e ka pranuar atë si provë të vlefshme procedurialisht. Madje edhe ekspertëve shqiptarë iu është kërkuar që të përgatisin një kopje të filtruar sa më mirë. Kjo kopje është pranuar si provë. Prokuroria thotë se është në të drejtën e gjykatës të vendosë se do e dëgjojë apo jo videon, por prokuroria do e përdorë atë si provë për shkak se akti i ekspertimit dhe CD iu është vënë në dispozicion palëve.
Sipas prokurorisë, gjetjet e ekspertëve shqiptarë nuk janë as shkencore dhe as të sakta. Ata thonë se fakti që dëgjohet një tik-tak i tepërt në regjistrim, tregon se mund të ketë ndërhyrje. Ndërkohë ata pranojnë se kjo mund të jetë një zhurmë nga regjistruesi ose ndonjë defekt i mekanizmit të orës.
Por nuk është ky argumenti më i fortë i prokurorisë për video. Sipas tyre, në aktin e ekspertimit thuhet se ka vetëm një datë modifikimi të videos dhe ajo është 1.03.2010, ora 01.33. Pikërisht kjo është ora kur video është shkarkuar në laptop. Madje as vetë Prifti nuk e ka parë më videon, le më të ketë ndërhyrë në të.
Ryshfeti 700 mijë euro
Të gjithë kujtojnë momentin kur Ilir Meta merr telefonin dhe nis të flasë me Agim Rrapajn, një personazh i njohur i drejtësisë për aferat korruptive. Rrapaj flet në emër të shoqërive
“Vëllezërit Tolaj”, që kërkon të marrë koncesionin e hidrocentraleve Egnatia-Shushicë. Tabulatet e telefonit të Rrapajt faktjnë se ai ka komunikuar me Metën, pikërisht në kohën kur ai ishte në zyrën e Priftit, dmth në orën 13.28. Kjo është një provë e pakundërshtueshme pasi siç tregon edhe tabulati, telefonata ka zgjatur fiks aq sa në video, çka tregon se edhe video është origjinale.
Meta kërkon në video që të merret parasysh një vendim i Gjykatës së Apelit, duke u shprehur i bindur se në Gjykatën e Lartë nuk do ketë probleme, ‘pasi ai e rregullon me kryetaren’. Fakti që Meta kërkon të merret parasysh ky vendim, thotë prokuroria, tregon se Meta nuk ka pasur asnjë arsye tjetër për të përmendur shuma përveç arsyes që sjell Prifti. Po ashtu Meta vijon të deklarojë se në mënyrë të paligjshme do ndërhyjë edhe në Gjykatën e Lartë, çka përforcon këtë fakt.
Ndërkohë, dëshmitë e Komisionit të Vlerësimit të Ofertave kanë faktuar se përjashtimi i shoqërisë “Vëllezërit Tola” nga tenderi u bë për shkak se ajo nuk plotësonte kriteret teknike, juridike dhe ekonomike. Në këtë mënyrë faktohet se Meta po bënte një ndërhyrje të paligjshme, të cilën nuk e çoi deri në fund kur u bë Ministër i Ekonomisë për shkak se e dinte se ishte regjistruar.
Ryshfeti 1 milion dollarë
Pjesa ku flitet për këtë ryshfet është edhe më interesantja. Bëhet fjalë për një biznesmen të quajtur Bekim Halilaj, që kërkon të fitojë një ankand për shitjen e 30 mijë ton nafte bruto nga Albpetrol. Shpërblimi është 1 milion dollarë.
Bekim Halilaj, një person me precedentë dhe me të kaluar të dyshimtë, rrezikon shumë me dëshminë që ka bërë. Prokuroria ka vërtetuar nga anëtarët e komisionit të ankandit se ai ka garuar me firmën e tij. Halilaj dhe Meta kanë kërkuar nga Prifti që të ndikojë që të bindet ARMO që të japë për kompaninë e Bekimit ekskluzivitetin për përpunimin e naftës së tij në rafineri ose t’i jepte Bekimit me qera rafinerinë. Dëshmia e pronarit të ARMO-s, Rezart Taçi, ka vërtetuar diçka të tilla. Taçi ka dëshmuar se Halili ka kontaktuar përmes miqve të përbashkët për të marrë me qira rafinerinë.
Por ajo që rrezikon më shumë Halilajn është dëshmia e tij në Gjykatën e Lartë se ai ka biseduar me Ilir Metën për problemin e ankandit vetëm në muajin qershor, kurse Dritan Priftin e ka mik. Por tabulatet telefonike zbulojnë se brenda një viti Halilaj ka folur me Priftin vetëm 13 herë, kurse me Ilir Metën plot 192 herë. Vetëm në ditën kur do bëhej ankandi ai ka biseduar me Metën tre herë, kurse ditën e shtyrjes së ankandit plot 12 herë. Dmth me Priftin që thotë se e ka mik ka folur 13 herë në vit, kurse me Metën, që thotë se e ka takuar rastësisht, ka biseduar plot 192 herë.
Ja dinamika e telefonatave më 10 mars 2010. Në orën 8.34 Meta merr në telefon Bekim Halilin, në orën 10.11, 11 minuta pas orës së ankandit, Bekim Halilaj merr Metën. Në orën 10.13, Meta merr në telefon Bekim Halilajn. Në orën 10.24 Halilaj merr Ilir Metën. Në orën 10.56 dhe dy herë brenda orës 11.00 Meta merr në telefon Bekim Halilajn. Më pas në orën 11.02 Meta merr në telefon Dritan Priftin. Më pas në orën 11.17 Dritan Prifti merr në telefon Bekim Halilajn dhe menjëherë Bekimi në orën 11.23 komunikon me Ilir Metën. E kështu telefonatat vijojnë thuajse gjithë ditën e deri në mesnatë kur sërish Bekim Halilaj në orën 00.31 merr Ilir Metën.
Prokuroria ka marrë si provë edhe një SMS që Bekim Halilaj i ka dërguar Dritan Priftit. Ndërsa në Gjykatë, Halilaj e ka mohuar një SMS të tillë, edhe pse ajo ishte parë nga prokuroria.
Halilaj po ashtu ka mashtruar kur ka thënë se nuk e njeh Pajtim Sulajn, drejtuesin e komisionit të ankandit. Por në akt tabulatet telefonike tregojnë se ai ka folur brenda nj viti 139 herë më të. Vetë në muajin mars, kur është bërë ankandi, ata kanë folur plot 49 herë bashkë.
“Ky është njeriu që përpiqet të kundërshtojë dëshminë e Dritan Priftit për premtimin e bërë për përfitime të paligjshme,” konkludon Prokuroria.
Guximi i Dritan Priftit
Në konkluzionet e Prokurorisë theksohet se nuk ka qenë e lehtë për Dritan Priftin, që të denoncojë zëvendëskryeministrin, njeriun e fuqishëm, që po ashtu ofronte edhe pagesa të majme. “Gjykimi i kësaj çështje provoi se dëshmitari Dritan Prifti është plotësisht i besueshëm dhe gjithë provat direkte dhe indirekte të analizuar më sipër evidentuan vërtetësinë dhe besueshmërinë e shpjegimeve të tij,” thekson Prokuroria.
Prokuroria thekson se mbrojtja ka tentuar të përdorë të shkuarën e Priftit për të nxjerrë në pah karakterin e dobët. Por Prokuroria thekson se referimi në të kalurën e largët nuk cenon besueshmërinë e një dëshmitari. Prokuroria po ashtu deklaron se ajo nuk është marrë fjala bie me të kaluarën e Bekim Halilajt, dënuar për veprën penale të mashtrimit.
Ndërkohë, nuk harrohet pa u përmendur nga Prokuroria edhe një e ashtuquajtur deklaratë e dëshmitarit Fatmir Merkaj, që Prifti i ka kërkuar peshqesh. Prokuroria thekson se në deklaratat e tij në fashikujt e provave nuk ka asnjë deklaratë të tillë. Merkaj ka deklaruar se është një ndërtues që nuk e njeh fare Priftin dhe që nuk ka asnjë dijeni për akte korruptive të tij.
Në mbylle të pretencës, prokuroria zbardh edhe diçka tepër të rëndë, faktin që Ilir Meta nuk guxoi kurrë të shkojë në prokurori apo të përballet me Dritan Priftin. Edhe pse Meta ka bërë politikë duke thënë se ai është gati të përballet me drejtësinë, ai bishtoi, duke treguar sipas Prokurorisë besueshmërinë e dëshmitarit Dritan Prifti.
Meqë Kodi Penal parashikon për këtë krim dënimin nga 1 deri në 5 vjet burg, Prokuroria ka kërkuar dy vite me akuzën për korrupsion aktiv të funksionarëve të lartë shtetëror, parashikuar nga neni 245 i Kodit Penal.
|
|
Friday, 06 January 2012 16:40
(Tiranë ora 16:00) Në një deklaratë për mediat, Spartak Braho, që përfaqëson Ilir Metën në procesin gjyqësor ndaj këtij të fundit, ka akuzuar edhe njëherë prokurorinë, duke thënë se ka një pasion kriminal për të montuar prova, me qëllim dënimin e Ilir Metës.
“Lipset të deklarojmë se Prokuroria në kërkesën e saj sot, provoi edhe njëherë se mbeti në mjerim të thellë profesional dhe ligjor për argumentet dhe pseudo-provat ku u mbështet.
E shtrënguar nga mungesa e tyre, por edhe paaftësia, ne pamë se asaj gjatë gjithë procesit gjyqësor, ju rrëzuan të gjitha pseudo-argumentet, prej të cilave ajo dhe vetë hoqi dorë, duke e parashëmbur kalanë prej rërë, të ndërtuar me pasion kriminal .
Ajo që pamë dhe dëgjuam sot në këtë seancë , në të cilën ajo duhet të reflektonte, ishte që për të shpëtuar nga mbytja Prokuroria u kap me dhëmbë në gomonen e çpuar të mashtruesit të vitit.
Fatkeqësi për këtë institucion, i cili na u shfaq edhe njëherë si kollovar dhe shërbëtor i politikës së rrugës dhe jo i ligjit.
Mund të themi pa më të voglin dyshim se pafajësia e Ilir Metës, e kërkuar nga mbrojtja në seancën e sotme është evidente sepse e tillë është e vërteta”, ka thënë Braho.
Deklarata e këtij të fundit u bë pasi prokuroria kërkoi dënimin e Ilir Metës me 2 vjet burg.
***********************
(Tiranë ora 13:40) Më 16 janar Gjykata e Lartë do të japë vendimin për ish-kryeministrin Ilir Meta qe akuzohet për korrupsion aktiv. Prokuroria ka kërkuar 2 vjet burg dh 1 milionë lek gjobë për kreun e LSI-së.
*************************
(Tiranë ora 12:00) Janë rrokullisur shumë shpejt ngjarjet ditën e sotme në gjyqin ndaj Ilir Metës.
Sapo prokuroria ka dhënë pretencën e saj, duke kërkuar dy vite burg, mbrojtja nuk ka vonuar dhe ka paraqitur edhe ajo konkluzionet e saj. Avokatët e Metës kanë kërkuar pushimin e çështjes, çka ka bërë që trupi gjykues të tërhiqet për të marrë një vendim për Ilir Metën.
Nuk dihet sa do zgjasë koha për dhënien e vendimit nga Kolegji Penal i Gjykatës së Lartë, por me shumë gjasë çështja Meta do marrë një përgjigje shumë më shpejt nga sa ishte menduar
***************
Prokuroria dha sot pretencën për ish-kryeministrin Ilir Meta, në lidhje me video-përgjimin Meta-Prifti. Prokurori, Bujar Sheshi kërkoi cilësimin fajtor dhe dënimim me 2 vjet burg dhe 1 milionë lekë gjobë për Metën për korrupsion aktiv.
Prokurori Sheshi renditi një sërë akuzash, që sipas tij provojnë akuzën ndaj Ilir Metë, ndërsa theksoi se organi i akuzës e konsideron të besueshme dëshminë e ish-ministrit të Ekonomisë Dritan Prifti, sipas të cilit Meta ka favorizuar kompani të caktuara për ndërtimin e HEC-eve dhe ankandeve të naftës. Sipas prokurorit, dëshmia e Priftit mbështetet nga prova direkte dhe indirekte dhe kryesisht nga tabulatet telefonike.
Prokurori i çështjes rindërtoi të gjithë vido-përgjimin e transmetuar në televizion, ku Meta bisedon me Priftin për disa afera korruptive.
Prifti paralajmëron publikimin e videove te reja
Një ditë më parë, Prifti deklaroi se sapo të mbyllet kjo çështje, Metës do i hapet një tjetër.
“Sa të mbyllen hetimet shqiptareve do tua tregoj unë videon Prifti-Beqiri. Do t’i tregoj pjesët me zë dhe figurë që censuron Meta dhe si ai trajton marrëdhëniet me miqtë dhe ndërkombëtaret. Meta s’ka shpëtim. Pasi t’ia mbyllë gjykata me lekë ketë çështje, atij do t’i hapet tjetra menjëherë. Do t’ju tregoj me zë dhe figure vjedhje të reja dhe të vjetra të çiftit Meta-Kryemadhi. S’ka burrë që më bën mua shantazh. Do ishte mire që kryesia ta dëgjonte videon me zë dhe të plotë për të kuptuar se cili është kryetari i tyre. Unë angazhohem që 2012 të jete viti i transparencës dhe të vërtetës për çdokënd që pretendon të qeverisë këtë vend”,- deklaroi Prifti
|
|
Monday, 12 December 2011 13:57
Tiranë- Kanë dëshmuar sot 5 vetë në procesin gjyqësor ndaj ish zv. kryeministrit Meta, i cili akuzohet për korrupsion aktiv pas publikimit të videos skandal me ish vartësin e tij Dritan Prifti. Mes dëshmitarëve kanë qënë edhe vëllezërit Tola që kanë patur edhe shoqërinë me të njejtën emër “Tola”.
Ymer Tola konfirmoi se kishte marrë pjesë në tenderin për dhënien me koncesion të HEC-it në Shushicë, por u skualifikua nga Ministria e Ekonomisë me argumentin se kishte konflikt interesi.
Tola deklaroi se 700 mijë euro ishte vlera e investimit në këtë HEC. Kujtojmë këtu se kjo shumë është përdorur në video përgjimin Meta-Prifti. Në seancën e sotme prokuroria kërkoi gjithashtu administrimin e provave lap topin, orën kamera dhe USB, nga Dritan Prifti, si prova bazë.
Kërkesa e prokurorisë u kundërshtua nga pala mbrojtëse. Seanca e radhës do mbahet në 16 dhjetor ku gjykata do vendosë për provat që kërkon të administrojë organi i akuzës.
|
|
Wednesday, 23 November 2011 11:24
Dritan Prifti hodhi poshtë akuzat se ka favorizuar një kompani, pronari i së cilës ishte aksioner me të shoqen e tij në një kompani tjetër. Me vërtetim të QKR-së në dorë, Dritan Prifti tha se bashkëshortja e tij i kishte shitur aksionet në këtë kompani kur ai ishte bërë ministër.
Ndërsa pronari i kompanisë që fitoi tenderin e naftës, në kohën e videopërgjimit, u bë aksioner në këtë kompani kur Dritan Prifti ishte larguar nga funksioni i tij qeveritar. Kështu, sipas ekstraktit të shoqërisë, bashkëshortja e ministrit dhe personi që fitoi tenderin e naftës, nuk kanë qenë kurrë bashkëpronarë në të njëjtën kohë në këtë kompani.
Dritan Prifti e cilësoi këtë një shpifje dhe shpërtheu kundër Ilir Metës: “Ka nxjerrë disa mashtrues të përmendin gruan time. Në qoftë se unë do të merrem me gruan i Ilir Metës ta keni të qartë të gjithë që s’ka as ekspertë, as gjykatë, as media, as parti që mund ta shpëtojë më atë zotëri. Mos të guxojë më të prekë me shpifje familjen time. Unë po ju them që nuk kam absolutisht asnjë frikë nga Ilir Meta.
Unë e njoh Ilir Metën, ai mbështjell kokën me peshqir dhe futet në jorgan kur ka siklete. Nuk është ndonjë lloj trimi Ilir Meta. Le ta provojë me mua. Jam i gatshëm të përballem deklaratë më deklaratë, video për video, grusht për grusht, dhëmbë për dhëmbë. Si ta dojë ai dhe ku ta dojë ai. Ok? Se shumë njerëz mendojnë “është myzeqar ai, s’ka këllqe”.
Unë jam edhe myzeqar, se kam babain nga Myzeqeja, por jam edhe vlonjat, se kam mamanë nga Vlora. Në qoftë se do përballje me mua mos ta bëjë me mashtrues si Bekim Halili, të dalë me mua ballë për ballë në një studio televizive dhe t’u themi shqiptarëve të vërtetën”.
Sipas Dritan Priftit, e vërteta është se tenderi i naftës u zhvillua në transparencë të plotë, çka u vërtetua në gjyq edhe nga dëshmia e zv/drejtorit të Albeptrolit. Kurse videoja e përgjuar përmban të vërtetën e korrupsionit të Ilir Metës.
Por, pas rrëzimit të ekspertizës amerikane nga ekspertë shqiptarë, Dritan Prifti tha se të mërkurën do t’ia shpërndajë videon tërë ambasadave të vendeve të Bashkimit Europian dhe Ambasadës Amerikane. “Nëse duan, ato mund t’i bëjnë videos ekspertizë pranë policive përkatëse, për të parë se çfarë ndodh në Shqipëri”.TCH