Lajme Shqip Thursday, 02 February 2012 00:04

Njukasëll i është afruar vendit të katërt në renditje duke fituar 2-0 ndaj Bllekbërn në ndeshjen e javës së 23-të. Autogoli i Skot Dan dhe një gjuajtje e Obertan në minutat e fundit solli suksesin për ekipin e drejtuar nga Alan Pardju, që tashmë është vetëm 3 pikë larg Çelsit të vendit të katërt.

Ndërkohë, ka vazhduar kriza e Arsenalit, që për të katërtën ndeshje radhazi nuk arrin të fitojë. Pengesa e radhës quhet Bolton, që ka ndalur topçinjtë na barazimin 0-0 duke bërë që ata të bien tashmë në vendin e 7-të në renditje. Arsenalit nuk i ka buzëqeshur as fati në këtë sfidë, pasi dy gjuajtje të Van Persit janë ndalur nga shtylla. (LajmeShqip.com)

Rezultatet

Aston Vila-QPR            2-2

Bolton-Arsenal              0-0

Sandërlend-Noruiç       3-0

Fullhem-Uest Bromuiç  1-1

Bllekbërn-Njukasëll      0-2

Renditja

M. Siti 54, M. Junajtid 54, Totenhem 49, Çelsi 42, Njukasëll 39, Liverpul 38, Arsenal 37, Sandërlend 30, Stok 30, Everton 29, Noruiç 29, Aston Vila 28, Fullhem 27, Suonsi 27, Uest Bromuiç 26, QPR 21, Bolton 20, Bllekbërn 18, Ulvërhempton 18, Uigan 15.

 
Lajme Shqip Wednesday, 01 February 2012 10:50

Rihapet dueli për titullin kampion në Angli pasi tashmë dy skuadrat e Mançesterit janë me pikë të barabarta në kreun e renditjes. Shkak është bërë humbja 1-0 e Mançester Siti ndaj Everton, ndërsa Mançester Junajtid ka fituar lehtësisht 2-0 ndaj Stok.

Si për ironi të fatit, për të ndihmuar Junajtid ka menduar një ish-lojtar i kësaj skuadre, Darron Gibson, i cili ishte cilësuar si i panevojshëm nga Aleks Ferguson dhe u largua gjatë merkatos së janarit. Ai ka shënuar golin e vetëm të fitores ndaj Mançester Sitit duke bërë të mundur që ish-skuadra e tij të ketë një tjetër shans për të kaluar “kushërinjtë”.

Në garë është kthyer edhe Totenhem, pas fitores 3-1 ndaj Uigan, falë paraqitjes së jashtëzakonshme të Garet Beil, autor i dy golave, dhe Luka Modriç. Ndërkohë, ndalet përsëri Çelsi, që barazon 1-1 me Suonsin, skuadra e cila pak javë më parë mundi Arsenalin. (LajmeShqip.com)

Rezultatet

31.01.2012

Suonsi-Çelsi                     1-1

Totenhem-Uigan             3-1

Ulvërhempton-Liverpul 0-3

M. Junajtid-Stok              2-0

Everton-M. Siti                1-0

Sot

Aston Vila-QPR            20:45

Bolton-Arsenal              21:00

Sandërlend-Noruiç       21:00

Fullhem-Uest Bromuiç  21:00

Bllekbërn-Njukasëll      21:00

Renditja

M. Siti 54, M. Junajtid 54, Totenhem 49, Çelsi 42, Liverpul 38, Arsenal 36, Njukasëll 36, Stok 30, Everton 29, Noruiç 29, Sandërlend 27, Aston Vila 27, Suonsi 27, Fullhem 26, Uest Bromuiç 25, QPR 20, Bolton 19, Bllekbërn 18, Ulvërhempton 18, Uigan 15.