Lajme Shqip Wednesday, 11 April 2012 22:14

Mançester Siti ka fituar lehtësisht 4-0 ndaj Uest Bromuiç për të rihapur luftën për titull kampion në Angli, falë edhe disfatës së papritur të Mançester Junajtid në fushën e Uigan më rezultatin 1-0. 

Skuadra e Roberto Mançinit ka gjetur formën e saj më të mirë falë magjive të Serxho Aguero, i vetmi që duket në gjendje të tërheqë para skuadrën në momente të vështira. Dy golave të tij i janë shtuar edhe ato të Karlos Tevez dhe David Silva, të cilët kanë vulosur suksesin e rëndësishëm 4-0 duke i dhënë fund një periudhe negative të kësaj skuadre.

Siti tashmë është vetëm 5 pikë larg Junajtid kryesues që u mund në mënyrë të papritur në fushën e Uiganit që lufton për mbijetesë me rezultatin 1-0. Ekipi vendas ka dominuar në këtë ndeshje duke shënuar rastet më të rrezikshme dhe ka parë t’i mohohet një gol i rregullt nga gjyqtarët. Por një gjuajtje perfekte e Maloni në minutën e 50-të nuk i ka lënë mundësi reagimi portierit De Gea duke vulosur humbjen e parë pas 12 ndeshjesh radhazi për Junajtid që kishte marrë 11 fitore e vetëm 1 barazim në këto ndeshje.

Ndërkohë, Arsenali i vendit të tretë ka përforcuar pozitat në klasifikim duke mundur lehtësisht 3-0 Ulvërhempton që duket se është skuadra e parë që do të presë biletën për rënien nga kategoria. (LajmeShqip.com)

Rezultatet

Man. Siti-Uest Bromuiç            4-0

6′, 54′ Aguero, 61′ Tevez, 64′ Silva

Uigan-Man. Junajtid                 1-0

50′ Maloni

Ulvërhempton-Arsenal          0-3

9′ (p) Van Persi, 11′ Uollkot, 69′ Benajun

QPR-Suonsi                             3-0

46′ Barton, 55′ Makie, 67’Buzsaki

Renditja

Mançester Junajtid 79, Mançester Siti 74, Arsenal 64, Totenhem 59, Njukasëll 59, Çelsi 57, Everton 47, Liverpul 46, Noruiç 43, Fullhem 43, Sandërlend 42, Stouk 42, Suonsi 39, Uest Bromuiç 39, Aston Vila 35, QPR 31, Uigan 31, Bolton 29, Bllekbërn 28, Ulverhempton 22.

 
Lajme Shqip Tuesday, 10 April 2012 09:06

Roberto Di Mateo, trajneri i përkohshëm i Çelsit, beson se lufta për vendin e katërt në renditje që të çon në Ligën e Kampioneve, do të vazhdojë deri në javën e fundit të kampinatit. Tashmë në garë për këtë vend janë Totenhem, Njukasëll dhe Çelsi, që aktualisht është dy pikë larg këtyre dy skuadrave.

Blutë i shkuan shumë afër ngjitjes në vendin e katërt pasi goli i Frenk Lampard me 11 metërsh, i 150-ti në kampionatin anglez për mesfushorin e përfaqësueses angleze, i dha avantazhin përballë Fullhem. Por goli i Klint Dempsi në minutat e fundit bëri që ndeshja të mbyllej vetëm në barazim 1-1.

“Po ta shohësh me optimizëm, jemi më afër vendit të katërt se sa ishim një muaj më parë. Zhgënjimi më i madh është që pësuam gol në minutat e fundit dhe kjo të shqetëson. Ky ishte goli i 20-të që pësojmë këtë sezon në 10 minutat e fundit të ndeshjeve dhe kjo gjë duhet korrigjuar”, tha ai.

“Rivaliteti do të vazhdojë deri në javën e fundit. Edhe Arsenali nuk duhet të jetë i qetë pas distanca prej vendit të tretë ku janë ata nuk është e madhe dhe ky është një kampionat me shumë konkurrencë”. (LajmeShqip.com)

 
Lajme Shqip Monday, 09 April 2012 22:27

Javët e fundit të kampionatit anglez të futbollit do të dhurojnë një luftë të ethshme për kualifikimin në Ligën e Kampioneve ku tani duket qartë që janë 4 skuadra që luftojnë për vendin e tretë dhe të katërt: Arsenali, Totenhemi, Njukasëlli dhe Çelsi.

Arsenali, që ka zhvilluar një ndeshje më pak, mban aktualisht vendin e tretë, të cilin do ta ruajë sido që të ndahet ndeshja e tij me Ulvërhempton. Kjo vjen për shkak të gabimeve që kanë bërë si Totenhem, ashtu edhe Çelsi, në ndeshjet e javës së 33-të.

Totenhemi u mund në fushën e tij nga Noruiç me rezultatin 2-1, disfata e katërt në 8 ndeshjet e fundit ku kanë marrë vetëm një fitore. Kjo ecuri aspak pozitive i ka kushtuar shtrenjtë skuadrës së Herri Redknap, që ka pësuar një rënie drastike nga lufta për titull, në luftën për vendin e katërt në renditje.

Kjo skuadër është arritur tashmë nga Njukasëlli i Alan Pardju, i cili falë 6 fitoreve radhazi, të fundit 2-0 ndaj Bolton, ka mbërritur të shkojë në kuotën e 59 pikëve, duke kaluar edhe Çelsin. Pikërisht londinezët janë zhgënjyesit më të mëdhenj të këtij sezoni. Barazimi 1-1 me Fullhemin ka treguar për të disatën herë se planifikimi i këtij sezoni ka qenë krejtësisht i gabuar, pasi skuadra që duhej të luftonte për titull, tashmë është në vendin e 6-të dhe në sezonin e ardhshëm, lojtarët e saj mund të ndjekin ndeshjet e Ligës së Kampioneve nga ekrani i televizorit. (LajmeShqip.com)

Rezultatet

Fullhem-Çelsi                1-1

82′ Dempsei / 45′ (p) Lampard

Aston Vila-Stouk           1-1

32′ Viman / 71′ Huth

Everton-Sandërlend     4-0

52′ Gueue, 75′ Pienar, 76′ Osman, 81′ Aniçebe

Njukasëll-Bolton            2-0

73′ Ben Arfa, 83′ Papis Cise

Totenhem-Noruiç         1-2

13′ Pilkington, 65′ Benet / 33′ Defo

Renditja

Mançester Junajtid 79, Mançester Siti 71, Arsenal 61, Totenhem 59, Njukasëll 59, Çelsi 57, Everton 47, Liverpul 43, Noruiç 43, Fullhem 43, Sandërlend 42, Stouk 42, Suonsi 39, Uest Bromëiç 39, Aston Vila 35, Bolton 29, Bllekbërn 28, QPR 28, Uigan 28, Ulvërhempton 22.