Lajme Shqip Tuesday, 03 April 2012 08:32

Sër Aleks Ferguson ka cilësuar golin e Antonio Valencia si “përshkrues historik” të Mançester Junajtid, pasi skuadra e tij fitoi 2-0 ndaj Bllekbërn për t’u shkëputur më tej në kreun e renditjes së kampionatit anglez. Junajtid dominoi ndeshjen por nuk po gjente rrugën e rrjetës, deri në minutën e 81-të kur një gjuajtje e forte Valencias i kaloi ata në avantazh, ndërsa më pas ishte Eshli Jang që vulosi rezultatin përfundimtar 2-0. 

“Ky është një gol i rëndësishëm. Ai përshkruan vetë historinë e klubit tonë. Nëse nuk e provon të gjuash, nuk do ta kuptosh kurrë nëse mund ta shënosh një gol të tillë apo jo”.

“Kjo ishte një natë e gjatë, na duhej vetëm të kishim durim dhe morëm frytet për të. Nuk është se krijuam shumë raste por ishte shumë e vështirë të siguroje një gol me mënyrën se si mbrohej Bllekbërn”.

“Na kanë mbetur edhe 7 ndeshje dhe eksperienca ime në këto situata thotë se nuk ka rëndësi sa është totali i pikëve në këtë moment, ajo që ka më shumë rëndësi është të mundohemi të fitojmë ndeshjen e të dielës”, ishin fjalët e Ferguson. (LajmeShqip.com)

 
Lajme Shqip Sunday, 01 April 2012 18:58

Totenhemi ka arritur më në fund t’i rikthehet fitoreve, pas pesë ndeshjesh radhazi pa shijen e tyre duke barazuar përsëri Arsenalin në vendin e tretë në renditje. Ka qenë një sukses i rëndësishëm ai 3-1 ndaj Suonsi, një skuadër që u ka krijuar probleme të gjitha skuadrave më të mëdha në Angli. 

Van Der Vart kaloi në avantazh Totenhem në minutën e 19-të me një gjuajtje nga jashtë zonës, ndërsa vendasit humbën shumë raste për të dyfishuar rezultatin. Por Suonsi u kundërpërgjigj me Sigurdson në pjesën e dytë të ndeshjes, duke vënë në diskutim rezultatin e ndeshjes. U deshën dy gola të Emanuel Adebajor për të siguruar këtë fitore që ngjit skuadrën e Herri Redknap në kuotën e 53 pikëve, aq sa Arsenali, ndërsa ruhet një distancë sigurie prej 5 pikësh ndaj Çelsit.

Por një skuadër tjetër që rrezikon pozitat e londinezëve është Njukasëll, që ka fituar 2-0 ndaj Liverpulit, duke iu ngjitur pikërisht Çelsit në vendin e pestë në kampionat. Papis Vise shënoi dy golat për skuadrën e tij, ndërsa Liverpuli është në krizë të thellë, të treguar më së miri nga nervozizmi i panevojshëm i Pepe Reina, që u ndëshkua me karton të kuq pasi goditi me kokë Përç. (LajmeShqip.com)

Rezultatet

Njukasëll-Liverpul        2-0

Totenhem-Suonsi          3-1

Renditja

Mançester Junajtid 73, Mançester Siti 71, Arsenal 58, Totenhem 58, Çelsi 53, Njukasëll 53, Everton 43, Liverpul 42, Sandërlend 41, Suonsi 39, Noruiç 39, Fullhem 39, Stouk 38, Uest Bromuiç 36, Aston Vila 33, Bolton 29, Bllekbërn 28, QPR 28, Uigan 28, Ulvërhempton 22.

 
Lajme Shqip Sunday, 01 April 2012 10:28

Trajneri i Mançester Sitit, Roberto Mançini, ka qenë përsëri i pakënaqur me Mario Balotelin, ndonëse ky i fundit shënoi 2 gola në sfidën ndaj Sandërlend të përfunduar në barazim 3-3.

Sipas trajnerit italian, ai ishte shkaktari kryesor pse skuadra nuk arriti të fitonte këtë sfidë, pasi shënoi vetëm në minutat e fundit të ndeshjes dhe jo atëherë kur duhej.

“Mendova që ta zëvendësoj që pas 5 minutash lojë, por në fund ai shënoi 2 gola në këtë sfidë. Ai nuk luajti mirë. Në një ndeshje të tillë, sulmuesit duhet bëjnë diferencën, por jo në dy minuta e fundit të ndeshjes, në minutat e mëparshme”, tha Mançini, i cili preferoi të mos komentonte incidentin e pjesë së dytë kur Baloteli u zu me Tevez dhe Kolarov për gjuajtjen e një goditje dënimi.

“Një lojtar si Mario apo Edin Xheko, duhet të shënojë 2-3 gola në një ndeshje të tillë. Në këtë moment na duhet Karlos Tevez, një sulmues që mund të bëjë gjëra të ndryshme. Kjo është ajo që do të bëj në vazhdim”, ka treguar Mançini, të cilit duket se i ka sosur durimi me Balotelin, edhe pse ky i fundit ka shënuar 13 gola në këtë kampionat.

Ndërkohë, është zbuluar se dëmtimi i Agueros ka ardhur për shkak të një alergjie ndaj një medikamenti të përdorur nga stafi i Mançester Sitit. Trajneri ka kërkuar që të bëhet në hetim i plotë mbi arsyen pse askush nga stafi mjekësor nuk dinte më përpara për këtë reagim alergjik të futbollistit argjentinas, i cili mungon në këtë pikë kaq vendimtare të sezonit. (LajmeShqip.com)

 
Lajme Shqip Saturday, 31 March 2012 20:57

Mançester Siti nuk ka shkuar më shumë se një barazim 3-3 në shtëpi përballë Sandërlendit, duke mos mundur të kapë Mançester Junajtid në kreun e renditjes dhe duke i dhënë mundësinë këtyre të fundit të shkojnë +5 pikë në renditje nëse fitojnë të hënën ndaj Bllekbërn. 

Skuadrës së Mançinit i është dashur të vuajë shumë edhe për këtë pikë, pasi deri 5 minuta para përfundimit të sfidës ishte në disavantazh të dy golave me rezultatin 1-3. Por dy gola të Balotelit dhe Kolarov brenda një minute kanë bërë që Siti të marrë të paktën një pikë nga kjo sfidë dhe të shkojë -2 pikë nga Mançester Junajtid.

Ndërkohë Çelsi ka arritur të marrë një fitore shumë të rëndësishme me rezultatin 4-2 në fushën e Aston Vilës. Kthimi i Ivanoviç në radhët e londinezëve duket se ka ndihmuar këtë skuadër pasi mbrojtësi shënoi dy gola, kurse Fernando Torres ishte përsëri protagonist me golin e fundit të ndeshjes në minutat shtesë. Suksesi çon Çelsin vetëm dy pikë larg Totenhemit në luftën për vendin e katërt në renditje. (LajmeShqip.com)

Rezultatet

QPR-Arsenal                 2-1

Fullhem-Noruiç             2-1

Aston Vila-Çelsi             2-4

M. Siti-Sandërlend        3-3

Everton-Uest Bromuiç  2-0

Ulvërhempton-Bolton    2-3

Uigan-Stouk                    2-0

Renditja

Mançester Junajtid 73, Mançester Siti 71, Arsenal 58, Totenhem 55, Çelsi 53, Njukasëll 50, Everton 43, Liverpul 42, Sandërlend 41, Suonsi 39, Noruiç 39, Fullhem 39, Stouk 38, Uest Bromuiç 36, Aston Vila 33, Bolton 29, Bllekbërn 28, QPR 28, Uigan 28, Ulvërhempton 22.