12
 
Lajme Shqip Tuesday, 28 January 2014 11:12

Prishtinë- Ish-kandidatit për kryetar të Komunës së Mitrovicës Veriore, Oliver Ivanoviq, i është caktuar masa e paraburgimit prej një muaji pas kërkesë së gjykatësit  ndërkombëtar që ai të mbetet në paraburgim. KTV-ja merr vesh se Ivanoviq mbrëmë vonë është transferuar në Qendrën e paraburgimit në Prishtinë.

Ai po  dyshohet për vrasje të rëndë të kryer pas përfundimit të luftës, ndërsa një ditë më parë ka shkuar vetë në stacionin e policisë në veri. Pas përfundimit të intervistës, misioni i EULEX-it ka njoftuar se intervista është zhvilluar pasi Oliver Ivanoviq është i dyshimtë në një hetim për krime lufte, së bashku me akuzat për vrasje të rëndë të kryer pas konfliktit.

Mbrëmë, te Gjykata në veri të Mitrovicës, disa qytetarë kanë protestuar kundër arrestimit. Aty kanë qenë edhe përfaqësues të partisë së tij,  “Serbia, demokracia, drejtësia”. Përfaqësuesja e kësaj partie, Ksenija Bozoviq, ka thënë se ka arsye për të besuar se akti i EULEX-it ka motive politike, sepse e mërkura ishte afati i fundit për ta paraqitur kandidaturën për kryetar të Mitrovicës Veriore në zgjedhjet e jashtëzakonshme.

Ndryshe, dje u dha lajmi për arrestimin e Ivanoviqit nga EULEX-i.

Ndërkohë, portali LajmeShqip.com kishte raportuar dy vjet më parë me publikimin e dosjeve konfidenciale të NATO’s për dyshimet. Më poshtë, të bashkangjitur gjeni edhe lajmin: NATO, konfidenciale (II): Oliveri, kukull dhe kriminel lufte. (LajmeShqip.com)

 

 
Lajme Shqip Lajme Shqip Monday, 27 January 2014 16:48

Prishtinë (LajmeShqip.com) – Ashtu siç kishte raportuar dy vjet më parë portal LajmeShqip.com, sot është konfirmuar se Oliver Ivanoviq është edhe zyrtarisht i dyshuar për krime të luftës.

Të hënën ka ndodhur arrestimi nga EULEX-i i kandidatit për kryetar të Komunës së Mitrovicës së Veriut, Oliver Ivanoviq, kanë bërë të ditur mediat kosovare.

Figura e njohur politike e serbëve të veriut të Kosovës, bëhet e ditur të jetë arrestuar nën dyshimin për krime të luftës dhe vrasjet e lidhura në vitet 1999/2000 në Kosovë.

Ndërkohë, zëdhënësja e EULEX-it, Irina Gudeleviq, ka bërë të ditur se një aksion i përmasave të gjëra është duke u zhvilluar në veri të Mitrovicës, pa dhënë hollësi të tjera.

Portali LajmeShqip.com dy vjet më parë ka publikuar dosjen ekskluzive, me dokumentet konfidenciale të NATO-s, në të cilën Oliver Ivanoviq, bashkë me shumë të tjerë, përmendej si kriminel lufte dhe si i dyshimtë për përfshirje në krime lufte në Kosovë.

Pas përfundimit të luftës në Kosovë, Oliver Ivanoviq kishte marrë shumë poste me përgjegjësi në institucionet atëherë të përkohëshme vetëqeverisëse në vend, nën administratën e UNMIK-ut. Një mandat ai ishte edhe deputet i Kuvendit të Kosovës. Aktualisht ai është kryetar i Iniciativës Qytetare SDP (Slloboda, Demokracija, Pravda – Liria, Demokracia, Drejtësia) dhe kandidat për kryetar të Mitrovicës.

Në fund të gushtit 2011, portal LajmeShqip.com ka raportuar se në organizatën e veriut, KOS, Oliver Ivanoviq, sipas dokumentit të NATO-s, ishte vetëm një kukull, sepse, shkaku i pafuqishmërisë së tij politike, prapa i rrininin përfaqësuesit ekstremistë serbë të Zubin Potokut. Por, kjo ishte koha e pasluftës.

Në dokumentin konfidencial të NATO-s, të publikuar nga portali, citohen veprime të tjera të Oliver Ivanoviqit, të kryera para dhe gjatë luftës në Kosovë. Ai, atëherë si anëtar i SPS-it të Millosheviqit, thuhet në dokument, është shquar në fushatën për largimin e shqiptarëve nga puna, në veri të Mitrovicës, dhe për diferencimin e tyre nga të gjitha organizatat sportive, në krye të cilave kishte ardhur me direktiva të pushtetit në Beograd dhe ishte mandatuar me këtë mision. Për një kohë të shkurtër, Oliver Ivanoviqi e kishte spastruar Mitrovicën nga shqiptarët me përgjegjësi, në organizatat punuese dhe në ato sportive, në fillim të viteve ‘90.

Linku në vijim përmban artikullin e tërësishëm të publikuar nga portali, më shumë se dy vjet më parë, si pjesë e dosjes konfidenciale të NATO-s, ku flitet për njërin nga protagonistët e saj, Oliver Ivanoviq. (LajmeShqip.com)

 
Lajme Shqip Saturday, 04 February 2012 17:39

Mitrovicë – Sot ka reaguar edhe KMLDNJ-ja në Mitrovicë përmes një informate publike në të cilën i konfirmon edhe njëherë publikimet dhe dosjet e publikuara nga Portali LajmeShqip.com. Publikimin për rastin në fjalë mund ta gjeni këtu.

Informatën e plotë e KMLDNJ-së në vazhdim: Nga kryetari i KMLDNJ-së në Mitrovicë, Halit Berani – Sot kur u mbushën plotë 12 vjet nga masakra ndaj shqiptarëve që jetonin në pjesën veriore të qytetit të Mitrovicës, më duhet sërish të ngre zërin për mosfunksionimin e drejtësisë, mosangazhimin e organeve të hetuesisë dhe indiferencën e institucioneve ndërkombëtare dhe të vendit, që gjatë gjithë këtyre viteve nuk treguan as respektin më të vogël për viktimat e dhunës barbare që ndaj tyre ushtruan ekstremistët serbë nga veriu i okupuar i Mitrovicës.

Është për tu habitur se si përfaqësuesit e institucioneve ndërkombëtare që i kanë pasur dhe ende i kanë përgjegjësitë për veriun e vendit, por edhe ata të institucioneve të republikës së Kosovës, nuk ndërmorën pothuaj asgjë për ndriçimin e vrasjeve dhe terrorit që ndaj shqiptarëve të pafajshëm ushtruan kriminelët serbë në pjesën e okupuar të qytetit të Mitrovicës, e të cilët qysh atëherë janë identifikuar nga vetë viktimat dhe ata dihen me emër e mbiemër.

Nuk është kurrë e tepërt nëse sërish opinionin e njoftojmë se natën në mes të datës tre dhe katër shkurt ti vitit 2000, në veriun e Mitrovicës nga bandat kriminele serbe, u ekzekutuan në shtëpitë dhe banesat e tyre, pa as më të voglin shkas, përveç se ishin shqiptarë, dhjetë (10) qytetarë, në mesin e të cilëve kishte fëmijë, gra dhe pleq. Atë natë të tmerrshme  u vranë: Nderim Ajet (13), Nerimane Xhaka (42), Remzije Canhasi (56), Selime Berisha (60), Nezir Voca (61), Shqipe Voca (54), Bashkim Rrukeci (38), Nimon Sejdiu (52), Sebiha Abrashi (50) dhe Muharrem Sokoli (51).

Po atë natë nga të njëjtat banda e kriminelë, të udhëhequr, sipas dëshmitarëve-viktimave, nga Oliver Ivanoviq dhe Dragan Delibashiq, (të cilët sot jetojnë lirshëm në pjesën veriore të qytetit),  u plagosen rëndë 25 shqiptarë të tjerë, kurse u keqtrajtuan rëndë fizikisht 93 të tjerë. Kriminelët serbë në të njëjtën kohë filluan përndjekjen e përgjakshme të shqiptarëve nga banesat dhe shtëpitë e tyre, me qëllim të spastrimit etnik të kësaj pjese të qytetit, e cila edhe sot është e okupuar po nga ata kriminelë.

Vetëm natën në mes të datës tre dhe katër shkurt, me dhunë nga veriu i Mitrovicës u dëbuan rreth 100 familje shqiptare. Përndjekja e shqiptarëve vazhdoi me internistët të shtuar edhe në ditët në vijim, kështu që gjatë muajit shkurt  të vitit 2000 nga veriu i Mitrovicës u dëbuan me dhunë e të përgjakur mbi 1.500 familje shqiptare.

Ekipit për dëbimin e shqiptarëve ju kanë pri Oliver Ivanoviq, Dragan Delibashiq, Zharko Kosovac, Miodrag Raliq, Dushko Shiligoviq, Ivan Mandiq, Rade Spasojeviq etj. Për këtë dëshmojnë  Shpend Hasani, Kemajl Gucati, Rexhep Hyseni, Shaban Azemi, Jashar Jashari etj. Këta dëshmitarë dhe të tjerët tregojnë se masakra e asaj nate është bërë para syve të ushtarëve francez dhe policëve të UNMIK-ut, të cilët nuk ndërmorën asgjë për mbrojtjen e viktimave nga terrori i kriminelëve.

Qendra Rajonale e KMDLNJ-së në Mitrovicë, shpreh habinë se si është e mundur që organet e hetuesisë, qofshin ato ndërkombëtare, apo të vendit, të heshtin para këtyre fakteve dhe të mos ndërmarrin asgjë për kapjen dhe dënimin e  atyre që i bënë këto krime monstruoze, ndërkohë që nuk janë raste të rralla, kur këto organe shpenzojnë kohë e mund duke bërë hetime ndaj atyre për të cilët nuk kanë as fakte e as dëshmitarë.

Në 12 vjetorin e kësaj masakre, Qendra Rajonale e KMDLNJ në Mitrovicë kërkon drejtësi për viktimat dhe dënimin e kriminelëve, të cilët janë qysh atëherë të identifikuar nga viktimat dhe dëshmitarët tjerë okular. (LajmeShqip.com)

 

 
Lajme Shqip Friday, 03 February 2012 09:00

Mitrovicë -Nezir e Shqipe Voca, Niman Sejdiu, Bashkim Rrukeci, Sebiha Abrashi, boshnjakja Selime Berisha, Muharrem Sokoli, Ndërim Ajeti, Nerimane Xhaka dhe Remzije Canhasi janë vrarë në natën ndërmjet 3 dhe 4 shkurtit të vitit 2000 në pjesën veriorë të Mitrovicës. Këta persona janë vrarë dhe masakruar nga grupi kriminale serb ‘Rojat e Urës’ 12 vite më parë të udhëhequara nga ish-shefi i atëherëshëm i këtij grupi Oliver Ivanoviç. Këtë operacion të vrasjeve, të masakrimit dhe dëbimit të mbi 12 mijë shqiptarëve nga veriu i Mitrovicës e ka udhëhequar bashkarisht MUP i Serbisë me në krye ish komandantin e Dragan Delibashiç dhe Oliver Ivanoviç.


> Dokumenti sekret i NATO’s që inkriminon Oliver Ivanoviçit

Për këta dy udhëheqës të këtij operacioni, si dhe shumë kriminelë tjerë, rezultojnë të anagazhaur me fakte edhe një dokument i policisë së UNMIK-ut, i njohur me emrin “Pandora”, të cilin e ka publikuar ekskluzivisht Portali LajmeShqip.com dhe të cilin mund ta lexoni këtu. Portali ka publikuar edhe dosjet, tashmë të njohura të NATO-s, dosje për të cilën pas publikimit nga shumica e mediave shqiptare kanë reaguar edhe politikanët serbë të përfshirë në këtë dosje, siç mund ta lexoni këtu.

Deri më tani për këto 10 vrasje të shqiptarëve në veri të Mitrovicës dhe dëbimit të mbi 12 mijë të tjerë nuk është ngritur asnjë aktakuzë dhe askush nga këto grupe ende nuk është përballuar me drejtësinë. Shaip Canhasi, në varrezat e qytetit të Vushtrrisë ka varrin e bashkëshortes së tij, Remzijës, që u vra 12 vjet më parë, në veri të Mitrovicës nga grupet kriminale serbe. Botërisht dihet se ndërmjet natës së 3 dhe 4 shkurtit të vitit 2000, 10 shqiptarë u vranë prej pjesëtarëve të formacioneve serbe, kurse 1.564 familje shqiptare me gjithsej 11.364 persona u dëbuan dhunshëm nga banesat e tyre në veri të Mitrovicës.

Dëshmitë bëjnë me dije se në atë kohë, grupet kriminale serbe, brenda nje nate i’u vërsulën familjeve jo-serbe që jetonin në pjesën veriore të Mitrovicës, duke vrarë 6 persona brenda një nate, ndërsa 4 të persona të tjerë humbën jetën më pas nga plagët e marra nga armët zjarri dhe granatat e përdoruara gjatë sulmit. Dhjetra qytetarë kryesisht shqiptarë të tjerë u plagosën, ndërsa edhe qindra familje janë detyruar të kalojnë në bregun jugor të lumit Ibër, duke lënë prapa disa shtëpi në flakë. Shaipi, ka pohuar se nuk do ta harrojë kurrë atë natë, kur 6 plumba nga një armë me silenciator, e lanë të vrarë bashkëshorten e tij Remzijen. “Isha në korridor së bashku me gruan dhe një polic ndërkombëtar kur një turmë njerëzish qëlluan 6 herë nga një armë me silenciator dhe gruaja ime ra përtoke e vdekur ndërsa plumbat e kishin marrë në qafë. Vrasësit thyen dyert dhe u futën brenda në ndërtesë, ndërsa polici i UNMIK-ut vetëm bërtiste: UNMIK-UNMIK” – thotë Shaipi ndërsa shton se “tani jetoj i vetmuar në një dhomë në pjesën jugore të Mitrovicës dhe i mllefosuar nga fakti se vrasësit ende janë të lirë”.

“Nuk ka drejtësi nga të huajt, të vrarët e asaj nate shkuan dëm dhe kërkujt kurgja. Institucionet e Kosovës nuk interesohen për këtë çështje, sepse tuten mos këta të huajt po u thonë se janë ekstremistë”- vijon më tej ai. Ish-kryeprokurori i qarkut të Mitrovicës, Jusuf Mejzini, në lidhje me vrasjet e 3 dhe 4 shkurtit në veri të Mitrovicës ka deklaruar se të gjitha këto raste janë hetuar nga policë dhe prokurorë ndërkombëtar. “Ne vendorët nuk kemi pasur qasje në këto hetime, gjyqëtarët kanë përfunduar misionin e tyre në Kosovë dhe ne nuk na është dorëzuar asnjë lëndë për këto raste”- ka thënë Mejzini. Ç’farë ndodhi më vonë dhe në ç’farë faze të hetimeve janë ne nuk e dimë”- ka thënë kryeprokurori i Mitrovicës.

Ndërsa, burime të besueshme në kushte anonimiteti kanë theksuar se Prokuroria e Qarkut në Mitrovicë, ka disponuar vetëm një lënde, atë të çiftit, Nezir e Shqipe Voca, të vrarë gjatë kësaj nate. Lëndë kjo që ka një fletëparaqitje kundër personit N.N dhe këtë lënde ia kemi kthyer policisë që të gjejnë vrasësit”- ka thënë burimi. Prokuroria, shumë herë ka kërkuar të dihet se deri ku ka arritur policia me hetime, përgjigjje nuk është marrë”.

Sipas burimit, rastet në të cilat të dyshuarit janë dituar me emër e mbiemër janë marrë nga prokurorët ndërkombëtarë, dhe prokurorët vendorë nuk dinë se ç’farë ka ndodhur me to. Kurse ish-kryetari i Gjykatës së Qarkut të Mitrovicës Kapllan Baruti në lidhje me këto vrasje në veri të vendit ka theksuar se “në gjykatë nuk ka asnjë lëndë të inicuara e as të proceduar për këtë çështje”.

Për Muharrem Sokolin, ka pasuar një procedurë gjyqësore, janë arrestuar tre veta dhe më pas janë liruar nga gjykatësi ndërkombëtar, është marrë aktgjykim lirues me numër vendimi P-45-02 dt: 04.09 2002. “Të gjitha dokumentacionet për këto raste, kanë mbetuar në gjykatë në veri dhe kam frikë se mos janë demtuar”- ka thënë Baruti.

Burime të portalit LajmeShqip.com, brenda policisë dhe prokurorisë, që flasin në kushte të anonimitetit, thonë se kohë më parë është dashur që të arrestoheshin tre persona dhe ata t’i dorëzohen prokurorisë, por deri më tani për shkaqe politike një gjë e tillë nuk ka ndodhur”.

Sipas këtyre burimeve disa raste janë dorëzuar prokurorisë dhe gjyqësise, por nuk ka ndonjë të dhënë se ç’farë ka ndodhur me to. Po sipas këtyre burimeve, në këto sulme ishin të përfshirë shumë persona, por qytetarët ende ngurojnë të flasin për atë që kanë parë atë natë për arsye të situatës që mbretëron në veri të Mitrovicës.

S. Z., S. Zh. dhe B.J shtetas serbë nga pjesa veriore e Mitrovicës, janë shpalluar të pafajshëm nga gjykatësi ndërkombetar Timothy Clayson, në procesin e mbajtuar në vitin 2002, lidhur me akuzen se kishin marrë pjesë në vrasjen e Muharrem Sokolit (51). Këta persona ishin liruar nga paraburgimi pasi prokurori ndërkombëtar Michael Hartmann, ka vlerësuar se nuk ka mjaft dëshmi për gjykimin e tyre.  Muharrem Sokoli ishte rrahuar nga një grup serbësh deri në humbjen e vetëdijes, ndërsa më pas i ishtë hedhur edhe një bombë që ia kishte marrë jetën. Ndërsa për rastet e Nderim Ajetit (13) dhe të Nerimane Xhakës, sipas këtyre burimeve, kanë ekzistuar fletëparqitje penale kundër të dyshuarve: Ish- kryepolici serb Dragan Delibashiç, ish-shefit të Këshillit Nacional Serb për veriun e Kosovës dhe udhëheqësin e rojeve të urës Oliver Ivanoviç dhe qytetarëve I.V, N. V, S.M dhe S.L. dhe në këto dy raste prokurori Hartmann kishte vlerësuar se nuk ka fakte dhe se duhet hequr dorë nga ndjekja tyre. Në rastin e Remzije Canhasit, të vrarë para syve të burrit të saj, burimet pohojnë se janë zhvilluar hetimet ndaj B.A., M.A, R.A, dhe V.M. Prokuroria në këtë rast ja kishte kthyer dosjen policisë ndërkombëtare për grumbullimin e më shumë fakteve dhe dëshmive, por sipas burimeve nuk është mësuar kurrë për fatin e këtij rasti.

Halit Barani, shefi i KDMLNJ (Këshillit të së Drejtave dhe Mbrojtjes së Lirisë së Njeriut) në Mitrovicë, thotë se të gjitha këto vrasje janë bërë në prani të ushtarëve francezë të KFOR-it dhe të policisë ndërkombëtare. “Prej kujt mund të presim që t’i kryejnë hetimet, kur ata vetë nuk bëjnë asgjë që t’i parandalonin këto vrasje”-thotë Barani, i cili pohon se ka dëshmitarë që pohojnë se në mesin e sulmuesve atë natë ka pasuar edhe njerëz që paraqiten publikisht si liderë politikë të serbëve të Kosovës siç është Oliver Ivanioviç.

Në vazhdim Portali LajmeShqip.com sjell edhe njëherë dokumentin e dosjes Pandora në të cilin dokument, UNMIK-u, e ka të dokumentuar me saktësinë më të madhe të gjitha ngjarjet dhe personat e përfshirë në organizimin dhe ekzekutimin e planit dhe vrasjeve të Shkurtit 2000.

Përmbledhje e publikimeve ekskluzive të Portalit LajmeShqip.com për temën e Mitrovicës:

Ish-komandanti i NATO’s, Erhard Bürhler: Po, dosja është dokument i rëndësishëm i NATO-s

Ekskluzive: Dosja Pandora, MUP-i serb në Kosovë pa maska

Ekskluzive: Ja gjashtë kriminelët e kërkuar të veriut

 

 

 

 

 

 

 

 

 

 

 

 

 

 

 (LajmeShqip.com)

 
Lajme Shqip Tuesday, 17 January 2012 01:25

Kralevë- Një nga krerët e krimit në veri të Mitrovicës, Millan Radonjciç, dhe bashkëpunëtori më i afërt i Zvonko Veselinoviçit si dhe bashkëpronar në pompat e derivatëve të naftës në veri të Mitrovicës dhe Kosovës është arrestuar të premtën në qytetin e Kralevës nga policia e Serbisë.

Burime e portalit LajmeShqip.com, njoftojnë se Radonjçiç,  është arrestuar në banesën e tij, në Kralevë, ndaj tij gjykatësi hetus i këtij qyteti ka caktuar masën e paraburgimit prej 30 ditësh.

Radonjciç, nga drejtësia e Serbisë akuzohet për shumë vepra kriminale se ka përvetësuar në mënyrë të dhunëshme kamionët e kompanisë ’Euro-Kop’, për kontrabandën naftës, si trafikantë të drogës si dhe në disa raste edhe për tentativë vrasje dhe vrasje të bashkombësve të tij.

Radonjciç dyshohet se vite në parë në pikalimin kufitar në Bërnjak, të Zubin-Potokut, konkretishtv  në zonën neutrale në bashkëpunim me një person tjetër e për motive kriminale ka vrarë 29 vjeçarin nga Mitrovica, Marko Patriç.

Radonjciç me prejardhje nga Peja, në shtetin e Serbisë ka qenë i dënuar më 5 vite burg për shkak të vrasjeses  së një personi në qytetin e Novi Pazarit, denim të cilin ai e ka vuajtur vetëm 1.5 vjet.    

 
Lajme Shqip Saturday, 24 December 2011 15:30

Marko Jakshiçi, lideri i ‘demokratëve’ të Voisllav Koshtunicës për Kosovën, si dhe një nga udhëheqësit më radikal të serbëve të veriut, së shpejt pritet që të përfundojë prapa hekurave.

Burime të portalit kanë mësuar se Jakshiç, akuzohet nga Qeveria e Serbisë, përkatësisht drejtësia e vëndit të tij, se në bashkëpunim me ish kreun e Qendrës koordinuese për Kosovën, politikanin serb Nebojsha Çoviç, kanë keqpërdorur mbi 6 milion euro vetëm gjatë viteve kur Çoviç kishte këtë funksion.

Jakshiçit nga drejtësia serbe i vihen mbi shpatulla tri akuza për keqpërdorim të detyrës zyrtare së bashku me Millan Ivanoviç, rreth investimeve në Spitalin e veriut të Mitrovicës si dhe në investimet e Qeverisë së Serbisë për blerjen e trojeve, shtëpive dhe banesave të shqiptarëve në veri të Mitrovicës. Ka qenë pikërisht portali ynë që ka publikuar dosjet konfidenciale të NATO-s për këta persona që përpara katër muajsh.

Aktualisht ish kreu i Qendrës Koordinuese Serbe për Kosovën, Nebojsha Çoviç, është i akuzuar dhe është duke u marrë në pyetje nga drejtësia e Serbisë për keqpërdorimet që ka bërë ai gjatë vitit 2004 në Kosovë.

 
Lajme Shqip Wednesday, 16 November 2011 11:24

Milan Ivanoviç, kryetar i Këshillit Nacional Serb per veriun e Mitrovicës ka deklaruar se duhet të kërkohet pergjegjësi politike nga kryenegociatori serb Borisllav Stefanoviç dhe presidenti i Serbisë Boris Tadiç.

“Arritja e marrëveshjeve mes Beogradit dhe Prishtinës janë në kundërshtim me interesat e serbëve në Kosovë dhe e bëjnë të pamundur jetesën e tyre këtu” ka thënë ai.

“Arritja e marrëveshjes për lëvizjen e lirë do të thotë pranim i dokumentacioneve të institucioneve të Kosovës dhe me këtë edhe pranimin e Kosovës si shtet i pavarur. Ndërsa propozimi për menaxhim të përbashkët të kufirit është në parim, pranim i pavarësisë së Kosovës sepse nje gjë e tillë është edhe ne planin e Ahtisaarit dhe me këtë dëmtohen interesat tona nacionale” ka thënë Ivanoviq.

“Në realitet edhe presidenti serb Boris Tadiç thekson se ideja është që të bëhet menaxhimin i përbashkët i kufirit. Kjo ide në të vertetë është e të dërguarit të BE-se për bisedimet Robert Cooper dhe jo e Tadiçit. Kjo politikë e gabuar që është duke u zhvilluar ndaj Kosovës ka vulën e presidentit të Serbisë” ka thënë kryeradikali serb i veriut të Kosovës Milan Ivanoviç.

 
Lajme Shqip Saturday, 29 October 2011 21:06

Prishtinë – Autoritetet ndërkombëtare të EULEX-it dhe ato të UNMIK-ut në Kosovë kanë lëshuar urdhërarrest ndërkombëtar për pesë serbët e dyshuar për vrasjen e policit Enver Zymberi, në veri të Kosovës, gjatë aksionit për kthimin e kontrollit në dy pikat kufitare.

Emrat e Ratomir Bozhoviqit, Radovan Radiqit, Millovan Vllashkoviqit, Sllobodan Vuçiniq dhe Dushan Jovanoviqit janë publikuar në faqen zyrtare të Interpolit. Aty shkruan se ata kërkohen për vrasje. Jashtë kësaj liste ka mbetur vetëm Ratomir Kasaleviq.

Portali LajmeShqip.com pati publikuar urdhërarrestin e lëshuar nga Gjykata e Qarkut e Mitrovicës, kundër serbëve të kërkuar, qysh muajin e kaluar. Gjashtë fotografitë e kriminelëve që i ka publikuar për herë të parë dhe ekskluzivisht Portali LajmeShqip.com i gjeni këtu.

Ata janë nga Mitrovica dhe Zubin-Potoku. Kundër këtyre serbëve është lëshuar urdhër për arrestim, më 15 shtator të këtij viti, nga Gjykata e Qarkut e Mitrovicë me kërkesë së Prokurorisë.

Ratomir (Radun) Bozovic, i njohur me nofkën “Dude”, i lindur më 3.3.1961, në Dobroshevinë të Zubin Potokut. Ai, adresë të banimit e ka të shënuar rrugën “Arsenije Carnojevic”, nr.88, në Zubin Potok. Në urdhërarrest shënohen edhe detajet tjera, gjatësia 173 cm, pasha 64 kg, sytë ngjyrë kafe dhe flokët ngjyrë kafe. Ai është pronar i hotelit “Aleksandrija”, në Zubin Potok.

Radovan (Zoran) Radic, i nacionalitetit serb, i lindur më 19.10.1981, në Mitrovicë, banon në fshatin Zupç të Zubin Potokut. Gajtësia 190 cm, sytë ngjyrë të zezë, flokët të kaltra.

Milovan (Dragutin) Vlaskovic, po ashtu i nacionalitetit serb, i lindur më 28.10.1979, në Zubin Potok, banues në rrugën “Kollashinski Knazeva”, në po këtë qytezë.

Slobodan (Blagoje) Vucinic nacionalitetit serb, i lindur më 17.3.1990, në Mitrovicë, banon në fshatin Zupç të Zubin Potokut. Karakteristikat tjera të tij: I gjatë 175 cm, pesha 80 kg, sytë ngjyrë kafe, flokët ngjyrë kafe.

Dushan (Dragoljub) Jovanovic është personi i pestë në listë, i kërkuar nga policia. Ai është i lindur më 10.4.1989, në Mitrovicë, kurse banon në rrugën “Kollashinski Knazeva”, në Zubin Potok. Është, po ashtu, i nacionalitetit serb. Karakteristikat tjera të tij: I gjatë 190 cm, pesha 85 kg, sytë ngjyrë kafe, flokët ngjyrë të kaltër.

Ratomir (Uros) Kasalevic është personi i gjashtë në listën e të superkëkruarve të veriut. Është i nacionalitetit serb. I lindur më 26.6.1972 në Zupç të Zubin Potokut dhe banues po ashtu në Zupç.

Karakteristikat tjera të tij: I gjatë 182 cm, pesha 95 kg, sytë ngjyrë kafe, flokët ngjyrë kafe.

Portali ka raportuar edhe më herët për implikimet kriminale të njërit prej gjashtë të kërkuarve, Ratomir Bozoviçit, në zhvillimet e fundit në veri të Kosovës. Ai është i njohur për bashkëpunimin e ngushtë dhe kriminal me strukturat e MUP-it të Serbisë dhe ato të të ashtuquajturës Mbrojtja Civile Territoriale, e cila përfaqëson ushtrinë serbe. Bozoviç, i njohur me nofkën “Dude”, përpos implikimeve të mëhershme në krimin e organizuar në veri, është i përfshirë dhe me rol jashtëzakonisht aktiv në barrikadimin e fundit të rrugëve në veri të Kosovës. Ai, njëkohësisht, i prinë listës së gjashtë serbëve të kërkuar për vrasjen e policit Enver Zymberi dhe për djegien e pikës kufitare në Jarinjë.

Portali ka raportuar, njëkohësisht, se urdhërdhënës i të dyja këtyre veprimeve është pikërisht kryetari i Zubin Potokut, Sllavisha Ristiq. Kundër aksionit të parë të Policisë së Kosovës dhe asaj të EULEX-it, javë më parë, për kapjen e gjashtë të kërkuarve, më i zëshmi ka qenë pikërisht kryetari i Zubin Potokut, Sallavisha Ristiq. (LajmeShqip.com)

Publikimet e plota në Interpol:
1. Radovan Radiq
2. Ratomir Bozhoviq
3. Millovan Vllashkoviq
4. Vuçiniq Sllobodan
5. Jovanoviq Dushan

 
Lajme Shqip Tuesday, 27 September 2011 10:47

Mitrovicë – Policia e Kosovës dhe EULEX-i tash një kohë janë në ndjekje të gjashtë autorëve të dyshuar të krimit të 26 korrikut në veri të Kosovës, vrasjes së policit të Kosovës, Heroit Enver Zymberi.

Portali LajmeShqip.com i publikon ekskluzivisht fotografitë dhe të dhënat shtesë për gjashtë të superkërkuarit e veriut. Ata janë nga Mitrovica dhe Zubin-Potoku. Kundër këtyre serbëve është lëshuar urdhër për arrestim, më 15 shtator të këtij viti, nga Gjykata e Qarkut e Mitrovicë me kërkesë së Prokurorisë.

Sipas urdhërarrestit GJPP No.61/11, PPS No.103/2011, të Policisë së Kosovës, kërkohen këta persona:

1. Ratomir (Radun) Bozovic, “Dude”

I nacionalitetit serb, i njohur me nofkën “Dude”, i lindur më 3.3.1961, në Dobroshevinë të Zubin Potokut. Ai, adresë të banimit ka të shënuar rrugën “Arsenije Carnojevic”, nr.88, në Zubin Potok. Në urdhërarrest shënohen edhe detajet tjera, gjatësia 173 cm, pasha 64 kg, sytë ngjyrë kafe dhe flokët ngjyrë kafe.

Ai është pronar i hotelit “Aleksandrija”, në Zubin Potok.

2. Radovan (Zoran) Radic

Radovan (Zoran) Radic, i nancionalitetit serb, i lindur më 19.10.1981, në Mitrovicë, banon në fshatin Zupç të Zubin Potokut. Gajtësia 190 cm, sytë ngjyrë të zezë, flokët të kaltra.

3. Milovan (Dragutin) Vlaskovic

Milovan (Dragutin) Vlaskovic, po ashtu i nacionalitetit serb, i lindur më 28.10.1979, në Zubin Potok, banues në rrugën “Kollashinski Knazeva”, në po këtë qytezë.

4. Slobodan (Blagoje) Vucinic

I nacionalitetit serb, i lindur më 17.3.1990, në Mitrovicë, banon në fshatin Zupç të Zubin Potokut.

Karakteristikat tjera të tij: I gjatë 175 cm, pesha 80 kg, sytë ngyrë kafe, flokët ngjyrë kafe.

5. Dushan (Dragoljub) Jovanovic

Është personi i pestë në listë, i kërkuar nga policia. Ai është i lindur më 10.4.1989, në Mitrovicë, kurse banon në rrugën “Kollashinski Knazeva”, në Zubin Potok. Është, po ashtu, i nacionalitetit serb.

Karakteristikat tjera të tij: I gjatë 190 cm, pesha 85 kg, sytë ngyrë kafe, flokët ngjyrë të kaltër.

6. Ratomir (Uros) Kasalevic

Është personi i gjashtë në listën e të superkëkruarve të veriut. Është i nacionalitetit serb. I lindur më 26.6.1972 në Zupç të Zubin Potokut dhe banues po ashtu në Zupç.

Karakteristikat tjera të tij: I gjatë 182 cm, pesha 95 kg, sytë ngyrë kafe, flokët ngjyrë kafe.

Portali ka raportuar edhe më herët për implikimet kriminale të njërit prej gjashtë të kërkuarve, Ratomir Bozovicit, në zhvillimet e fundit në veri të Kosovës. Ai është i njohur për bashkpëunimin e ngushtë dhe kriminal me strukturat e MUP-it të Serbisë dhe ato të të ashtuquajturës Mbrojtja Civile Territoriale, e cila përfaqëson ushtrinë serbe. Bozovic, i njohur me nofkën “Dude”, përpos implikimeve të mëhershme në krimin e organizuar në veri, është i përfshirë dhe me rol jashtëzakonisht aktiv në barrikadimin e fundit të rrugëve në veri të Kosovës. Ai, njëkohësisht, i prinë listës së gjashtë serbëve të kërkuar për vrasjen e policit Enver Zymberi dhe për djegien e pikës kufitare në Jarinjë.

Ndonëse nuk po kapen që dy muaj, organet e rendit ende nuk kanë lëshuar urdhër për arrestim nëpërmjet Policisë Ndërkombëtare, Interpol, dhe as asaj evropiane, Europol. Policia e Kosovës, forcat e KFOR-it dhe të EULEX-it deri tash kanë kryer disa aksione në veri, duke kontrolluar dhe bastisur disa lokacione. Gjatë këtyre aksioneve kanë konfiskuar edhe prova materiale që, sipas autoriteteve, forcojnë dyshimet se këta serbë e kanë vrarë policin Zymberi dhe kanë plagosur disa të tjerë. Prokurorë kosovarë dhe të EULEX-it kanë intervistuar edhe dy serbë tjerë, të cilët kanë dhënë dëshmi kundër serbëve ndaj të cilëve është lëshuar urdhri për arrestim.

Portali ka raportuar, njëkohësisht, se urdhërdhënës i të dyja këtyre veprimeve është pikërisht kryetari i Zubin Potokut, Sllavisha Ristiq. Kundër aksionit të parë të Policisë së Kosoëvs dhe asaj të EULEX-it, javë më parë, për kapjen e gjashtë të kërkuarve, më i zëshmi ka qenë pikërisht kryetari i Zubin Potokut, Sallavisha Ristiq. (LajmeShqip.com)

 
Lajme Shqip Saturday, 24 September 2011 13:10

Mitrovicë – Me urdhër të Prokurorisë Speciale të Serbisë, janë arrestuar 6 persona, të gjithë zyrtarë të Gjykatave të Serbisë, por që janë nga Mitrovica. Ata akuzohen për vepra të korrupsionit të lartë, transmetojnë mediat serbe në veri të Kosovës.

Me këtë rast, është arrestuar Gjykatësi i Gjykatës së Lartë të Serbisë, Bllagoje Jakshiq (vëllau i Marko Jakshiqit v.j.), të cilit edhe i është marrë imuniteti.

Jakshiq është arrestuar me urdhër të Prokurorisë Speciale, ndërsa në paraburgim gjenden edhe tre persona të cilët kanë punuar në Gjykatën në Mitrovicë.

Për veprat kriminale të Bllagoje Jakshiqit ka raportuar edhe Portali LajmeShqip.com, gjatë publikimit të dosjes konfidenciale të NATO-s. Dosja e Marko Jakshiqit mund të lexohet këtu. Reagimin e Marko Jakshiqit e ka transmetuar edhe B92 nga  Beogradi që mund ta lexoni këtu.

Prokuroria ka hapuar hetimet me dyshimin që Jakshiq e ka keqpërdorë pozitën e tij zyrtare.

Në anën tjetër, Gjykata e Lartë në Beograd, në një takim urgjent, ia ka marrë imunitetin anëtarit të saj, Bllagoje Jakshiq, për shkak të keqpërdorimit të detyrës zyrtare.

Në nje deklerat të lëshuar nga Këshilli, thuhet se vendimi për marrjen e imunitetit ka ardhuar pas kërkesës së gjyqtarit hetues të Dhomës së Veçantë të Gjykatës së Lartë në Beograd, në mënyrë që organet e drejtësisë të munden të zhvillojnë hetime ndaj Jakshiqit, kur kihet parasysh se ai është i dyshuar për keqpërdorim të detyrës zyrtare dhe prokurori atë e akuzon për vepër penale – krim të organizuar.

Ministri i Punëve të Brendshme të Serbisë, Ivica Daçiq, ka theksuar se Bllagoje Jakshiq është duke u marrë në pytetje nga ana e gjykatësit të Gjykatës Speciale të Serbisë. Pos Jakshiqit, janë arrestuar edhe tre persona dhe është duke u zhvilluar operacion për arrestimin edhe të dy personave të tjerë, ka thënë Daçiq, citojnë mediat serbe në veri të Kosovës.

Prokurori kundër krimit të organizuar, Millojko Radisavleviq, ka theksuar se Prokuroria ka kërkuar që Jakshiqit t’i caktohet masa e paraburgimit. Dyshohet se të arrestuarit me punën e tyre kanë përfituar në mënyrë të jashtëligjëshme mbi 20 milion dinarë, në kohën kur ai ka qenë kryetar i Gjykatës Komunale në Mitrovicë.

Radisavleviq ka shtuar se hetimet e prokurorisë përfshijnë më shumë persona, ndër të cilët tre janë të punësuar në Gjyqin në Mitrovicë, dhe të cilët tani janë në paraburgim.

Ndërsa Ivica Daciq ka theksuar se, në bazë të dyshimeve për keqpërdorime të detyrës zyrtare, deri më tani janë arrestuar sekretari i Gjykatës në Mitrovicë, Mirosllav Bozhoviq dhe dy zyrtarë të tjerë, Bllagoje Quroviq dhe Dragan Gavrilloviq.

Sipas ministrit të Policisë së Serbisë, me urdhër të Gjykatës janë duke u kërkuar edhe dy persona të tjerë, që janë të perfshirë në këto hetime, Lubomir Bishevac dhe Miodrag Laktetiq.

Sipas burimeve jozyrtare, besohet se tanimë është arrestuar bizismeni nga veriu i Mitrovicës, Lubomir Bishevac, i cili dyshohet se në mënyrë të jashtëligjëshme ka marrë lokalin në veri të Mitrovicës, i cilai ka 320 metra katrorë, në bazë të dokumentave të falsifikuara, të cilat janë vërtetuar në atë kohë në Gjykatën e Mitrovicës, me urdhër të kryetarit të Gjyqit, Bllagoje Jakshiq. Lokali afarist më vonë është shituar dhe me këtë kanë përfituar në mënyrë të jashtëligjshme mbi 20 milion dinarë. Ndërsa, njëri nga të arrestuarit, në mesin e puntorëve të Gjykatës në Mitrovicë, para disa ditësh ka shqyer fletën nga librat zyrtarë të gjyqit në Mitrovicë, me qëllim të fshehjes së dëshmive.

Burimet e portalit theksojnë se këtu bëhet fjalë për një lokal afarist të ish-ndërrmarrjes tregtare LUX, i cili gjendet në këndin lindor të urës mbi Ibër. (LajmeShqip.com)

12