12
 
Lajme Shqip Sunday, 05 January 2014 17:56

 

Seancat e përbashkëta të qeverisë së Maqedonisë me qeverive të dy shteteve fqinje, Shqipërisë dhe Kosovës janë ende në përgatitje e sipër.

 

Zëdhënësi i qeverisë së Maqedonisë Muhamet Hoxha thotë se, nuk ka pengesa për organizimin e seancave të përbashkëta me qeveritë e dy shteteve, por tani janë krijuar kushtet duke pasur parasysh faktin se në të dyja shtetet ishin në proces zgjedhor.

 

Nga qeveria e Maqedonisë thonë se ka gatishmëri nga të gjitha palët dhe se janë në kontakt të vazhdueshëm me qeveritë e të dyja vendeve, për të caktuar datën dhe temat e diskutimit që do të kenë karakter rajonal ndërsa do të jenë në shërbim të qytetarëve, shkruan shekulli.

 

Mbledhjet e përbashkëta të qeverive të vendeve të rajonit realizohen në kuadër të bashkëpunimit rajonal si parakusht për euro integrimin.

 

 
Lajme Shqip Wednesday, 27 November 2013 20:06

Partia ultranacionaliste bullgare“Ataka” i kërkon parlamentit bullgar që “Strumica t`i kthehet Bullgarisë”.

Kjo kërkesë është bërë si kusht për mbështetjen e Maqedonisë në rrugën e integrimeve euroatlantike. Deputetët e këtij formacioni politik kanë dorëzuar sot kërkesë që territoret e banuara me bullgarë në Serbi dhe Maqedoni të kthehen nën qeverisjen e Bullgarisë, transmetojnë lajmin mediat bullgare.

Partia “Ataka” ka theksuar se Marrëveshja e Paqes e Nejit e firmosur 94 vite më parë është jolegjitime, pasi atëherë i janë konfiskuar Bullgarisë pjesë të territorit të Krahinës Perëndimore, raporton albeu.

Kjo parti thekson se këto territore që sot janë në Maqedoni dhe Serbi duhet t`i kthehen Bullgarisë. Sipas “Ataka”, Maqedonia atëkohë nuk ka ekzistuar si subjekt, ndërsa Serbia nuk është trashëgimtare juridike e Mbretërisë Serbo Kroato Sllovene.

“Çështja duhet të zgjidhet para se Serbia të bëhet anëtare e BE-së dheMaqedonia të nisë negociatat për anëtarësim”, theksoi Adrian Asenov, deputet i partisë “Ataka”.

 
Lajme Shqip Tuesday, 12 November 2013 18:10

Një anketë amerikane, maqedonasit i shpall si kombin e tretë më budalla.

Në mesin e dhjetë popujve më të mençur janë zviceranët, pastaj francezët, amerikanët, norvegjezët, britanikët e kështu me radhë…

Këtë konstatim e kanë nxjerrë një grupë psikologësh amerikanë nga Uashingtoni, Nju Jorku dhe Detroiti, pasi kishin bërë anketë në internet në mes 190 vendeve. Anketë është bërë nga muaji maj deri në muajin tetor të këtij viti.

Si popull më budalla në botë amerikanët i shpallën serbët, në vendin e dytë turqit ndërsa në të tretin maqedonasit. Në mesin e dhjetë vendeve të para u gjetën edhe polakët, hungarezët, bullgarët, kenianët dhe popullin e Zelandës së re.

Nuk është e qartë se në çfarë kriteresh është bazuar kjo anketë, por psikologët janë shprehur se kjo është jozyrtare e cila ka patur për qëllim të tregojë “zhvillimin e arsimimit dhe intelegjencës” në kohën e teknologjisë dhe internetit./Shqipmedia/ 

 
Lajme Shqip Tuesday, 15 October 2013 14:15

Komuna Vevçan që kufizohet me Strugën kërkon heqjen etabelave treguese të rrugëve të shkruara edhe në gjuhën shqipe. E banuar nga maqedonasit ka reaguar tek Agjencia për rrugë shtetërore për vendosjen e tabelavetreguese në tre gjuhë maqedonisht – anglisht – shqipnë aksin rrugor transitor Strugë – Dibër që kalon përmes Vevçanit.

Zyrtarët kanë theksuar se në rast se institucionet qeveritare nuk heqin tabelat, atëherë autoritetet komunale dhe shërbimet e tyre do t’i heqin vetë. “Në komunën tonë nuk ka popullsi tjetër, ndaj nuk ka nevojë për shenja të tilla”, ka theksuar Gjorgji Vlajkinovski nga komuna e Vevçanit, bën të ditur “INA”.

Tabelat e reja treguese edhe në shqip u vendosën pas rikonstruimit të rrugës magjistrale Strugë – Dibër. Një pjesë e shenjave të tilla të shkruara në shqipjanë hequr. Vevçani është komunë e vogël e kufizuar në një pjesë edhe me shtetin shqiptar dhe se numëron vetëm mbi 2 mijë banorë.

 
Lajme Shqip Saturday, 12 October 2013 11:44

Gostivar- Persona të panjohur kanë grisur dhe djegur flamurinshtetëror në Gostivar. Ngjarja ka ndodhur gjatë orëve të mbrëmjes së djehsme përpara selisë së ndërmarrjes HEC Mavrovë. Flamuri, që ishte vënë në shtizat përpara godinës, bashkë me flamurinshqiptar dhe me atë të kompanisë, është mënjanuar dhe më pas djegur, shkruan Zhurnal.

Policia ka informuar se vetëmflamuri shtetëror është dëmtuar, ndërsa mungesën e flamurit në shtizë e ka vërejtur rojtari i ndërmarrjes, gjatë mbërritjes në punë mëngjesin e sotëm. /albeu/

 
Lajme Shqip Tuesday, 08 October 2013 14:10

Shkup- Lideri i BDI-së, Ali Ahmeti gjatë vizitës së tij në Hagë, falënderoi diplomatët dhe ushtarakët holandezë në arritjen e paqes në Maqedoni dhe ndërtimin e institucioneve demokratike, stabilitetit dhe sigurisë në vend.
Ahmeti theksoi që të gjitha të arriturat e përbashkëta me komunitetin ndërkombëtar në dekadën pas Marrëveshjes së Ohrit nuk duhet të rrezikohen me vonesat për anëtarësim në NATO dhe BE.
“Pikërisht ky investim i përbashkët dhe këto të arritura plotësohen vetem duke e integruar vendin në strukturat EuroAtlantike andaj dhe miqtë tanë, si Holanda dhe vendet e tjera të BE, duhet të vazhdojnë përpjekjet drejt tejkalimit të të gjitha pengesave që na pengojnë në këtë rrugëtim dhe rrezikojnë të arriturat e deritanishme”, u shpreh Ahmeti në takimin me Drejtorin Politik të Ministrisë së Brendshme Holandaze, Auke Venema, dhe Atashenë Ushtarake për Maqedoninë Jan Willem de Wolf.
Zgjidhja e emrit është pengesë serioze dhe sfidë për të ardhmen e vendit, prandaj kryetari i BDI-së, Ali Ahmeti kërkoi që Holanda të përfshihet në zgjidhjen e kontestit me Greqinë në mënyrë që Ballkani Perëndimor përfundimisht të jetë stabil dhe i qetë.
Ahmeti do të takohet sot me Ministrin e Jashtëm të Holandës, Timermans si dhe me komisionet parlamentare për punë të jashtme dhe çështje evropiane. /INA/

 
Lajme Shqip Friday, 04 October 2013 13:10

Shkup- Hartat e vendosura në mjediset e rikonstruktuara në selinë e Kryeministrisë kanë hapur një  debat të gjerë në shtetin fqinj, në Maqedoni.

Sipas gazetave maqedonase, kyeministri shqiptar Edi Rama  ka provokuar me hartat e vjetra të Shqipërisë etnike.

“Pas rikonstruksionit që ju bë sallës së konferencave  në godinën e Kryeministrisë , e cila u inagurua ditën e djeshme  nga vetë kryeministri Rama, në sy të bie vetëm një gjë. Rama është i vendosur të kthejë identitetin dhe origjinën  e lashtë që ka ky vend , duke punuar në heshtje dhe me fakte”, raporton agjencia e lajmeve  “Republika.mk”.

Por një nga ideatorët e rikonstruksionit të godinës së Kryeministrisë, Artan Shkreli sqaron se nuk ka qëllime  të natyrës së intepretuar , por tregohet thjesht vizioni i kohës për vendin tonë.

“Kjo është harta e Shqipërisë , është e  vitit 1689, e relizuar nga  Giacomo Carteli D’avingnolo. Ajo u porositynga kardinal Albani që më vonë do të bëhej Papa Klementi. Ideja e  tij ishte një hartë e vendlindjes ,e cila në fakt nuk përfshin Shqipërinë Jugore”, shpreht Shkreli për “GSH”-në./tema/ 

 
Lajme Shqip Wednesday, 18 September 2013 13:57

Shkup – Të dhënat nga evidencat e regjistrimeve bëjnë të ditur se janë dhjetra ish-pjesëtarë të forcave maqedonase të sigurisë që kanë qenë pjesëmarrës në konfliktin e vitit 2001 që tani shfrytëzojnë të drejtën ligjore për t`u regjistruar pa asnjë pagesë dhe në kushte të posaçme në universitetet shtetërore. 

Regjistrimi i  tyre masivisht është bërë në qytetet ku USHT ka fakultete të disperzuara si në Shkup, Kërçovë, Kumanovë, Gostivar, por edhe në Tetovë, informon agjencia e lajmeve INA. 

Bëhet e ditur për rreth 100 kandidatë të regjistruar, që kanë shfrytëzuar të drejtat e tyre. 

“Branitellat” kanë shfrytëzuar USHT-në si universitet shtetëror për të shfrytëzuar të drejtën e tyre ligjore, për regjistrim, e cila i mundëson atyre përparësi gjatë regjistrimit. 

Sipas Ligjit për përkujdesje institucionale për ish-pjesëtarët e forcave maqedonase të sigurisë ‘branitellat’ pjesëmarrës në konfliktin e vitit 2001 kundër forcave të UÇK-së, ata gëzojnë të drejta speciale edhe në fushën e arsimit.  

“Çdo pjesëtar i forcave të sigurisë, fëmijët e të rënëve apo pjesëtarëve të vdekur si dhe fëmijët e invalidëve të luftës kanë përparësi gjatë regjistrimit në institucionet e larta arsimore, duke u liruar nga pagesa e participimit, me kusht që të plotësojnë pikët minimale të parapara me konkursin për regjistrim në universitete”, thekson ligji i miratuar menjëherë pas konfliktit të vitit 2001. 

Por, nga ana tjetër, janë me dhjetëra ish-pjesëtarë të UÇK-së, fëmijë të ushtarëve, dëshmorëve dhe invalidëve të luftës të UÇK-së që akoma nuk gëzojnë këtë të drejtë. Ata janë të barabartë me kandidatët e tjerë sa i përket kushteve për regjistrim nëpër universitete. Miratimi i ligjit për përkujdesje institucionale për UÇK-në vazhdon të jetë vetëm një temë e debatit politik ndërmjet partive shqiptare, që akoma nuk ka një zgjidhje ligjore.

Në Universitetin Shtetëror të Tetovës këtë vit akademik janë regjistruar mbi 4 mijë studentë të rinj.

 
Lajme Shqip Monday, 09 September 2013 17:18

Shkup – Qeveria e Nikolla Gruevskit dhe Ali Ahmetit, sipas “Dnevnik”, është duke menduar që ta aplikojë regjimin e vizave për qytetarët e Republikës së Kosovës.
“Kjo rrjedh e ngjarjeve në “luftën tregtare” u bë e mundur pasi që Prishtina vendosi embargo mbi importin e të gjitha prodhimeve të Maqedonisë, gjë që ndikoi që nga kufiri të kthehen mbrapsht shumë maune me mallra të Maqedonisë që destinacion e kishin Kosovën, transmeton Almakos.
Komisioni Evropian, ndërkohë, u kërkoi palëve të përfshira në këtë konflikt, t’i përmbahen marrëveshjes së CEFTA – s.
Sot u raportua se Shkupi pritet që t`i ofrojë një propozim Prishtinës që të heq ndalesën për importin e miellit të Kosovës dhe heqjen e taksës për qytetarët e Kosovës nga data 15 shtator.
Zëvendëskryeministrja dhe ministrja e Tregtisë dhe Industrisë (MTI), Mimoza Kusari-Lila ka thënë se Qeveria e Maqedonisë është duke devijuar kontestin ekonomik me atë politikë.
“Për ne kjo çështje nuk ka qenë dashtë të devijojë prej kontestit ekonomik në ndalimin apo pengimin e lëvizjes së lirë të njerëzve. Ne insistojmë që kjo të jetë në kuadër të raporteve tregtare dhe si të tillë duhet të trajtohet. Mirëpo, prekja e drejtpërdrejtë e qytetarëve të Republikës së Kosovës për ne është e papranueshme dhe në kundërshtim të plotë me vlerat e fqinjësisë së mirë dhe vlerat evropiane”, ka thënë Kusari-Lila.
Ajo ka vlerësuar se ky problem duhet të trajtohet me shumë kujdes në një të ardhme dhe sipas saj, interesi i Maqedonisë ndaj Kosovës në aspektin ekonomik është shumë më i madh se sa ai i Kosovës ndaj Maqedonisë në raportet e tanishme tregtare. Kusari – Lila gjithashtu ka paralajmëruar se nuk do të lejojnë që asnjë vend të shkel një anshëm marrëveshjen e CEFTA-s. “Vendimet e tilla nuk i dëshirojmë, por nganjëherë janë të domosdoshme për shkak se ne nuk mund të jemi në vazhdimësi ata që duhet të mbajmë me korrektësi zbatimin e CEFTA-s dhe të tjerët ta shkelin në vazhdimësi”, ka thënë ajo.
Problemet u shfaqën pasi që Prishtina zyrtare dy ditë më parë aplikoi masën e ndalesës për një pjesë të prodhimeve të Maqedonisë, duke qenë si kundërpërgjigje ndaj ndalesës së palës maqedonase për importin e prodhimeve të miellit nga vendet fqinje, duke përfshirë edhe Kosovën. Autoritetet e Kosovës nuk hoqën embargon edhe pas kërkesave të palës së Shkupit, derisa këta të fundit prej dje nisën aplikimin e taksës hyrëse për të gjithë shtetasit e Kosovës, 2 euro për çdo udhëtarë, 5 euro për makinat dhe 20 euro për kamionët dhe autobusët.

 

 
Lajme Shqip Thursday, 22 August 2013 23:49

 

Deputeti maqedonas i VMRO-DPMNE-së, Romeo Trenov, ka deklaruar se në Shqipëri jetojnë plot 200 mijë maqedonas, të cilët nuk janë deklaruar në Censusin e vitit 2011, për shkak të frikës.

“Unë kërkoj nga ambasadori i ri që të kontaktoje me të gjithë faktorët e rëndësishëm, që në regjistrimin e radhës, maqedonasit në Shqipëri të mund të deklarohen si të tillë pa probleme. Po ashtu, dua të them se nuk është e vërtetë se në Maqedoni, jetojnë mbi 30% shqiptarë. Për mua janë qesharake zërat se në Ballkan jetojnë 10 milion shqiptarë”, Trenov, gjatë prezantimit të platformës nga ana e ambasadorit maqedonas të sapo emëruar në Shqipëri, Stojan Karajanov.

Debate ka pasur edhe për emërimin e këtij të fundit si ambasador në Shqipëri, duke qenë se ai ka deklaruar që  “gjatë regjistrimit të popullsisë në vitin 2011, për fat të keq u regjistruan vetëm 5 521 shtetas të Shqipërisë si maqedonas. Këtë problem e kishte edhe pakica greke dhe vllehe si më të mëdha, bashkë me minoritetin maqedonas”.

Deklaratat e Trenov kanë sjellë reagimin e deputetëve shqiptarë, të cilët i kanë cilësuar si skandaloze ato dhe kanë kërkuar rishikimin e emërimit të tij si ambasador në Shqipëri.

 

12