Lajme Shqip Thursday, 18 July 2013 12:15

6 April 2013 18:31
9 December 2012 17:20

Nelson Mandela pritet ta “festojë” 95-vjetorin e lindjes në spitalin e Pretorias, ndërsa disa shfaqje do mbahen në mbarë botën dhe në Afrikën e Jugut, në nder të tij. 
Afrikano-jugorëve u është kërkuar t’u përgjigjen 67 vjetëve të shërbimit publik, nga ana e ish-presidentit dhe liderit të luftës anti-aparteid, me 67 minuta veprime bamirësie.

Mandela, i cili është në gjendje kritike, por aktualisht disi i stabilizuar, prej një infeksioni periodik në mushkëri, u shtrua në spital më 8 qershor.

Vajza e tij tha të mërkurën se ai kishte bërë një “progres dramatik”. “Mendoj se shumë shpejt do të shkojmë në shtëpi”, tha ajo për Sky TV, shkruan top channel.

Datëlindja e Mandelës është kthyer gjithashtu në Ditën Ndëkombëtare të Nelson Mandelës, një ditë e deklaruar nga OKB-ja si një mundësi për të njohur kontributin pajtues të fituesit të Çmimit Nobel.

Ish-kryetari i shtetit njihet në mbarë botën për rolin e tij në dhënien fund të aparteidit në Afrikën Jugore. Ai u bë presidenti i parë me ngjyrë, në zgjedhjet e para me gjithpërfshirje të vendit, më 1994.

Kongresi Kombëtar Afrikan (ANC), në qeverisje, bëri të ditur se gjatë Ditës së Mandelës, u kushtohen homazhe 95 vjetëve të “jetës së mirë-jetuar”, me dedikuara lirisë së Afrikano-jugorëve dhe njerëzve në të gjithë botën.

Dita nis me miliona nxënës shkollash në mbarë Afrikën e Jugut, që këndojnë këngën “Happy Birthday” drejtuar Mandelës.

 
Lajme Shqip Saturday, 06 April 2013 18:31

Pretoria – Ish-presidenti i Afrikës së Jugut, Nelson Mandela, ka dalë nga spitali, ku është trajtuar për pneumoni.

Në deklaratën e Qeverisë së këtij vendi thuhet se Mandela ka pasur “një përmirësim gradual dhe të qëndrueshëm të gjendjes së tij të përgjithshme”.

Mandela, 94 vjeç, është pranuar në një spital të Pretorias qysh më 27 mars, për shkak të infeskionit në mushkëri.

Ai ka shërbyer si presidenti i parë me ngjyrë i Afrikës së Jugut, në periudhën 1994-1999 dhe nga shumë konsiderohet si baba i kombit.

Mandela ka udhëhequr luftën kundër aparteidit dhe në vitin 1993 është nderuar me Çmimin Nobel për Paqe.(LajmeShqip.com)

 
Lajme Shqip Sunday, 09 December 2012 17:20

Cape Town- Ish-presidenti i Afrikës së Jugut, Nelson Mandela është shtruar në spital të shtunën për disa analiza mjekësore.

Presidenti Jakob Zuma tha në një deklaratë se nuk ka “asnjë arsye për alarmim” mbi shëndetin e Mandelës 94-vjeçar.

Sipas mjekut, Mandela ndjehet mirë dhe po merr kujdesin mjekësor, që është në përputhje me moshën e tij.

Nelson Mandela kaloi 27 vjet në burg për luftën e tij për të drejtat e shumicës së popullatës me ngjyrë dhe u bë presidenti i parë i zi i Afrikës së Jugut në vitin 1994, duke shërbyer në një mandat pesë-vjeçar.

Ai më vonë u tërhoq nga jeta publike, dhe herën e fundit kur u shfaq në publik, ishte gjatë kampionatit Botëror të Futbollit, në vitin 2010, i vili u zhvilluar në Afrikën e Jugut.(LajmeShqip.com)