Lajme Shqip Tuesday, 04 February 2014 15:25

Kreu i grupit kuvendor të Lëvizjes Socialiste për Integrim Petrit Vasili i bëri sërish sot thirrje opozitës të bashkëpunojë për reformën administrative-territoriale.

Në një konferencë për shtyp,Vasili u shpreh se kjo reformë është një problem i rëndësishëm për vendin.

“Opozita të bashkëpunojë për reformën territoriale. Kuvendi ka miratuar një komision të balancuar.LSI do vijojë të ofrohet për të gjitha zgjidhjet e mirëkuptimet në tryezën e bisedimeve, që reforma të ecë para. Këtë gjë ua rekomandojmë edhe kolegëve opozitarë, reforma territoriale është për të mirën e përbashkët” tha Vasili. /albeu/

 
Lajme Shqip Wednesday, 14 August 2013 13:58

Tiranë- Lëvizja Socialiste për Integrim ka reaguar sot në lidhje me situatën e krijuar me familjet rome të cilët janë dëbuar nga barakat në Tiranë.

Nënkryetari i LSI-së Petrit Vasili në një konferencë për shtyp u shpreh se kërkohet një zgjidhje emergjente për zgjidhjen e situatës së krijuar me familjet rome.

“Sot BE-ja pret qëndrim dinjitoz nga Shqipëria pasi kjo çështje është ndër prioritetet e integrimit të vendit. Ne mbështesim çdo mundësi që i jep zgjidhje këtij problemi shumë akut. Duhet zgjidhje e shpejtë për romët. Qeveria në ikje u tregua indiferente ndaj këtij komuniteti ” tha Vasili.

SHQUP
I pyetur për vendimin e shndërrimit të SHQUP në seli të PD-së, Vasili e vlerësuar këtë vendim si, të nxituar dhe të gabuar. Ai ka deklaruar se qëndrimi i LSI është në koherencë me atë të PS për këtë çështje.

“Vendimi për SHQUP është i nxituar, i gabuar, bie ndesh me përmirësimin e strukturave të FA të një vendi anëtar i NATO-s, që kërkon përmirësime e ambiente gjithnjë e më moderne. Fakti qe qeveria merr vesh pas 23 qershorit që selia e PD është në pronë private është qesharak”, tha ai.

“Çdo mungesë transparence në publikimin e akteve të qeverisë është i dënueshëm sepse këto akte duhet të jenë transparente dhe të hapura, jo vetëm për mediat por dhe për publikun e gjerë”.

Vasili tha se çdo mungesë transparence për aktet e qeverisë është e dënueshme, ku theksoi se qeveria e re e mbas shtatorit do të verifikojë gjithë vendimet, cilat kanë qenë të drejta dhe cilat kanë qenë në dëm të shqiptarëve dhe ato vendime që kanë qenë abuzive do të rishikohen.
“Dhe vendimi për Shtëpinë Qendrore të Ushtrisë Popullore është një vendim i gabuar në kohe të gabuar. Ky vendim bie ndesh edhe me krijimin e strukturave të ushtrisë dhe përmirësimit të standardeve dhe ambienteve gjithnjë e më të bollshme dhe moderne. Çështja që selia e Partisë Demokratike paska qenë pronë private dhe që PD e merr vesh pas 23 qershorit, është qesharake dhe duhet ndalur”, u shpreh me tej Vasili.

Administrata
I pyetur nga mediat se çfarë qëndrimi do të mbajë qeverisja e re ndaj administratës aktuale që i frikësohet një spastrimi, Vasili bëri me dije se LSI nuk vepron me filozofi të tilla. Sipas nënkryetarit të LSI, rreth administratës do përdoret si udhërrëfyes ligji shqiptar dhe efiçenca në punë e punonjësve të administratës.
“Termi spastrim nuk ka lidhje me filozofinë e mazhorancës së re dhe nuk tregon thelbin e një administrate europiane. Ne do të kemi udhërrëfyes legjislacionin shqiptar dhe askush nuk do jetë i kërcënuar nga hakmarrja politike, por testi i tyre do jetë puna e tyre me efiçensë”.

KQZ
Petrit Vasili komentoi në interes të mediave të pranishme në konferencën për shtyp dhe situatën me KQZ. Sipas Vasilit, mazhoranca e re do të punojë për riformatimin e këtij institucioni.
“Çështja e KQZ është shqetësimi i LSI-së në veçanti, por edhe një shqetësim që i takon gjithë politikës shqiptare që nuk përfaqësohet më bnë KQZ. Thënë më ndryshe, përfaqësohet vetëm pjesa e qeverisë në ikje. Si i tillë, KQZ ka legjitimitet të cunguar, riformatimi, kthimi i KQZ është një sfidë e mazhorancës dhe LSI si pjesë e kësaj do punojë për kthimin e legjitimitetit. Është një zgjidhje që do kohën e saj, por në një kohë jo të gjatë janë zgjedhjet lokale dhe duhet punuar dhe në këtë drejtim”.

 
Lajme Shqip Saturday, 20 July 2013 13:46

Tiranë- Sekretari i Përgjithshëm i LSI, Luan Rama bëri publik qëndrimi e Lëvizjes Socialiste për Integrim, se kushdo që cenon rezultatin zgjedhor të 23 qershorit ku e majtë fitoi bindshëm do të përballet me ligjin.

Në konferencë për shtyp, teksa KQZ vijonte paralelisht rinumërimim e votave për qarku ne Lezhës, Luana ram akuzoi institucionin kryesor të administrimit të votave pasi sipas tij po funksionon me dy standarde. Duke sjellë në vëmendje ankimimin e LSI për qarku ne Kukësit, Luan Rama tha se KQz e hodhi poshtë kërkesën e LSI tani ajo hapi kutitë e Lezhës.

“Më lejoni të sjell në vëmendjen tuaj edhe një fakt tjetër që dëshmon se kjo gjysmë-KQZ po aplikon, në kundërshtim me ligjin, dy standarde. Kemi rastin e qëndrimit ndaj kërkesës legjitime dhe të argumentuar që bëri Lëvizja Socialiste për Integrim për rinumërim të votave në 15 kuti apo në 15 qendra votimit të Qarkut të Kukësit. Kërkesë që nuk u pranua nga kjo gjysmë-KQZ, ndërkohë që për rastin e Lezhës, apo të Qarkut të Lezhës, aplikon një standard të ndryshëm, një standard tjetër edhe pse nuk kërkoi njeri rinumërimin e qendrave të votimit në të gjitha KZAZ-të e kësaj zone zgjedhore, ashtu siç veproi edhe me Qarkun e Shkodrës”, tha Luan Rama.

Sipas tij, kjo sjellje e kësaj gjysmë KQZ-je, është reflektim i nervozizmit dhe shenjë e dëshpërimit për humbjen dhe rezultatin katastrofik që qytetarët i dhanë PD-së dhe koalicionit të saj.

“Natyrisht edhe kjo sjellje më e fundit e kësaj gjysmë-KQZ-je është reflektim i nervozizmit dhe shenjë e dëshpërimit për humbjen dhe rezultatin katastrofik që qytetarët shqiptarë i dhanë Partisë Demokratike dhe koalicionit të saj. Më lejoni të bëj të qartë dhe të ditur, që jo vetëm kjo gjysmë-KQZ, por askush nuk do të mund të kompromentojë dhe të tjetërsojë rezultatin e zgjedhjeve të 23 qershorit, që është jo vetëm i qartë dhe i pastër, por është bindës për vullnetin politik dhe qytetar të mazhorancës së shqiptarëve, që votuan të jetë mazhorancë koalicioni Aleanca për Shqipërinë Evropiane. “, tha Luan Rama.

Ai nënvizoi se “qëndrimi i LSI-së është i qartë dhe i prerë që, cilido individ apo trupë zgjedhore, në të gjitha nivelet e hiearkisë zgjedhore, referuar Kodit Zgjedhor që ka cënuar, deformuar apo kontaminuar procesin zgjedhor, duhet dhe do të përgjigjet ligjërisht”.

.

 

 
Lajme Shqip Thursday, 18 July 2013 11:54

Tiranë – Sekretari Organizativ i Partisë Socialiste, Blendi Klosi, thotë në një intervistë për A1Report se Lëvizja Socialiste për Integrim ishte thembra e Akilit në fitoren e të majtës.
“Kjo është një gjë që duhet të diskutohet. Në 2009 ka qenë po e njëjta kërkesë nga ana jonë. Në 2013 nuk mund t’i lejonim vetes të mos e përpunonim si ide. Ngritëm një sekretariat të posaçëm, punuam gjerësisht për të zgjeruar koalicionin me 34 parti. Natyrisht bashkimi me LSI ishte thembra e Akilit, një shtysë shumë e madhe e cila solli fitoren e PS, të Edi Ramës, të filozofisë së tij tetë vjeçare. Ndarja e mendjes që ky sistem është sistem koalicionesh, na solli ne fitues. E kishim të qartë që ditën që pranuam të ishim bashkë me LSI, që ashtu sikurse del fitues me koalicion, po ashtu brenda koalicionit është i projektuar në mënyrë të tillë. Është një sistem miks gjerman e spanjoll ku ndarja brenda të njëjtit koalicion është i atillë që të përfitojnë të gjitha partitë e vogla,” tha Klosi, shkruan tema. 
Sa i përket vitit 2009, Klosi tha se LSI kishte kërkesa të paimagjinueshme.
“Ne arritëm që në 2009 të ishim baras me një pozitë që vinte me disa punë të realizuara dhe me një frymë se mund të vazhdonte. Akoma nuk ishte që edhe Partia Socialiste të pranonte koalicionin e madh. Kishte kërkesa ekstremiste, të paimagjinueshme në 2009. Kjo ka qenë historia. Forcat e mëdha politike kërkojnë koalicion po kanë dhe përgjegjësitë e tyre. Edhe LSI në vitin 2009 ishte me filozofinë që do të bënte namin e vetme, ishte e jo mirë menaxhuar dhe ajo na solli prapë që ne të ishim fitues. Megjithatë them që 2009 ka qenë fituese për të majtën. Mbani mend që Ilir Meta nuk u paraqit midis të majtës dhe të djathtës, por u paraqit si e majtë ekstreme. Doli me shprehjet “unë jam opozita e vërtetë”, “unë do fus Sali Berishën në burg”. Realisht në 2009 e majta dhe e djathta u ndanë barazim, 70 me 70 dhe mos të harrojmë manipulimin e madh, por edhe atë sesi kuptohej formula elektorale në atë kohë. Ne kemi humbur mandatin e pestë në Berat me më pak se 200 vota,” tha Klosi.

 

 
Lajme Shqip Wednesday, 17 July 2013 15:35

Tiranë – LSI ka reaguar me anë të Luan Ramës, në lidhje me akuzat dhe sulmet e njëpasnjëshme të dy kandidatëve për kryetar të PD-së, Sokol Olldashi dhe Lulzim Basha, ndaj mazhorancës së re. Sipas Luan Ramës, PD e ka humbur betejën me Ramën dhe Metën dhe për këtë arsye, sipas tij, Olldashi dhe Basha duhet të ndalin fyerjet dhe sulmet, por të merren me partinë e tyre.

“Dua të shpreh keqardhje se fushata për kreun e PD në vend që të jetë fushatë ballafaqimi alternativash ndërmjet dy kandidatëve në garë është një fushatë kundër PS dhe LSI. PD e ka humbur garën me Ilir Metën dhe Edi Ramën, në gara janë Basha me Olldashin dhe duhet ta bëjnë garën me njeri- tjetrin dhe jo duke përdorur etiketime fyese dhe banale ndaj atyre që populli shqiptar i bëri mazhorancë, në të kudërt kjo vërteton se fushata është butafori që nuk do sjelle rivitalizimin e partisë”, u shpreh Luan Rama në një konferencë për shtyp, shkruan tema.

Sa i takon ndarjes së posteve ministrore, Rama tha se për LSI përgjegjësia e qeverisjes është e barazvlefshme si në Kuvend, ashtu dhe ne qeveri.

“Për LSI përgjegjësitë qeverisëse janë të barazvlefshme në qeveri kuvend apo kudo ku duhet të investojmë për një qeverisje të mirë për shqiptarët. Në momentin e duhur ne do përcaktojmë se kush do shkojë në qeveri dhe kush do përmbushë detyrimet parlamentare. LSI ka kapacitet intelektuale dhe qeverisë për të përballuar sfidat qeverisëse. Dua të bëj të qartë se faktori kryesor i LSI ka qenë raporti njerëzor dhe realist që ndërtuam me qytetaret shqiptar. Oferta jonë ishte konkrete dhe ne do te punojmë që të bëjmë të mundur punësimin dhe të zhvillojmë ekonominë me target gjithnjë rritej e të punësuarve dhe uljen e nivelit të varfërisë. Kjo është sfida e qeverisë së re”, tha Luan Rama.

 

 
Lajme Shqip Monday, 15 July 2013 16:59

Tiranë – Komisioni Qendror Zgjedhor ka rrëzuar ankesën e LSI-së për Kukësin. LSI kundërshton vendimet e tabelave të rezultateve të disa KZAZ-ve në qarkun e Kukësit, por ankesa e saj nuk është marrë parasysh nga ana e 4 anëtarëve të KQZ-së, të cilët e kanë rrëzuar atë.
Anëtarët e KQZ-së u shprehën se LSI nuk ka sjellë prova të mundshme për të çuar në rinumërimin e 15 qendrave të votimit, ashtu siç kërkonte LSI.
Përfaqësuesit e LSI ndërkohë këtë mbledhje e kanë cilësuar si të jashtëligjshme, pasi sipas tyre, KQZ nuk mund të marrë vendime të tilla me vetëm katër anëtarë. Sipas LSI, vendimi duhet të merret me praninë e të paktën 5 anëtarëve të KQZ-së.

 
Lajme Shqip Saturday, 13 July 2013 15:40

Tiranë – Kryetari i Lëvizjes Socialiste për Integrim, z. Ilir Meta ka zhvilluar një takim me anëtarë dhe simpatizëntë të LSI-së në qytetin e Çorovodës. Gjatë fjalës përshëndetëse të mbajtur në këtë takim Lideri i LSI-së ka deklaruar se fitorja në Qarkun e Beratit ka qenë rezultat i të gjithë kandidatëve për deputet që punuan si një ekip i shkëlqyer dhe përcollën frymën e bashkëpunimit kudo në të gjitha strukturat.

“Padyshim që në themel të këtij suksesi është puna e secilit prej jush, e gjithë drejtuesve të LSI-së në nivel vendor dhe të gjithë anëtarëve dhe simpatizantëve tanë. Ka qenë vërtetë një fushatë e jashtëzakonshme, ka qenë një fushatë me një bindje të plotë se ishte radha e LSI-së për të treguar vlerat e saj të vërteta”, tha z. Meta.

Ai theksoi se edhe në 2005-n edhe në 2009-n LSI-ja u ndesh jo thjesht me partitë e mëdha, por me një sistem shtypës dhe shkatërrues të zgjedhjeve të lira dhe të ndershme, por qëndrueshmëria e LSI-së, mbijetesa, drejtësia e çështjeve që kjo forcë politike ka mbrojtur gjithmonë bëri të mundur që në vitin 2013, më 23 qershor, të arrinte një sukses mëse të merituar në themelet e të cilit nuk është vetëm puna e bërë gjatë muajve të fundit, por është në themel puna e bërë gati 9 viteve të themelimit të LSI.

“Është vetëm fillimi i rritjes sonë do të vazhdojmë të rritemi akoma më tej, sepse në gjithçka e bazojmë te puna e përditshme, e vazhdueshme dhe tek përmirësim i vetvetes. Pra, motoja jonë për të ardhmen është të punojmë çdo ditë dhe të përmirësohemi çdo ditë në mënyrë që të jemi më të aftë dhe më të suksesshëm në përballimin e gjithë sfidave që kemi përpara. Ne kemi bërë fushatën më pozitive, kemi bërë fushatën më konkrete, kemi pasur premtimet më të përmbajtura dhe më racionale e kemi përqendruar qartë mesazhin e fushatës sonë tek të gjithë votuesit që kërkojnë stabilitetin e vendit, që kërkojnë zgjidhjen e problemeve më të mprehta ekonomike e sociale, që kërkojnë rritjen e punësimit dhe njëkohësisht për ne është tepër e rëndësishme tani të fillojmë punën për mbajtjen e këtyre premtimeve”, vijoi kryetari i LSI-së. 
Më tej, z. Meta u zotua për mbajtjen e premtimeve të bëra për punësimin, por edhe për ta gjallëruar jetën e komunitetit në Çorovodë

Duke u kthyer te rezultati historik i 23 qershorit, Kryetari i LSI-së shprehur mirënjohjen e tij për popullin e Skraparit dhe premtoi se këtë mirënjohje do ta shprehë me vepra e jo me fjalë.

“Mirënjohje të veçantë për të gjithë popullin e Skraparit, ku LSI më 23 qershor doli forcë e parë politike. Është një punë e madhe që është bërë, por njëkohësisht është një punë akoma më e madhe që na pret përpara për të shprehur mirënjohjen tonë me vepra dhe jo me fjalë sikurse jemi sot këtu përpara të gjithë atyre që na votuan dhe përpara të gjithë popullit tëSkraparit, shtoi ai. Sepse ne pas zgjedhjeve nuk i ndajmë skraparllinjtë as këtu as kudo tjetër, përkundrazi përpiqemi t’i respektojmë dhe t’i mbështesim të gjithë. Fitorja në Qarkun e Beratit është historike sepse është hera e parë që LSI-ja del forcë e dytë politike në një qark të Shqipërisë dhe kjo është mjaft kuptimplotë, por natyrisht ne do të vazhdojmë me synimet tona për të fuqizuar më tej LSI-në”, tha z. Meta.

 
Lajme Shqip Tuesday, 09 July 2013 12:15

Tiranë – Grupi i punës së LëvizjesSocialiste për Integrim i dorëzon Partisë Socialisteprogramin e kësaj force dhe propozimet për 300 ditët e para të qeverisjes.

Në fokus do të jenë ekonomia, siguria publike dhe funksionimi i institucioneve publike te të cilat të dy grupet e punës do të dalin me një draft të përbashkët dhe të përpunuar, që do t’i paraqitet dhe publikut në muajin gusht.

 
Lajme Shqip Friday, 05 July 2013 09:27

Tiranë – Kreu i LSI, Ilir Meta gjatë një intervistë të dhënë dje për emisionin “Nga A në Zh” të televizionit “Agon Channel” deklaroi se gjatë bashkëqeverisjes me Berishën, Partia Demokratike kontrollonte 99% të pushtetit. 

“Së pari nuk dua t’i ndaj gjërat bardhezi. Së dyti, kjo puna e 20% ka qenë një spekulim i madh, sepse gjërat në të vërtetë nuk kanë qenë kështu. Po kështu ministrat e LSI-së kanë qenë tepër bashkëpunues dhe tepër parimor në qeveri dhe në qeverisje. Kanë qenë tepër konstruktiv, nuk është e vërtetë ajo se ministrat e LSI-së ministritë i kanë pasur si domene të tyre. Kjo është një përrallë. Unë mund t’ju them për shembull, se vetëm në Ministrinë e Ekonomisë, 80% e të gjithë drejtorive në këtë ministri, madje më të rëndësishmet, kanë qenë ose persona që kanë punuar më parë në administratë, përpara se të bëhej koalicioni i vitit 2009, ose kanë qenë kryesisht të propozuar nga ana e PD-së. Apo edhe në Ministrinë e Shëndetësisë, dihet që më shumë se gjysmën e këtij sistemi e përfaqësojnë sigurimet shëndetësore dhe shumë struktura të tjera. Së pari, LSI-a nuk ka pasur lidershipin e qeverisë. LSI-a ka treguar përgjegjësitë e saj. LSI-a ka marrë dhe kostot e saj, absolutisht, të cilat diku kanë qenë të drejta por në të shumtën e rasteve kanë qenë të padrejta, sepse ka qenë një interes në atë kohë edhe i PS-së më shumë për të goditur përfaqësuesit e LSI-së në media, duke parë të keqen tek aleanca LSI – PD dhe duke e ekzagjeruar shumë raste të sakta dhe të pavërteta por ka qenë dhe interes i segmenteve të PD-së për të ekspozuar gjoja njerëz të LSI-së si përfaqësues të fenomeneve kryesore, ndërkohë kur pushteti real ka qenë 99% në duart e PD”, ka thënë ai. 

 

 

 
Lajme Shqip Tuesday, 02 July 2013 17:52

Tiranë – Përfaqësues të IPR Marketing u shprehën se 12% e te pavendosurve u tërhoqën me shumë nga partitë e mëdha te majta.
“Në të gjitha sondazhet qe bënim, e majta ishte ne avantazh. Diferenca e madhe e krijuar na bënte të ishim disi të rezervuar por ne e thamë te vërtetën”.
Lidhur me pyetjen se si u parashikua rezultati i LSI, IPR tha: “Ne kemi ditur te lexojmë të dhënat”. Kurse shtuan se akuzat për një blerje te këtij sondazhi u hodhën poshtë me këtë rezultat.
Për IPR, e majta ka ditur te shesë një produkt me te mire për “konsumatorin”. “Në sondazh e kemi nënvlerësuar LSI ndërsa ne ex-poll kemi goditur me LSI”, – vuri në dukje IPR, raporton noa. 
Në minutën e fundit ka ndryshuar balanca e te pavendosurve. Sipas IPR “tek LSI shikohej një mbështetje me e madhe për mesazhin dhe modelin e fushatës”.
Pas suksesit me sondazhin për zgjedhjet e 23 qershorit, RTV “Ora News” dhe IPR Marketing kanë dalë në një konferencë për shtyp duke dhënë edhe detajet për mënyrën se si janë zhvilluar sondazhet dhe exit poll-i.
Në fjalën e tij, Presidenti i RTV “Ora News” Ylli Ndroqi tha se vlen për të falënderuar edhe puna e madhe e bërë nga Universiteti Kristal për të bërë të mundur që ne të ishim të saktë në dhënien e exit poll-it tonë
“Mbështetja që mori IPR Marketing në bashkëpunim me bordin pati një kosto të lartë financiare dhe njerëzore deri në kërcënim dhe presion nga partitë politike që nuk dua ti bëj publike sepse Ora News i ka injoruar me rezultatin që u dha në 23 qershor” tha z. Ndroqi duke shtuar se Ora News do t`i shërbejë vetëm publikut dhe asnjëherë nuk do të marrë ngjyrime politike”.

Noto: Sondazhet të përdoren si mjet komunikimi në të ardhmen

Nga ana e tij, drejtori i “IPR Marketing”, Antonio Noto theksoi se sondazhet në të ardhmen duhet të përdoren si mjet komunikimi mes qytetarëve dhe qeverisë.
“Ne shpresojmë që sondazhet të përdoren në të ardhmen si një mjet komunikimi mes shqiptarëve. Do të donim që sondazhet të përdoren si mjet komunikimi mes qytetarëve dhe qeverisë ku qytetarët mund ti komunikojnë qeverisë pikat e dobëta. Ky është një hap përpara i natyrshëm. Nëse kjo ndodh ky do të jetë një çast i mirë që qytetarët të ndihen më shumë pjesëmarrës në politikë” tha Noto
Noto pranoi se edhe pse zgjedhjet e 23 qershorit janë bashkëpunimi i dytë me RTV “Ora News”, ai ka qenë më i vështiri për vetë faktin se rezultatet ishin të tilla sa analistët shprehën mosbesim.
“Ora News” në bashkëpunim me IPR Marketing, ka zhvilluar 4 sondazhe në muajin Maj dhe Qershor dhe 4 exit poll rajonale dhe një exit poll kombëtar në ditën e votimit, në 23 Qershor.