12
 
Lajme Shqip Monday, 23 June 2014 16:10

Lideri i LDK-së, Isa Mustafa dhe nënkryetarja e AAK-së, Melihate Tërmkolli, nuk pajtohen me veprimin e presidentes Atifete Jahjaga për ta dërguar në Gjykatë Kushtetuese çështjen për mandatarin e qeverisë, duke e vlerësuar atë si hap të ngutshëm. Ndërsa anëtari i Kryesisë së NISMËS, Bilall Sherifi, nuk e ka komentuar këtë veprim të presidentes, me arsyetimin se deklarimi rreth kësaj çështje mund të konsiderohet si presion mbi presidenten e vendit dhe Gjykatën Kushtetuese, megjithatë ka thënë se NISMA mendon se Kushtetuta është e qartë sa i përket asaj se kush ka të drejtë ta formojë qeverinë.

I pari që ka reaguar ka qenë lideri i LDK-së, Isa Mustafa, i cili në një postim në profilin e tij në ‘Facebook’ ka shkruar se edhe presidentja e vendit duhet ta ketë të qartë Kushtetutën ashtu siç e kanë të gjithë qytetarët e Kosovës. “Presidentja e vendit duhet ta ketë të qartë Kushtetutën ashtu siç e kemi të gjithë ne. Kushtetuta jonë nuk është rast i veçantë kundrejt kushtetutave të vendeve të tjera demokratike dhe praktikave të njohura nga vendet evropiane. Shpresoj se Gjykata Kushtetuese nuk do ta interpretojë, edhe kësaj radhe, Kushtetutën si në rastin e presidentes dhe të na tregojë se ‘çfarë pret populli’”, ka shkruar Mustafa. Sipas tij, Kushtetuta e Republikës së Kosovës është e qartë për gjithë ata që duan ta kenë të qartë jetën demokratike. “Qeverinë e themelon ai që e arrin shumicën në Kuvend. Këtë shumicë nuk e ka fituar në mënyrë të veçantë asnjë subjekt gjatë zgjedhjeve. Qytetarët kanë vendosur se si do ta votojnë çdo subjekt politik (apo koalicioni parazgjedhor) dhe çdo kandidat për deputet, kurse koalicionet ndërmjet partive politike, mbi bazën e votave dhe besimit që e kanë marrë nga qytetarët, po vendosin se kush do ta qeverisë vendin. Asgjë nuk po vendoset jashtë fuqisë së votës”, është shprehur kreu i LDK-së.
Në të njëjtën vijë ka qenë edhe reagimi i partisë së Ramush Haradinajt, AAK-së. Nënkryetarja e kësaj partie, Melihate Tërmkolli, ka thënë për “Epokën e re” se presidentja Jahjaga është ngutur me veprimin e saj për të kërkuar sqarim te Gjykata Kushtetuese se kush ka të drejtë ta formojë qeverinë. “Mendoj se presidentja duhet t’i dijë kompetencat e veta. Në rast se ka dilema rreth kompetencave që ka, atëherë duhet të paraqesë kërkesë për interpretim nga Gjykata Kushtetuese më herët. Paraqitja e saj në këtë moment, pa pasur asnjë kërkesë zyrtare, mendoj se është shumë e parakohshme. Ajo do të mund ta paraqiste kërkesën e saj vetëm atëherë kur do të bëhet certifikimi i rezultateve dhe kur të kishim një apo dy grupe parlamentare të cilat do t’i paraqitnin kandidatët për kryeministër”, ka deklaruar Tërmkolli, duke shtuar se një veprim i tillë është i dyshimtë dhe mund të jetë në shërbim të kryeministrit aktual, Hashim Thaçit. “Ky veprim është i hershëm. Në interes të kujt po e bën këtë nuk e di. Mund të jetë në interes të qeverisë në largim dhe kryeministrit në largim. Por, sido që të jetë, kjo është një ngutje”, është shprehur ajo.
Më tutje, Tërmkolli ka deklaruar se partitë që kanë arritur marrëveshjen e kanë shikuar mirë këtë punë. “Ne i kemi respektuar dhe vazhdojmë t’i respektojmë institucionet tona dhe vendimet që dalin nga ato institucione. Por, para së gjithash, e respektojmë Kushtetutën e Republikës së Kosovës, e cila është shumë e qartë në këtë aspekt. Po të mos ishte e qartë nuk do t’i hynim një ndërmarrje të tillë. Nuk do të binim ndesh me Kushtetutën. E kemi studiuar mirë dhe e kemi parë se Kushtetuta këtë e lejon”, ka thënë Tërmkolli. 
Ndërkaq anëtari i Kryesisë së NISMËS për Kosovën, Bilall Sherifi, duke folur rreth kësaj çështje ka thënë për “Epokën e re” se duhet lejuar të gjitha institucionet kushtetuese t’i ushtrojnë përgjegjësit e tyre, pa bërë presion nga jashtë. “Mendoj se çdo prononcim tani për veprimin e presidentes do t’i bie që po ushtrojmë presion indirekt edhe mbi presidenten, edhe mbi Gjykatën Kushtetuese. Ne mendojmë se duhet t’i lëmë të lira të gjitha institucionet kushtetuese siç janë presidentja, Gjykata Kushtetuese, Parlamenti apo Qeveria që t’i ushtrojnë përgjegjësitë e tyre konform Kushtetutës. Nuk mendoj se duhet të bëjmë presion qoftë direkt apo indirekt, sepse tanimë procesi ka filluar. Komenti ynë është se nuk dëshirojmë ta komentojmë veprimin e presidentes, sepse do t’i binte se dëshirojmë ta influencojmë edhe vendimin e Gjykatës Kushtetuese”, ka deklaruar Sherifi. 
Ai ka theksuar se NISMA do ta respektojë çfarëdo vendimi të Gjykatës Kushtetuese, pavarësisht se a do t’i pëlqejë apo jo. “Nuk diskutohet ajo. Edhe nëse nuk do të na pëlqejë, ne do ta respektojmë atë vendim, sepse për vendimet e gjykatës nuk shtrohet pyetja se a doni ta respektoni apo jo. Ato janë vendime të pakontestueshme. Ne sigurisht se kemi pozicionin tonë rreth kësaj çështje. Mendojmë se Kushtetuta është e qartë, mirëpo ky është vetëm pozicioni ynë dhe i partnerëve të koalicionit”, ka deklaruar Sherifi. Menjëherë pasi presidentja Atifete Jahjaga e ka dërguar në kushtetuese çështjen e mandatarit të qeverisë, Ambasada Amerikane në Prishtinë ka kërkuar nga palët ta respektojnë vendimin e Gjykatës Kushtetuese.

 
Lajme Shqip Tuesday, 12 November 2013 17:45

Prizren- Bashkimi Demokratik ka vendosur që përkrahja e tyre për balotazhin e 1 dhjetorit të shkojë për kandidatin e LDK-së, Eqrem Kryeziu.

“Në rrethanat e krijuara pas zgjedhjeve të 3 nëntorit, ku garoi me kandidatin për kryetar dhe listën e kandidatëve për Kuvend me numër 74, dhe ku pretendoi ndryshime të mëdha dhe thelbësore, në mbledhjen e kryesisë vendosi duke u konsultuar edhe me Këshillin Drejtues të BD-së që të vazhdoj angazhimin e vet politik në sfidën e radhës, në përputhje me votën që ka marrë më 3 nëntor me vullnetin e qytetarëve që në garën për balotazh më 1 dhjetor të mbështes kandidatin për kryetar të Prizrenit nga LDK, z. Eqerem Kryeziu”, ka thënë Leart Batusha, asistent i Zafir Berishës.

“Ky qëndrim erdhi pas konsultimeve të gjera të BD-së, simpantizantët dhe miqtë e BD-së, shoqërinë civile dhe intelektualët e Prizrenit të cilët ishin që angazhimin politik dhe veprimet e BD-së të jenë në përputhje me qëndrimet publike që janë prezantuar nga kryesia dhe ekipi i Bashkimit Demokratik”, ka thënë Batusha në fund të njoftimit. /Zëri/

 
Lajme Shqip Monday, 21 October 2013 16:35

Prishtinë-  Presidenti iAleancës Kosova e Re, z.Behgjet Pacolli, i shoqëruar nga kandidati për kryetar të Prishtinës, z.Korab Sejdiu, kanë qëndruar në Kodrën e Trimave, ku kanë pirë çaj më qytetarët e kësaj ane. Pacolli nga këtu e ka ftuar publikisht  kryetarin aktual të Prishtinës, z.Isa Mustafa, që të dalë në debat dhe të mos vjedhë ide nga AKR-ja.

“E ftoj kryetarin aktual të Prishtinës të debatojë me kandidatin tonë dhe mos të na kopjojë idetë, po të vijë dhe ta zbërthejë idenë e tij, unë jam i bindur që nuk ka ide, përndryshe do t`i kishte zbatuar për 8 vjet”, ka thënë Pacolli.  I pari i AKR-së, z.Behgjet Pacolli, ka folur edhe për Kodrën e Timave dhe kaosin në komunikacion. Ai ka thënë që plani i AKR-së për ta ndryshuar këtë gjendje është të bëhet një Tunel nga fshati Bardhosh në drejtim të Xhamisë së Llapit.

“Familja ime posedon 70 hektarë tokë në Prishtinë dhe në ditën që ne do ta marrim Prishtinën, atë tokë do t` ia falim Komunës, pasi që do të krijohen zona të lira ekonomike dhe pastaj nga to do të hapen edhe vendet të lira të punës. Isa Mustafa tash e tetë vjet e ka penguar punën time në Fushë Kosovë, ku do të hapeshin vende të punës dhe veprimtari ekonomike, mirëpo ai nuk dëshiron që ju të punësoheni”, ka thënë Pacolli.

Ndërsa kandidati I AKR-së për kryetar të Prishtinës, z.Korab Sejdiu, ka folur për mungesat dhe problemet e përgjithshme të lagjes Kodra e Trimave.

Presidenti I partisë z.Behgjet Pacolli së bashku me kandidiatin për Prishtinën z.Korab Sejdiu, më pas vizituan tenden që është e vendosur në shesh të qytetit ku vazhduan bashkëbisedimin më qytetarë./koha/ 

 
Lajme Shqip Thursday, 17 October 2013 13:12

Lipjan- Lidhja Demokratike e Kosovës, Dega e Lipjanit përmes një komunikate për shtyp ka reaguar ndaj disa personave të pandërgjegjshëm, të cilët, pak para se të fillonte takimi mbrëmshëm në fshatin Gllogovc, aty ku edhe pritej të zhvillohej takimi, kanë hapur një varr, në tokën që është pronë e kryetarit aktual të Nëndegës së LDK-së në këtë fshat, Rexhep Arifi.

“Ky akt i shëmtuar i njerëzve të këqij e huliganë është tejet shqetësues, edhe pse, në të kaluarën, politika qëllimkeqe ka ditur të provokojë edhe në mënyra të tjera, mirëpo kjo është nga provokimet më ekstreme”, thuhet në komunikatën e LDK-së.

Me këtë rast po merret Policia e Kosovës dhe LDK-ja kërkon zbardhjen e tij sa më të shpejtë. Njëkohësisht, Dega e LDK-së e Lipjanit reagon ndaj shkatërrimit të panos së LDK-së në fshatin Jeta e Re, ku persona të njohur, përveçse e shkatërruan panon e LDK-së e larguan atë nga vendi ku ishte vendosur.

Dega e LDK-së e Lipjanit konsideron se këto janë shenja të frustrimeve militantiste politike dhe, si të tilla, paraqesin sjellje jocivilizuese dhe të papranueshme.

LDK-ja, Dega e Lipjanit, bën sërish thirrje për një fushatë të qetë, për një fushatë të lirë dhe demokratike. /Zëri/

 
Lajme Shqip Sunday, 13 October 2013 20:55

Ish presidenti dhe ish kryetari i Lidhjes Demokratike të Kosovës, Fatmir Sejdiu, ka bërë një kthesë në politikën e tij. Ai që deri para nisjes së fushatës parazgjedhore kritikonte liderin aktual të LDK-së Isa Mustafa, për dëmtim të partisë, ka vendosur ta ndihmojë duke iu bashkangjitur në fushatë.

Sejdiu ka marrë pjesë në tubimin elektoral në Kamenicë, ku edhe një mandat po e kërkon kryetari Shaip Surdulli.

Kryetari Mustafa nuk ka hezituar ta potencojë pjesëmarrjen e Sejdiut në këtë tubim, duke thënë se bashkë me të do ta qojnë LDK-në përpara.

“Me ne këtu është edhe presidenti Sejdiu, i cili ka punuar shumë për LDK-në dhe bashkërisht po punojmë me gjithë udhëheqjen e LDK-së, që të çojmë LDK-në përpara, që të arrijmë objektivat tona, që i kemi paraparë në katër vitet e ardhshme dhe më tutje”, ka thënë Mustafa.

“Jam i bindur se ky rrugëtim këtu në Kamenicë dhe rrugëtimi i LDK-së në gjithë Kosovë, nuk është rrugëtim që do të përfundojë në këto katër vite, është një rrugëtim afatgjatë, ashtu siç ka përcaktuar Presidenti Ibrahim Rugova. Më 3 nëntor ne do ta shënojmë një rezultat i cili do ta tregojë fuqinë e LDK-së në Kamenicë dhe në gjithë Kosovën”, deklaroi Mustafa. Ky kthim i Sejdiut vlerësohet si një lehtësim për LDK-në, pasi deri dje, thuhej se ish kryetari i LDK-së, bashkë me mbështetësit e tij, po punon për ndërtimin e një opozite brenda partisë, e cila do ta dëmtonte LDK-në në zgjedhjet lokale, duke i hapur rrugë më pas Sejdiut për t’u rikthyer në krye të LDK-së. 

 
Lajme Shqip Monday, 30 September 2013 12:47

Kryetari i Komunës së Prishtinës, njëherit edhe kryetar i Lidhjes Demokratike të Kosovës, Isa Mustafa, në zgjedhjet lokale të 3 nëntorit, do të provojë që për herë të tretë të marrë drejtimin e kryeqytetit të Kosovës. Ai ka paralajmëruar se fushata e tij parazgjedhore për këto zgjedhje do të fillojë më datë 3 tetor, dhe moto e saj do të jetë “Sot Komuna, nesër Kosova”.

Që në fillim Mustafa, me vetëdije apo pa të, ua ka bërë të qartë qytetarëve të Prishtinës, se brenda një periudhe kohore më pak se 1 vit, komuna e Prishtinës, mund të shkojë në zgjedhje të jashtëzakonshme.

Kreu i LDK-së, edhe në zgjedhjet e kaluara nacionale, por edhe në ato të ardhshmet të cilat pritet të mbahen në fillim të verës së vitit 2014, do të pretendojë të marrë postin e kryeministrit të vendit. E, edhe me moton e zgjedhjeve të tanishme lokale, na e bënë të ditur këtë. “Sot Komuna, nesër Kosova”, thotë motoja e tij, e cila aludon se, LDK do të fitojë nëpër komuna, e pastaj edhe në zgjedhjet nacionale.

Nëse ndodhë që motoja e LDK-së të realizohet, e Mustafa të fitojë mandatin e tretë në Prishtinë, e më pas edhe në zgjedhjet nacionale të vitit të ardhshëm, atëherë kryeqyteti do të duhet të shkojë në zgjedhje të jashtëzakonshme për kryetar të Prishtinës, pasi kreu i tij, në këtë rast Mustafa, do të marr kreun e ekzekutivit, post të cilin e ka synuar që nga marrja e timonit në parti.

Kreu i LDK-së Isa Mustafa, ka qenë në dilemë nëse duhet të garojë për mandatin e tretë për kryetar të Prishtinës, por në fund ka vendosur ta bëjë këtë. Në opinion është komentuar se Mustafa këtë veprim e ka bërë nga frika se me një kandidat tjetër, rrezikonin të humbnin qeverisjen në komunën kryesore të vendit. Ndërsa në një intervistë të dhënë kohëve të fundit, as ai nuk e ka mohuar kategorikisht këtë gjë, duke thënë se nuk ka qenë frika për humbje të komunës ajo që e ka shtyrë LDK-në ta kandidojë atë për kryetar të Prishtinës, por dëshira që fitorja të jetë sa më e madhe. (LajmeShqip)

 
Lajme Shqip Friday, 27 September 2013 21:14

Kishte organizuar një takim për Ditën e Rinisë me nxënës të shkollave të mesme të Prishtinës, por kryetari i Prishtinës nuk u prit mirë nga një pjesë e tyre.

Në kohën kur kryetarit Mustafa iu kishte dhënë fjala, njëra nga nxënëset e quajtur Erza nga “Xhevdet Doda” e kishte marrë fjalën duke i thënë se ai po bën fushatë me nxënës pasi që koha kur po mbahet ky takim është shumë afër zgjedhjeve lokale.

“Ky takim po mbahet një javë para se të filloj fushata, ndërsa problemet tona janë të kahmotshme”, ka thënë ndër të tjera Erza.

Duke iu kundërvënë nxënëses, Mustafa i kishte thënë se “kush të ka dërguar këtu”, derisa i kishte urdhëruar nxënësit se “kush do le të qëndroj e kush do le të dalë jashtë”.

Më pas një pjesë e nxënësve e kishin lëshuar sallën.

Videoja po qarkullon në Youtube ndërsa është shpërndarë nga të ashtuquajturit “Nxësëit aktivë”.

 
Lajme Shqip Saturday, 24 August 2013 10:02

Prishtinë- Nënkryetari i Lëvizjes Vetëvendosje, Shpend Ahmeti mund të fitojë përballë Isa Mustafës në garën për Kryetar të Prishtinës në zgjedhjet e sivjetshme lokale.
Kështu tregon anketa e fundit e realizuar nga Gazeta Express, e ku kanë marrë pjesë 6283 lexues.
Për Shpend Ahmetin kanë votuar 4077 lexues ose ka marrë 65 për qind të votave, derisa Isa Mustafa ka marrë 2206 vota ose 35 për qind.
Anketa është hapur më datën 16 gusht në ora 18:17 dhe është mbyllur ditën e djeshme, më 23 gusht në ora 16:26 minuta.
Ndryshe, Lëvizja Vetëvendosje e as Lidhja Demokratike ende nuk i kanë zyrtarizuar kandidatët e tyre për Kryetar të Prishtinës, por burime të Express thonë se Shpend Ahmeti do të jetë kandidatë i VV’se, kurse Isa Mustafa do të tentojë që të marrë edhe mandatin e tretë në krye të Komunës së Prishtinës.
Në garën për të parin e kryeqytetit, Partia Demokratike e Kosovës nuk duket se do të ketë ndonjë rol të rëndësishëm.

 
Lajme Shqip Monday, 22 July 2013 16:02

Prishtinë – LDK konsideron se qeveria po keqpërdor rreth 1 milion euro para publike në emër fondit për kuadro. Nëpër ministri të ndryshme, persona me thirrje të njëjtë profesionale paguhen ndryshe varësisht nga afërsia e tyre me partitë në pushtet. LDK vlerëson se këto shtesa po ndahen mbi baza të militantizmit partiak, e jo në bazë të arritjeve të veçanta profesionale apo për profesione deficitare.
Rast eklatant për këtë është Ministria e Tregtisë dhe Industrisë. Një numër i konsiderueshëm i zyrtarëve të kësaj ministrie marrin shtesa në emër të fondit të kuadrove nga 250 deri në 500 euro në muaj mbi pagën e tyre bazë. Këto shtesa janë të barabarta me dy paga mesatare të një shërbyesi civil.
Z.Kusari-Lila e ka shfrytëzuar edhe pozitën e saj si kryesuese e Komisionit të Fondit për Kuadro për të shpërblyer bashkëpunëtorët e saj, shumica e të cilëve janë të AKR-së dhe vijnë nga komuna prej nga vjen ajo.
Disa nga personat e përfshirë në këtë skemë janë të tillë që sapo kanë filluar punën dhe nuk kanë asnjë përvojë. Disa të tjerë janë pa ndonjë ngritje të veçantë profesionale
Megjithatë, LDK konsideron se ky keqpërdorim i mjeteve është simbolik krahasuar me nivelin e keqpërdorimeve dhe korrupsionit që po ndodh në këtë qeveri.

 
Lajme Shqip Saturday, 06 July 2013 12:51

Prishtinë – Lideri i Lidhjes Demokratike të Kosovës, Isa Mustafa, ka fajësuar poziten për mosmiratimin e Projektligjit për amnistinë. Sipas tij, disa deputetët e PDK-së dhe partive të tjera në pushtet kanë munguar në seancë kur është votuar ky projektligj. Ndërsa arsyeja e votimit të LDK pro këtij ligji, sipas Mustafes ka qenë duke kërkuar që këtij ligji t’i hiqet neni 3, të fuqizohet neni 5, që të mos amnistohen veprat e vrasjes apo lëndimeve trupore.

Ai në një intervistë për RTK ka thënë se duhet të ngushtohen dhe racionalizohen veprat të cilat amnistohen, të adresohen qartë problemet, dhe zbatimi të jetë valid për vepra të njëjta për të gjithë qytetarët e Kosovës.

Sa i përket mbështetjes së këtij subjekti politik të marrëveshjes së arritur në Bruksel në mes të Kosovës dhe Serbisë, Mustafa ka thënë se mbështetjabazohet në caktimin e disakornizave sa i përket integritetit, sovranitetit dhe nëse nuk e preket rendin kushtetues të Republikës së Kosovës.

Ai ka folur edhe për çështjen e veriut, duke thënë se ajo problematikë është e të gjithë politikës në vend, dhe se në veri për 15 vjet nuk është arritur asnjëherë të ushtrohetpushtetin ekzekutiv dhelegjislativ i institucioneve të Kosovës, prandaj ka thënë seja vlen ta zgjidhetai problem.

“Pjesa e veriut do të integrohet vështirë në qoftë se serbët që jetojnë në veri nuk besojnë se ata nuk do të burgosen, nuk do të keqtrajtohen, se ata nuk do të merren nesër me gjyqësinë, janë disa forma të cilat nuk po i aplikojmë për herë të parë, i kanë aplikuar edhe shtetet tjera, i ka aplikuar edhe Maqedonia edhe Serbia, edhe shtetet e Bashkimit Evropian”, ka thënë Mustafa, raporton K.Press.

Mustafa thotë se janë bërë lëshime në Bruksel, sa i përket hapjes së gjykatës në veri të vendit, pasi që nuk dihet se si mund të funksionojë, mënyrës së emërimit të komandantit të Policisë së Kosovës, e që sipas Mustafës mungon baza ligjore sa i përket mënyrës së përzgjedhjes se këtij komandanti.

Sa i përket ditës kur u votua marrëveshja, Isa Mustafa ka thënë se protesta është e lejuar në demokraci, por assesi të pengohet puna e kuvendit dhe e deputetëve, dhe veçmas pengimi i diplomatëve të huaj. Miqësia me ShBA, sipas Mustafës është edhe interes i qytetarëve të Kosovës.

Kreu i LDK-së ka thënë se Shtetet e Bashkuara të Amerikës përmes ndihmës zëvendëssekretarit amerikan të shtetit, Philip Reeker, kanë kërkuar që Kosova të shfrytëzojë rastin për arsye se Serbia po kushtëzohet në realizimin dhe implementimin e marrëveshjes, dhe se ShBA nuk shprehë dyshim në kohezionin e forcave politike në Kosovë. Me Reeker, ai thotë të ketë diskutuar edhe sa i përket datës së zgjedhjeve për të cilën Mustafa thotë se është datë e vonshme.

“Unë sot ja shtrova këtë edhe zotit Reeker, ai tha se problemi themelor është që praktikisht marrëveshja është vonuar, sepse po të bëhej marrëveshja dy muaj përpara atëherë çdo gjë do të ndodhtë dy muaj përpara edhe me kalendarin e zgjedhjeve”, ka thënë ai.

I pari i LDK-së, Isa Mustafa , është shprehur se janë të pakënaqur me datën e caktuar për zgjedhjet lokale, sepse sipas tyre është e pakuptimtë që zgjedhjet të shtyhen kur dita shkurtohet.

Ai thotë sepatën marrë premtime nga presidentja se do t’i shpallë zgjedhjet në fund të shtatorit ose gjatë tetorit. Objektivisht qytetarët e kanë më lehte të dalin për të votuar, sipas Mustafës dhe do të llogariteshin si zgjedhjemë të pastra dhe kontrolluara kur votohet në dritë, sepse shpesh ka ndodhur të ketë probleme me energji elektrike. Sipas tij mbajtjen e zgjedhjeve kur dita është më e gjatë e praktikojnë shume shtete demokratike.

 

 

 

12