Lajme Shqip Tuesday, 24 September 2013 13:44

 

Kryeministri i Shqipërisë Edi Rama me sa duket është takuar me Bono Voxin e vërtetë dhe jo me sozinë e tij ashtu siç mendohej dje. Këtë gjë e ka qartësuar në një lajm agjencia e lajmeve Reuters e cila ka përcjell nga afër martesën e investitorit miliarder 83 vjeçar, filantropistit, mbështetësit të kauzave të politikave liberale, George Soros – i cili u martua për të tretën herë këtë të shtunë me këshilltaren e edukimit Tamiko Bolton.

 

Në këtë dasmë të Soros kanë qenë të pranishëm më shumë se 500 mysafirë në Caramoor Center for Music and the Arts, në kompleksin e Ëestchester që është një ndërtesë e ndërtuar me stil italian të renesancës.

 

Në mes mysafirë të ftuar kanë qenë edhe Presidenti i Bankës Botërore, Jim Yong Kim si dhe disa lider si, Hendrik Toomas Ilves, president i Estonisë; Ellen Johnson Sirleaf, president i Liberisë dhe kryeministri shqiptarë Edi Rama. Christine Lagarde, drejtoresha menaxhuese e Fondit Monetar Ndërkombëtarë dhe Bono Vox frontmen i grupit U2, sipas një burimi të Reuters, kanë qenë po ashtu të pranishëm në këtë dasmë.

 

Dje u mendua që Bono nuk ka udhëtuar në Neë York në dasmën e George Soros për shkak të aktiviteteve të tij humanitare që ka pasur në Dublin të Irlandës nga data 17 shtator, por frontmeni më sa duket ka gjetur kohë që të udhëtoj në këtë dasmë.

 

Ishte menduar se në këtë dasmë ka mundur të jetë sozia e Bonos, një person që kishte mashtruar edhe ish Presidentin e Asamblesë së Kombeve të Bashkuara (KB), Vuk Jeremic.

 

Por, Edi më sa duket nuk e ka ngrënë “foren” e Jeremicit kështu që ndoshta premtimi i Bonos për një koncert në Shqipëri që ja ka dhënë Edit do të realizohet dhe ai do të vijë dhe të këndojë në Tiranë.

 
Lajme Shqip Thursday, 30 May 2013 11:35

Zëvendëskryeministri Behgjet Pacolli në një intervistë në gazetën Tribuna, ndër të tjera ka zbuluar edhe një ngjarje të veçantë që atij i ka ndodhur gjatë fushatës lobuese për njohjet.

Në disa raste Pacolli ka qenë mjaftë kritik ndaj ministrit të jashtëm Enver Hoxhaj, dhe kjo edhe i ka kushtuar.

Në një rast Radio Televizioni i Kosovës, edhe pse kishte realizuar një intervistë me Pacollin, nuk e kishte transmetuar atë, pasi ky aty kishte kritikuar ministrin Hoxhaj.

“Nëse kam qenë i lënduar prej ministrit Hoxhaj, kam qenë për shkak të disa fakteve. Çështja ka pasur të bëjë me Malin. Unë tash u takova me presidentin e Malit. Mali e ka dërguar njohjen dhe kurrë nuk e ka tërhequr atë. Por atje ka ndodhur një luftë dhe këshilli ushtarak që ka marrë pushtetin, ka propozuar të tërhiqet njohja. Vetëm propozimi ka ndodhur por nuk është tërhequr njohja. Unë kam konsideruar që leton të cilën ministri Hoxhaj ia ka dhënë vetë kryeministrit është valide. Ministri është tërhequr nga kjo njohje që vetë ia ka prezantuar kryeministrit. Mua kjo m’u ka dukur jodinjitoze dhe pë rkëtë kam folur në atë intervistë”, ka thënë Pacolli, për të shpjeguar se cilat ishin arsyet që kanë bërë që RTK të vendos që të mos e transmetojë fare intervistën e realizuar më të.

Sipas tij, intervista ishte bërë me kërkesë të RTK-së, por pas realizimit kanë vlerësuar se ajo nuk duhet të transmetohet.

 
Lajme Shqip Monday, 20 May 2013 17:06

Prishtinë – Ministri i jashtëm i Gjermanisë, Guido Westerwelle, kërkoi që të bëhet zbatimi i marrëveshjes të cilën e vlerëson historike. Ai ka thënë se  në këto momente duhet durim e mençuri dhe se Gjermania do të vazhdojë të përkrahë Kosovën sikurse ka përkrahur edhe në të kaluarën. Duke shtuar kështu se kjo është mundësia më e mirë në këto katër vitet e fundit që palët të normalizojnë marrëdhëniet.

“Dëshiroj që nga të gjitha palët të tregohet një shkallë fleksibiliteti, mençurie dhe durimi. Pas Marrëveshjes duhet të vijë zbatimi. Ne ishim të të njëjtit mendim se sigurisht kjo është e vështirë, por është e qartë se gjatë këtij procesi duhet të largohen strukturat paralele, kriter kyç ky që ka dal nga marrëveshja e 19 prillit”, kështu u shpreh Kryediplomati gjerman, Westerwelle.

“Gjatë këtij procesi është e qartë që Kosova duhet të vendosë lehtësira”, ka thënë ministri gjerman. Ai ka shtuar se me kryeministrin Thaçi ka biseduar edhe për detaje të planeve kohore dhe planit të zbatimit por ato ka thënë se nuk dëshiron t’i bëjë publike as në Prishtinë, sikurse nuk i ka bërë as në Beograd.

Kryeministri Thaçi ka thënë se drejt Brukselit po niset me shpresë për marrëveshje të planit të zbatimit. “Me kryeministrin serb do të diskutojmë periudhat kohore, aktorët implementues, që sigurisht janë institucionet e Kosovës, KFOR-i dhe EULEX-i”, ka thënë kryeministri kosovar.

Ministri i Jashtëm gjerman ka përshëndetur privatizimin e PTK-së, duke thënë se kjo do të tërheq investitorë të rinj.