12
 
Lajme Shqip Monday, 10 March 2014 18:00

Rritje e pagave do të bëhet 25% për të gjithë nëpunësit civil, minatorët dhe pensionistët.

Ndërsa pensionistët minatorë do kenë rritje të pensioneve për 50%.

Kështu ka deklaruar kryeministri në mbledhjen e Qeverisë ku u miratua ky vendim.

Pagat me rritje do merren për muajin prill.

Kjo rritje përfshinë rreth 240 mijë familje kosovare.

 
Lajme Shqip Wednesday, 02 October 2013 13:10

 

Sektori i arsimit përbënë një pjesë të madhe të elektoratit në Kosovë. Këtë e ka shumë të qartë kryeministri Hashim Thaçi, i cili i ka përdorur ata vazhdimisht duke i joshur me rritje pagash dhe darka, në kompensim të votës.

 

Një gjë të tillë, Thaçi po e aplikon edhe në këto zgjedhje. Ai ka premtuar rritje pagash për sektorin e arsimit, e gjithashtu ka filluar edhe të shtrojë darka për ta. Këtë trend të zakonshëm paraelektoral po e nis me një komunë, të cilën deri dje e kishte bastion të fuqishëm. Bëhet fjalë për Malishevën e Fatmir Limajt, i cili për dallim nga zgjedhjet e më pashme, bashkëvendasve të tij po ua kërkon votën për një subjekt tjetër politik, për Iniciativën Qytetare për Malishevën.

 

E kjo ndarje e PDK-së në Malishevë, më së shumti e ka intriguar Lidhjen Demokratike të Kosovës, e cila po shpreson që të përfitojë nga rasti, për ta rikthyer këtë komunë, të cilën e kishte humbur pas mandatit të parë pas lufte.

 

LDK në Malishevë ka reaguar rreth njoftimit se kryeministri Thaçi do të shtojë darkë për mësimdhënësit e kësaj komune, duke i ftuar ata që të mos mashtrohen nga darkat elektorale.

 

“Ai tashmë ka filluar të shtroj darka për arsimtarë dhe të lëshoj shqelmat e fundit të humbjes së tij të sigurt me 3 nëntor. Një darkë të tillë për arsimtarë, sot planifikon ta shtroj edhe në Malishevë. Ne u bëmë thirrje arsimtarëve të Komunës së Malishevës që ta ruajnë dinjitetin e tyre të krijuar ndër vite dhe të bojkotojnë darkën elektorale të cilën po e shtron Thaçi sot në Malishevë. Thaçi e dinë mirë se është i padeshiruar në Malishevë, ai thjeshtë po përpiqet të mashtroj dhe manipuloj arsimtarët duke i kërcënuar ata me largim nga puna nëse nuk do të merrnin pjesë në këtë darkë” thuhet në njoftimin e LDK-së, dega në Malishevë. (LajmeShqip)

 
Lajme Shqip Friday, 23 August 2013 09:59

Prishtinë- Mbi 30 milionë euro kanë hyrë në Kosovë brenda gjashtë muajve nga katër vende arabe. Zyrtarisht tregohen vetëm shtetet prej nga vijnë, por jo edhe kush i sjell ato dhe çfarë destinacionin kanë. Gazeta “Zëri” ka siguruar depozitat e këtyre milionave që vijnë nga disa shtete arabe. Sipas këtyre të dhënave, nga muaji janar, e deri në qershor të vitit 2012, në vendin tonë nga katër shtete arabe kanë hyrë hiç më pakë se 30 milionë e 13 mijë euro.
Pjesa më e madhe e tyre, më shumë se 25 milionë euro ka ardhur nga Emiratet e Bashkuara Arabe. Të hyra ka edhe nga Kuvajti, prej nga kanë ardhur 2,7 milionë euro për gjashtë muaj, rreth 900 mijë euro nga Katari, si dhe rreth 600 mijë euro nga Arabia Saudite. Këto të dhëna janë siguruar nga transferet bankare të regjistruara në Bankën Qendrore të Kosovës (BQK). Duke iu referuar të dhënave zyrtare që ka siguruar gazeta, shihet se gjatë pjesës së parë të vitit që lamë pas transferet e parave nga shtete arabe, janë rritur në krahasim me vitin 2011.
Gjersa gjatë gjashtëmujorit të parë të vitit 2012 nga Emiratet e Bashkuara Arabe në vendin tonë kanë hyrë 25 milionë euro, në vitin 2011 për 12 muaj kanë hyrë vetëm 14 milionë euro, e vërehet një rritje enorme e transfereve. Transferin e mjeteve nga katër shtete Arabe, e konfirmojnë edhe vetë zyrtarë të Bankës Qendrore të Kosovës.
“Sipas të dhënave të Bankës Qendrore të Kosovës, vetëm në gjashtëmujorin e parë të vitit 2012, kanë hyrë në Kosovë 30 milion euro, nga shtetet arabe. Shumica e tyre vijnë nga Emiratet e Bashkuara, në vlerë prej rreth 25 milion euro. Pastaj rreth 1 milion kanë hyrë nga Katari, afër 3 milion nga Kuvajti, dhe mbi gjysmë milioni nga Arabia Saudite”thuhet në përgjigjen e bankës dërguar gazetës.

 
Lajme Shqip Friday, 16 August 2013 14:48

Prishtinë – Ligji i amnistisë që u miratua kohë më parë në Kuvendin e Kosovës e që aktualisht ndodhet në Gjykatën Kushtetuese, ka tërhequr edhe vëmendjen e mediave ndërkombëtare.
Kështu, transmetuesi publik gjerman, Deutsche Welle, në një storje të transmetuar në emision “Europa Sot “, thekson se ligji i amnistisë kërcënon të vë në pikëpyetje të gjithë punën e EULEX’it në Kosovë.
Mediumi gjerman, rikujton se ligji fillimisht ishte menduar për Veriun e Kosovës, ku lulëzon kontrabanda dhe krimi i organizuar. Por, aty theksohet edhe dëshira e elitës kosovare të korruptuar dhe të zhytur në evazion fiskal, për ta amnistuar edhe vetën.
“Amnisti tingëllon bukur edhe në Parlamentin e Kosovës, të dominuar prej shqiptarëve. Deputetët kanë miratuar një ligj amnistie, i cili vlen jo vetëm për serbët në Veri, por edhe për aktet penale në mbarë Kosovën. Madje, një ligj edhe për vet deputetët. Elita e Kosovës është e zhytur në korrupsion në evazion fiskal dhe kriminalitet të organizuar. Por për të vendosur paqen e qëndrueshme në mes të Serbisë dhe Kosovës, ishte në radhë të parë BE që ushtroi presion për këtë ligj” thuhet në storjen e DW.
Po ashtu, përmendet tregtia ilegale me produkte farmaceutike në Kosovë, që thuhet se është një ndër bizneset kriminale me qarkullimin më të lartë të parave.
“Por, tani mafia kosovare e shëndetësisë mund të shpresojë tek amnistia për falsifikuesit e dokumentave”
Ndërkaq, potencohet edhe rasti i ish – Sekretarit të Ministrisë Shëndetësisë Ilir Tolajt, që mund të përfitojë nga amnistia, sikurse edhe ai ish -Kryetarit të Ferizajt Bajrush Xhemajli, që kishte shkaktuar aksident duke lënë të vdekur një kosovar.
DW ka rikujtuar se tani ligji ndodhet në Gjykatën Kushtetuese, por se ka pak shpresa të ndryshojë
“Por askush nuk beson se kjo instancë do ta rrëzojë atë, të gjithë janë pro Qeveria, Parlamenti dhe tek e fundit edhe Bashkimi Europian”.

 
Lajme Shqip Thursday, 08 August 2013 13:33

Tiranë – Mijëra besimtarë dhe besimtare myslimane festojnë festën e Bajramit të Madh. Rreth orës 6 të mëngjesit bulevardi “Dëshmorët e Kombit” ishte mbushur plot me burra dhe gra myslimane që sipas traditës fetare kanë falur namazin e Bajramit të Madh.

“I madhi Zoti, juve këtu, familjeve tuaja dhe përtej gjithë besimtarëve myslimanë të Shqipërisë, qytetarëve të tjerë po ashtu, gjithë shqiptarëve që gjenden në trojet shqiptare dhe diasporë iu uroj prej të madhit Zot përzemërsisht, njësoj sikurse uron zemra dhe shpirti i gjithësecilit prej jush për shumë vjet një Bajram të begatë, një vazhdimësi pas Bajramit, duke jetuar dhe duke dhënë shembullin si myslimanë dhe qytetarë të denjë dhe të aftë të përballojmë sfidat e kohës, e vendit dhe ato me të cilat në duhet të përballemi. Zoti në e lehtësoftë, Zoti na ndihmoftë, Zoti na nderoftë dhe Zoti të na udhëheqë drejt pozitives”, tha në fjalën para besimtarëve, Myftiu i Tiranës, Ylli Gurra.
Dita e Fiter Bajramit festohet pas 30 ditë agjërimi të Muajit të Ramazanit, ku besimtarët myslimaneëushqehen vetëm në vaftet syfyr në mëngjes e iftar në darkë si një sakrificë për të pastruar shpirtin nga mëkatet e bëra gjatë vitit. 
Pas 30 ditë agjërim besimtarët i falen Zotit për më shumë paqe dhe mirësi ndërmjet tyre.

Sipas traditës, festa e Bajramit të Madh vazhdon më pas në shtëpitë e besimtarëve myslimanë me drekën tradicionale ku ftohen më të afërmit për ta kaluar bashkarisht dhe të gëzuar këtë ditë të rëndësishme të besimtarëve myslimanë.

Një ditë më parë, kryetari i Komunitetit Mysliman Shqiptar, Haxhi Selim Muça uroi të gjithë besimtarët me rastin e festës.

“Unë i uroj të gjithë besimtarët myslimanë gëzuar Fiter Bajramin. Paqe, dashuri, lumturi dhe harmoni sjelltë në familjet tuaja festa e Bajramit. Zoti thotë: Për mua agjeruat në Muajin e Ramazanit dhe sipas urdhërit tim, falët Namazin e Bajramit. Kthehuni tani në shtëpitë tuaja, të pastër dhe të falur nga gjynahet. Zoti e bekoftë kombin shqiptar dhe vendin tonë!”, tha në urimin e tij, kreu i Komunitetit Mysliman, Haxhi Selim Muça. /TopChannel/

Fitër Bajrami në Kosovë 
Prishtinë – Besimtarë mysliman, në Kosovë dhe në mbarë botën sot festojnë festën e Fitër Bajramit, pas plot 1 muaji agjërim.
Kjo ditë për besimtarët myslimanë është një ditë feste dhe paqeje, e cila mëshiron virtytet më të larta, ndërsa besimtarët i shprehin lavde dhe mirënjohje Allahut.
Ceremonia e faljes së Bajramit u bë si çdo vit në Xhaminë “Sulltan Mehmet Fatih” (Xhamia e Madhe) në Prishtinë.
Manifestimi filloi në orën 5:00 me faljen e namazit të Sabahut. Kurse namazi i Fitër Bajramit u fal në orën 6:12 minuta, të cilit i priu dr. Hajredin Hoxha.
Myftiu i Kosovës, Naim Tërnava, në emër të Bashkësisë Islame të Kosovës, i ka përshëndetur të gjithë besimtarët duke u lutur për ta që Allahu t’ju ketë pranuar agjërimin, ibadetet dhe adhurimet të cilat sipas tij i kemi bërë bashkërisht gjatë këtij muaji të shenjtë të ramazanit.
“Duke u bazuar në parimin se të gjithë jemi njerëz, dhe bijtë e Ademit dhe Havasë, ju ftoi që mes njerëzve të dominoi uniteti, vëllazërimi, harmonia, solidariteti dhe bashkimi i ndërsjellë, sepse vetëm kështu jeta do ta ketë kuptimin e saj”, tha ndër të tjera Myftiu i Kosovës.
“Anë e këndë botës është dita e Fitër Bajramit, ditë e cila qetëson zemrat e besimtarëve pasi që ata veç kanë kryer me devotshmëri një prej obligimeve kyçe në islam, agjërimin e muajit të bekuar të Ramazanit”, ka thënë Tërnava.
Tërnava, duke u drejtuar kah besimtarët ka shtuar se me agjërimin e Ramazanit, besimtarët etjen dhe urinë i zëvendësuan me ushqim shpirtërorë dhe kanë treguar përkushtim dhe devotshmëri ndaj Allahut.
“Nisur nga këto parime shumë net i kaluam pa gjumë, i përballuam me nder e fisnikëri edhe temperaturat e larta përballuam etjen dhe urine duke i zëvendësuar me ushqim shpirtërorë të cilin si asnjë muaj tjetër na solli muaji i bekuar i ramazanit. Iftari dhe syfyri dy momente shumë të rëndësishme dhe domethënëse ku qartë vije në provë besimi dhe përkushtimi e de devotshmërie ndaj Allahut”, ka shtuar Tërnava.
Ndryshe, Fitër Bajrami, është ditë e festimeve dhe falënderimeve ndaj Allahut. Fitër Bajrami shënon përfundimin e agjërimit të muajit të Ramazanit. /Kosovapress/ TopChannel/Lajmeshqip/

 

 
Lajme Shqip Thursday, 04 July 2013 15:25

Prishtinë – Ministria e Arsimit Shkencës dhe Teknologjisë ka marrë vendim për mbylljen e institucionit dhe ndalimin e menjëhershëm të punës arsimore–shkencore të institucionit të arsimit të lartë privat “Universitetit Ndërkombëtar të Prizrenit”, me seli në Prizren, ndërsa Policia e Kosovës ka arrestuar një person nën dyshimin se ka kryer veprën penale ‘Mashtrim’ dhe ‘Shmangie nga tatimi’.
Me 1 korrik 2013, rreth orës 11:00, Njësia për Krime Ekonomike dhe Korrupsion – Prizren, ka bërë arrestimin e një personi të dyshuar se ka kryer veprën penale të ‘Mashtrimit’ dhe ‘Shmangie nga tatimi’, njoftoi policia. Hetuesit policorë së bashku me inspektorët e arsimit të lartë, pranë Ministrisë së Arsimit kanë bërë kontrollimin e dokumentacionit në lidhje me licencimin dhe akreditimin e të ashtuquajturit “Universiteti ndërkombëtar i Prizrenit”.
Gjatë kontrollit ka rezultuar se universiteti në fjalë nuk ka qenë i licencuar as i akredituar dhe që nga viti 2010 ka bërë regjistrimin e parë të 72 studentëve të vitit akademik 2010/2011 për studime bachelor dhe master, duke iu premtuar se studimet do t’i përfundojnë në këtë universitet në Prizren.
Ky universitet fillimisht kishte filluar si filiale e Universitetit Ndërkombëtar të Strugës, e pastaj në vitin 2011 ka bërë regjistrimin e 14 studentëve për vitin akademik 2011/2012, si Universitet Ndërkombëtar i Prizrenit, i cili kishte marrëveshje mirëkuptimi me Universitetin shtetëror “Aleksandër Xhuvani” në Elbasan, Shqipëri.
Të gjithë studentët janë mashtruar dhe në fund i ka detyruar ata që t’i vijojnë studimet në Strugë, Maqedoni, dhe viti i dytë akademik i kryer në Prizren nuk u është njohur studentëve nga Universiteti Ndërkombëtar i Prizrenit, kështu që janë detyruar t’i vijojnë studimet në Elbasan,Shqipëri, ku si pasojë studentët janë mashtruar dhe janë dëmtuar financiarisht.
Vlera e mjeteve (parave) të pranuara nga studentët, që kanë qenë të regjistruar në këtë universitet, arrin shumën prej 255,400.00 (dyqind e pesëdhjetë e pesë mijë e katërqind) euro, mjete këto të fituara me veprimtari të kundërligjshme, e që bie ndesh me Ligjin mbi arsimin e lartë.
Gjithashtu të hyrat nga regjistrimi i studentëve nuk janë paraqitur pranë ATK-së, gjë që dyshohet edhe për veprën penale ‘Shmangie nga tatimi’.
Për të gjitha veprimet hetimore është informuar Prokuroria Themelore në Prizren, ku me vendim të së njëjtës i dyshuari D. G. është ndalur për 48 orë, për të vazhduar me procedura të mëtutjeshme hetimore.

 
Lajme Shqip Saturday, 01 June 2013 15:04

Prishtinë – Fillimi i qershorit shënon edhe fillimin e sezonit turistik. Dy pikë-kalimet kufitare: ai në Morinë që lidh Kosovën me Shqipërinë dhe pikë kalimi kufitar në Kullë që lidh Kosovën me Malin e Zi, janë të gatshme për pritje të fluksit të turistëve nga të dyja anët e kufirit. Zëdhënësja e Policisë së Kosovës, Sabrije Kamberi, thotë spër Radio Kosovën se janë marrë të gjitha masat për të përballuar fluksin e madh gjatë muajve të verës. Ajo tha se nuk do të ketë pritje të gjata të qytetarëve në këto vendkalime kufitare. 

Kamberi bëri të ditur se kalimi i kufirit bëhet vetëm me letërnjoftim. Ndërsa për fëmijët nën moshën 16 vjeç, nevojitet një dokument ku duhet të jetë e bashkangjitur një fotografi identifikuese. Kjo rregull vlen për të dy pikëkalimet, thotë Kamberi.
Ajo tha se janë marrë masa jo vetëm për të përforcuar shërbimet policore në doganë, por janë shtuar edhe postblloqet e policisë përgjatë aksit rrugor Bajram Curri – Qafë Morinë, me synimin e vetëm parandalimin e ndonjë ngjarje të papëlqyer. Kalimi me letërnjoftim vlen gjatë sezoni turistik në tre muajt e verës, qershor, korrik dhe gusht.

 
Lajme Shqip Thursday, 30 May 2013 11:35

Zëvendëskryeministri Behgjet Pacolli në një intervistë në gazetën Tribuna, ndër të tjera ka zbuluar edhe një ngjarje të veçantë që atij i ka ndodhur gjatë fushatës lobuese për njohjet.

Në disa raste Pacolli ka qenë mjaftë kritik ndaj ministrit të jashtëm Enver Hoxhaj, dhe kjo edhe i ka kushtuar.

Në një rast Radio Televizioni i Kosovës, edhe pse kishte realizuar një intervistë me Pacollin, nuk e kishte transmetuar atë, pasi ky aty kishte kritikuar ministrin Hoxhaj.

“Nëse kam qenë i lënduar prej ministrit Hoxhaj, kam qenë për shkak të disa fakteve. Çështja ka pasur të bëjë me Malin. Unë tash u takova me presidentin e Malit. Mali e ka dërguar njohjen dhe kurrë nuk e ka tërhequr atë. Por atje ka ndodhur një luftë dhe këshilli ushtarak që ka marrë pushtetin, ka propozuar të tërhiqet njohja. Vetëm propozimi ka ndodhur por nuk është tërhequr njohja. Unë kam konsideruar që leton të cilën ministri Hoxhaj ia ka dhënë vetë kryeministrit është valide. Ministri është tërhequr nga kjo njohje që vetë ia ka prezantuar kryeministrit. Mua kjo m’u ka dukur jodinjitoze dhe pë rkëtë kam folur në atë intervistë”, ka thënë Pacolli, për të shpjeguar se cilat ishin arsyet që kanë bërë që RTK të vendos që të mos e transmetojë fare intervistën e realizuar më të.

Sipas tij, intervista ishte bërë me kërkesë të RTK-së, por pas realizimit kanë vlerësuar se ajo nuk duhet të transmetohet.

 
Lajme Shqip Saturday, 18 May 2013 14:48

Në këtë manifestim, i cili mbahet nën patronatin e Kuvendit të Kosovës, i kryesuar nga shefi i Grupit Parlamentar të PDK-së, Adem Grabovci dhe deputeti i LDK-së, Lutfi Haziri, do të marrin pjesë përfaqësues të shteteve të ndryshme botërore, përfshirë SHBA-në, Gjermaninë, Britaninë e Madhe, Turqinë, Zvicrën, Izraelin, Jordaninë, Tajlandën, Shqipërinë, Greqinë, Serbinë, Rumaninë etj. Në mesin e këtyre pjesëmarrësve do të marrë pjesë edhe kongresmeni amerikan Robert Aderholt. Më shumë se 70 personalitete botërore e kanë konfirmuar pjesëmarrjen.

Kështu, nga 24 deri më 26 maj në Prishtinë do të organizohen “Lutjet e Mëngjesit” ose “Java e Tolerancës”. Në këtë eveniment, i cili është i pari i këtij lloj në Kosovë, do të marrin pjesë përfaqësues nga shtete të ndryshme të botës. Sipas një dokumenti të cilën e ka siguruar “Epoka e re”, deri më tani pjesëmarrjen në “Lutjet e Mëngjesit” e kanë konfirmuar më shumë se 70 përfaqësues të jetës politike, akademike, kulturore, ekonomike nga shtete të ndryshme të globit, përfshirë SHBA-në, Shqipërinë, Gjermaninë, Britaninë e Madhe, Turqinë etj. Gjithashtu, në mesin e atyre personaliteteve që e kanë konfirmuar pjesëmarrjen janë edhe disa përfaqësues të partive politike, akademike dhe biznesore nga disa shtete të cilat nuk e kanë njohur Kosovën si: Greqia, Serbia, Izraeli, Rumania, Bonja dhe Hercegovina, Jordani, Tajlanda etj.

Grabovci: Kjo dëshmon se Kosova është shndërruar në faktor paqeje.

Shefi i Grupit Parlamentar të Partisë Demokratike të Kosovës (PDK), Adem Grabovci, i cili është organizator i “Lutjeve të Mëngjesit”, e ka vlerësuar shumë të rëndësishëm këtë manifestim. “Rëndësia e kësaj jave është e veçantë për Kosovën. Është kënaqësi që kësaj radhe, në prag të jubileut të ‘Lutjeve të Mëngjesit’ për Evropën Juglindore, kjo ngjarje e madhe të mbahet në vendin tonë. Nuk është hera e parë që një manifestim i tillë mbahet në një vend ballkanik. Kjo ngjarje konsiderohet një nga ngjarjet më të rëndësishme për bashkimin e ideve të njerëzve nga mbarë bota për t’i promovuar paqen dhe lirinë si vlera thelbësore të demokracisë”, ka thënë Grabovci për “Epokën e re”. Në këtë kontekst, Grabovci ka deklaruar se Kosova është shndërruar në faktor paqeje dhe stabiliteti në rajon. “Rëndësi e veçantë është fakti se Kosova është shndërruar në një prodhues stabiliteti rajonal, e ky është një mesazh i fuqishëm për botën demokratike se Kosova është përcaktuar qartë për vlerat demokratike karshi kombeve të lira dhe qytetërimit modern perëndimor”, është shprehur Grabovci.

Po ashtu, ai ka bërë me dije se në kuadër të “Lutjeve të Mëngjesit” do të organizohen edhe disa ngjarje, të cilat, sipas tij, kanë një rëndësi të veçantë. “Në kuadër të kësaj jave do të ketë edhe ngjarje të rëndësishme siç janë: Takimi i tolerancës fetare, me përfaqësues fetarë nga mbarë bota, ku do të diskohet për çështjet e tolerancës fetare në botë, pasi Kosova shquhet për tolerancë fetare, do të vendoset guri i paqes për nder të viktimave të Hiroshimës. Ky gur ka ardhur nga Japonia si dhe do të vendoset pllaka përkujtimore për nderim të viktimave të Holokaustit”, është shprehur Grabovci.

Lista e personaliteteve ndërkombëtare që e kanë konfirmuar pjesëmarrjen në “Lutjet e Mëngjesit”
1. Robert Aderholt (SHBA)
2. David Besle (SHBA)
3. Lunn Dennehy(SHBA)
4. Stan Hiolmes (SHBA)
5. Bob Mecwen (SHBA)
6. Abigail Powell (SHBA)
7. Sergio Ramos (SHBA)
8. Lary Ross (SHBA)
9. Bill Wall (SHBA)
10. Trent Walters (SHBA)
11. Andy Williames (SHBA)
12. Dr. Frank LaGorotteria (SHBA)
13. Selvije Haraste (Kroaci)
14. Efthimios Navridis (Greqi)
15. Erol User (Turqi)
16. Drago Marijaseviq (Serbi)
17. Uros Pribiçeviq (Serbi)
18. Branimir Gvozdenoviq (Mal i Zi)
19. Rade Ljumoviq (Mal i Zi)
20. Efthymios Navridis (Greqi) 
21. Dr. Rajai Muasher (Jordani)
22. Byram Javat (UEA)
23. Alexandros Mallias (Greqi)
24. Nikos Theodoridis (Greqi)
25. Fatmir Mejdiu (Shqipëri)
26. Besnik Mustafaj (Shqipëri)
27. Klodian Gradeci (Shqipëri)
28. Arian Starova (Shqipëri)
29. Paul Petrie (Belgjikë)
30. Robert Milçev (Maqedoni)
31. Valon Saraqini (Maqedoni)
32. Vilma Trajkovska (Maqedoni )
33. Marian Munteanu (Rumani) 
34. Esad Muriq (Zvicër)
35. Uros Andrijaseviq (Mal i Zi)
36. Tamara Peshiq (Mal i Zi)
37. Nemanja Staroviq (Serbi)
38. Darko Mrvos (Serbi)
39. Phil Brinkmeyer (SHBA)
40. Djordjo Davidoviq (Bonjë dhe Hercegovinë)
41. Haki Abazi (SHBA)
42. Ambasador Jean Claude Schlumberg (OSBE)
43. Pachara Naripthapahan (Tajlandë)
44. Llazar Prodanoviq (Bonjë dhe Hercegovinë)
45. Samuil Petrovski (Serbi)
46. Lorat Balla (Hungari)
47. Jany Randall (Britani e Madhe)
48. Gavriel Hanna Gefen (Gjermani)
49. Milos Andjiq (Serbi)
50. Jim Neathery (SHBA)
51. Mounzer Fatfat (SHBA)
52. Drina Vlasteliq-Rajiq (SHBA)
53. Gloria Dimoco (SHBA)
54. Esma Bunjaku (Kosovë)
55. Ilija Vojnoviq (Serbi)
56. Zef Preci (Shqipëri)
57. Nikola Gaveski (Serbi)
58. Petar Piliq (Serbi)
59. Dr. Eli Nachat – kryetar (Izrael)
60. Jerko Ivankoviq-Lijanoviq (Bonjë dhe Hercegovinë)
61. Desina Radivojeviq (Bonjë dhe Hercegovinë)
62. Catalin Bancila (Rumani)
63. Plamen Nunev (Bullgari)
64. Svetlana Boynova (Bullgari)
65. Tanya Nedeva-Nuneva (Bullgari)
66. Emilja Rexhepi (Kosovë)
67. Dejan Vraçiq (Kosovë)
68. Dragan Sabljiq (Kosovë)
69. Drilon Muriqi KFOR-i Austriak 
70. Kapiten Jurgen KFOR-i Austriak
71. Kapiten Egarten KFOR-i Austriak
72. Gani Roshi (Kosovë)
73. Goran Marinkoviq (Kosovë)
74. Mladen Kuribak (Kosovë) 

 

 
Lajme Shqip Thursday, 16 May 2013 12:07

Carmen Kümmerle, Sandra Weckerle, Tanja Hähnel dhe shefja e tyre, Andrea Kirchmayer, ndonëse tashmë kanë mbledhur tri kuti kartoni përplot me syze, ato kërkojnë edhe më  sepse kanë planifikuar një mision humanitar në Kosovë. Ato duan që të matin falas shkallën e dioptrisë te kosovarët dhe t`iu dhurojnë atyre syze përkatëse.

“Sa më e madhe të jetë mundësia e zgjedhjes, aq më lehtë mund të gjendet për secilin diçka e përshtatshme”, thotë Andrea Kirchmayer, raporton Albinfo.

Prandaj, ata që nuk kanë më nevojë për syzet e tyre të vjetra, munden t`i dorëzojnë ato në lokalet e zonjës Kirchmayer.

Pronares së lokalit të syzeve këtë ide ia ka dhënë një e njohur e saj, me prejardhje nga Kosova. Ajo viziton rregullisht familjen në vendlindje dhe i ka treguar zonjës Kirchmeier se atje, në zonat rurale, nuk ka vend ku mund të blihen syzet.

Ndërsa në qytetet e mëdha mund të sigurosh syze, por ato kushtojnë shumë shtrenjtë. E njohura e Andreas dhe e bija e saj tashmë kanë shkuar në Kosovë. Ato do ta bëjnë të njohur atje aksionin e tyre dhe do të vihen në dispozicion si përkthyese. Po ashtu, ato do të kujdesen që mysafiret gjermane gjatë kohës së qëndrimit në Kosovë të strehohen te pjesëtarët e familjeve të tyre.

Andrea Kirchmayer ndjehet paksa e merakosur nëse çdo gjë do të shkojë mirë. Në mes të gushtit do të fillojë aksioni. Një ditë është planifikuar për rrugën deri atje, dy ditë do të zgjasë aksioni dhe një ditë tjetër, rruga e kthimit.

Syzet, përfshirë këtu edhe ato për fëmijë, i pranojnë të gjitha filialet e shitoreve të syzeve Kirchmayer Augenoptik. Ato, natyrisht, nuk bën të jenë të dëmtuara.

12