Lajme Shqip Friday, 20 July 2012 17:26

Tiranë – Kreu i Prezencës së OSBE-së në Shqipëri, Eugen Wollfarth, shprehu paraditen e së premtes mbështetjen e OSBE në ndihmë të personave me aftësi të kufizuar.

Wollfarth vlerësoi si të rëndësishme përfshirjen e këtyre personave dhe në vendimmarrje. “Në hartimin dhe miratimin e ligjeve të reja, të një legjislacioni të ri, është shumë e rëndësishme të dëgjohet zëri i anëtarëve të shoqërisë, dhe për më tepër i personave më aftësi të kufizuar. Këto janë tema në të cilat ne duam që gjërat të ecin më shpejt, në të cilat ne ushtrojmë gjithë fuqinë tonë, janë fusha legjitime bashkëpunimi në mbështetje të shoqërisë civile dhe të personave me aftësi të kufizuar”, u shpreh Wollfarth, pas takimit që zhvilloi me Presidentin  e Këshillit Kombëtar të Shoqatave të Personave me Aftësi të Kufizuara, Sinan Tafaj.

Wollfarth vlerësoi ndërgjegjësimin e shoqërisë shqiptare  në lidhje me personat me aftësi të kufizuar, por shtoi se është e nevojshme të arrijë nivele më të larta. “Ajo çka u duhet këtyre njerëzve është mbështetja për të pasur  një jetë më të mirë, në mënyrë që ata të bëhen anëtarë të shoqërisë civile”, tha Wollfarth.

Ndërkohë, Presidenti i Këshillit Kombëtar të Shoqatave të Personave me Aftësi të Kufizuara, Sinan Tafaj, vlerësoi mbështetjen e OSBE. Ai u shpreh se “në situatën e vështirë që po kalojmë mbështetja juaj për ne është jashtëzakonisht e rëndësishme. Kemi patur gjithmonë mbështetjen e OSBE, veçanërishtë përsa i përket pjesëmarrjes në zgjedhje dhe respektimit të të drejtave themelore të njeriut”.

Tafaj shtoi gjithashtu se  personat me aftësi të kufizuar do të bëjnë gjithçka për të rritur pjesëmarrjen e tyre në zgjedhjet e 2013. (LajmeShqip.com)

 
Lajme Shqip Wednesday, 27 June 2012 14:46

Tiranë – Kur në mbledhjen e Këshillit të Ministrave pritej të merrej vendimi për masen e kompensimit të energjisë elektrike dhe telefonisë për personat me aftësi te kufizuara,të verbër e paraplegjikë kanë protestuar para Kryemistrise duke i kerkuar qeverise te mos tallej me ta pasi kishin mesuar reduktimin e kompensimit.

“Vendimi që pritet të dalë jep 20 mijë lekë për drita, 10 mijë lekë për telefonin dhe grupit të dytë i jepen vetëm 14 mijë lekë. Pra zbritet në të vërtetë përfitimi real në 64 kilovat në muaj”, thotë Sinan Tafaj, kryetar i Shoqatës së personave me Aftësi të Kufizuar.

Një paraplegjik ka mbërritur nga Elbasani për të treguar se ka paguar 11 500 lekë faturën e CEZ-it për muajin prill, pasi vendimi i kompensimit nuk ishte marre sipas ligjit te ri.

“Unë kam paguar vetëm për muajin prill 115 mijë lekë ndaj ju bëjmë thirrje ta rishikoni vendimin ose na ktheni atje ku ishim. Ne kishim shpresë që do të mbanit premtimet dhe do të na jepnit akoma më shumë. Po ju na hoqët ligjin e strehimit, të rimbursimeve, tani çfarë u ka mbetur gjë tjetër për të na hequr?”, thotë i moshuari me aftësi të kufizuara.

Të revoltuar per reduktimin e kompensimit per energjine elektrike dhe per telefonine, paraplegjike dhe te verber i kujtojne zotit Bode se ne Parlament kishte premtuar se ndryshimi i ligjit nuk do te reduktonte por do te shtonte masen e kompensimit.

“Ministri i Financave në seancën parlamentare të 15 marsit, i cili ka deklaruar se ky ndryshim i ligjit nuk bëhet për të prekur përfitimet, por për t’i shtuar ato, se ndryshimi i ligjit bëhet për të shmangur abuzimin. Por zoti ministër i Financave nuk thotë një të vërtetë, që në listat tona janë mbi 1 mijë kompani biznesi, të cilët nuk janë të verbër, nuk janë paraplegjikë”, thotë Tafaj.

Personat me aftesi te kufizuara shprehen se ndihen te ofenduar dhe te fyer nga qeveria me reduktimin kompensimit në 2000 leke per energjine dhe 1000 leke per telefonine, kur me ligjin e meparshem u kompensohej ne masen 80 % fatura e CEZ. (T.Ch)