Lajme Shqip Tuesday, 25 February 2014 12:08

Korporata Energjetike e Kosovës planifikon të nënshkruajë një kontratë në vlerë prej mbi 5 milionë eurosh për riparimin e turbinave dhe gjeneratorëve elektrikë të termocentralit Kosova A.

Kryerjen e kësaj pune ia ka besuar një konzorciumi që ka në përbërje kompaninë Poëer Machine të miliarderit të njohur rus Alexey Mordashov, i përshkuar si mik i presidentit rus Vladimir Putin.

Arben Gjukaj, drejtor gjeneral i KEK-ut, mban në zyrën e tij flamurin amerikan ngjitas me të Kosovës dhe atë të ndërmarrjes publike të energjisë, teksa tregon se pse KEK-u shpalli fitues kompaninë e njohur ruse Poëer Machine, në një tender në vlerë prej mbi 5 milionë euro, raporton Gazeta Jeta në Kosovë.

Poëer Machine është pjesë e konzorciumit që ka në përberje kompaninë Monting Energetika nga Maqedonia dhe kompaninë bullgare Cerb.

Ndërmarrja publike e energjisë shpalli fitues këtë konzorcium, përkundër se një vit më herët e kishte eliminuar për shkak të dyshimeve për manipulime me çmime. 

Oferta më e ulët e përgjegjshme, është arsyeja që drejtuesit e KEK-ut theksojnë se bindi ata për ta shpallur këtë konzorcium fitues të tenderit. 

Kompania Poëer Machine që është pjesë e konzorciumit, drejtohet nga Alexey Mordashov, një prej biznesmenëve më të njohur rusë në botë. 

BBC-ja kur publikoi një profil për të, më 14 qershor të vitit 2006, e përshkroi atë si figurë kontroverse.

Tregohet se biznesmeni ka marrë nofkën “Tanku”, një “Njeri i hekurt”  me të cilin nuk bën të përzihesh.

“Ai ka bërë marrëveshje të komplikuara financiare për të siguruar pronësinë e Severstal nga privatizimi i vitit 1999 në Rusi dhe thuhet të ketë vëmendjen dhe favorizimin e Presidentit Vladimir Putin”, shpjegohet në artikull.

Neë York Times raportoi më 28 maj të vitit 2006 se Mordashov ka lidhje te ngushta me Vladimir Putin-in dhe persona të tjerë të rëndësishëm në politikën ruse, si dhe marrëdhënie biznesi brenda një kuadri të njohur si “Grupi i St. Peterbourg-ut”. /JNK/

 
Lajme Shqip Friday, 24 May 2013 13:18

Kompania private “Komtel”, ka fituar miliona tenderë në KEK dhe KOST dy ndërmarrje publike ku Fadil Ismajli ka qenë menaxher.

Ismajli tash ministër për Zhvillim Ekonomik ka qenë themelues i kompanisë private “Komtel”, raporton e përditshmja “Zëri”, në Prishtinë.

KEK dhe KOSTT i kanë dhënë kompanisë tenderë për veprimtari të ndryshme duke nisur prej furnizimit me kompjuter, mirëmbajtje të softuerëve si dhe furnizimit me njehsorë.

Gazeta raporton se tenderët të cilët janë dhënë në KEK sa ka qenë Ismajli në krye të saj janë hetuar edhe nga zyra e BE-së Kundërmashtrim OLAF e cila disa vite më parë kishte gjetur konflikt direkt interesi mes Ismajlit dhe kompanisë “Komtel”.

 
Lajme Shqip Thursday, 25 April 2013 13:51

Prishtinë (plotesuar) – Qeveria në një gjë ka pasur sukses, që ka sjellë çmimet e Zvicrës në Kosovë. Kështu thanë grupi i qytetarëve të organizuar gjatë protestës së tyre të dhjetë për parregullsitë, mashtrimet dhe hajnitë që kanë ndodhur me faturat e KEK-ut përmes manipulimeve në faturim, njësorë dhe forma të tjera.

Me moton e njëjtë “Ndale hajninë – për zhvillimin e shtetit” ata kanë marshuar nga ndërtesa e KEK-ut e deri tek Qeveria ku u janë bashkuar gjatë rrugës me mijëra qytetarë.

Kurse, Seb Bytyqi i cili iu drejtua protestuesve tha se qeveritarët gojën e kanë plotë Evropë por Kosovën e kanë shndërruar në Afrikë.

Ai u tha të pranishmëve se duhet besuar për ndryshim dhe kjo sipas tij arrihet me zhvillim e qytetarisë. Qytetarët thanë se tashmë populli ynë e ka lirinë por janë të robëruar nga varfëria dhe hajnia.

Ata paralajmëruar sërish protesta për të cilat do të informojnë në ditët e ardhshme.

Ndryshe, protesta kundër parregullsive në KEK-, sot janë organizuar edhe në Prizren, Gjakovë, Mitrovicë e Ferizaj.(K.P/LajmeShqip.com)

*********************************************************

Prishtinë –  Me moton “Ndale hajninë”, organizuar nga Grupi i Qytetarëve qindra qytetarë kanë filluar marshi protestues kundër hajnisë në KEK.

Qytetarët, për të dhjetën herë, po protestojnë për të kundërshtuar faturat e fryra dhe duke kërkuar shqyrtimin e tyre.Protestuesit, gjithashtu vazhdojnë të insistojnë që çmimi i energjisë të mos ngritët. Ata kanë nisur marshin e tyre protestues nga ndërtesa e KEK-ut, ndërsa rrugës për të shkuar para qeverisë së Kosovës, po brohorasin “Me hajna, nuk ka shtet”, “Hajnat në burg” etj.(K.P/LajmeShqip.com)

 
Lajme Shqip Wednesday, 24 April 2013 16:37

Prishtinë – Nesër në gjithë Kosovën do të zhvillohet një protestë, e thirrur nga Grupi i Qytetarëve të Organizuar, i njohur për protestat e deritashme të mbajtura në kryeqytet. Vetë ora e mbajtjes 12 ka një domethënie, se “ka rënë ora” e alarmit.

Në protestat e radhës jemi bashkuar një numër i madh qytetarësh të profileve të ndryshme dhe nga komuna të ndryshme, thanë sot përfaqësuesit e Grupit të Qytetarëve të Organizuar. Protesta do të jetë më e madhja e organizuar si iniciativë e organizuar nga vetë qytetarët, pa implikime nga organizata politike ose të tjera. Kështu u tha në konferencën me gazetarët, në të cilën u paralajmërua protesta e nxitur nga mashtrimet e vjedhjet e KEK-ut përmes faturave.

Fokusi i protestave, ju përkujtojmë, mbeten parregullsitë, mashtrimet dhe hajnitë që kanë ndodhur me faturat e KEK-ut përmes manipulimeve në faturim, njehsorë dhe forma të tjera (për çka sot janë në proces dy hetime—nga Prokuroria dhe nga Komisioni Parlamentar—dhe dy raporte, njëri nga ZRRE, tjetri nga Avokati i Popullit). Këto manipulime (që tashmë kanë nisur të vërtetohen) kanë treguar paaftësinë institucionale të atyre që janë përgjegjës për t’u përballur me problemet e qytetarëve. Për më shumë, heshtjet e fundit për këto probleme na bindin që dyshimet tona për manipulime të tilla edhe në sferat tjera të shoqërisë janë gjithsesi të bazuara.

Grupi i Qytetarëve të Organizuar u bëri thirrje institucioneve të Kosovës që të tregojnë përgjegjësi para qytetarëve që përfaqësojnë. Të ndihmojnë sa më shumë në hetimet e nisura dhe të nisin hetimet edhe në sferat tjera që prekin mirëqenien e qytetarëve.

Si rezultat i kërkesave që dolën nga konsultimet me qytetarë dhe grupeve tjera përfaqësuese anembanë Kosovës, Grupi i Qytetarëve të Organizuar thërret të gjithë qytetarët e Kosovës të dalin në protestë me 25 prill 2013, e enjte, duke filluar nga ora 12:00 në të gjitha qytetet e Kosovës me moton “NDALE HAJNINË”.

Organizatorët rikujtojnë edhe njëherë lokacionet e protestave nëpër komunat e Kosovës: Prishtinë: Marshi KEK-Qeveri;  Prizren: Te Shadërvani; Pejë: Qendra e qytetit; Ferizaj: Sheshi i qytetit; Gjakovë: Marsh Parku i Qytetit – Kuvendi Komunal; dhe Mitrovicë: Sheshi Mehë Uka, para shtëpisë së mallrave.(LajmeShqip.com)

 
Lajme Shqip Tuesday, 23 April 2013 14:29

Prishtinë – (E plotësuar) Rron Gjinonci shumë lehtë mund t’ia shoh sherrin statusit që ka publikuar një natë më parë në faqen e tij të Facebok’ut. Për këtë, ai mund të paditet dhe të ndiqet penalisht si nga policia ashtu edhe nga kryeministri i Kosovës Hashim Thaçi apo edhe nga zyra e kryeministrit.

E pos kësaj, ai mund të ndiqet penalisht edhe nëse kryeministri apo zyra e tij nuk e ndjekin rrugën ligjore. Kështu të paktën thonë avokatët kosovarë, sipas të cilëve, thirrja e Rron Gjinovcit për vrasjen e kryeministrit Thaçi, mund të cilësohet si vepër penale.“Me këtë lloj statusi është tejkaluar liria e mendimit politik dhe liria e shprehjes. Prandaj mund të themi që me këtë akt Rron Gjinovci vetëm se ka hyrë në zonën kriminale. Prandaj organet kompetente duhet të veprojnë edhe nëse askush nuk e raporton rastin në polici”, thotë njw juris kosovar, nw kushte anonimiteti.

Sipas tij, kryeministri tash e ka një shans që ta bëjë një kallëzim penal kundër Gjinovcit. Krejt kjo pasi që Facebook tashmë është ueb-faqe publike dhe si e tillë mund të cilësohet njëfarë lloj mediumi publik.“Lirisht ajo çfarë është shkruar mund të merret si kërcënim i drejtpërdrejtë ndaj kryeministrit”. Por është policia ajo që nuk mund të ndërmarrë asnjë lloj veprimi në rastin e statusit publik të Rron Gjinovcit.

Kjo për faktin se, sipas Baki Kelani, zëdhënës i Policisë së Kosovës policia nuk mund të hetojë një rast të tillë, pa pas ndonjë person i cili raporton rastin në polici.“Duhet që dikush të raportojë rastin si kërcënim që policia të nis hetime dhe të ndërmarrë masa”, ka thënë Kelani për Express.Në këtë rast, sipas tij, është dashur dikush nga kryeministria apo vet kryeministri ta raportojë rastin si kërcënim ndaj kryeministrit, që policia të ndërmarrë masa dhe të nis hetimet.

Aktivisti i shoqërisë civile, Rron Gjinovci, i cili muaj më parë ishte pjesë e Lëvizjes Vetëvendosje, të premten në mbrëmje ka bërë thirrje për vrasjen e Kryeministrit Hashim Thaçit përmes rrjetit social, Facebook.“Me e vra sot Hashim Thaçin nuk është krim, është akt çlirimi”, ka shkruar ai të premten në ora 22:14, ditën kur u arrit marrëveshja mes Kryeministrit Thaçi dhe homologut të tij serb, Ivica Dacic në Bruksel. Gjinovci u bë i famshëm kur hodhi ngjyrë mbi Rektorin Mujë Rugova, derisa kohët e fundit njihet si një prej organizatorëve të protestave për faturat e KEK’ut. (LajmeShqip.com)

**************************************************

Prishtinë – Aktivisti i shoqërisë civile, Rron Gjinovci, i cili muaj më parë ishte pjesë e Lëvizjes Vetëvendosje, ka bërë thirrje për vrasjen e Kryeministrit Hashim Thaçit përmes rrjetit social, Facebook.

“Me e vra sot Hashim Thaçin nuk është krim, është akt çlirimi”, ka shkruar ai të premten në ora 22:14, ditën kur u arrit marrëveshja mes Kryeministrit Thaçi dhe homologut të tij serb, Ivica Dacic në Bruksel.

Gjinovci u bë i famshëm kur hodhi ngjyrë mbi Rektorin Mujë Rugova, derisa kohët e fundit njihet si një prej organizatorëve të protestave për faturat e KEK’ut.(LajmeShqip.com)

 
Lajme Shqip Friday, 12 April 2013 10:20

Prishtinë – Qindra qytetarë kanë marrë pjesë sot në protestën e organizuar nga Grupi i Qytetarëve të Organizuar me moton “Ndal hajninë, zhvilloje shtetin”, e cila ka përfunduar pa ndonjë incident.

Ashtu siç është paralajmëruar, marshi është nisur në orën 12, para ndërtesës së Korporatës Energjetike të Kosovës në Prishtinë dhe ka vazhduar deri te selia e Qeverisë.

Pretekst i protestës kanë qënë faturat e energjisë për muajin janar, të cilat, sipas qytetarëve, kanë qenë të fryra dhe kanë vazhduar të jenë të ngjashme edhe në muajt pasues.

Protestuesit po ashtu kanë kërkuar gjykim për drejtorin aktual të KEK-ut, Arben Gjuka, i cili ndonëse ishte paralajmëruar se do të shkarkohej, vazhdon ta ushtrojë këtë detyrë.(Lajmeshqip.com)

**********************************************************

Prishtinë – Grupi i Qytetarëve të Organizuar ka paralajmëruar për sot protestën e radhës, me moton “Ndal hajninë, zhvilloje shtetin”.

Marshi pritet të nisë në orën 12, para ndërtesës së Korporatës Energjetike të Kosovës në Prishtinë, për të vazhduar deri te selia e qeverisë.

Zemërimi i qytetarëve ka nisur qysh me faturat e energjisë elektrike për muajin janar, të cilat, sipas tyre, kanë qenë të fryra. Të njëjtat, sipas qytetarëve, kanë vazhduar edhe në muajt pasues.

KEK-u hedh poshtë akuzat, duke thënë se faturat përputhen me leximin e njehsorëve. Deri më tash, qytetarët kanë protestuar disa herë.(GE/LajmeShqip.com)

 
Lajme Shqip Thursday, 11 April 2013 18:36

Prishtine – Grupi i Qytetarëve të Organizuar ka bërë të ditur se nesër, nga ora 12, do të protestohet sërish me moton “Ndal hajninë, zhvillojë shtetin”.

Protesta do të fillojë para ndërtesës së Korparatës Energjetike të Kosovës në Prishtinë, për të vazhduar deri para objektit të Qeverisë.

Pakënaqësitë e qytetarëve kanë nisur me faturat e energjisë elektrike për muajt paraprakë, të cilat, sipas tyre, janë të fryra.

Deri më tash, ata kanë protestuar disa herë.(LajmeShqip.com)

 
Lajme Shqip Wednesday, 27 March 2013 20:09

Prishtinë – Grupi i Qytetarëve të Organizuar ka mbajtur një konferencë për media para ndërtesës së Korporatës Energjetike në Prishtinë, ku ka bërë të ditur se do të vazhdojë protestat kundër KEK-ut.

Grupi ka paralajmëruar se një tjetër protestë do të mbahet javën e ardhshme.

Pakënaqësitë e qytetarëve kanë të bëjnë me faturat e energjisë elektrike për muajt janar dhe shkurt, të cilat, sipas tyre, janë të fryra.

Deri më tash, ata kanë mbajtur disa protesta kundër KEK-ut, por ky i fundit thotë se faturat përputhen me leximin e orëve.

Përfaqësuesit e Grupit të Qytetarëve të Organizuar edhe të mërkurën kanë ripërsëritur kërkesat e njëjta: shkarkimin e menjëhershëm të drejtorit të KEK-ut, Arben Gjukaj, dhe vënien para drejtësisë, shkarkimin e bordit menaxhues të KEK-ut, shkarkimin e ministrit të Zhvillimit Ekonomik, Besim Beqaj, si dhe shkarkimin e ministrit të Punëve të Brendshme, Bajram Rexhepi.(LajmeShqip.com)

 
Lajme Shqip Friday, 22 March 2013 13:07

Prishtinë -(E plotësuar) Me fishkëllima filikaçash, parulla të ndryshme, shumë zhurmë dhe fjalime kundër korrupsionit dhe hajnisë “që po mbretëron nëpër institucionet publike” është mbajtur protesta e sotme e qytetarëve dhe përfaqësuesve të shoqërisë civile në Prishtinë, kundër.

Protestuesit kanë përfunduar para ndërtesës së Qeverisë së Kosovës përderisa qytetarë të shumtë i janë bashkuar përsëri turmës që bënte zhurmë kundër hajnisë.

Yll Rugova, njëri prej organizatorëve të protestës ka thënë se shoqëria kosovare është sot në shesh për të denoncuar hajnin që po ndodh jo vetëm në KEK por dhe në institucionet e tjera administrative dhe qeveritare.

Sipas tij, e njëjta shoqëri ka ditur të organizohet edhe në momente më të vështira sesa ato që janë sot, ndërsa ka paralajmëruar se protesta kundër hajnisë, siç tha ai, të qeveritareve të Kosovës do të vazhdojë.

“Këto janë protesta e para që janë bërë për shkak se na është vjedhur në xhep. Është zhurma ajo që këta njerëz nuk kanë me na vjedh më dhe vetëm në këtë mënyrë mund të ndalen, pra me zhurmë. Hajnitë nuk janë vetëm në KEK, janë edhe tek uji, hajnia është gjithkund dhe ata po vazhdojnë të na vjedhin sistematikisht”, ka thënë Rugova.

E, kritika ka hedhur edhe në drejtim të Bashkimit Europian.

“Europa në anën tjetër i shfrytëzon ata. Ajo kërkon nga ata që të ndërtojnë një sistem antidemokratik sepse ky fenomen ekziston në themelet në vendet pa zhvilluara”, ka thënë ai.

“Shoqëria kosovare është e hutuar nga politikanët e korruptuar. Korrupsioni është mentaliteti i politikës, korrupsioni është mënyra e jetës së politikanëve tonë”, shtoi ndër të tjera Rugova.

Sipas, tij shkarkimet e fundit nuk zgjedhin asgjë në rastin e KEK-ut, sepse asnjë njëri prej të shkarkuarve nuk është dënuar ashtu si duhet.

“Andaj kjo është arsyeja se pse protestat do të vazhdojnë që politikanët të japin llogaridhënie për qytetarët sepse nuk jemi budallenj që ta shkatërrojmë shtetin ne jemi për me e zhvillu shtetin sidomos dhe këtë do të bëjmë edhe me zhurmë”, tha ai.

Kurse, Avni Zogiani nga organizata “Qohu” tha se shumica e ministrave që janë sot në Prishtinë erdhën pas asnjë dysh në xhep.

“Shumica e ministrave të qeverisë së Kosovës erdhën në Prishtinë me halle të mëdha financiare. Ata sot janë kthyer në milionerë. Ata nuk i kanë milionat nga fabrikat, sepse kur erdhën në qeveri, fabrika nuk kishin. Ata nuk i kanë milionat nga idetë e tyre, sepse ide nuk kishin”, tha ai.

“Ata nuk i kanë milionat nga shitja e pikturave të trashëguara nga prindërit e tyre, sepse një prejardhje të tillë nuk e kishin. Ata kanë milionat, sepse shitën zyrat publike për klientët e tyre. Ata kanë milionat sepse përdorën pushtetin për tu pasuruar. Ata sot janë milionerë sepse Kosova çdo vit u bë më e varfër. Ata janë milionerë sepse bënë një privatizim që varfëroi ekonominë, janë milionerë sepse vazhdojnë të shesin territor të Kosovës”, shtoi Zogiani.

Edhe ky adresoi një varg kritikash ndaj misioneve ndërkombëtare në Kosovë.

“Paradoksi i vërtet i kësaj situate qëndron në faktin se ne kemi një mision të BE-së për sundimin e ligji, i cili është thjesht një trashëgimi e një misioni tjetër ndërkombëtar, UNMIK-ut. EULEX nuk e lufton korrupsionin në Kosovë, por e shfrytëzon atë. E shfrytëzon atë për të kontrolluar politikën e për të sjellë kompromise të vazhdueshme në dëm të shtetësisë së Kosovës”, tha Zogiani.

Protestuesit: Europa nuk donë hajna

Qindra qytetarë janë mbledhur sot në një protestë kundër KEK-ut, përderisa të njëjtit njerëz, përfaqësues të shoqërisë civile dhe të tjerë janë mbledhur për të protestuar kundër fryrjes së faturave të energjisë elektrike, një ngritje të cilën e konstatoi edhe Zyra e Regullatorit të Energjisë Elektrike dje.

Në protestë edhe sot kanë marrë pjesë përfaqësues të shoqërive të ndryshme civile ashtu sikurse në protestën e kaluar.

Protestuesit janë duke marshuar drejt ndërtesës së Qeverisë së Republikës së Kosovës përderisa po brohorasin parulla si “Hashim hajni”, “Europa nuk donë hajna”, dhe parulla të tjera.

Protestës edhe këtë herë iu kanë bashkangjitur dhjetëra organizata joqeveritare, organizatat studentore, subjektet politike, sindikatat dhe grupet e artisteve.

Lëvizja studentore për barazi “Studim Kritikë Veprim”, nëpërmjet një komunikate ka njoftuar se do t’i bashkëngjitet këtij marshi dhe sipas tyre për këtë gjendje aktuale dikush duhet të jap përgjegjësi.

“Ne kërkojmë përgjegjësi nga institucionet e Kosovës, të hetohen njerëzit të cilët kanë ndihmuar në fryrjen e çmimeve të faturave, dhe jo vetëm, dhe të cilët duhet të dënohen. Rritja e çmimit të rrymës ka një kronologji e cila rrjedhë veçanërisht nga 17 tetori i vitit të kaluar, ku edhe u nënshkrua privatizimi i Distribucionit të KEK-ut me një çmim prej 26.3 milion euro. Distribucioni i KEK-ut u shit, edhe pse kishte 290.000.000 euro qarkullim vjetor, 180.000.000 euro investime, 450.000 konsumatorë, 21.000 km tel përçues, 7.000 trafo të tensionit të ulët, 37 objekte afariste, 22 hektarë tokë, një treg të përjetshëm dhe zero konkurrencë”, thuhet në komunikatë të tyre.

Ndryshe, qytetarët tash e disa muaj janë duke protestuar për fryrjen e faturave të KEK-ut për muajin janar, Ata kanë kërkuar dorëheqjen e MZHE-së, Besim Beqaj dhe drejtorit të KEK-ut, Arben Gjuka. (GE/LajmeShqip.com)

 
Lajme Shqip Friday, 15 March 2013 17:05

Prishtinë – Komisioni Qeveritar për Ndërmarrjet Publike në takimin e sotëm ka kërkuar nga Bordi i Drejtorëve të KEK-ut të bëjë shkarkimin e drejtorit menaxhues të kësaj kompanie, Arben Gjukaj.

Kërkesa e këtij komisioni vjen pas protestave të vazhdueshme të qytetarëve për fryrje të faturave të energjisë të muajit janar, për të cilat janë konstatuar edhe lëshime nga KEK-u.

Bordi i KEK-ut pritet që në takimin e tij të parë të ekzekutojë kërkesën e Komisionit.

Edhe raportet e Zyrës së Rregullatorit të Energjisë konstatojnë se rritja e faturave është edhe si pasojë e gabimeve të KEK-ut.(LajmeShqip.com)