Lajme Shqip Friday, 23 March 2012 20:23

Përjetimet e tij gjatë luftës në Kosovë, dhe në vizitën që i bëri më vonë pasi fitoi famë si këngëtar, James Blunt i ka shndërruar në një film dokumentar i publikuar këto ditë në Youtube.

Aty James përshkruan përjetimet e tij, shfaq xhirime të paemetuara më parë dhe vizitën që ka bërë në zonat ku ka qëndruar gjatë kohës së luftës si ushtar i forcave britanike.

Dokumentari i realizuar nga Atlantic Records është një lobim i mirë për Kosovën pasi përshkruhen momentet që prej krimeve të Serbisë, momentin e ndërhyrjes së NATO-së në Kosovë, thjetështësinë me të cilën shfaqet këngëtari i njohur, James Blunt.

Në çdo takim nëpër fshatrat kosovare, këngëtari prezantohet si James e as kosovarët nuk e njohin. Pastaj përshkruan koncertin e tij para ushtarëve të KFOR-it përderisa në dokumentarin katër pjesësh, tërë kohën është i shoqëruar me një muzikë tradicionale kosovare.

Në një moment, në rrugët e Prishtinës, James u shpjegon shoqëruesve të tyre, për flamurin kuq e zi, e thotë se është i shqiptarëve të Kosovës. /indeksonline/

 
Lajme Shqip Tuesday, 07 February 2012 22:39

Këngëtari i cili para se të bëhej i famshëm, kishte qenë ushtar i KFOR-it anglez, në Kosovë, James Blunt ka folur për atë se si ka nisur karrierën e tij prej ylli të muzikës. Në një intervistë dhënë gazetës portugeze “Correio24horas”, ai ka folur gjatë për raportet e tij me Kosovën. Madje në këtë intervistë ai ka pranuar se Kosova e ka inspiruar atë të filloj karrierën si muzikant. 

Lajmi me klipin e këngës kushtuar luftës në Kosovë mund të lexohet këtu.

“Një kapitull shumë i rëndësishëm në jetën time ishte ai kur i kisha 25 vjet dhe isha në një mision paqeruajtës në Kosovë. Atje kam parë njerëzit të cilët ani pse kanë dalë nga një konflikt, ata komunikojnë përmes muzikës dhe se ata janë një shembull sesi muzika është mjet i mirë komunikimi. Ne të gjithë jemi qenie njerëzore që dallojmë nga njëri tjetri dhe në Kosovë kjo gjë respektohet mjaft. Kjo më ka inspiruar që t’ia filloj muzikës dhe të bëhem një këngëtar”, ka thënë Blunt.

Sot këngëtari, hiti i këngëve si “You are beautiful ” e “Goodbye my friend’s” ende thotë se është i interesuar që të ndihmoj vende të ndryshme që kanë dalë nga konflikti. Duke vazhduar të flas për Kosovën, Blunt ka thënë se është kthyer atje disa herë për të kënduar për ish kolegët e tij. “Edhe kur isha ushtar kisha kohë të luaja në kitarë”, ka thënë ai. (LajmeShqip.com)

 
Lajme Shqip Monday, 31 October 2011 17:50

Këngëtari James Blunt ka publikuar sot klipin e këngës së tij “No Bravery” (Asnjë Trimëri), këngë të cilën ia ka dedikuar luftës në Kosovë. Me një tekst mjaft rrëqethës, ai ka paraqitur në klip filmime që i ka xhiruar vetë gjatë kohës së shërbimit të tij ushtarak në Kosovë.

Klipi fillon me prezantimin e Bluntit si një kapiten dhe të kësaj kënge si ditari i tij gjatë shërbimit në Mesdhe.

Si një djalë nga një familje ushtarake, ai ishte 28 vjeç kur i hyri karrierës së ushtrisë, menjëherë pasi u diplomua në universitetin e Bristolit. Ai iu bashkëngjit forcave paqeruajtëse të NATO-s në Kosovë, gjatë luftës së vitit 1999, si kapiteni i 30 mijë trupave ushtarake që patrullonin në Prishtinë.

Duke pasur pasion për muzikën, e kuptoi se asgjë që po i ofronte jeta përreth nuk ishte ajo çfarë kishte dëshiruar. Gjatë qëndrimit në Prishtinë, ai filloi gradualisht të dilte jashtë tankeve dhe të linte armët, për të marrë kitarën në dorë dhe për t’iu bashkëngjitur miqve vendas, adhurues të muzikës.

Ishte pikërisht atëherë, kur gjatë takimeve të tij me qytetarët me kitarë në dorë, ai u frymëzua për të shkruar këngën “No Bravery”.

Në tekst, ai me dhembshuri kujton: “Nuk shoh më asnjë trimëri në sytë e tyre/ Vetëm trishtim/ Fëmijët atje qëndrojnë me krahët hapur nga qielli/ Por askush nuk pyet përse…/ Pleqtë gjunjëzohen përpara fatit të tyre/ Pasi gratë dhe vajzat ua kanë dhunuar/ Një brez i tërë i mbytur në urrejtje…/ Nuk shoh më asnjë trimëri në sytë e tyre/ Vetëm trishtim”.  (LajmeShqip.com)