Lajme Shqip Friday, 02 May 2014 12:28

Ditën e sotme, gjatë zhvillimit të një seance gjyqësore në Gjykatën e Korçës, ndërroi jetën personi i afërt i një prej policëve të akuzuar për kalimin e mallrave kontrabandë në doganën e Goricës.

Mësohet se, brenda ambienteve të gjykatës, zhvillohej seanca për masën e sigurisë ndaj 3 policëve dhe 2 doganierëve.  

 60- vjeçari Ali Jaupllari, ndërroi jetë pasi pësoi infarkt në zemër, ndërsa sipas korrespondentes së A1 REPORT në Korçë, ambulance u vonua 20 minuta.

 Gjykata dha arrest me burg 30 ditë për policin Piro Bendo, ndërsa pritet vendimi edhe për 2 policët e tjerë dhe 2 doganierët për të njëjtën akuzë.

Ata u arrestuan në flagrancë më 29 prill në pikën kufitare të Goricës pasi dyshohet se kanë kaluar një makinë me mallra kontrabandë.

Në pranga ranë dy doganierët, Altin Cenolli, 42 vjeç, banues në Korçë dhe Niko Vurmo, 43 vjeç, banues në Korçë, pasi lejuan të kalonte në doganë automjeti i N.M. 37 vjeç dhe G.G. 46 vjeç të dy banues në fshatin Pojan Korçë. Në pjesën e pasme të automjetit u konstatuan këto mallra, citon “shqiptarja.com”.

1- 160 shishe plastike verë e kuqe me sasi secila 2 litra

2- 160 shishe plastike uthull me sasi 2 litra

3- 40 shishe plastike 

4- Pesë kuti kartoni me produkte mishi me peshë të përgjithshme 58 kg.

 

 
Lajme Shqip Tuesday, 21 May 2013 13:49

Kryetari i Gjykatës Themelore të Prishtinës,  Hamdi Ibrahimi zbuloi se janë rreth 200 persona të cilët janë dënuar nga gjykatat por që nuk e kanë vuajtur dënimin.

“Personat pas dënimit menjëherë gjatë dërgimit në burg për vuajte të dënimit janë lëshuar”, ka thënë Ibrahimi për KTV-në.

Ai tregoi se politika ndëshkimore në Kosovë është shumë e butë e në anën tjetër po shënon rritje numri rasteve të shitjës së drogave, armëmbajtjeve pa leje, krimit të organizuar e aksidenteve.

“Rrugët e Kosovës po përgjaken dhe njerëzit as në burg nuk shkojnë”, ka deklaruar Ibrahimi.

Ibrahimi deklaroi se duhet bërë vlerësimin e gjyqtarëve sepse ka të tillë që nuk e meritojnë të jenë aty.

Po ashtu edhe Enver Peci Kryesues i Këshillit Gjyqësor të Kosovës deklaroi se sistemi gjyqësor në Kosovë po përballet me probleme përfshirë edhe parashkrimin e lëndëve.