Lajme Shqip Saturday, 26 October 2013 20:48

Erion Braçe drejtues i Komisionit të Ekonomisë në Kuvend, thotë për A1Report se në buxhetin e shtetit mungojnë 230 milionë dollarë.

Ai ai thotë se do të japin llogari ata që e zbrazën arkën e shtetit.

“Nga 230 milionë dollarë që mungojnë, 206 milionë dollarë i janë mohuar buxhetit vetëm në 4 muajt e tranzicionit. Përgjegjshmëria duhej të ishte më e madhe e atyre që dolën humbës në zgjedhje. Ngritën traun e doganës, janë përfshirë në veprimtari kriminale, të gjithë ata që kanë pasur biznese.

 

Kur mungojnë 200 milionë dollarë, duhet që të gjenden përgjegjësit, në të gjitha nivelet e qeverisjes së vendit, për shkak të paligjshmërisë në ushtrimin e detyrës. Janë para që mungojnë në buxhetin e shtetit. Jo vetëm që skema është fryrë me 6 mijë persona vetëm gjatë fushatës zgjedhore, por shteti nuk u është përgjigjur atyre që janë vërtetë invalidë.

Përgjegjësia duhet të nisë që nga ish-kryeministri i vendit, që në sallën e Kuvendit vetëm një gjë nuk bëri, të jepte llogari se pse mungojnë 200 milionë dollarë në buxhet,” tha Braçe.

“Nuk u dha përgjigje për rimbursimin e TVSH-së, sepse deri më tani ka dalë vetëm një skemë, ajo e kompanive kineze.

 

Pasi dolën të humbur, ata u munduan të bëjnë nga një dorë para. Bode gjatë gjithë kësaj kohe ka refuzuar që të ballafaqohet. Ka një rënie shumë të fortë ekonomie gjatë tremujorit të dytë, 1.1% ishte rritja ekonomike.

Sa herë që ka pasur fushata në këtë vend, muajt e fundit të vitit kanë qenë me të ardhura më të larta se muajt e parë. Ne kemi shkurtuar 160 milionë dollarë shpenzime me aktin normativ. Kemi prekur edhe shkurtime në shpenzimet publike dhe këto janë para grantesh që nuk janë gjendje në Shqipëri,” vijoi deputeti i PS.

Braçe sqaroi edhe çështjen e borxhit.

“Vetëm 24 miliardë lekë do merren borxh. Ne nuk kemi krijuar borxh të ri, por kemi marrë përsipër për të paguar borxhet e krijuara gjatë 9 muajve të parë të vitit. Do paguajmë, pagat, shpenzimet, borxhet e energjisë, ato të ujit, të gjitha ato borxhe që ata që ikën nuk i kanë paguar.

 

Fondi rezervë ishte zero. Dhe ky është krim pasi të lësh në muajin e 9 të qeverisjes të lësh arkën bosh që në muajin shtator, sigurisht që është krim. Të përdorësh fondin rezervë për investime të panevojshme është krim. Të lësh zero ushqim në rezervën e shtetit, zero karburant, sigurisht që është krim. Kanë prekur jo vetëm fondin rezervë dhe kontigjencën, por edhe rezervën e shtetit,” tha Braçe.

 
Lajme Shqip Saturday, 28 September 2013 18:26

Tiranë- Deputeti socialist, Erion Braçe, ka reaguar pas akuzave të ish-kryeministrit Berisha dhe ish-ministrit Flamur Noka, për akuzat e tyre në lidhje me shkrirjen e Gardës së Republikës.

Sipas tij, Garda prej vitesh është kthyer në një çerdhe krimi për mafiozët. Degradimi i saj, thotë Braçe, kulmoi më 21 janar, kur vrau për të mbrojtur pushtetin.
Për më tepër, sipas tij, punonjësit e Gardës paguhen me taksat e qytetarëve
“Nëse ka një vendim të motivuar të marrë deri tani, ai është ky i zhbërjes së “Gardës së Pushtetit”!!
Një pyetje kam: Kujt i shërbente kjo Gardë?
Mbi 1000 vetë që paguheshin nga taksat dhe që i shërbenin vetëm pushtetit dëshmojnë për luks. Asgjë tjetër!!
Ca bënin roje objektesh- në oborr, tek gardhi, tek dera e parë, e dytë, e tretë, kati i parë, i dytë, i tretë, tek rruga, rrugica, pallati, hyrja, shtëpia e parë, e dytë, e tretë, vila në det, vila në mal.
Ca të tjerë roje trupi, për “personalitete”- por dhe për burrat e grave dhe gratë e burrave, çunin, vajzën, gruan e çunit, të dashurën e me radhë dhe po njësoj me vajzën, kushëririn etj., etj., afër, në distancë, larg, pastaj në territor kur shfaqej udhëheqësi, në fund në miting kur e mbronin nga populli!!
Por edhe me keq. Me pushtetin e Gardës qëllonin kamarierët e “pa kulturë” nëpër lokale, siguronin qetësinë nëpër kazino, zgjidhnin “mosmarrëveshje biznesmenësh, e vinin gjoba njësoj si gangsterët e Mafia-s.
Kjo duhej ndalur! Shndërrimin e një pjese të Gardës së Pushtetit në Bandën e Armatosur me Pushtet!!!
S’ka më kuptim kjo.
Veçanërisht pas asaj që bënë në 21 janar; vrane popullin e paarmatosur dhe medemek mbrojtën “personalitetin”!!!
Vranë për të mbrojtur Pushtetin e Bandës Politike dhe Politikën e Bandës në Pushtet!!
Do kish ndodhur kudo në Evropë!! Madje një minutë pas krimit!
Përkundrazi, kryeministri në krye të Bandes, ai që urdhëroi vrasjet, mbrojti dhe Bandën e Gardës së Pushtetit!!/tema/

 
Lajme Shqip Thursday, 15 August 2013 10:37

Tiranë – Një nga çështjet më të nxehta të këtyre ditëve të nxehta të verës është edhe droga e Lazaratit.
Policia bën sikur bllokon ujin që shkon në Lazarat, por duket se nuk ka ndërmend që të ndërmarrë një aksion direkt në fshatin problematik, që sipas italianëve prodhon deri në 4.5 miliard euro hashash.
Deputeti socialist, Erion Braçe, thotë se janë 7- 8 bosë të drogës në Lazarat, që e dirigjojnë gjithçka nga larg, transmeton Tema.
“Kjo që policia po bën rreth e qark Lazaratit nuk ka as kuptim e as duk. E di gjithë jugu se në Lazarat ka 7- 8 bosë të drogës. Ata dirigjojnë çdo gjë, madje në më të shumtën e kohës jashtë e larg Lazaratit. Ata janë problemi, ata drejtojnë organizatat,” shkruan Braçe në FB.
Lazarati do jetë një sfidë për qeverinë e re socialiste, që është angazhuar për të sjellë rend dhe siguri në 300 ditët e para.