Lajme Shqip Tuesday, 14 May 2013 14:24

Kryeministri i Kosovës Hashim Thaçi deklaroi se Qeveria që ai drejton është e përkushtuar të zhvillojë edhe burime të ripërtëritshme të energjisë përveq ndërtimit të kapaciteteve energjetike nga linjiti. 
“Kjo politikë do të ndikojë në rritjen e zhvillimit ekonomik, kursimin e energjisë, rritjen e sigurisë së furnizimit me energji dhe në mbrojtjen e mjedisit”, deklaroi Thaçi në hapjën e punimeve të “Konferencës së Donatorëve për Energji të Qëndrueshme në Kosovë”. 
Qeveria e Kosovës synon që nëpërmjet kësaj konference të sigurojë mbështetjen për projektet në fushën e energjisë me fokus burimet e ripërtëritshme të energjisë dhe efiçiencën e energjisë.
Ministri i Zhvillimit Ekonomik Besim Beqaj deklaroi se Kosova do ti kalojë normat e kërkuara prej 20% të energjisë së ripërtëritshme.
“Kosova do ti plotësojë 25 % të nevojave me energji efiçiente”, tha ministri, duke shtuar se kjo do të arrihet përmes bimoasës, energjisë solare përkatësisht diellore dhe të erës”, deklaroi Beqaj.

 
Lajme Shqip Saturday, 16 March 2013 18:30

TIRANE-Krahasuar me një ditë më parë situata nga përmbytjet në vend këtë të shtunë duket pak më e qetë, ndërsa uji ka filluar terheqjen nga zonat e përmbytura. Po sot mbyllen edhe portat e dy HEC-eve, të Ulzës e Shkopetit. Shkarkimet vazhdojnë në hidrocentralin e Komanit dhe Vaut të Dejës.

Mbyllen portat e hidrocentraleve të Ulzës dhe Shkopetit
0ra 16:24- Si pasojë e ndalimit të reshjeve në vend janë mbyllur sot pas tri ditësh shkarkime portat e HEC-eve të Ulzës e Shkopetit.
Mësohet se prurjet në këto HEC-e janë ulur poshtë pikës kritike. Shkarkimet nga këto HEC-e arritën deri në 400 metër kub për sekondë.

Ministria e Brendshme informon për situatën e përmbytjeve
Ora 15:00- Qarku Shkodër.
Nga ndërprerja e reshjeve gjatë ditës sotme niveli i ujit ka rënë rreth 40 cm dhe sipërfaqja nën ujë vijon në kufijtë e 2000 Ha, ndërsa situta në zonë paraqitet si më poshtë: Komuna Ana e Malit, 201 shtëpi të izoluara nga uji në fshatrat Obot, Muriqan dhe Goricë, ku edhe rrugët e këtyre fshtaravë janë nën ujë, të pakalueshme. Komuna Dajç, aktualisht 30 shtëpi të izoluara nga uji. Familje të evakuar nga ky fshat janë 10 familje. Rruga Shkodër-Dajç është e kalueshme, me veshtirësi vetëm me mjete të larta. Komuna Bërdicë, aktualisht shtëpi të izoluara nga uji 115.
Komuna Velipojë. Rruga Shkodër -Velipojë e kalueshme vetëm për mjetet e larta, pasi tek Ura e Gjo Lulit, në segment rreth 200 m ka prezencë uji. 

Ng Komisioni i Emergjencave Civile i Qarkut, i cili po monitoron situatën në vijimësi janë marë këto masa:
Është bërë furnizimi me ujë të pijshëm i komunës Ana e Malit me mjetet e PMNZSH-së.
Është dhënë ndihma mjeksore në një rast urgjence shëndetsore në fshatin Obot nga Forcat e FNSH dhe personelit shëndetsor parësor.
Është furnizuar me ujë të pijshëm komuna Bërdicë duke u rivënë në punë stacioni i pompave.
Efektivat e Drejtorisë Policisë së qarkut gjatë gjithë kohës qënë e janë në gatishmëri në ruajtje të qetësisë dhe të pronës. Komisioni i Emergjencave Civile i qarkut nën drejtimin e Prefektes së qarkut vazhdon monitorimin e situatës në bashkëpunim me drejtuesit e njësive vendore dhe struktrave të qarkut për përballimin e situatës krijuar nga reshjet e jashtëzakonshme të këtyre ditëve. 

Qarku Vlorë. 
Në qarkun e Vlorës, reshjet kanë pushuar dhe situata është përmirësuar ndjeshëm.
Lumit Vjosa pothuaj është rikthyer në shtratin e tij dhe aksi i rrugës vketër Ura e Mifolit – Novoselë është bërë i kalueshëm për të gjitha mjetet.
Familje të evakuara gjithsej janë 30 familje dhe 30 familet e tjera janë kthyer në shtëpitë e tyre.

Qarku Fier. 
Edhe në qarkun e Fierit situata pothuaj është normalizuar, pasi lumi Vjosë është kthyer në shtratin dhe niveli po lulet vazhdimisht, duke mos përbërë më asnjë shqetësim për banorët. Në të gjithë zonën e prekur nga përmbytjet tani janë vetëm rreth 70 ha nën ujë. Edhe niveli i lumit Seman karënë duke u kthyer në shtratin e tij.

Qarku Durrës. 
Situata në qarkun e Durrësit po vjen drejt normalizimit të plotë.
Në gjithë qarkun po punohet për eleminimin e pasojave të përmbytjeve të ditës së djeshme. Rruga e Currilave e cila u bllokua dje nga rrëshqitjet e dherave sot u hap dhe po punohet për pastrimin e plotë të rrugës. Stacionet e PMNZSH së qarkut, po ndihmojnë sot për largimin e ujrave në zonën e stacionit të trenit, Durrës.

Qarku Lezhë.
Deri në orën 12:00 të ditës sotme situata është përmiresuar ndjeshëm, pasi rreshjet janë ndërprerë dhe niveli i ujrave në lumenjë dhe kolektorë është në rënie.
Siperfaqet e tokave bujqësore me prezencë uji janë duke u ulur dhe aktualisht janë:
Në zonen e Zadrimës tani janë në prezencë uji vetëm 50 ha, në Komunat Dajç, Blinisht, Balldre, Kallmet;
Në zonen e Bregut të Matës 200 ha nën ujë, në komunat Kolsh, Zejmen, Shenkoll;
Në zonen Fushë Gjormë 50 ha nën ujë, në Bashkinë Laç, Mamurras e Kom.
Në zonen Fushë Mamurras është larguar plotësisht prezenca e ujit.
Në kënetën e Kakariqit 1000 ha, nën ujë.
Të gjithë hidrovorët vazhdojnë punën me kapacitet të plotë.

Qarku Korçë.
Në përgjithësi situata në qarkun e Korçës është e mirë, ka patur reshje të dobta dëbore, por pa krijuar probleme.

Qarku Kukës. 
Edhe në qarkun e Kukësit situata vazhdon të jetë normale, pa reshje, me temperatura deri në -1 gradë. Nuk ka probleme me qarkullimine mjeteve në akset rrugore nacionale dhe rurale. 

SITUATA NË KASKADËN E DRINIT

 

 
Lajme Shqip Friday, 15 March 2013 16:04

TIRANË– Reshjet e shiut, hapja e portave në HEC-e, por dhe dalja nga shtrati i disa lumenjve kanë shkaktuar një situatë të rënduar në Shkodër, Vlorë, Fier, Elbasan, Durrës e Krujë.

Sot paradite rezultonin rreth 4900 hektarë tokë janë nën ujë në Shkodër kurse situata u përmirësua pas mesditës, ku rezultuan 2 000 ha nën ujë. Nga 315 shtëpi që ishin të izoluara krejtësisht nga uji, numri shkon në 60. Rritja e sipërfaqeve të përmbytura shtoi frikën tek banorët, duke kthyer në vëmendje vitin 2010, ku mbi 11 mijë ha tokë përfunduan nën ujë, e lanë pas dëme të konsiderueshme. Sot raportohet për rreth 120 familje të evakuuara në Shkodër, sipas të dhënave të shtabit të Emergjencave.

Sipas Shtabit të Emergjencave niveli i ujit në Shkodër krahasuar me një natë më parë ka rënë me 40%. 

Në Vlorë, 10 shtëpi janë përmbytur nga dalja e lumit Vjosë, në fshatin Fitore, ndërsa rrezikohen edhe 300 të tjera.

Si pasojë e reshjeve të dendura ka pasur edhe rrëshqitje dherash, duke bllokuar kështu akset rrugore Këlcyrë-Përmet dhe Gramsh-Korçë. Në Gjirokastër është shembur rruga Dunavat në lagjen muzeale, që lidh tre lagje të tjera të qytetit, ndërsa në Bulqizë është shembur një urë që lidh katër fshatrat e një komune.

MINISTRIA E BRENDSHME: JA SITUATA PËR ORËN 18:00
Ora 18:00 Bazuar në informacionet e grumbulluara në Drejtorinë Operacionale të Drejtim Komandimit të Emergjencave Civile, nga specialistët e Emergjencave Civile në Institucionet e Prefektëve, Stacionet e PMNZSH-së në rrethe, drejtuesit dhe përfaqësuesit e Njësive të Qeverisjes Vendore, si dhe nga pika të tjera kontakti në nivel qendror dhe vendor, situata ka qenë si më poshtë: 

Qarku Shkoder: Situata në rrethin e Shkodrës gjatë ditës së sotme është si më poshtë:
Aktualisht në territorin e rrethit Shkodër sipërfaqja e mbuluar nga uji është reduktuar ndjeshëm dhe mbeten nën ujë rreth 2000 Ha tokë, kryesisht në Bashkinë Shkodër, zona e Bahçallekut dhe Ajasëm, komunat Ana e Malit, Berdicë, Dajç, Guri i Zi, Bushat.
Janë në prezencë të ujit rreth 60 shtëpi ku gradualisht uji po largohet.
Janë evakuar rreth 110 familje të cilat janë akomoduar tek të afërmit e tyre dhe një pjesë në konviktin e Shkollës Industriale.
Niveli i ujrave po vazhdon të bjerë ndjeshëm.
Aksi i rrugës nacionale në harkun e Bërdicës është i krejtëisht i kalueshëm.

Qarku Lezhë:
Reshjet me intesitet të dobët ka ndikur në përmirësimin e situatës, ndërsa niveli i ujrave në lumenjë dhe kolektorë vijon të bjerë.
Siperfaqet e tokave bujqësore me prezencë uji janë:
Në zonen e Zadrimës 200 ha, Komunat Dajç, Blinisht, Balldre, Kallmet;
Në zonen e Bregut të Matës 300ha, Komunat Kolsh, Zejmen, Shenkoll;
Në zonen Fushë Gjormë 100 ha, Bashkia Laç, Mamurras e Kom.

Në zonën Fushë Mamurras, Adriatik 80 ha, Bashkia Mamurras, K. F.Kuqe.
Gjendja e rezervuarëve vijon të mbetet normale.

Për sa i përket pretendimeve se në fshatin Tale, të komunës Shënkoll, Lezhë, është çarë një argjinaturë dhe për pasojë 6 familje kërkojnë të evakohen, informacioni nuk është i saktë. Argjinatura është në gjendje normale, pa asnjë dëmtim.

Qarku Vlorë. 
Në qarkun e Vlorës, situata problematike vijon në Urën e Mifolit, në fshatrat Fitore, Trevllazën, dhe Novoselë të komunës Novoselë.
Aktualisht reshjet kanë pushuar dhe situata është në përmirësim.
Prurjet e lumit Vjosa po pakësohen dhe niveli i ujit tek ura e Mifolit vazhdon të jetë nën 6 m. nga 7 m. që është pika kritike. 4-5 km larg urës së Mifolit në vendin e quaajtur Grykë Pishë, digë mbrojtëse e lumit ka pësuar një çarje dhe për pasojë janë përmbytur reth 130 ha tokë djerrë.
Janë evakuar 30 familje të fshatrave të bregut të lumit Vjosë (fshati Fitore, Novoselë, Zhurë dhe Grykë Pishë), si edhe tre familje që ndodhen pranë urës së Mifolit.

Qarku Fier.
Situata po vjen drejt përmiresimit. Aktualisht, toka bujqësore të përmbytura janë: komuna Hekal 40 ha, komuna Kutë 40 ha, komuna Frakull 40 ha dhe komuna Cakran 25 ha.
Në komunën Levan, situata e rreth 38 familje të fshatrave Ferras dhe Çervez 2, me prezencë uji është drejt përmirësimit, pasi niveli i lumit Vjosë është në rënie të vazhdueshme.
Në lumin Seman, prurjet tek ura e Mbrostarit vazhdojnë të mbeten në kuota maksimale.

Qarku Durrës. Situata në qarkun e Durrësit po vjen drejt normalizimit të plotë. Gjatë ditës së sotme janë evakuar reth 20 familje në fshatin Katund i Ri , komuna Sukth.

Qarku Elbasan. Në qarkun e Elbasanit problem mbetet bllokimi i aksit rrugor Cërik – Banjë – Gramsh, bllokuar si pasojë e prurjeve te materialeve inerte të lumit Devoll.

Qarku Korçë:
Gjatë ditës së sotme në të gjithë territorin e qarkut Korçë ka patur mot me rreshje të dobëta dhe kalimtare shiu dhe bore në lartësi mbi 1000 m. Aktualisht nuk ka rreshje dhe temperaturat janë pozitive.
Qarkullimi rrugor në rrugët nacionale dhe rurale është normal.
Gjatë ditës së sotme janë evidentuar disa nga dëmet e krijuara nga reshjet e dendura të shiut. Bordi i Kullimit Korçë ka konstatuar se në tokat bujqësore të komunave Pirg dhe Libonik, rrethi Korçë, rreth 70 ha tokë është e mbuluar nga uji.

NOVOSELË, ZONAT E PËRMBYTURA MUNGESË ENERGJIE
Ora 18:20
Novoselë, zonat e përmbytura kanë mungesë të energjisë elektrike. Probleme ka edhe në Llogara për shkak të reshjeve të dëborës.

LEZHË, THYHEN ARGJINATURAT NË TALE, 6 FAMILJE KËRKOJNË EVAKUIM
Ora 17:30-Në Lezhë në fshatin Tale uji ka thyer argjinaturën mbrojtëse duke hyrë në zonat e banuara. News24 mëson se 6 familje kërkojnë evakuim të menjëhershëm.
Një banor nga fshati Tale 2 i Lezhës konfirmoi për News24 se deti ka vërshuar në tokë duke shkaktuar carje në argjinaturën mbajtëse. Sipas pasojë, 4 banesa janë nën ujë, ndërsa rrezikohen 50 banesa të fshatit. “Nevojitet evakuim, kemi femije dhe gra ne banesa”.
Kryeplaku, Dashamir Luli tha se po punohet për riparimin e argjinaturës, por uji ndërkaq ka vërshuar në toka e banesa. 

Ndërkohë zëdhënësi i Ministrisë së Brendshme, Leonard Olli hodhi poshtë pretendimet e banorëve se argjinatura në Tale 2 është shkatërruar. Sipas Ollit, situata në Tale 2 është nën kontroll.

SHIJAK, HALIMI: GRUP PUNE PËR DËMSHPËRBLIMET E FAMILJEVE
17:15
Minsitri i Drejtësisë Eduard Halimi ka monitoruar sot ssituatën e krijuar nga reshjet e shumta të shiut dhe daljes nga shtrati të lumit Erzen.

Gjatë bashkëbisedimit me banorët e zonës ministry Halimi ka premtuar se sëshpejti do të ngrihet një grup pune për dëmshpërblimet e familjeve.

Banorët i shpjeguan se kjo është hera e tretë që përmbyten, pasi lumi Erzen del nga shtrati sa herë që bie shi duke shkaktuar përmbytje. Halimi ka siguruar banorët se do të kërkojë që të gjendet një zgjidhje përfundimtare për situatën e përmbytjeve.

PËRMIRËSOHET SITUATA NË SHKODËR
Ora 17:00
Përmirësohet situata në Shkodër, pas ndalimit të reshjeve të shiut që prej mëngjesit të sotëm. Tashmë janë vetëm 2000 ha toke nën ujë nga 4900 që u raportuan mëngjesin e sotëm, ndërsa numri i shtëpive të përmbytura është ulur në 115. 

Ulja e shkarkimeve ka bërë të mundur tërheqjen totale të ujërave në Harkun e Bërdicës duke liruar rrugën që të con drejt fshatrave të Komunës Velipojë. Situata problematike paraqitet në fshatin Obot të Komunës Ana e Malit, banorët e këtij fshati janë të izoluar për shkak se është i pakalueshëm aksi rrugor që lidh këtë fshat me Shkodrën, banorët lëvizin vetëm me varka. 

Po ashtu probleme dhe prezencë të ujit në rrugë ka edhe në Komunën Dajc dhe në tokat bujqësore ku niveli i ujit arrin deri në 70 cm. Prezence uji ka edhe në Komunat Bushat dhe Gur i Zi, por pa krijuar probleme në rrugë dhe përmbytje në shtëpi banimi.

SAUK I VJETËR, RREZIKOHET 1 BANESË NGA RRËSHQIETJET E DHEUT
Ora 16:59
Një banesë në lagjen Sauk i Vjetër, Tiranë rrezikohet si pasojë e rrëshqitjeve të dheut. Lajmi konfirmohet nga kryefamiljari Sabri Xhabrahimi, i cili bën apel për ndihmë. 

Ndërkaq, raportohet se në Petrelë rruga është e bllokuar pasi një masiv dheu e ka zënë atë. 

MINISTRIA E SHENDETESISE  GRUP PUNE NË SPITALET E SHKODRËS
Ora 16:49
 Ministria e Shëndetësisë ka marrë masat për përballimin e çdo situate të mundshme shëndetësore në zonat e përmbytura në Shkodër. Ministri i Shëndetësisë, Vangjel Tavo, ka dërguar një grup pune për të monitoruar situatën e krijuar nga përmbytjet në zonën e Shkodrës. Grupi i punës koordinon ndërhyrjet me spitalin e Shkodrës dhe kujdesin parësor shëndetësor. 

Grupi i punës do të verifikojë nevojat dhe mobilizojë strukturat shëndetësore. Tavo tha se “janë marrë masat për përballimin e çdo emergjence shëndetësore në zonë. Sistemi shëndetësor është në gatishmëri”

Në Shkodër situata paraqitet më problematike se në zonat e tjera pasi janë në prezencë të ujit rreth 60 shtëpi, ku gradualisht uji po largohet. Janë evakuar rreth 110 familje. 

FIER RRËSHQITJE TOKE, TEK KTHESA E VLOSOKES
16: 44
Shirat e rëna kanë shkaktuar rrëshqitjen e tokës tek kthesa e Vlosokës në qytetin e fierit. Si pasojë e rrëshqitjes së tokës është bllokuar rroka, ndërkohë raportohet se automjetet kalojnë me vështirësi vetëm në njërin kah të saj.

TOROVICË, MBYTET 32- VJEÇARI, BIE NË KANALIN KULLUES
Ora 15:55
Një 32 vjecar ka gjetur vdekjen si pasojë e përmbysjes së mjetit bujqësor tip “Autokarro”, në Torovicë. Ka qenë ngjarja aksidentale pasi viktima Ndue Qosaj për asrsye të mbulimit të rrugës nga uji, mjeti i tij dalë nga aksi rrugor dhe është përmbyasur në një kanal. Viktima ka qenë duke udhëtuar i vetëm dhe mësohet se po shkonte në tokat bujqësore, përgjatë kënetës së Torovizës.

Dje një 50-vjecar nga fshati Krutje e Lushnjes vdiq nga rrufeja teksa ndodhej në banesën e tij. 

LIBRAZHD, APELI I BËNORËVE: KANALET E ZEZA NË SIPËRFAQE, 4 BANESA TË BLLOKUARA
Ora 15:50
Pas reshjeve të dendura të shiut, të rëna përgjatë 24 orëve të fundit, dalja e përrejve nga shtrati tek stacioni i trenit ka bërë që ujrat e zeza të dalin në sipërfaqe. Banorët kanë apeluar në News24 për ndihmë.

“Jam Mateo nga Librazhdi. Pothuajse është rritur 20 cm para shtëpieve. Kanalet e ujrave të zeza na kanë hyrë në shtëpi. Nuk jemi ndihmë nga askush vjen kryetari dhe nuk jep asnjë mendim. Kanalet e ujërave të zeza nuk janë pastruar. Ne kemi biseduar personalisht me kryetarin e Bashkisë. Ai vjen dhe thotë se nuk kemi mundësi të vijnmë këtu pasi nuk vjen fardoma. Kur nuk i përgjigjet një punëtor cfarë kryetari është ai. 4 banesa nuk kanë mundësi të lëvizin. Shi bie gjendja nuk është e mirë. Është shumë keq”, apeloi Mateo.

Ju cfarë kërkoni?
“Ne kërkojmë të vijë një fardromë të hapë kanalin e ujërave të zeza. Pas vërshimet të përrejve kanë dalë në sipërfaqe”, shtoi Mateo. 

MBLIDHET SHTABI I EMERGJENCËS NË KUKËS
Ora 15:40
 Është mbledhur sot Shtabi i Emergjencave Ciivile edhe në prefekkturën e Kukësit për situatën e krijuar së fundmi nga reshjet e shiut, por edhe të dëborës që përfshinë lartësitë mbi 800 metra gjatë mbrëmjes së shkuar. Sipas prefektit të këtij qarku Elez Maci janë shkaktuar probleme në infrastrukturën rrugore si dhe atë të ujëmbledhësave.

Ndërkohë situate e rënduar nga reshjet e shiut ka krijuar probleme edhe sa i takon furnizimit me energji elektrike ku disa zona nuk furnizohem me drita për shkak të dëmtimit të fidrave përcjellës të energjisë. Sipas Macit iu është kërkuar drejtuesve të institucioneve të qëndrojnë në gadishmëri për të përballuar situatën që mund të krijohet për shkak të motit.

MB: Ja shkarkimet nga HEC-et
Ora 15:00- Ministria e Brendshme nëpërmjet një deklarate për media bën me dije se vijojnë shkarkimet nga dy HEC-e, Komani dhe Vau i Dejës.

Ministria e Brendshme: Ja situata e përmbytjeve
Ora 14:46- Ministria e Brendshme nëpërmjet një deklarate për mediat sqaron situatën e krijuar në vend si dhe na bën me dije të gjitha zonat e prekura nga përmbytjet.

Situata në Qarkun e Shkodrës
Në orën 9.30 u mblodh KECQ për të analizuar situaten e krijuar nga reshjet në territorin e Qarkut Shkodër, veçanërisht në rrethin Shkodër, në praninë e Ministrit të Brendshëm, z. Flamur Noka, Ministrit të Bujqësisë, z. Genci Ruli, Prefektja Qarkut të Shkodrës, znj. Voltana Ademi, Drejtori i Përgjithshem i Emergjenave Civile, Z. Alfrd Olli, përfaqësues të KESH, deputetë të Qarkut Shkodër.
Pas takimit ka vijuar inspektimi në zonë, kryesisht në komunën Rrethina, fshatin Bardhaj, fshatin Kuq në komunën Guri i Zi, ku edhe impakti i Lumit Kir është kërcënues në këtë zonë për shkak të gërryerjeve.

Masat e marra për përballimin e situatës së përmbytjes, shkaktuar për shkak të reshjeve të dy javëve të fundit bënë të mundur në kohë kohë rekord, si rezultat i ndërhyrjes së menjëhershme të të gjitha strukturave, e në veçanti të Policisë së Shtetit, evakuimin e komunitetit dhe gjësë së gjallë, duke i garantuar ato në vendet e akomodimit të përkohshëm.
Situata në rrethin e Shkodrës gjatë ditës së sotme paraqitet si më poshtë: Aktualisht në territorin e rrethit Shkodër është përmbytur rreth 2000 Ha tokë, kryesisht në Bashkinë Shkodër, zona e Bahçallekut dhe Ajasëm, por edhe në komunat Ana e Malit, Berdicë, Dajç, Guri i Zi, Bushat.
Janë në prezencë të ujit rreth 60 shtëpi, ku gradualisht uji po largohet. Janë evakuar rreth 110 familje, të cilat janë akomoduar në të afërmit e tyre dhe një pjesë në konviktin e Shkollës Industriale. Evakuim ka qenë i përkohshëm, pasi gjatë ditës së sotme familjet janë rikthyer në banesat e tyre. Aksi i rrugës nacionale në harkun e Bërdicës është i hapur.

Qarku Vlorë.
Në qarkun e Vlorës, situata më problematike paraqitet në Urën e Mifolit, në fshatrat Fitore, Trevllazën, dhe Novoselë të komunës Novoselë.
Aktualisht reshjet kanë pushuar dhe situata po vjen duke permiresuar. Prurjet e lumit Vjosa po pakesohen dhe niveli i ujit tek ura e Mifolit është 6 m nga 7 m që është pika kritike. Janë evakuar 30 familje te fshatrave të bregut të lumit Vjosë (Fshati Fitore, Novoselë, Zhurë dhe Grykë Pishë), si dhe tre familje që ndodhen pranë urës së Mifolit. 

Qarku Fier. 
Edhe ne qarkun e Fierit situata po vjen drejt përmiresimit.
Më konkretisht toka bujqësore të përmbytura janë: komuna Hekal 50 ha, komuna Kutë 50 ha, komuna Frakull 50 ha dhe komuna Cakran 30 ha. Në komunën Levan, rreth 38 familje të fshatrave Ferras dhe Çervez 2, jane prekur nga prezenca e ujit, por jo në banesa. Problematike aktualisht paraqitet gjendja në lumin Seman pasi prurjet tek ura e Mbrostarit jane në kuota maksimale

Qarku Durrës.
Situata në qarkun e Durrësit po vjen drejt normalizimit të plotë. Gjatë ditës së sotme janë evakuar reth 20 familje ne fshatin Katund i Ri , komuna Sukth. Në gjithe qarkun po punohet për eleminimin e pasojave të përmbytjeve

Qarku Lezhë
Gjendja është në përmiresim, rreshjet janë me itensitet të dobët dhe niveli i ujrave në lumenjë dhe kolektorë është në rënie.
Hidrovorët punojnë të gjithë, niveli i ujrave në basenët e hidrovorëve është në kota të larta.
Siperfaqe të tokave bujqësore me prezencë uji janë:
Në zonen e Zadrimës 300ha, Komunat Dajç, Blinisht,Balldre, Kallmet;
Në zonen e Bregut të Matës 400ha, Komunat Kolsh, Zejmen, Shenkoll;
Në zonen Fushë Gjormë 150ha, Bashkia Laç, Mamurras e Kom. Fushë Kuqe;
Në zonen Fushë Mamurras, Adriatik 100ha, Bashkia Mamurras, K. F.Kuqe.
Gjendja e rezërvuarëve është në normalitet të plotë.

Haxhinasto: Shkarkimet do vijojnë deri në përmirësim të situatës
Ora 14:26- Ministri i Energjetikës, Edmond Haxhinasto ka shkuar sot në hidrocentralin e Vaut të Dejës, i cili ka nisur shkarkimet që paraditen e djeshëme bashkë me tre HEC-e të tjera.

Haxhinasto është shprehur se “Shkarkimet do vijojnë deri sa të rregullohet situata, deri sa të ulet niveli i reshjeve”.

Haxhinato siguroi se janë marrë masa për koordinimin e punës me të gjitha institucionet. “Po punojmë që të ketë sa më pak efekte negative për banorët”, tha ai.

Fier, 450 ha nën ujë, në Novoselë evakuohen 9 banesa, 500 ha tokë nën ujë
Ora 13:10- Vërshimi i lumit Vjosë, ka sjellë rritje të sipërfaqeve nën ujë në Fier. Deri në këto momente raportohet për rreth 450 hektarë tokë të përmbytura.

Situata është problematike edhe në Novoselë të Vlorës, ku 9 banesa janë evakuuar. Kreu i komunës së Novoselës deklaruaon se janë përmbytur rreth 500 ha tokë.

2000 ha të përmbytura në Shkodër, situata drejt përmirësimit
Ora 13:00- Sipas të dhënave të fundit të mbledhjes së Shtabit të Emergjencave mësohëet se numri i sipërfaqeve të përmbytura në Shkodër ka rënë. Korespondentja jonë në Shkodër, Eliona Kodra raporton se rezultojnë rreth 2000 ha tokë nën ujë, nga 4900 që ishin mëngjesin e sotëm. Nga 315 shtëpi të përmbytura, numri u ul në 115.

Sipas saj problematik mbetet Oboti, pasi uji ka vërshuar në shtëpitë e banorëve, duke i gjetur ata fare të papërgatitur. Të përmbytur edhe Dajci e Ana e Malit. Rruga që të con për në Bërdicë ka ende prezencë ujë, ndërsa situata paraqitet e përmirësuar në Velipojë. 

Tiranë, shkarkime edhe nga Bovilla

Ora 12:00-Drejtori i Ujësjellësit të Tiranës, Ferdinand Ismaili bëri të ditur për News24 se prej ditës së djeshme kanë nisur shkarkimet nga Bovilla. “Shkarkimet vijojnë dhe ditën e sotme”.

Shkodër, ministrat Ruli e Noka në Mbledhjen e Shtabit të Emergjencave
Ora 11:10- Mblidhet Shtabi i Emergjencave në Shkodër, marrin pjesë ministrat Genc Ruli dhe Flamur Noka.
Ministri solli në vëmendje një problem tjetër që është fryrja e liqenit të Shkodrës. Sipas Rulit, “ Moskontrollimi i shkarkimeve do sjellë daljen e liqenit. Në liqenin e Shkodrës ka shumë prurje dhe për pasojë është fryer”, tha ai ndërsa shtoi se pika më kritike ka qënë ditën e djeshme.

Ndërsa ministri i Brendshëm Noka deklaroi se janë marrë masat për evakuimin e personave, shtëpitë e të cilëve kanë prezencë uji.
Sipas tij, nuk ka dëme materiale e as në bagëti. ‘Kjo është një situatë e përkohshme”, tha ai. 

Fier, rrezikohet përmbytja e pompave që furnizojnë qytetin e me ujë
Ora 10:38- Rrezikohen të përmbyten pompat që furnizojnë me ujë qytetin e Fierit, Nga të dhënat e fundit raportohet se uji është shumë afër pompave që ndodhen në Kafaraj.
Drejtori i Ujësjellësit të Fierit, Salarjon Totaj theksoi për News24 se nga 12 pompa në punë janë vetëm 3 pasi të tjerat janë përmbytur. Sipas Totaj, Ujësjellësi po punon me kapacitet të ulët, ndërsa punonjësit po evakuohen me gomone.

Mësohet gjithashtu se rreth 250 hektarë tokë janë përmbytur në fshatrat Hekal. Kut, Cakran, Frakull.

Gjirokastër, shembet rruga në lagjen muzeale, Dunavat
Ora 10:30- Si pasojë e reshjeve mësohet se është shembur sot edhe rruga në lagjen muzeale të Gjirokastrës. Rruga e lagjes Dunavat mësohet se lidh tre lagje të tjera, ndërkohë që nga prishja e saj mjetet s’mund të qarkullojnë. Përvec reshjeve, shembjen e rrugës e kanë favorizuar edhe rrëshqitjet.

Banorët e Bërdicës: Më mirë të na mbysin fare
Ora 10:25- Pas përmbytjeve vjen edhe reagimi i banorëve të Bërdicës. Sipas tyre, uji ka vërshuar dje rreth orës 20:00 duke rrethuar shtëpitë e tyre. “Nuk u paralajmëruam për këto vërshime ujërash. Nuk e kuptojmë se çfarë po bëhet me ne. Nuk është hera e parë që ne përmbytemi”, thonë ata.

Banorët shprehen të irrituar, pasi sipas tyre ende nuk kanë marrë dëmshpërblimet nga përmbytjet e vitit 2010.

“Dëmshpërblimet e 2010 nuk na i kanë dhënë ende. Më mirë të na mbysin fare”, thonë ata. 

“Na ka hyrë uji brenda në shtëpi rreth 50 cm. Uji ka ardhur në mënyrë të menjëhershme nuk mundëm të shpëtojmë gjë. Kemi dëme të shumta materiale”, thotë një banor.

Ndërsa një tjetër shprehet, “Nuk ma mori mendja që uji do vërshonte menjëherë, në tv dëgjuam që nuk ka rrezik”.

Rrëshqitje dherash, bllokohet aksi Gramsh-Korcë
Ora 09:58- Rrëshqitje dherash edhe në aksin Gramsh- Korçë. Situata atje bëhet më problematike pasi të bllokuar në rrugë kanë mbetur dy autobusë më pasagjerë. Autobusët që kanë mbetur në rrugë janë të linjave Gramsh-Korçë e Moglicë-Korçë. Rruga është bllokuar në vendin e quajtur Moglicë.

Mësohet se drejt Moglicës është nisur një fadromë për të hapur rrugën.

Përmbytje në Durrës, del nga shtrati Erzeni
Ora 09:40- Probleme me përmbytjet edhe në Durrës. Si pasojë e daljes nga shtrati të lumit Erzen sipërfaqe të tëra toke janë përmbytur. Kështu në Sukth janë përmbytur kryesisht tokat bujqësore. 

Ndërsa në Shijak 6 familje janë izoluar, pasi uji ka rrethuar banesat e tyre. E njëjta situatë paraqitet edhe në Katund të Ri, ku banesat janë të rrethuara nga uji.

Bulqizë, shembet ura, izolohen 4 fshatra
Ora 09:32- Si pasojë e reshjeve të dendura është shembur ura Kamerrjet nqë komunën Zerqan të Bulqizës, duke izoluar kështu 4 fsahtra që lidheshin me të.

Rrëshqitje dherash, bllokohet aksi Këlcyrë-Përmet
Ora 09:23-
Rrëshqitja e një masivi dheu është bërë shkak për bllokimin e aksit rrugor Këlcyrë-Përmet. Rruga është bllokuar në vendin e quajtur Kuqar.

Mësohet gjithashtu se drejt këtij aksi është nisur një fadromë për të hapur rrugën.

Shkodër, 4900 ha tokë nën ujë, evakuime të shumta
Ora 09:10- Shtabi i Emergjencave bën me dije se në Shkodër janë rreth 4900 ha tokë të përmbytura në total. Rreth 315 shtëpi janë krejtësisht të izoluara. 

Në zonat periferike të Shkodrës, si në Ajasën mësohet se janë evakuuar rreth 20 familje, ndërkohë që në Bërdicë janë evakuuar 55 të tjera. Edhe në Bahçallëk janë evakuuar 20 familje, ndërsa 25 të tjera në Kuç.

Sipas Shtabit të Emergjencave niveli i ujit në Shkodër krahasuar me një natë më parë ka rënë me 40%.

Krujë, del nga shtrati lumi Ishëm, qindra ha nën ujë
Ora 08:50-
Të prekura nga përmbytjet janë edhe disa komuna në Krujë. Si pasojë e daljes nga shtrati të lumit Ishëm ka përmbytje në kom unin Bubq e Thumanë. 40 familje në këto zona janë izoluar brenda shtëpive të tyre, ndërsa uji ka rrethuar oborret. Niveli i ujit në këto zona është rreth 60 cm. Pritet evakuimi i një familje në Bubq.

Në Morqinë, Bilaj, Mallkuc, Mazhë sipërfaqja e përmbytur është rreth 500 ha tokë. Përmbytje ka edhe në fshatin Dukagjin e Miliskajë. Shkak i përmbytjeve në këto fshatra është bërë mosfunksionimi i hidrovoreve.

Elbasan, del nga shtrati Devolli, i pakalueshëm aksi Elbasan-Gramsh
Ora 08:30- Si pasojë e reshjeve të dendura ka dalë nga shtrati në mesnatë edhe lumi Devoll. Për pasojë aksi rrugor që lidh Elbasanin me Gramshin është i pakalueshëm për automjetet.

Qarkullimi në këtë aks bëhet vetëm nëpërmjet rrugës së vjetër.

Fier, Vjosa del nga shtrati përmbyten 100 ha tokë
Ora 08:10- Lumi Vjosë ka dalë nga shtrati edhe në Fier, duke përmbytur 100 hektarë tokë. Përmbytjet janë shkaktuar sot rreth orës 06:30 të mëngjesit në fshatrat Hekal dhe Kutë të Mallakastrës. Përmbytje si pasojë e daljes së Vjosës ka patur edhe në fshatrat Tojkan dhe Cerven të komunës Frakull.

Mësohet se lumi Vjosë është shumë afër pikës kritike, 6,7, ndërkohë që pika kritike është 7.

Ndërkohë që prurjet rriten, prezente ëshrtë policia me barkat e shpëtimit. Gjatë natës në vendngjarje ka qënë edhe Bordi i kullimit, FNSH, shtabet e komunave. 

Shkodër qindra ha nën ujë, përmirësohet situata në Bërdicë
Ora 08:00- Në Shkodër fshati Obot është izoluar nga uji, ndërsa niveli deri mbrëmjen e djeshme arriti në 70 cm. Sot situata paraqitet më e përmirësuar në harkun e Bërdicës, i cili u mbulua mbrëmë nga uji. 

Mësohet se sot uji është larguar nga kjo zonë. Situata duket më e përmirësuar edhe në lagjet periferike të qytetit të Shkodrës, Bahçallëk e Ajasën.

Vlorë, përmbyten 10 shtëpi në fshatin Fitore, rrezikohen 300 të tjera
07:40-
Situara paraqitet tepër e rëndë edhe në Vlorë, ku dalja e lumit Vjosë nga shtrati ka sjellë probleme të shumta, duke përmbytur toka e banesa. 

Mësohet se në fshatin Fitore shtëpitë e dhjetra familjeve janë përmbytur. Po ashtu përmbytje ka pasur në fshatrat Poro, Bishan, Delisuf, Dellinj. 

Nëse lumi Vjosë vijon me prurje të mëdha rrezikohen të përmbyten edhe 300 shtëpi të tjera.(BW/LajmeShqip.com)

 
Lajme Shqip Thursday, 14 March 2013 15:53

TIRANE – Moti i keq me shira e erëra të forta ka shkaktuar probleme të disa zona të vendit. Reshjet kanë rikthyer rrezikun e përmbytjeve, pasi portat e hidrocentraleve janë hapur për shkak të prurjeve masive. Shirat kanë shkaktuar rrëshqitjen e masiveve me inerte në segmentin rrugor Këlcyrë-Përmet, në vendin e quajtur Kuqar. Për këtë arsye u paralizua për disa orë qarkullimi i automjeteve në këtë aks, deri në ndërhyrjen e fadromave që bënë të mundur lirimin e rrugës. Ndërkohë probleme janë vërejtur edhe në zona të tjera të vendit. Dallgët e detit, që kanë arritur deri ne 8 balllë kanë bllokuar punën në porte.

Prurjet e shumta nga reshjet e dendura të shiut që kanë rënë ditët e fundit në vendin tonë kanë detyruar HEC-et e Ulzës dhe Shkopetit të hapin portat e shkarkimit. Mësohet se nga hapja e portës HEC-i i Ulzës derdhet 300 m³ ujë për sekondë, po ashtu edhe nga hapja e portës së Hec-it të Shkopetit.

Prurjet në hidrocentralin e Ulzës shkojnë në 140 m³/sec, ndërsa në HEC-in e Shkopetit janë rreth 190 m³/sec. Hidrocentrali i Ulzës punon me kapacitet të plotë prej katër turbinash dhe ai i Shkopetit po me kapacitet të plotë prej dy turbinash. Stafi i drejtues i këtyre dy hidrocentraleve bën të ditur se është në gatishmëri të plotë për menaxhimin e situatës.

Pak pas dy hidrocentraleve të para kanë hapur portat edhe Komani e Vau i Dejës. Mësohet se shkarkimet nga hidrocentrali i Komanit janë 700 m³ për sekondë, ndërsa prurjet 1160 m3/s. Prurjet anësore në Hidrocentralin e Komanit janë 150 m³ për sekondë. Nërsa Vau i Dejës shkarkon 500 m³ për sekondë, niveli aktual është 75.42 m, prurjet anësore 200 m3/s..

Niveli aktual i HEC-it të Komanit është 174.94 metra, ndërsa pika kritike 175.6 m.

Sipas burimeve në vendngjarje nëse situate e shkarkimit vazhdon të jetë e njëjtë, nuk ka rrezik për përmbytje në zonën e Nënshkodrës. Por, nëse shkarkimet rriten, rreziku rritet gjithashtu, duke vlerësuar faktin që reshjet në vend pritet të vazhdojnë. 

MOTI I KEQ, CEZ: JA QYTETET ME DEFEKTE
Ora 15:20 Shirat e stuhishëm dhe erërat e forta kanë dëmtuar mëngjesin e sotëm rrjetin e shpërndarjes së energjisë elektrike në disa qytete të vendit. CEZ Shpërndarje bën me dije se moementalisht janë pa energji Skrapari dhe fshatrat përreth .

Për shkak të përmbytjes së nënstacionit të Laçit, kanë mbetur pa energji qyteti dhe rrethinat e tij. Ndërkohë, parashikohet të stakohet energjia edhe në Lezhë, për shkak se niveli ujit po arrin pikën kritike edhe në nënstacionin e Lezhës.

CEZ Shpërndarje njofton se po merr të gjtiha masat për riparimin e defekteve dhe kthimin e energjisë elektrike.

BURREL- FURTUNA DËMTON RRJETIN E ENERGJISË
Ora 15:13 Shirat e stuhishëm dhe erërat e forta kanë dëmtuar mëngjesin e sotëm rrjetin e shpërndarjes së energjisë elektrike që furnizon qytetin e Burrelit. Për shkak të lëvizjes së tokës nga sasitë e mëdha të shiut dhe erës së fortë, janë dëmtuar dy shtylla të tensionit të mesëm në vendin e quajtur Muzhakë të Komunës Komsi, pranë varrezave të dëshmorëve. 

Pas njohjes së situatës, menjëherë specialistët dhe punonjësit e ÇEZ Shpërndarje Burrel, kanë shkuar në vendin e ngjarjes ku kanë nisur menjëherë riparimin e defektit. Mes stuhisë së erës së fortë dhe shiut papushim, specialistët kanë bërë të mundur zëvendësimin e shtyllës që ndodhej pranë varrezave të dëshmorëve të Rrethit Mat, duke e transportuar shtyllën e re prej betoni me krah për shkak të terrenit të vështirë.
Më shumë se 20 punonjës bënë të mundur vendosjen e shtyllës së re brenda pak orësh, ndërsa një grup tjetër arriti të ngrinte shtyllën e rrëzuar pranë rrugës Burrel – Komsi. Për ngritjen e kësaj shtylle u përdor një mjet tip vinç për shkak të peshës së madhe të saj. 

Ndërhyrja e menjëhershme e ÇEZ Shpërndarje Burrel, bëri që defekti të riparohej brenda një kohe të shkurtër. Sakaq, specialistët e ÇEZ Shpërndarje bënë kontrollin e përgjithshëm të rrjetit për të konstatuar ndonjë defekt të mundshëm përpara se të rikthehej energjia për qytetarët.

VELIPOJË, 100 HA TOKË BUJQËSORE E MBJELLË ËSHTË PËRMBYTUR
Nisin përmbytjet në Shkodër. Raportohet se ujërat kanë bllokuar rrugën drejt fshatit Obot, duke e bërë atë të pakalueshme nga mjetet.
Situata paraqitet problematike edhe në fshatin Cafë të Velipojës, ku mësohet se rreth 100 ha tokë bujqësore e mbjellë është përmbytur.
Në komunën e Velipojës është mbledhur ndërkohë shtabi i emergjencave. 

DURRËS, SHTABI I EMERGJENCËS: RREZIK PËR PËRMBYTJE JANË DISA BANESA 
Prefekti i qarkut bregdetar, Genc Alizoti, njëherësh edhe kryetari i Shtabit të Emergjencave Civile në shkallë qarku, deklaroi se, “problemet e shkaktuara nga reshjet e shiut janë më të dukshme në fshatrat e komunave Bubq dhe Fullanë, në rrethin e Krujës, ku janë përmbytur disa sipërfaqe tokë bujqësore, por fatmirësisht pa krijuar probleme në banesa.

Probleme të tjera për shkak të reshjeve janë shfaqur edhe në qytetin e Durrësit, kryesisht rrëshqitje dherash në kodrën e Currilave, si dhe në disa banesa në lagjen periferike në Porto Romano, në Durrës. Ndërkohë që stacioni i pompave të Porto Romanos aktualisht vazhdon të punojë me kapacitet të plotë, ndërsa është ndërprerë puna në stacionin e pompave të Hammallajt, ndonëse në atë zonë, deri tani nuk janë shfaqur porobleme . 

Prefekti i Durrësit kërkoi mbledhjen e Shtabit të Emergjencës së bashkisë së qytetit bregdetar, për marrjen e masave lidhur me rrëshqitjet në kodër Currila, si dhe banesat e ndodhura në zonat e përmbytura. Reshjet e shiut në Durrës, të cilat vazhdojnë të bien, sipas parashikimeve pritet të vazhdojnë përgjatë gjithë ditës, deri në mesnatë

SHKODER, DANI: NUK KA RREZIK PER PERMBYTJEN E BANESAVE
Shefi i Emergjencave Civile në Shkodër,Pëllumb Dani, bëri të ditur se portat e shkarkimit në hidrocentralin e Vaut të Dejës janë hapur rreth orës 08:30 të mëngjesit dhe menjëherë janë njoftuar kryetarët e komunave për situatën.

Dani theksoi se Emergjencat Civile janë në gatishmëri për çdo përkeqësim të mundshëm të situatës, duke siguruar banorët se momentalisht nuk ka asnjë rrezik për përmbytjen e banesave të tyre.

“Situata deri tani është normale pavarësisht shkarkimeve, rrezikohen toka bujqësore,por nuk ka asnjë rrezik për banesat.”- u shpreh Shefi i Emergjencave Civile në Shkodër.

NIKA: SITUATA NEN KONTROLL
Në një komunikim telefonik për News 24 nëndrejtori i KESH, Robert Niko sqaron se shkarkimet kanë nisur mëngjesin e sotëm. Sipas tij, drejtuesit e KESh po e ngjekin situatën nga afër.

“Deri më tani nuk kemi ndonjë problem shqetësues, situata është nën kontroll”, thotë ai.
Nëndrejtori i KESh shton se, “Në zonën mes Vaut të Dejës dhe Komanit SITUATA është më problematike pasi vijojë edhe reshjet e dendura të shiut”.

KESH: SHKARKIMET NE HEC-e, PER TE MENAXHUAR ME MIRE SITUATEN
Korporata Elektroenergjitike Shqiptare bëri të ditur se reshjet bollshme te ditëve të fundit kanë ndikuar ndjeshëm në përmirësimin e situatës hidrike në Kaskadën e lumit Drin. Sipas KESH-it, nga të dhënat më të fundit Fierza është në nivelin 287.18 m, prurjet 1000 m3/s; HEC Koman 174.94 m, prurjet 1160 m3/s; HEC Vau i Dejës 75.42 m, prurjet anësore 200 m3/s.

KESH sqaron se për të menaxhuar sa më mirë këtë situatë dhe në zbatim të rregullores ka nisur shkarkimin në HEC Koman dhe HEC Vau i Dejës. Në Hidrocentralin e Komani-t po punohet me 4 turbina/kapacitet maksimal dhe shkarkimet arrijnë në këto shifra: 600 m3/s nga porta dhe 670m3/s nga turbinat. Gjithashtu edhe në Hidrocentralin e Vau i Dejës po punohet me kapacitet maksimal duke punuar me 5 turbina dhe shkarkimet janë në shifrat e 600 m3/s nga portat dhe 520 m3/s nga turbinat.

“Marrja e vendimit për nisjen e shkarkimet po bëhet në zbatim të rregullores dhe të miratuar nga Sekretariati Teknik të Shkarkimit të Plotave. KESH sh.a është në gatishmëri të plotë për të menaxhuar sa më mirë këtë situatë dhe për të garantuar me energji elektrike konsumatorin shqiptarë. KESH sh.a po ndjek në vazhdimësi situatën dhe lajmëruan te gjitha instancat e nevojshme në lidhje me situatën aktuale.”-thuhet në njoftimin e KESH. 

MOTI I KEQ, RRËSHQITJE DHERASH NË PËRMET, VONOHEN TRAGETET NË VLORË E DURRËS
Moti i keq me shira e erëra të forta ka shkaktuar probleme të disa zona të vendit. Shirat kanë shkaktuar rrëshqitjen e masiveve me inerte në segmentin rrugor Këlcyrë-Përmet, në vendin e quajtur Kuqar. Për këtë arsye u paralizua për disa orë qarkullimi i automjeteve në këtë aks, deri në ndërhyrjen e fadromave që bënë të mundur lirimin e rrugës.

Ndërkohë në Portin e Vlorës dhe të Durrësit është vënë re një vonesë e ndjeshme e trageteve, që sjellin udhëtarë nga Italia, për shkak të dallgëve që kanë arritur deri në 7 ballë. Dalja e anijeve dhe peshkarexhave në det është pezulluar, po ashtu edhe nisja e trageteve drejt Italisë. Në Sarandë dallgët kanë arritur deri në 8 ballë, duke e bërë të pamundur funksionimin e linjës së trageteve Sarandë-Korfuz dhe anasjelltas.

Reshjet e dendura të shiut kanë filluar të krijojnë problemet e para, sidomos në lagjet periferike të Shkodrës, ku më e prekur në këtë drejtim shfaqet lagja “Mark Lula”. Shtëpi të tëra në këtë zonë janë bllokuar nga niveli i ujit që ka pushtuar oborret e tyre.
Banorë të kësaj zone pohojnë se uji ka depërtuar brenda mjediseve të shtëpive, duke shkaktuar edhe dëme materiale.

Intensiteti dhe ritmi i lartë i reshjeve gjatë dy-tre ditëve të fundit, ka sjellë një rritje të konsiderueshme të nivelit të Liqenit të Shkodrës, por pa asnjë rrezik për të kapur kuotat maksimale që rrezikojnë përmbytjen. Problematike situata paraqitet në rrjedhën e lumit Kir. Ndërkohë që tendenca për të dalë nga shtrati ka edhe në pjesën kufizuese me lagjet periferike të qytetit, si dhe fshatin Kuç, ku pjesa më e rrezikuar duket ajo e fshatit Bardhaj, të komunës Rrethina, ku si rezultat i devijimit të shtratit normal të Kirit, rrjedha e ujit ka prekur tokat bujqësore, duke gërryer një pjesë të konsiderueshme të tyre. 

Rrëshqitje dherash ka patur edhe në zonën e Currilave në Durrës. Mësohet se rruga është e kalueshme vetën në njërin krah, nga Universiteti drejt Currilave. Edhe në Vlorë, shiu i dendur ka përmbytur disa rrugë të qytetit.

Ndërkohë në Burrel, era e fortë ka rrëzuar dy shtylla të tensionit të lartë në afërsi të Varrezave të Dëshmorëve, duke lënë pa energji një pjesë të qarkut të Dibrës. Momentalisht po punohet për rikthimin e energjisë elektrike.(BW/LajmeShqip.com)

 
Lajme Shqip Monday, 04 March 2013 20:15

TIRANË– Gjate seances se sotme plenare ne Kuvend, opozita kundërshtoi dhënien e licencës për Lotarinë Kombëtare kompanisë, ‘Austrian Lotteries’ duke akuzuar qeverinë se ajo ishte vendosur të shpallej fituese, para se të zhvillohej tenderi. 
Nga foltorja e Kuvendit deputeti Taulant Balla në emër të opozitës akuzoi qeverinë për afera korruptive, teksa tha se tenderi shqiptar nuk ka qenë në të njëjtat standarde me ato austriaket. Kundërpërgjigjet Bode: Kontrata transparente.

RAMA: DO KTHEJMË TË DREJTËN E PRONËSISË MBI KËTË LOJË
Ora 17:10
-Lidhur me debatet në seancën plenare mbi Lotarinë Kombëtare reagoi Kryetari i Partisë Socialiste, Edi Rama në rrjetin social, Facebook dhe Twitter. Sipas Ramës, argumentet e qeverisë janë vetëdisktretituese, ndërsa premton se PS do i kthejë publikut të drejtën e pronësisë mbi këtë lojë.

“Argumentat e qeverisë për Lotarinë Kombëtare krejt vetëdiskredituese! Ne do t’ia kthejmë publikut të drejtën e pronësisë mbi këtë lojë”, shkruan Rama në Twitter e Facebook.

BODE: LICENCA PO I JEPET NJË KOMPANIA QË DO INVESTOJË NË SHQIPËRI
Ora 15:40-Ministri Ridvan Bode duke theksuar se procesi mbi Lotarinë Kombëtare ka qenë një proces i hapur, transparent dhe i ligjshëm deklaroi gjithashtu se kompania së cilës iu dha licenca do të investojë në Shqipëri.
Më tej Bode vuri në dukje se “janë 28 kompani që posedojnë certifikatat e kërkuara, 50% të xhiros e merr lojtari, taksa do jetë 10% e xhiros”.

BRACE: MONOPOL SI KY I LOTARISË, QEVERIA KALOI CDO KUFI
Ora 15:00-Sipas deputetit Erion Brace, qeveria ka kryer privatizime të pasuksesshme si me CEZ, ALBPETROL, minierat e kromit dhe bakrit. Por Lotaria Kimbëtare, sipas Braces kalon cdo kufi.
“Ky i Llotarisë Kombëtare është më i rëndi! Edhe në këtë privatizim ka ndodhur gjithçka:

Së pari: “Privatizimi i personalizuar”-lloi i ri privatizimit, i paligjshëm, i sajuar nga Sali Berisha dhe këta, për të shitur me çdo kusht dhe vetëm tek klienti juaj; Së dyti: “Kalim monopol”-I zakonshëm vitet e fundit, madje i shoqëruar me garanci të forta per te ruajtur monopolin gjate gjithë periudhës nën kontrate.
Se treti: “Privatizim pa para”-unik në këtë rast, me qëllim favorizimin me çdo kusht te klientit tuaj;

Së katerti: “Privatizimi me garante të forta për blerësin”-rasti i dytë ky, për të vulosur marrëveshjen e pafavorshme e të paligjshme te bere, e per ta mbrojtur ate nga cdo proces i drejtë që kërkon te riktheje e mbroje interesin publik ne rastin me te pare.

Te gjitha te kryera nga Qeveria e Sali Berishes, ai personalisht.
Po Kuvendi?
Kuvendi eshte vene sot para zgjedhjes: mere ose lëre!!
Pa ditur gje mbi procedurat-as raporti i vlerësimit nuk i vihet ne dispozicin.

Thjesht i kërkohet të votojë, të cveshë shtetin nga nje e drejte ekskluzive për ta lëshuar si monopol dhe te mbrojtur, tek kompania shtetërore e një shteti tjetër.

E kuptoni cpo beni? Cdomethene “te ngjashme” dhe kush e percakton? Monopol si ky nuk ka patur kurre ne kete vend.

I hiqni shtetit te drejten e Llotarise Kombetare per 10 vjet dhe ja jepni nje kompanie, te ciles, i jepni te drejte edhe te nenkontraktoje!!! Nje gje eshte e vertete, qe e gjithe kjo histori nisi nga nenkontraktoret, ata e gjeten kompanine ne Viene, pas nje jave do i keni publik!!

Ne ane tjeter, ka mbi 5 vjet qe shoqata e te Verberve te Shqiperise ju kerkon vetem nje element te kesaj llotarie, vetem nje, ta administroje, te punesoje dhe te perdore te ardhurat per anetaret e saj si dhe te tjera kategori qe mbledhin persona me aftesi te kufizuara sic para e tetraplegjike.

Pse i rrefuzoni? Pse nuk o perfshini? Per me teper, pse I ndaloni ata qe ne te ardhmen te kene nje mundesi te tille?
Per me nevojtaret e njerezve ne nevoje ne kete vend!!
Vetem ju doni te merrni e fitoni!

Ju ne fund te mandatit tuaj po vendosni per 10 vitet qe vijne:
Keq, në mënyre të pa drejte, të pandershme, klienteliste, korruptive dhe me një dem kolosal në dhjetra milione euro për Buxhetin e Shtetit!!

Po i hiqni shqiptareve nga paratë e tyre dhjetra milione euro dhe po ja jepni këto para një kompanie, vetëm një”, tha Brace.

AHMETAJ: BERISHA GARANTOI MONOPOL PËR 10 VJET KOMPNISË
Ora 14:30 Deputeti socialist Arben Ahmetaj akuzoi qeverinë se i ka siguruar kompanisë fituese të Lotarisë Kombëtare, monopol për 10 vjet, për t’i lidhur duart opozitës kur të vijë në pushtet.

“Kontrata ka vetëm një qëllim, është shitur me çmimin më të ulët, dicka që nuk duhet të shitej dhe duhet ta mbante shteti. Ne e dimë përplasjet që kanë pasur palët për tenderit, qëllimi i saj është se kur të vijë opozita e sotme ta gjejë lotarinë monopol. Arsyeja është qe ti garantoi një operatori monopolin. Pse nesër të mos kemi 1, 2 ,3 Lotari Kombëtare. Qeveria i ka lidhur duart vetes dhe cdo qeverie në 10 vitet që vijnë një monopol dhe paprekshmëri. Lotaria Kombëtare do anulohet dhe nuk ka rëndësi sa klauzola keni venë për ti lidhur duart Republikës së Shqipërisë, por po ju themi asnjë nuk mund t’ia lidhë”, tha Ahmetaj.

MALAJ: KOMPANIA AUSTRIAKE JU KA IMPONUAR NJË KONTRATË PËRCMUESE
14:30- Deputeti i Partisë Socialiste, Arben Malaj deklaroi nga foltorja e Kuvendit se kontrata për Lotarinë Kombëtare nuk i jep asnjë ndihmë biznesit. Ndër të tjera, Malaj theksoi se ajo është përcmuese ndaj autoriteteve tona.

‘Kompania austriake ju ka imponuar një kontratë përcmuese. Në disa pika të saj thuhet se autoritetet shqiptare nuk mund të revokojnë, ndryshojnë dhe pezullojnë pjesërisht apo plotësisht pjesë të kësaj kontrate. Nëse ministria mendon të vendosë gjobë duhet të njoftojë paraprakisht kompaninë. Cdo të thotë kjo? Kjo kompani e paska nënshtruar ministrinë”, shtoi Malaj.

BODE: NË SHQIPËRI, KOMPANIA 2,3% TAKSA MË SHUMË SE NË AUSTRI
14:10- Ministri i Financave Ridvan Bode gjatë diskutimit për Lotarinë Kombëtare ka deklaruar se në Shqipëri lecenca është me pronësi 100% private, ndërsa në Austri janë të përfshira edhe autoritetet shtetërore, krahas atyre private. Bode ka kundërshtuar pretendimet e opozitës së ne Austri licenca është tërësisht shtetërore.

Ai deklaroi më tej se në vendin tonë, “2,2% e xhiros do të shkojë për të mbështetur individë me sëmundje specifike, sportin e shumë kategori të tjera”.

Bode tha më tej se procesi për dhënien e licencës ndaj kompanisë austriake në vendin tonë ka qënë transparent. “Kompania është e madhe dhe e besueshme”, tha ai.

“5% e xhiros do paguhet nga lojtarët, në Austri nuk bëhet. Në Shqipëri do paguhet edhe tarifë mbikëqyrje. Tatim mbi xhiron, ose TVSH në lotarinë tonë, në Austri nuk ka ne kemi, tarifën e licencës ne e kemi shumë të vogël”, tha Bode ndërsa shtoi se “Kemi taksuar me 2.3% më shumë se Austria kompaninë”. 

BALLA: PROCESI KORRUPTIV
14:00-
Nga foltorja e Kuvendit deputeti i PS, Taulant Balla akuzoi qeverinë për afera korruptive, teksa tha se tenderi shqiptar nuk ka qenë në të njëjtat standarde me ato austriaket.

“Kjo qeveri po sillet si ushtri pushtuese. Kjo seancë parlamentare është klienteliste dhe e korruptuar, si thirret në një ditë si për të privatizuar si për të dhënë licenca. Berisha po bën aktin e turpit të vet, po ikën Berisha, po ikën si hajdut. Ne nuk jemi kundër privatizimeve, por këto prona po falen me cmime nën vlerën e tyre reale, nuk ka qeveri në botë që tre muaj para zgjedhjeve të shesë pronat e shqiptarëve, sot Berisha po mbyll edhe pazarin e fundit, pazarin e Lotarisë Kombëtare. Lotaria Kombëtare nuk mund të shitet në kushtet e Shqipërisë tonë, pasi ai është element për financimin e programeve të sportit. Ka vetëm një mundësi që të rilindë sporti, vetëm nëse do mbështetet në aspektin financiar. Eksperienca a evropian thekson se shkëlqimi i sportit ka në bazë financimin nga lotaria Kombëtare. Pas 23 qershorit do e vendosin Lotarinë e Kombetare të shërbim të sportit”, deklaroi Balla.

Duke renditur argumentet Balla tha e procesi është dëmtues për buxhetin e shtetit si dhe një akt korruptiv duke paralajmëruar se me ardhjen në pushtet do e anulojnë. Balla shtoi se ka vend edhe për hetim si dhe vënien para përgjegjësive të përgjegjësive.

“Është kurruptive, pasi është Pazar i mbyllur shumë kohë më parë që të zhvillohet tenderi. Kriteret që Berisha përdori në tenderin e dhënies së kësaj licence ishtin përjashtuese. Qeveria vendosi si kriter disponimin e dy certifikata për blerësin. Këto certifika lëshohen nga shoqata botërore kombëtare, ndaj u përjashtuan lotarinë me famë botërore. Qeveria nuk vendosi cmimin, por e caktoi çmimin e fiksuar, vetëm këta mund të bëjnë një gjë të tillë, që të fiksohet çmimi 3.5 mln euro. Shqipëria ka vendosur cmim më të ulët në botë për shitjen e licencës. Pretendimet e kësaj qeveria të korruptuar sec cmini e ulët do e kompensojë më taksa të larta ndaj kompanisë fituese janë mashtrime. Qeveria thotë se përvec taksave të zakonshme do të pagojë një tatim shtesë mbi10%. Është dëmtuese për buxhetin e shteti dhe akt korruptiv, në këtë kontratë ka shkelje të mjaftueshme për ta anuluar pas 23 qersorit, dhe ka vend për hetim të plotë dhe vënien para përgjegjësive të të kësaj adminsitrate te korruptuar”, paralajmëroi Balla.(LajmeShqip.com)

 
Lajme Shqip Monday, 04 March 2013 12:58

TIRANE – Kreu i qeverise, Sali Berisha duke folur ne Kuvendin e Shqiperise, pas akuzave te opozites per privatizimet ka deklaruar se parate e marra prej tyre duhen per investime dhe shnderrohen ne te mire direkte per qytetaret.

Ai ka keshilluar opoziten te punojne e te shqetesohen per qytetaret dhe jo per karrigen e kryetarit te tyre.

“Ne përvec se i përmbahemi parimit tonë, ne i privatizojmë se ne energji blejmë por rrugët e shtruara si blejmë dot, duhet ti shtrojmë vetë, se shkolla të reja nuk importojmë dot, na duhen para për të ndërtuar shkolla, se po ndërtojmë dhjetëra të tjera, por subvencionet për ullishtet, arrorët, nuk sjellim dot, na duhen para për ju, ne spitalet të reja nuk importojmë dot, na duhen para për to”- tha Berisha.

Sipas tij, maxhoranca e ka per ta dashur kete vend me probleme, por qe po i zgjidhen nje nga nje.

Ai ka thene se do te jete shume e afert dita qe kur kombet e tjera do paguajne me shume se sot shqiptaret, keta do te blejne energjine me kosto me te ulet qe ekziston, ate ujore.

“Nëse ne privatizojmë, ne privatizojmë që paratë e tyre t’i shndërrojmë në një të mirë të madhe, direkte për qytetarin shqiptar. Informoj shqiptarët se është politika e vendosur e kësaj qeverie, e cila ia doli në mënyrë të suksesshme të ndërmarrë, të hapë siparin e ndërtimeve më të mëdha hidro energjetike të vendit. Për 30 vjet me radhë, ujërat e vendit u derdhën në dete e liqene si të pavlerë, është 2007, viti që shënoi kthesën vendimtare në drejtim të potencialit ujor të madh të vendit”- tha ai.

Brace: Kuvendi, lavatrice e Berishes. Po shet HEC, si te jene domate

Debate ne Kuvendin e Shqiperise per projektligjin per privatizimin e kater HEC-eve, të Bistricës, Bistrica 1, Ulzës dhe Shkopetit.

Deputeti i PS-se, Erjon Braçe ka akuzuar qeverine dhe kryeministrin per kete privatizim te paligjshem, ne dem te vendit dhe ne interes te Berishes.

Sipas Braces, ky privatizim i radhes thellon krizën e sektorit vecanërisht KESh-it.

“Këtu ka ndodhur gjithçka, privatizimi i personalizuar,i paligjshëm, privatizim nën cmim, aplikuar në cdo rast, privatizimi me garante të forta për blerësin, të gjitha të kryera nga qeveria e Berishës. Kuvendi që shihni sot nuk di gjë, nuk ka marrë pjesë në proces, 80% e deputetëve nuk e njohin marrëveshjen që do të votojnë sot, Kuvendi është kthyer në lavatrice që lan e shplan marrëveshje të korruptuara në shitje të atdheut”- tha Brace.

Sipas tij, paratë bëjnë çudira në vend, që e kanë zhbërë kryeministrin në një pazarçi.

“Ministria sapo tha se ky ishte absurd, kush ishte ministri para jush, kryeministri i vendit? Si mund të thoni këtë për kryeministrin e vendit. Nuk është absurd, por standard. Privatizimi nën çmin, kryeministri po privatizon për të përfituar jo për të dalë nga kriza. 2 muaj më parë kryeministri i detyroi shitjen e Lana Bregasit, tek një kompani private. Tani po shet vetëm për 1.4 milionë euro për megavat. Rrezikohet me 3 herë rritja e çmimit të energjisë. Ky injorant kujton se po shet domate me shumicë. Unë dua ta pyes kush po i merr 100 milionë euro kryeministër”, tha Brace.

 

Haxhinasto: Proces transparent

Ministri i METE-s, Haxhinasto ka deklaruar se akuzat e opozites nuk qendrojne, pasi procedura e ndjekur per privatizimin eshte ne perputhje te plote me ligjin.

“Do përgjigjem për shumë të pavërteta që u thanë. Së pari sot diskutojmë për ratifikimin e një procesi, jo për vet ligjin për të privatizuar pasi ai ka 2 vjet që ka kaluar. Së dyti sa u takojnë dokumentave të politikave të privatizimit. Është edhe në strategjinë e PS ku thuhet qartë se pas privatizimit të sektorit të energjisë elektrike do kalohet në liberalizimin e sistemit”- tha ai.

Sipas ministrit, kjo  është vazhdimësi e qartë e politikave të filluara prej opozites dhe është në vijim të privatizimeve në vitin 200-2005 ku u dhanë
koncesion 31 HEC dhe u shitën 15.

“Pse është e nevojshme. I nevojitet buxhetit të shtetit, që është i gjithë shqiptarëve, dhe nga privatizimet përfitojnë gjithë shqiptarët për shkolla spitale rrugë etj.,  Nga pikëpamja strategjike rëndësia e këtyre HEC-eve ka rënë, pasi po ndërtohen shumë të tjera, me kapacitet shumë më të larta. Sa i takon çmimit që ju flisni, ai është mbi mesataren e shitjes së HEC të ngjashme. Çmimi mesatar është 1.4 milion euro për megavat. Sa i takon transparencës, është krejtësisht e plotë. Sa i takon punësimit është pjesë e marrëveshjes, që i gjithë detyrimi për të mbajtur në punë punëtorët është pjesë e saj”, tha Haxhinasto.

Deputeti i PS-se, Arben Ahmetaj, duke folur kunder ketij privatizimi ka deklaruar se ky privatizim eshte ne vijimin te atyre qe qeveria i ben ne kudnershtim me interesin e shqiptareve, ceshtje qe sipas tij do te marre zgjidhje menjehere pas zgjedhjeve te 23 qershorit.

Seanca e sotme ka nje sere projektligjesh te tjere krahas miratimit te privatizimit te 4 HEC-eve, të Bistricës, Bistrica 1, Ulzës dhe Shkopetit; ai i referendumit per tre ligjet e integrimit, Llotaria Komebtare etj.

Ne kete seance priten debate mes paleve, pasi opozita ka kundershtuar ashper privatizimin e HEC-eve, duke thene se do votoje kunder. Sipas saj, qeveria po shpejton te privatizoje gjithca para zgjedhjeve, ne dem te interesit te shqiptareve.

Nje seance me pare, opozita kerkoi heqjen nga kalendari të ligjit për privatizimin e katër HEC-eve, por me shumicen e maxhorances kerkesa u rrezua dhe kalendari i punimeve gjeti miratim.

Kontratat për blerjen e aksioneve të shoqërive “HEC Bistrica 1 dhe Bistrica 2” sha dhe “HEC Ulëz Shkopet” sha u nënshkruan më 11 shkurt 2013 nga METE dhe kandidatit fitues shoqëria “Kurum International”.

Kontratat u nënshkruan në zbatim të vendimit të qeverisë të datës 09 janar 2013, ku ofertat e shoqërisë “Kurum International” u kualifikuan si fituese për blerjen e 100 për qind të aksioneve të 4 HEC-eve.

Ndërkohë dy çështje të cilat pritet të shkaktojë debate në Kuvend është edhe ligji për llotarinë kombëtare dhe “Për mediat audiovizive” për të cilat opozita tashmë ka deklaruar votën kundër.(LajmeShqip.com)

 
Lajme Shqip Tuesday, 12 February 2013 17:56

TIRANE – Shoqëria “Kurum International “ sha nënshkuan me Ministrinë e Ekonomisë kontratën për blerjen e 100% të aksioneve të 4 HEC-eve, përkatësisht, Bistrica 1, Bistrica 2, Ulëz dhe Shkopet.

Po sot ky vendim për blerjen e 100% të aksioneve është miratuar edhe nga Këshilli i Ministrave.

“Me VKM-të nr. 26 dhe nr. 27, datë 09.01.2013, Këshilli i Ministrave miratoi ofertat e shoqërisë “Kurum International “ sha, si fituese për blerjen e 100 për qind të aksioneve, përkatësisht të shoqërisë “HEC Bistrica 1 dhe Bistrica 2” sha dhe shoqërisë HEC Ulëz Shkopet sha, si dhe ngarkoi Ministrinë e Ekonomisë, Tregtisë dhe Energjetikës të negociojë dhe të nënshkruajë kontratat me kandidatin fitues”, theksohet në deklaratën e METE. 

Kontratat do të kalojnë më pas për miratim në Këshillin e Ministrave e Parlament.

“Në zbatim të këtyre vendimeve, më datë 11 Shkurt 2013, Ministria e Ekonomisë, Tregtisë dhe Energjetikës, nënshkroi me kandidatin fitues shoqërinë “Kurum International” sha, marrëveshjet përkatëse për blerjen e aksioneve të shoqërive “HEC Bistrica 1 dhe Bistrica 2” sha dhe “HEC Ulëz Shkopet” sha. Në vijim të procedurave, kontratat do të kalojnë për miratim në Këshillin e Ministrave dhe organet e tjera përkatëse sipas ligjit, dhe së fundi në Parlament”, thuhet më tej në deklaratë.(LajmeShqip.com)

 
Lajme Shqip Friday, 21 December 2012 18:22

Tirane – Ministria e Ekonomisë hapi zyrtarisht ofertat për shitjen e 4 hidrocentraleve të vogla, dy Bistricat dhe Ulëz Shkopetin.

Në tenderin e parë që përfshinte shitjen e dy hidrocentraleve të Bistricës, u paraqitën shtatë oferta, por çmimin më të lartë e ofroi kompania ‘Kurum’.

“Oferta financiare e ‘Kurum’ eshte 52 milione euro”, tha zevendesministri i Ekonomise Sokol Dervishaj.

Edhe në tenderin e dytë, atë për shitjen dy hidrocentraleve të tjerë, Ulzës dhe Shkopetit, çmimi më i lartë ndër 4 ofertat e paraqitura u ofrua sërish nga kompania ‘Kurum’.

Komisioni po shqyrton dosjet dhe do të shpallë fituesin mbi bazën e një sistemi pikëzimi që përfshin ofertën financiare dhe atë teknike në një proces që zgjat minimumi një javë deri në një muaj pas mbledhjes së ofertave. 4 hidrocentralet e nxjerra në shitje kanë një kapital të regjistruar prej rreth 10.7 miliardë lekësh.

Kjo është hera e dytë kur Qeveria tenton të shesë këto katër hidrocentrale të ndara në dy shoqëri të veçanta. Herën e parë tenderi dështoi sepse në të nuk u paraqit asnjë ofertë, çka e detyroi Qeverinë të ndryshonte Ligjin e Privatizimeve, duke dhënë më shumë garanci për blerësit, përfshirë dhe një çmim më të lartë me të cilin ata do e shesin energjinë e prodhuar tek Korporata Elektroenergjetike. Përfundimi me sukses i tenderit, do t’i mundësojë Qeverisë që në total të arkëtojë rreth 110 milionë euro nga shitja e këtyre hidrocentraleve, para të cilat pritet të përdoren si investime në muajt e parë të vitit të ardhshëm, përpara se vendi të shkojë në zgjedhjet e përgjithshme parlamentare.

Në Ligjin për Buxhetin e Shtetit, Qeveria i ka dhënë të drejtë vetes që t’i përdorë paratë e privatizimeve pa miratimin e Kuvendit, çka shkaktoi debate të forta mes mazhorancës dhe opozitës.(T.CH)

 
Lajme Shqip Thursday, 20 September 2012 17:47

Tiranë – Bilanci më i fundit energjitik i Shqipërisë pasqyroi ndryshime të rëndësishme strukturore, të cilat po ndikojnë mbi ekonominë. Për herë të parë studimi periodik i INSTAT regjistron një rritje të ndjeshme prodhimi nga impiantet private dhe ato të dhëna me koncension për afate të ndryshme. Vlerësohet se në këto hidrocentrale private prodhimi i energjisë u rrit 62 për qind krahasuar me një vit më parë.
 
Megjithatë në hidrocentralet e mëdha shtetërore prodhimi u ul me rreth 20 për qind, dhe kjo solli ndikimin kryesor në rënien e burimeve të energjisë elektrike. Shkaqet janë natyrore, thonë ekspertët, prej verës së thatë dhe gjendjes së ujërave në liqenet e hidrocentraleve, por edhe prej rënies së konsumit të energjisë në tërësi.
 
Analistët pohojnë se qytetarët dhe bizneset po konsumojnë më pak energji elektrike, duke përdorur burime të tjera energjie si gazi, duke mos u përballur më faturat kritike të CEZ-it. Të dhënat e fundit tregojnë se përdorimi i energjisë elektrike nga konsumatorët është ulur me afro 27 për qind krahasuar me një vit më parë. Konsumi në familje u ul me 17 për qind, megjithëse familjet mbulojnë edhe kështu rreth 60 për qind të energjisë së harxhuar. Ndërsa energjia e konsumuar nga bizneset u ul me 38 për qind, krahasuar me një vit më parë.
 
Statistikat tregojnë humbje të mëtejshme të energjisë në rrjet. Sipas të dhënave më të fundit, po aq sa është ulur konsumi nga familjarët dhe bizneset po aq janë rritur edhe humbjet në rrjet, që deri tani kanë shkuar në maksimumin historik prej 50 për qind. Humbjet në rrjet janë rritur deri në 50 për qind, dhe aktualisht këto humbje përbëjnë afro 50 për qind të sasisë së energjisë së përdorur faktikisht në vend.
 
Studiuesit pohojnë se të gjitha këto humbje janë humbje joteknike, pra janë vjedhje, abuzime dhe mospagime faturash të energjisë nga përdoruesit. Kompania CEZ nuk po mundet ende të kontrollojë rrjetin e shpërndarjes apo të bëjë investime të ndjeshme për të ulur këto humbje, ndërkohë që po përpiqet kryesisht të përmirësojë mbledhjen e faturave të papaguara të energjisë.
 
Aktualisht Shqipëria prodhon vetë 55 për qind të energjisë gjithsej dhe thuajse po aq vidhet në rrjet nga abuzuesit. Pjesa tjetër rreth 45 për qind e energjisë vjen nga importi dhe shkëmbimet e energjisë me vende të tjera.
 
Ndërkohë që shifrat e humbjeve përkeqësohen, një pjesë e qytetarëve ankohen për çmimet e energjisë, faturat e shtrenjta të pamotivuara, një pjesë paguajnë rregullisht, dhe një pjesë protestojnë duke u mbledhur pranë centraleve elektrike, por në Shqipëri ka ende zona të tëra që nuk e paguajnë energjinë prej shumë vitesh. (LajmeShqip.com)

 
Lajme Shqip Tuesday, 18 September 2012 16:20

Shkodër- Prej ditës së sotme, Hidrocentrali i Ashtës nisi zyrtarisht prodhimin e energjisë elektrike dhe shpërndarjen e tij tek konsumatori.

Starti zyrtar i punës në këtë veper të madhe energjitike, ndër më të më të rëndësishmet të ndërtuara mbi kaskadën e lumit Drin, u shoqërua me një ceremoni zyrtare, organizuar në mjedist e HC Ashtës, ku ishte i pranishëm edhe Kryeministri i vendit, Sali Berisha, Kryetarja e Parlamentit të Austrisë, Barbara Prammer, Kryetarja e Parlamentit të Shqipërisë, Jozefina Topalli, Ministri  Ekonomisë, Tregtisë dhe Energjitikes, Edmond Haxhinasto, autoritet më të larta të qarkut Shkodër, specialistë të fushës së energjitikës nga Shqipëria dhe Austria, etj.

Ashta, 10 kilometra larg qytetit të Shkodrës, porta e fundit e lumit Drin përpara se ai të bashkohet me Bunën e më pas për tu derdhur në Adriatik, konsiderohet ndër veprat  më të rëndësishme energjitike me parametra moderne dhe bashkëkohore. Studimi për ndërtimin e kësaj vepre, i bërë shumë vite më parë, gjeti zbatim në projektin mjaft ambicioz dhe tepër bashkëkohor nga Verbund, kompania kryesuese e energjisë elektrike në Austri dhe prirëse ndër furnizuesit më të mirë të energjisë elektrike në Evropë.

Objekti  dallon jo shumë larg nga Ura e Spatharit, përgjatë aksit rrugor Shkodër-Mjedë, apo edhe nga krahu tjetër, ai Kryebushat-Mjedë. Pas fillimi të punimeve për një periudhë 30 mujore, përfundimi i  hidrocentralit të Ashtës parashikon në të ardhmen  prodhimin e 240 milion kw/orë elektricitet, duke bërë që 100.000 ekonomi shtëpiake shqiptare të furnizohen me energji elektrike,  ndërkohë që ndërtimi veprës do të krijojë vende të reja pune dhe dhe t’i japë një frymëmarrje pozitive rrethit të Shkodrës dhe vendit në përgjithësi.

Në hapje të takimit, Drejtori Menaxhues i “Energji Ashta” VERBUND, Dietmar Reiner bëri të ditur se ,pas një periudhe të shkurtër ndërtimi, prej pak më shumë se 30 muaj, dhe vetëm katër vjet pas nënshkrimit të marrëveshjes së konncenskionit, ne po festojmë përurimin e Hidrocentralit të Ashtës.”
    

Ndërsa, Peter Stelzer, Drejtor Menaxhues Energji Ashta, EVN, në përshëndetjen e tij citoi se “sfidat e veçanta me të cilat përballet një projekt ndërtimi si hidrocentrali i Ashtës janë ndër të tjera, natyra e tij ndërkombëtare dhe shumëgjuhëshe, ndarja e detyrave nëpër disa vende të ndryshme dhe përpjektjet e mëdha të koordinimit logjistik.” Falë angazhimit professional të  Energji Ashtës, EVN dhe VERBUND dhe atë të gjithë kontraktuesve, këto kërkesa ishin në gjendje që të realizoheshin në një mënyrë shumë të përgjegjshme, tha Stelzer.
    

Duke iu referuar fenomenit të përmbytjeve që shoqëroi dy dimrat  e kaluar zonën e Shkodrës, Peter Stelzer, shtoi se “përmbytjet që goditen Shkodrën në fillim të ndërtimit në vitin 2010, të cilat e zhyten të gjithë zonën dhe ndikuan negativisht në ecurinë e ndërtimit, shërbyen si test serioz për kompaninë tonë.  Pas kësaj, ne bëmë çdo gjë për të reduktuar në minimum efektet mbi pronat dhe mbi palën liçensuese, dhe nëse shohim pas jemi mëse të kënaqur me procedurën dhe rezultatet që kemi arritur.”

Ndërsa në përshëndetjen e tij, Kryeministri Berisha e cilësoi Hidrocentralin e Ashtës si një kryevepër të vërtetë të energjetikës në Shqipëri, në Europë e më gjerë dhe për vendin ditën e sotme si një ditë të veçantë, pasi HEC-i Ashta , tha ai “është hidrocentrali më i madh që ekziston sot me teknologjinë e turbinave matrix”.

Ndërsa  Kryeparlamentarja austriake, Prammer, duke shprehur kënaqësinë që ndodhej në përurimin e kësaj vepre madhore për Shqipërinë, dhe duke vlerësuar lidhjet e forta e të vjetra që ekzistojnë mes Shqipërisë dhe vendit të saj, tha se në këtë projekt është marrë parasysh mbrojtja e mjedisit, pasi mjedisi është një e ardhme dhe ne duhet të bëjmë përpjekje të vazhdueshme në mënyrë që ta ruajmë atë”.

Impianti është i ndarë në dy pjesë: “Ashta I” do të prodhojë rishtazi energji elektrike me anë të tubinave Hydro Matrix, aty ku përpara tre dekadash është ndërtuar rezervuari i Spatharës me digën kundër përmbytjeve dhe sistemet e vogla vaditëse për bujqësinë. Pas një kanali rreth pesë kilometër të gjatë, që shtrihet deri në thellësi në afërsi të fshatit Ashtë, Ashta II do të prodhojë energji elektrike për herë të dytë. Edhe këtu do të përdoren 45 turbina Hydro Matrix. Për të dy hidrocentralet e Ashtës këto pajisje do të furnizohen nga Andritz-Hydro AG, të cilat janë gjithashtu prodhim austriak.

Kapaciteti total i të dy centraleve elektrike (Ashta 1 dhe Ashta 2) është rreth 53 megavat (MË) dhe çdo vit do të prodhohen rreth 240 milion kilovat-orë energji elektrike. Kjo është rreth një e katërta e sasisë që mund të prodhojë hidrocentrali Freudenau në lumin Danub në Vjenë. Punimet e ndërtimit kanë filluar në mars 2010: vlera e investimit shkon në rreth 200 milion Euro.

Për këtë projekt është përdorur i gjithë spektri i njohurive dhe i ekspertizës në sferën e energjisë hidrike. Gjithashtu, projekti është realizuar sipas standardeve më të larta botërore dhe përbën gjithashtu ndihmën e parë të ndërtuar në Shqipëri për kalimin e peshqve. Nëpërmjet tij, për herë të parë që prej viteve ’70 të shekullit të kaluar, peshqit do të mund të notojnë të papenguar që nga rezervuari i Spatharës deri në detin Adriatik.

Projekti i hidrocentralit të Ashtës është ndërtuar sipas rregullave të Mekanizmit për Zhvillim të Pastër (MZHP) të Konventës Kuadër të Kombeve të Bashkuara për Ndryshimet Klimatike (KKKBNK). Ai nuk do të shkarkojë asnjë emetim të CO2 dhe duke qenë hidrocentral ai do të kontribuojë në kursimin e rreth 114 000 tonëve CO2 çdo vit. MZHP parashikon një dialog gjithëpërfshirës me grupet e interesit, dialog i cili këtu në Shqipëri është zhvilluar deri më tani në mënyrë unike. Përveç një menaxhimi profesionist të grupeve të interesit në nivel kombëtar, edhe palët e interesuara dhe ato lokale, si përfaqësuesit politikë të komunës, fqinjët dhe banorët, janë informuar gjerësisht nëpërmjet takimeve të rregullta të konsultimit publik.

E gjithë energjia elektrike e prodhuar në Ashtë do të blihet për 15 vjet nga Korporata Elektroenergjetike Shqiptare (KESH), furnizuesi publik shqiptar i energjisë elektrike. Pas kësaj periudhe, kontrata e blerjes së energjisë mund të zgjatet ose energjia elektrike mund të shitet në tregun e energjisë. Pas përurimit zyrtar të hidrocentralit, u vu në punë turbina e tij dhe u mbollë pemë dekorative në mjediset e jashtme të vepres energjitike.(LajmeShqip.com)