Lajme Shqip Saturday, 26 October 2013 14:42

Prishtinë- Familja Gorani nga Italia, ka humbur 2 milionë e 270 mijë e 524 euro në Kosovë.

Këtë shumë parash ata thonë se ua ka përvetësuar një biznismen nga Suhareka nëpërmjet mashtrimeve.

Gian Paolo Gortani, vëllai i tij Andrea Gortani dhe e ëma e tyre Maria Teresa Tondato, kishin themeluar një shoqëri aksionare në Kosovë.

Për parter kishin zgjedhur Aziz Tafajn (1967). Kishin themeluar shoqërinë “Imobiliare Friuli”. Investimi në Kosovë ka dalë të jetë shterp për ta.

Si rezultat i një denoncimi që kanë bërë në Prokurori, Aziz Tafaj, ishte arrestuar në fillim të vitit 2011, shkruan koha ditore.

Hetimet kundër tij kanë rezultuar me ngritjen e një aktakuze për shpërdorim të pozitës zyrtare kundër tij. Për të njëjtën vepër janë akuzuar edhe dy bashkëpunëtorë të tij. /tribuna/

 
Lajme Shqip Tuesday, 27 August 2013 16:38

Prishtinë – Burim Piraj, pronar i industrisë së mishit “Meka”, edhe me tutje nuk po mundet që prodhimet e tij t’i shpërndajë në tregun shqiptar.

Ai, por edhe prodhues të tjerë të kësaj natyre, ka qe dy javë që nuk kanë futur asnjë gram mish në territorin e Shqipërisë, pasi autoritetet doganore shqiptare në kufij i kanë kërkuar që brenda hapësirave ku gjendet i ngarkuar mishi, të kenë të vendosura termometra dixhital, që deri më tani nuk ishte kërkuar një gjë e tillë.
Piraj thotë se porosinë e termometrit e ka bërë menjëherë kur i është kërkuar, por deri më tani nuk ka arritur ta marrë. “Nuk është vetëm Shqipëria, por edhe të gjitha vendet fqinje të Kosovës po krijojnë barriera”ka thënë ai.
Sipas tij, edhe kërkesat e shteteve fqinje për produktet nga Kosova janë të veçanta dhe nuk i kërkohen vendeve të tjera.
“Kërkesat që bëhen nga Shqipëria për Kosovën, nuk bëhen për Maqedoninë, Greqinë, Italinë dhe vendet e tjera, por vetëm për produktet kosovare” tha më tej ai.
Piraj ka mbetur i befasuar se si institucionet e Kosovës nuk i kundërpërgjigjen me masa të njëjta produkteve të Shqipërisë.
“Parashtrohet pyetja se a kanë termometër dixhital me printerë të temperaturës automjetet që sjellin peshkun nga Shqipëria në Kosovë, ose kamionët që sjellin mish nga Shqipëria. Pse nuk kërkohet nga AUV që të aplikojë masa reciprociteti”ka thënë me tej Piraj.
Në anën tjetër, sekretari i Dhomës Ekonomike të Kosovës, Berat Rukiqi, thotë se “lufta” tregtare mes dy shteteve duhet të zgjidhen politikisht në mes dy qeverive të Kosovës dhe asaj të Shqipërisë.
“Shqipëria ka ndërtuar kësi lloj barriera, në mënyrë që të favorizojë prodhimet e saja vendore.”ka thënë ai .
Sipas tij, qeveritë e dy shteteve sa më shpejt që është e mundur, duhet ta zgjidhin këtë problem, për t’i hapur rruge zhvillimit të bizneseve në të dyja anët e kufirit
Po ashtu edhe të dhënat e Doganave të Kosovës të tregojnë fare qartë se prodhuesit kosovar kanë eksportuar shumë pak produkte në tregun shqiptar.
Zëdhënësi i Doganave. Adriatik Stavileci. thotë se sipas statistikave të shkëmbimit tregtar mes këtyre dy vendeve, vetëm përgjatë muajit qershor, mund të vërehet se Shqipëria eksporton në tregun e Kosovës dhjetë fish më tepër sesa eksporton Kosova për në tregun e Shqipërisë.
Sipas statistikave të Doganave të Kosovës, gjatë muajit qershor kompanitë nga Shqipëria kanë eksportuar në Kosovë produkte në vlere prej 11.747.870 milionë euro, kurse ato nga Kosova në Shqipëri vetëm 1.7466.067 milionë euro./Zëri/

 
Lajme Shqip Friday, 23 August 2013 09:59

Prishtinë- Mbi 30 milionë euro kanë hyrë në Kosovë brenda gjashtë muajve nga katër vende arabe. Zyrtarisht tregohen vetëm shtetet prej nga vijnë, por jo edhe kush i sjell ato dhe çfarë destinacionin kanë. Gazeta “Zëri” ka siguruar depozitat e këtyre milionave që vijnë nga disa shtete arabe. Sipas këtyre të dhënave, nga muaji janar, e deri në qershor të vitit 2012, në vendin tonë nga katër shtete arabe kanë hyrë hiç më pakë se 30 milionë e 13 mijë euro.
Pjesa më e madhe e tyre, më shumë se 25 milionë euro ka ardhur nga Emiratet e Bashkuara Arabe. Të hyra ka edhe nga Kuvajti, prej nga kanë ardhur 2,7 milionë euro për gjashtë muaj, rreth 900 mijë euro nga Katari, si dhe rreth 600 mijë euro nga Arabia Saudite. Këto të dhëna janë siguruar nga transferet bankare të regjistruara në Bankën Qendrore të Kosovës (BQK). Duke iu referuar të dhënave zyrtare që ka siguruar gazeta, shihet se gjatë pjesës së parë të vitit që lamë pas transferet e parave nga shtete arabe, janë rritur në krahasim me vitin 2011.
Gjersa gjatë gjashtëmujorit të parë të vitit 2012 nga Emiratet e Bashkuara Arabe në vendin tonë kanë hyrë 25 milionë euro, në vitin 2011 për 12 muaj kanë hyrë vetëm 14 milionë euro, e vërehet një rritje enorme e transfereve. Transferin e mjeteve nga katër shtete Arabe, e konfirmojnë edhe vetë zyrtarë të Bankës Qendrore të Kosovës.
“Sipas të dhënave të Bankës Qendrore të Kosovës, vetëm në gjashtëmujorin e parë të vitit 2012, kanë hyrë në Kosovë 30 milion euro, nga shtetet arabe. Shumica e tyre vijnë nga Emiratet e Bashkuara, në vlerë prej rreth 25 milion euro. Pastaj rreth 1 milion kanë hyrë nga Katari, afër 3 milion nga Kuvajti, dhe mbi gjysmë milioni nga Arabia Saudite”thuhet në përgjigjen e bankës dërguar gazetës.

 
Lajme Shqip Tuesday, 20 August 2013 12:42

Prishtinë – Punëtorët e Fondit të Kursimeve Pensionale të Kosovës (FKPK), janë më të paguarit në Kosovë. Paga e drejtorit gjeneral Adrian Zalli, është më e madhe se 5200 euro në muaj e që është e barabartë me pagat e pesë ministrave në Qeverinë e Kosovës.

Po ashtu, paga e drejtorit të FKPK-së është shumë më e madhe edhe në raport me pagat e drejtueseve tjerë të institucioneve të rëndësishme të pavarura në vend.
Paga mujore e ish- guvernatorit të Bankës Qendrore të Kosovës, Gani Gërguri, ka qenë rreth 3500 euro në muaj. Po kaq, është edhe paga mujore e Shkëlzen Llukës, i cili ka kohë që mban pozitën e drejtorit në Agjencinë Kosovare të Privatizimit (AKP).
Por, nuk janë vetëm menaxherët në FKPK që marrin paga të larta. Në bazë të një përllogaritje del se paga mesatare në këtë institucion është 1300 euro, rreth katër herë më e madhe se sa është paga mesatare në vendin tonë.
Por, përveç pagave, punëtoret e FKPK-së kanë edhe benificione tjera e që nuk i kanë institucionet publike e të pavarura në vend./Zëri/

 
Lajme Shqip Sunday, 02 June 2013 12:54

 

Kosova është një ndër shtetet me më se shumti dërgesa të emigrantëve të pranuara. Konsiderohet se 18 për qind e bruto-produktit të brendshëm, e përbëjnë remitencat.

Sipas të dhënave të fundit të Bankës Qendrore të Kosovës, më shumë se 605 milionë euro kanë arritur dërgesat e emigrantëve në Kosovë gjatë vitit të kaluar, apo rreth 20 milionë euro më shumë se në vitin 2011.

Njohës të çështjeve ekonomike në Prishtinë vlerësojnë se dërgesat e emigrantëve, të cilët për vite me radhë janë përdorur për konsum, duhet ta ndërrojnë fokusin e investimeve në Kosovë.

Naim Gashi, eksperti i ekonomisë, thotë për Radion Evropa e Lirë se dërgesat emigrantëve janë investime jo vetëm në familjet e tyre, por në gjithë Kosovën.

“Unë sugjeroj që ata të fillojnë të investojnë në ndërmarrje të vogla, në ferma prodhuese kooperativa bujqësore, iniciativa të vogla, dyqane zejtare të ndryshme dhe të fillojnë dalëngadalë që dërgesat për konsum që i kanë dërguar nëpër familjet e tyre, t’i orientojnë në investime”, konsideron Gashi.

Diaspora kosovare së fundi ka shprehur interesim për të krijuar fonde të veçanta zhvillimore, por deri më tani nuk ka pasur asgjë konkrete. Sidoqoftë, eksperti ekonomisë, Naim Gashi, thekson se investimi i diasporës në ndonjë ndërmarrje të vogël apo të mesme, do të ndikonte në zhvillim më të hovshëm ekonomik.

“Përmes kësaj do të gjenerojmë vende pune për familjarët e tyre, do të përmirësonim bilancin tregtar të pagesës me vendet e jashtme, do të forconim kapacitetet e prodhimit vendor dhe njëkohësisht do të gjeneronin një fitim simbolik për ata që investojnë në Kosovë”, thekson Gashi.

Thuhet se afër 25 për qind e popullatës, ose mbi 500 mijë emigrantë kosovarë jetojnë në vende të ndryshme të Evropës. Sipas një sondazhi të Institutit të Hulumtimeve Gallup, të bërë kohë më parë, pas anketimeve të zhvilluara në 135 vende të botës, del se Kosova radhitet lart në listën e vendeve që marrin remitenca, me 23 për qind apo me më së shumti në rajon.

Ministri i Diasporës, Ibrahim Makolli, konsideron se faktor kyç në zhvillimin ekonomik të vendit janë mjetet që dërgohen nga diaspora kosovare. Zhvillimi ekonomik i deritashëm i Kosovës, sipas tij, është si rezultat i remitencaveqë ata i kanë dërguar në Kosovë. Makolli konsideron se ka interesim të diasporës për të investuar në Kosovë.

“Ka një interesim më të madh në fusha të ndryshme, ne po përpiqmi t’i përkrahim. Në kuadër të kësaj, ne po veprojmë edhe me institucionet tjera, të cilat janë të thirrura për hartimin e politikave të investimeve dhe në këtë kuadër tashmë në Kosovë do të ketë një pako ligjore që do të parashohë lehtësime për investime nga ana e mërgatës sonë”, thotë Makolli.

Këtë interesim të mërgatës, thekson Makolli, ka përpjekje për ta konkretizuar në veprim. Ai tregon se për investimet që mund t’i bëjë mërgata, janë bërë lehtësira gati në të gjitha komunat e Kosovës.

 

 
Lajme Shqip Saturday, 01 June 2013 13:27

Prishtinë – Ambientin e të bërit biznes po e pengon burokracia nga agjenci të ndryshme qeveritare. Pengesa paraqet niveli lokal, ndërsa investimet e huaja nuk i sjellin ligjet dhe rregulloret, por një përvojë e mirë e tyre, thotë në një intervistë për Radion Evropa e Lirë, Mimoza Kusari- Lila, zëvendëskryeministre, njëherësh ministre e Tregtisë dhe Industrisë.

“ Burokraci ka në Kosovë, si në nivelin lokal, po ashtu edhe në atë qendror. Kushdo që thotë se nuk ka, nuk është e vërtetë. Për shkak se ka raste që ne, edhe në agjenci të ndryshme që i raportojnë Kuvendit, duhet të intervenojmë për përshpejtim të procedurave. Ka raste kur ato bllokohen, për interesa personale apo qëllime tjera që janë të sanksionuara me ligj. Por, që pavarësisht insistimit tonë, që të përshpejtohet procedura ose të shkojë në procedurë të rregullt, ka kokëfortësi apo rezistencë nga institucione të caktuara. Megjithatë, nuk duhet të anashkalohen përpjekjet dhe suksesi në shkurtimin e numrit të madh të burokracive të procedurave. Janë bërë përmirësime në regjistrimin e biznesit, janë bërë reduktime në dokumente sa i përket importit dhe eksportit të mallrave. Ndërsa, tani në këtë javë, presim në qeveri që të kalojë ligji ombrellë për leje dhe licenca, ligj ky që do të shkurtojë mbi 40 për qind të lejeve dhe licencave aktuale në Kosovë, në mënyrë që këto burokraci që po flasim, këto procedura të jenë më të pakta dhe më të shkurta. Ky është një hap i drejtpërdrejtë dhe konkret në luftimin e korrupsionit dhe dukurive, të cilat e dëmtojnë ambientin e biznesit”, ka thënë veç tjerash, ministrja Kusari-Lila.

 

 
Lajme Shqip Saturday, 18 May 2013 14:48

Në këtë manifestim, i cili mbahet nën patronatin e Kuvendit të Kosovës, i kryesuar nga shefi i Grupit Parlamentar të PDK-së, Adem Grabovci dhe deputeti i LDK-së, Lutfi Haziri, do të marrin pjesë përfaqësues të shteteve të ndryshme botërore, përfshirë SHBA-në, Gjermaninë, Britaninë e Madhe, Turqinë, Zvicrën, Izraelin, Jordaninë, Tajlandën, Shqipërinë, Greqinë, Serbinë, Rumaninë etj. Në mesin e këtyre pjesëmarrësve do të marrë pjesë edhe kongresmeni amerikan Robert Aderholt. Më shumë se 70 personalitete botërore e kanë konfirmuar pjesëmarrjen.

Kështu, nga 24 deri më 26 maj në Prishtinë do të organizohen “Lutjet e Mëngjesit” ose “Java e Tolerancës”. Në këtë eveniment, i cili është i pari i këtij lloj në Kosovë, do të marrin pjesë përfaqësues nga shtete të ndryshme të botës. Sipas një dokumenti të cilën e ka siguruar “Epoka e re”, deri më tani pjesëmarrjen në “Lutjet e Mëngjesit” e kanë konfirmuar më shumë se 70 përfaqësues të jetës politike, akademike, kulturore, ekonomike nga shtete të ndryshme të globit, përfshirë SHBA-në, Shqipërinë, Gjermaninë, Britaninë e Madhe, Turqinë etj. Gjithashtu, në mesin e atyre personaliteteve që e kanë konfirmuar pjesëmarrjen janë edhe disa përfaqësues të partive politike, akademike dhe biznesore nga disa shtete të cilat nuk e kanë njohur Kosovën si: Greqia, Serbia, Izraeli, Rumania, Bonja dhe Hercegovina, Jordani, Tajlanda etj.

Grabovci: Kjo dëshmon se Kosova është shndërruar në faktor paqeje.

Shefi i Grupit Parlamentar të Partisë Demokratike të Kosovës (PDK), Adem Grabovci, i cili është organizator i “Lutjeve të Mëngjesit”, e ka vlerësuar shumë të rëndësishëm këtë manifestim. “Rëndësia e kësaj jave është e veçantë për Kosovën. Është kënaqësi që kësaj radhe, në prag të jubileut të ‘Lutjeve të Mëngjesit’ për Evropën Juglindore, kjo ngjarje e madhe të mbahet në vendin tonë. Nuk është hera e parë që një manifestim i tillë mbahet në një vend ballkanik. Kjo ngjarje konsiderohet një nga ngjarjet më të rëndësishme për bashkimin e ideve të njerëzve nga mbarë bota për t’i promovuar paqen dhe lirinë si vlera thelbësore të demokracisë”, ka thënë Grabovci për “Epokën e re”. Në këtë kontekst, Grabovci ka deklaruar se Kosova është shndërruar në faktor paqeje dhe stabiliteti në rajon. “Rëndësi e veçantë është fakti se Kosova është shndërruar në një prodhues stabiliteti rajonal, e ky është një mesazh i fuqishëm për botën demokratike se Kosova është përcaktuar qartë për vlerat demokratike karshi kombeve të lira dhe qytetërimit modern perëndimor”, është shprehur Grabovci.

Po ashtu, ai ka bërë me dije se në kuadër të “Lutjeve të Mëngjesit” do të organizohen edhe disa ngjarje, të cilat, sipas tij, kanë një rëndësi të veçantë. “Në kuadër të kësaj jave do të ketë edhe ngjarje të rëndësishme siç janë: Takimi i tolerancës fetare, me përfaqësues fetarë nga mbarë bota, ku do të diskohet për çështjet e tolerancës fetare në botë, pasi Kosova shquhet për tolerancë fetare, do të vendoset guri i paqes për nder të viktimave të Hiroshimës. Ky gur ka ardhur nga Japonia si dhe do të vendoset pllaka përkujtimore për nderim të viktimave të Holokaustit”, është shprehur Grabovci.

Lista e personaliteteve ndërkombëtare që e kanë konfirmuar pjesëmarrjen në “Lutjet e Mëngjesit”
1. Robert Aderholt (SHBA)
2. David Besle (SHBA)
3. Lunn Dennehy(SHBA)
4. Stan Hiolmes (SHBA)
5. Bob Mecwen (SHBA)
6. Abigail Powell (SHBA)
7. Sergio Ramos (SHBA)
8. Lary Ross (SHBA)
9. Bill Wall (SHBA)
10. Trent Walters (SHBA)
11. Andy Williames (SHBA)
12. Dr. Frank LaGorotteria (SHBA)
13. Selvije Haraste (Kroaci)
14. Efthimios Navridis (Greqi)
15. Erol User (Turqi)
16. Drago Marijaseviq (Serbi)
17. Uros Pribiçeviq (Serbi)
18. Branimir Gvozdenoviq (Mal i Zi)
19. Rade Ljumoviq (Mal i Zi)
20. Efthymios Navridis (Greqi) 
21. Dr. Rajai Muasher (Jordani)
22. Byram Javat (UEA)
23. Alexandros Mallias (Greqi)
24. Nikos Theodoridis (Greqi)
25. Fatmir Mejdiu (Shqipëri)
26. Besnik Mustafaj (Shqipëri)
27. Klodian Gradeci (Shqipëri)
28. Arian Starova (Shqipëri)
29. Paul Petrie (Belgjikë)
30. Robert Milçev (Maqedoni)
31. Valon Saraqini (Maqedoni)
32. Vilma Trajkovska (Maqedoni )
33. Marian Munteanu (Rumani) 
34. Esad Muriq (Zvicër)
35. Uros Andrijaseviq (Mal i Zi)
36. Tamara Peshiq (Mal i Zi)
37. Nemanja Staroviq (Serbi)
38. Darko Mrvos (Serbi)
39. Phil Brinkmeyer (SHBA)
40. Djordjo Davidoviq (Bonjë dhe Hercegovinë)
41. Haki Abazi (SHBA)
42. Ambasador Jean Claude Schlumberg (OSBE)
43. Pachara Naripthapahan (Tajlandë)
44. Llazar Prodanoviq (Bonjë dhe Hercegovinë)
45. Samuil Petrovski (Serbi)
46. Lorat Balla (Hungari)
47. Jany Randall (Britani e Madhe)
48. Gavriel Hanna Gefen (Gjermani)
49. Milos Andjiq (Serbi)
50. Jim Neathery (SHBA)
51. Mounzer Fatfat (SHBA)
52. Drina Vlasteliq-Rajiq (SHBA)
53. Gloria Dimoco (SHBA)
54. Esma Bunjaku (Kosovë)
55. Ilija Vojnoviq (Serbi)
56. Zef Preci (Shqipëri)
57. Nikola Gaveski (Serbi)
58. Petar Piliq (Serbi)
59. Dr. Eli Nachat – kryetar (Izrael)
60. Jerko Ivankoviq-Lijanoviq (Bonjë dhe Hercegovinë)
61. Desina Radivojeviq (Bonjë dhe Hercegovinë)
62. Catalin Bancila (Rumani)
63. Plamen Nunev (Bullgari)
64. Svetlana Boynova (Bullgari)
65. Tanya Nedeva-Nuneva (Bullgari)
66. Emilja Rexhepi (Kosovë)
67. Dejan Vraçiq (Kosovë)
68. Dragan Sabljiq (Kosovë)
69. Drilon Muriqi KFOR-i Austriak 
70. Kapiten Jurgen KFOR-i Austriak
71. Kapiten Egarten KFOR-i Austriak
72. Gani Roshi (Kosovë)
73. Goran Marinkoviq (Kosovë)
74. Mladen Kuribak (Kosovë) 

 

 
Lajme Shqip Friday, 17 May 2013 23:33

Autoritetet në Bosnjë e Herzegoivë bllokuan të premtën shtatë prona të patundshme të Naset Kelmendit që përfshijnë katër shtëpi, dy banesa që gjendën në rrethinën e Sarajëvës si dhë hotelin Casa Grand në Iligjë.

Kelmendi gjendet në paraburgim në Kosovë dhe është arrestuar në bazë të një fletarresti ndërkombëtar të lëshuar nga Bosnja.

EULEX-i po mban procesin gjyqësor kundër tij pasi që Kosova e Bosnja nuk kanë marrëveshje ektradimi mes vete.

Kelmendi, 55-vjeçar, nga Peja është në listën e zezë të SHBA-së.

Departamentit i Thesarit në SHBA dyshon se Kelmendi ka udhëhequr një nga familjet më të forta kriminale shqiptare në Ballkan.

Ai përmendet si një drejtues i një organizate të madhe që merret me trafikimin e heroinës, kokainës dhe anhidridit acetik, një lëndë e parë që përdoret në prodhimin e heroinës, dhe në Evropë transportohet nëpërmjet Ballkanit.

 
Lajme Shqip Thursday, 16 May 2013 14:53

Pikërisht në kohën kur Ministria e Drejtësisë po e bën gati stafin për hapjen e burgut më të ri atij të Gërdovcit, dhe janë vetem disa ditë në pyetje për hapjen e këtij burgu, drejtori, Naim Maloku jep dorëheqje. Këtë veprim ai pritet ta zyrtarizojë nesër. Ka disa muaj që e ka paralajmëruar atë por thotë se nesër do ta bënë zyrtare.

Një gjë të tillë ai e ka konfirmuar dhe thotë se po e bën për arsye familjare.

Duke filluar nga 1 korriku, Maloku konfirmon që nuk do të merr pagë nga buxheti I shtetit  por do të ketë një punë tjetër, që ka të bëjë me prodhimin. Sa i përket politikës, thotë se nuk ka menduar nëse do të jetë aktiv ose jo.

Malokut nuk i duket lajm dorëheqja e tij. “E kam paralajmëruar që disa kohë dorëheqjen, kjo për shkaqe familjare, ashtu e kam përmendur edhe në paralajmërim. Ka të bëjë me familjen dhe nuk e di pse po ju duket lajm dorëheqja ime?! Sa drejtori jep dorëheqje, shkarkohet e çka jo tjetër”, thotë ai.

KosovaPress ka mësuar se ai do të jetë i angazhuar në prodhim, e që ka të bëjë me punën e tij që e kishte para se të futej në luftë, pra si inxhinier i kimisë.

Drejtori i burgut të sigurisë së lartë, thotë se projekti në fillim kishte mangësi por tashmë të gjitha punët janë rregulluar dhe shumë shpejtë ai do të jetë funksional, siç duhet. Maloku thotë se ka punuar me shumë përkushtim për sa ka qenë në këtë post dhe vlerëson se është bërë punë e madhe.

“Thuajse gjithçka ka përfunduar. Unë kam punuar gjashtë muaj edhe në Dubravë. Sa i përket burgut të Sigurisë së lartë deri me lugët dhe pjatat jam përkujdesur se si dhe çfarë do të jenë. Kapaciteti i tij do të jetë për 600 të burgosur ndërsa 1 milion e 800 mijë euro që kanë tepruar kemi projektuar një pjesë të re të objektit”, thotë Maloku.

Malokut për shkak të kushteve ekonomike veç i është nisur i biri me gjithë familje që të jetojë dhe punojë jashtë vendit.

I pyetur nëse do të jetë aktiv në politikë, thotë se është anëtarë i AAK-së por nuk ka menduar nëse do të jetë aktiv ose jo.

 
Lajme Shqip Monday, 13 May 2013 21:13

 

Nënkryetari i parë i Qeverisë serbe Aleksandar Vuiq ka deklaruar sot se hendeku ndërmjet autoriteteve në Beograd dhe përfaqësuesve të serbëve në Kosovë më nuk është “aq i thellë” dhe se së shpejti do të mund të merret vendimi i përbashkët në dobi të kombit. “Kjo ende nuk do të thotë se ata do ta pranojnë lehtë zbatimin e Marrëveshjes së Brukselit për normalizim të raporteve, të arritur në Bruksel më 19 Prill, por besoj shumë se gjatë ditëve të ardhshme do të marrim një vendim të përbashkët”, ka thënë Vuçiq duke e përmbledhur vizitën e vet në veri të Kosovës në fund javës.
Ai theksoi se takimi i tij i djeshëm me serbët e Kosovës ka treguar se “ata i besojnë shtetit të tyre”.
Mëtutje, Vuçiq ka veçuar se fëmijët serbë në shkolla nuk do të mësojnë sipas programeve shqiptare, ndërsa në “pjesën veriore kurrë nuk do të shkel ushtria shqiptare”.
Sipas tij, “me këtë marrëveshje perëndimi e pranon ekzistimin e Bashkësisë së komunave serbe”.
Vuçiq konsideron se ky dokument është rast që populli serb të mbijetoj në Kosovë dhe se “më nuk do të vërsulet në disfata”.