Lajme Shqip Saturday, 30 June 2012 11:40

Largimi i Bert Van Marvijk, i ka hapur rrugën kërkimit të drejtuesve të Federatës Holandeze të Futbollit për një trajner të ri, ku dy alternativat më të mundshme duken Rud Gulit dhe Ronald Kuman. Por ish-sulmuesi i Milanit është ai që gjendet në avantazh për momentin, pasi edhe vetë “rivali” i tij e ka vlerësuar si zgjedhjen e duhur për këtë post.

“Nuk është një sekret që kam si ambicie që një ditë të drejtoj Holandën. Por unë kam një kontratë me Fejenord dhe nuk ka asnjë klauzolë në të që më lejon të largohem. Është e sigurt që edhe vitin e ardhshëm unë do të jem në drejtimin e Fejenord”, ka pranuar Kuman në një intervistë për mediat holandeze. “Rud Gulit? Ai do të ishte një zgjedhje e mirë për stolin e kësaj përfaqësueseje”.

Ndërkohë, kanë vazhduar deklaratat e lojtarëve holandezë në mbështetje të të larguarit Van Marvijk. Këtë radhë ka qenë Dirk Kajt ai që ka folur fjalët më të mira për teknikun, edhe pse ai e la në stolin rezervave thuajse gjatë të gjithë Euro 2012.

“Më vjen keq që koha jonë me Van Marvijk përfundoi. Unë kam një lidhje të veçantë me të. U paraqitëm shumë mirë deri në Euro 2012. Sigurisht që do t’i telefonoj për ta falënderuar, sidomos për atë që bëri me kombëtaren në Botërorin 2010”, tha sulmuesi që para Evropianit firmosi për klubin e Fenerbahçe në Turqi. (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Portugali-Holandë         2-1

28’, 74’ K. Ronaldo / 11’ Van Der Vart

Danimarkë-Gjermani    1-2

24’ Krohn Dehli / 19’ Podolski, 80’ Bender

Renditja

Gjermani          9          5-2

Portugali          6          5-4

Danimarkë      3          4-5

Holandë           0          2-5

 
Lajme Shqip Thursday, 28 June 2012 08:01

Federata Holandeze e Futbollit bëri të ditur mbrëmë se Bert Van Marvijk ka dhënë dorëheqjen nga posti i tij si trajner i përfaqësueses holandeze. 60 vjeçari u largua nga ky post pas dështimit spektakolar të Holandës në Euro 2012, ku ekipi që cilësohej mes favoritëve, humbi të tre ndeshjet në grup.

“Me iniciativën e Bert Van Marvijk, Federata dhe trajneri vendosën që të ndërpresin kontratën mes palëve, vendim që hyn në fuqi menjëherë. Marrëveshja mes palëve ishte e vlefshme deri në vitin 2016”, ishte lajmërimi që u shfaq në faqen e internetit të Federatës Holandeze.

“Unë kam shumë dyshime, megjithatë kam vendosur ta marr këtë hap”, ishte deklarata e vetme që doli nga Van Marvijk pas mbledhjes së fundit me drejtuesit e futbollit holandez.

Një nga yjet e skuadrës holandeze, mesfushori Uesli Shnajder, ka treguar keqardhjen e tij për këtë vendim, duke mbrojtur punën e trajnerit i cili dy vite më parë i çoi në finalen e Kupës së Botës.

“Pas eliminimit nga Euro 2012 u thanë shumë gjëra, më vjen keq që vendimi është marrë kaq shpejt. Van Marvijk ka qenë gjithmonë pozitiv me këtë grup lojtarësh. Të gjithë e dimë se është e vështirë të jesh trajner i kombëtares. Këtu nuk ke të bësh vetëm me median, por edhe me 16 milion trajnerët që jetojnë në Holandë”, ishte komenti i mesfushorit. (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Portugali-Holandë         2-1

28’, 74’ K. Ronaldo / 11’ Van Der Vart

Danimarkë-Gjermani    1-2

24’ Krohn Dehli / 19’ Podolski, 80’ Bender

Renditja

Gjermani          9          5-2

Portugali           6          5-4

Danimarkë        3          4-5

Holandë           0          2-5

 
Lajme Shqip Monday, 25 June 2012 17:45

Legjenda e futbollit holandez, Johan Krujf, ia ka faturuar fajin për dështimin e Holandës në Euro 2012 Federatës së Futbollit të këtij vendi. Sipas tij, asnjë nga drejtuesit nuk mori masa për të ndryshuar disa probleme që ishin bërë të dukshme që disa muaj para aktivitetit.

“Çdo problem fillon nga maja. Ka patur gabime të mëdha, sidomos në vitin e fundit. Paraqitjet tona ranë nga niveli dhe asnjë masë nuk u mor”.

“Shumë skuadra kanë marrë gjithnjë e më shumë karakteristikat e futbollit holandez, ndërsa ne ishim pak a shumë e vetmja skuadër që nuk vepruam në këtë mënyrë. Çfarë ndodhi në Euro 2012 është rezultat i dy viteve më parë”.

Sipas tij ka ardhur koha që të shihet drejt një brezi të ri lojtarësh me perspektivë. “E vetmja dritë e dukshme ishte debutimi i Jetro Uillems. Ai ishte e vetmja risi që unë kam parë në kombëtare gjatë viteve të fundit”. (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Portugali-Holandë         2-1

28’, 74’ K. Ronaldo / 11’ Van Der Vart

Danimarkë-Gjermani    1-2

24’ Krohn Dehli / 19’ Podolski, 80’ Bender

Renditja

Gjermani          9          5-2

Portugali          6          5-4

Danimarkë      3          4-5

Holandë           0          2-5

 
Lajme Shqip Thursday, 21 June 2012 18:24

Rafael Van Der Vart ka pranuar se ka patur tension në kampin e Holandës para dhe gjatë fushatës së tyre të dështuar në Euro 2012. Lojtari i Totenhem, bashkë me sulmuesin Huntelar, ishin shkaktarë të një pjesë të polemikave pasi kërkonin një vend mes titullarëve, por përfunduan mes rezervave.

“Kishte probleme të ndryshme, por gjërat nuk ishin aq keq sa i pikturojnë njerëzit. Huntelar i nervozuar? Është e saktë! Bouma që godet doktorin e skuadrës? Është një shpikje!”, komentoi ai për “Kicker”.

“Sigurisht që dua të vazhdoj të luaj në kombëtare. Nuk mendoj se thirrjet për rinovim të kombëtares me drejtohen mua. Të gjithë duhemi fajësuar për atë që ndodhi, jo vetëm unë”.

Ndonëse ai ka patur polemika me trajnerin Van Marvijk, Van Der Vart tani mendon se ky i fundit duhet të vazhdojë punën e tij në stolin e përfaqësueses.

“Njerëzit shpesh marrin vendime të gabuara në nxehtësinë e momentit. Unë nuk kam asgjë kundër nëse Van Marvijk vazhdon punën e tij. Ai ishte i suksesshëm në Botëror dhe vazhdoi me të njëjtën skuadër, por shumë lojtarë nuk ishin në formën maksimale. Ky ishte një zhgënjim i madh. Mund të eliminohesh në një grup të tillë, po jo në këtë mënyrë. Unë i kuptoj kritikat, mënyra si luajtëm ishte e papranueshme”, tha futbollisti që ka luajtur 99 ndeshje me fanellën e Holandës. (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Portugali-Holandë         2-1

28’, 74’ K. Ronaldo / 11’ Van Der Vart

Danimarkë-Gjermani    1-2

24’ Krohn Dehli / 19’ Podolski, 80’ Bender

Renditja

Gjermani          9          5-2

Portugali          6          5-4

Danimarkë      3          4-5

Holandë           0          2-5

 
Lajme Shqip Wednesday, 20 June 2012 11:40

Mesfushori i Holandës, Uesli Shnajder, pretendon se një spiun brenda kombëtares ishte shkaku i eliminimit të parakohshëm të kësaj përfaqësueseje nga Euro 2012. Ai shfajësoi plotësisht trajnerin Bert Van Marvijk, ndërsa mendon se përgjegjësinë duhet ta mbajë shoku i skuadrës që “shiti” pjesën tjetër të ekipit te shtypi.

Pasi Holanda dhuroi paraqiten më të dobët në historinë e saj të pjesëmarrjeve në fazat finale të turneve, duke marrë zero pikë në tre ndeshje, shumëkush kërkoi që Van Marvijk të largohej nga drejtimi i përfaqësueses. Por Shnajder nuk e mendon në të njëjtën mënyrë.

“Nuk mund të fajësojmë trajnerin për zhgënjimin, ai bërë një punë të shkëlqyer me ne në katër vitet e fundit. Por kemi disa probleme brenda skuadre të cilat duhen zgjidhur para të tjerave, si për shembull kush është lojtari që i tregon shtypit planet tona taktike para ndeshjeve”, deklaroi ai për mediat holandeze pas kthimit në atdhe.

Ndërkohë, Federata Holandeze ka ndërruar mendje duke deklaruar se Van Marvijk ishte i paprekshëm dhe se do të vazhdonte punën e tij në drejtimin e përfaqësueses, ndonëse mediat holandeze janë të sigurta se aktualisht po kërkohet një zëvendësues për të. (LajmeShqip.com)

Grupi B

Holandë-Danimarkë     0-1

24’ Krohn Dehli

Holandë-Gjermani        1-2

73’ Van Persi / 23’, 38’ Mario Gomez

Portugali-Holandë         2-1

28’, 74’ K. Ronaldo / 11’ Van Der Vart

Renditja

Gjermani          9          5-2

Portugali          6          5-4

Danimarkë      3          4-5

Holandë           0          2-5

 
Lajme Shqip Monday, 18 June 2012 17:37

Përfaqësuesja greke, surpriza e deritanishme e Euro 2012, ka kaluar më shumë kohë gjatë të dielës duke u marrë me rezultatet e zgjedhjeve në vendlindje, sesa duke u përgatitur për çerekfinalet kundër Gjermanisë.

Por futbollistët kanë bërë të qartë se ndeshja kundër shtetit më të fortë të Eurozonës nuk do të kthehet në një çështje politike.

“Kjo ndeshje nuk do të ketë asnjë impakt mbi atë që ndodh në ekonomi apo politike. Po flasim për futboll, për sport”, deklaroi mesfushori Gianos Maniatis. “Ajo që ka rëndësi për ne është t’i japim pak kënaqësi grekëve, t’i bëjmë të festojnë pak pas gjithë asaj që po ndodh”.

Pasi Gjermania kërkoi masa më të rrepta ekonomike ndaj Greqisë, situata mes dy vendeve është tensionuar ndjeshëm dhe kjo mund të ketë pasoja edhe në këtë ndeshje futbolli.

“Ata (gjermanët) kanë në mendjen e tyre sikur e gjitha situata është rreth politikës”, tha zëdhënësi për shtyp i kombëtares greke, Panos Korkodilos. “Nuk është kështu, ky është thjesht futboll. Ai është karakteri i tyre, jo i yni”, tha ai.

Situata është ndezur edhe më shumë kur mediat gjermane publikuan lajmin se një nga zyrtarët e Federatës Gjermane, pas fitores me Danimarkën, kishte ftuar kancelaren Anglea Merkel në ndeshjen çerekfinale “që t’u dhembte më shumë”. (LajmeShqip.com)

Çerekfinalet

21.06.2012

R. Çeke-Portugali         20:45

22.06.2012

Gjermani-Greqi            20:45

23.06.2012

1C-2D                               20:45

24.06.2012

1D-2C                               20:45

 
Lajme Shqip Monday, 18 June 2012 13:00

Joakim Lëv ka insistuar se nuk është shqetësuar asnjëherë gjatë ndeshjes kundër Danimarkës nga kundërshtarët e tij, edhe pse gjatë një periudhe të takimit, skuadra e tij ishte vetëm një gol larg eliminimit nga Euro 2012.

Kur Portugalia po kryesonte ndaj Holandës, danezëve u duhej një gol për të fituar 2-1 dhe për të kaluar pikërisht gjermanët në renditjen e grupit. Por fatmirësisht për ekipin e Lëv, ishte mbrojtësi i tij Bender që gjeti rrugën e rrjetës duke i dhënë fund dilemave.

“Kisha një plan në mendjen time, e kisha menduar se si do të vepronim nëse Danimarka do të shënonte në ndonjë mënyrë një gol për të kaluar në avantazh. Por nuk e kisha asnjëherë këtë ndjenjë sikur ata do të gjenin rrugën e rrjetës, pasi Shvajnshtajger dhe Kedira ishin gjithmonë në kontroll të situatës. Isha i sigurt se do të shënonim ne”.

“Danimarka luajti me shumë qetësi dhe dukej sikur atyre as nuk u interesonte se si ndahej ndeshja. Nuk kisha asnjëherë ndjesinë se Danimarka po luante për të fituar. Ata deshën të ruanin rezultatin, ishin të lumtur me një barazim dhe nëse u jepej mundësia, të fitonin ndonjë goditje dënimi apo këndi. Por të them të drejtën, nuk është se sulmuan shumë. Ata thjesht qëndruan në pritje, edhe pse u duhej fitorja. Të kishim qenë kundër një skuadre tjetër si Portugalia apo Holanda, do na kishin vënë shumë më tepër në vështirësi në kushte të njëjta”.

Sipas tij, skuadra duhet të përmirësohet në krahasim me takimin kundër Danimarkës ku edhe ritmi i gjermanëve ra në përgjumje.

“Humbëm 3-4 raste dhe nuk kishim instinktin vrasës. Edhe Greqia do të bëjë të njëjtën gjë, do të mundohet të ulë ritmin si Danimarka. Ata janë të rrezikshëm në kundërsulm dhe të fortë në mbrojte, do të jetë një ndeshje e vështirë”, tha trajneri i Gjermanisë. (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Portugali-Holandë         2-1

28’, 74’ K. Ronaldo / 11’ Van Der Vart

Danimarkë-Gjermani    1-2

24’ Krohn Dehli / 19’ Podolski, 80’ Bender

Renditja

Gjermani          9          5-2

Portugali          6          5-4

Danimarkë      3          4-5

Holandë           0          2-5

Çerekfinalet

21.06.2012

R. Çeke-Portugali         20:45

22.06.2012

Gjermani-Greqi            20:45

23.06.2012

1C-2D                               20:45

24.06.2012

1D-2C                               20:45

 
Lajme Shqip Monday, 18 June 2012 08:40

Largimi i parakohshëm i finalistëve të Botërorit 2010, Holandës, nuk do të kalojë pa pasoja dhe vetë futbollistët janë të ndërgjegjshëm për këtë situatë. Ata e dinë që janë fajtorët e vetëm të këtij zhgënjimi dhe sipas asaj që ka treguar Arjen Roben, kanë shkaktuar gjithçka vetë me zënkat brenda dhomave të zhveshjes.

“Kemi humbur tre ndeshje, që është e vështirë për t’u përtypur. Duhet të guxojmë të shohim veten në pasqyrë pasi të gjithë ne dështuam”, ishin fjalët e Roben pas ndeshjes.

“Është shumë e vështirë të gjesh justifikime, në disa raste është e pamundur të shpjegosh çfarë ndodh. Në skuadrën tonë kanë ndodhur disa gjëra gjatë kësaj kohe, por këto do t’i mbajmë brenda vetes”, tha mesfushori i Holandës.

Ndërkohë, një nga futbollistët e pakët holandezë që është shfaqur në nivel të lartë mes “tulipanëve”, Uesli Shanjder, ka mbrojtur trajnerin Van Marvijk duke kërkuar që ai të qëndrojë.

“Unë them që duhet të vazhdojmë me të. Dy vite më parë, në Botëror, gjërat shkuan mirë, tani jo. Por vazhdoj të mendoj se ai ka një të ardhme në stolin e Holandës. Cilësitë e tij i ka treguar duke zgjidhur në mënyrë profesionale problemet brenda skuadrës”, tha mesfushori i Interit. (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Portugali-Holandë         2-1

28’, 74’ K. Ronaldo / 11’ Van Der Vart

Danimarkë-Gjermani    1-2

24’ Krohn Dehli / 19’ Podolski, 80’ Bender

Renditja

Gjermani          9          5-2

Portugali          6          5-4

Danimarkë      3          4-5

Holandë           0          2-5

 
Lajme Shqip Sunday, 17 June 2012 22:28

Gjermania ka konfirmuar statusin e saj si pretendente kryesore për të fituar Euro 2012 duke mbyllur Grupin B me tre fitore në po aq ndeshje pas suksesit 2-1 ndaj Danimarkës. Lëv ka preferuar që të aktivizojë titullarët në këtë sfidë, duke mos toleruar ndaj skandinavëve dhe duke eliminuar këta të fundit. 

Lukas Podolski, në ndeshjen e tij të 100 me fanellën e përfaqësueses gjermane, kaloi në avantazh këtë ekip në minutën e 19-të të takimit, por vetëm pas pak minutash ishte Krohn Dehli që barazoi shifrat me një gjuajtje me kokë që nuk i dha mundësi reagimi portierit Nojer.

Me kalimin e minutave, Danimarka provoi të rrezikonte gjermanët dhe të kërkonte një fitore që do ta çonte në çerekfinale dhe do të eliminonte pikërisht skuadrën e Lëv.

Por kjo e fundit gjeti golin e fitores kur kishin mbetur 10 minuta nga fundi me anë të Bender, i cili shfrytëzoi një pasim perfekt të Ozil.

Tani Gjermania ka një ndeshje të lehtë në letër përballë Greqisë në çerekfinale, sidomos duke patur parasysh mungesat e ekipit grek për dëmtime apo pezullime. Ndërsa Joakim Lëv ka në dispozicion të gjithë lojtarët pasi edhe Boateng kthehet nga pezullimi që e la jashtë ndeshjes kundër Danimarkës. (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Portugali-Holandë         2-1

28’, 74’ K. Ronaldo / 11’ Van Der Vart

Danimarkë-Gjermani    1-2

24’ Krohn Dehli / 19’ Podolski, 80’ Bender

Renditja

Gjermani          9          5-2

Portugali          6          5-4

Danimarkë      3          4-5

Holandë           0          2-5

Çerekfinalet

21.06.2012

R. Çeke-Portugali         20:45

22.06.2012

Gjermani-Greqi            20:45

23.06.2012

1C-2D                               20:45

24.06.2012

1D-2C                               20:45

 
Lajme Shqip Sunday, 17 June 2012 22:10

Portugalia i dha fund turneut të shëmtuar të Holandës duke arritur për vete të vazhdojë në çerekfinale pas fitores 2-1 ndaj “tulipanëve”. Në një ndeshje emocionuese, dy skuadrat kanë dhuruar një spektakël të bukur por kjo nuk i ka mjaftuar Holandës për të shmangur të paktën kritikat e pritshme të ditëve në vazhdim. 

Holandezët e filluan ndeshjen shumë mirë në sulm dhe arritën të shënonin të parët falë Van Der Vart në minutën e11-të. Për më tepër, portugezët humbën raste të njëpasnjëshme para portës, ndërsa nga stadiumi tjetër erdhi lajmi se Danimarka gjendej në disavantazh përballë Gjermanisë dhe “tulipanëve” u mjaftonte një tjetër gol për të shkuar në çerekfinale.

Por Kristiano Ronaldo kishte plane të tjera për këtë sfidë dhe në minutën e 28-të vendos barazpeshën pas një aksioni mjaft të bukur të skuadrës portugeze. Goditja është shumë e rëndë për Holandën që nuk arrin më të reagojë dhe i lë krejtësisht iniciativën ekipit portugez.

Ndërsa Van Der Vart gjen vetëm shtyllën, Kristiano Ronaldo gjen rrugën e rrjetës në minutën e 78-të pas një kundërsulmi mjeshtëror dhe një pasimi po aq të bukur të Nani, duke vulosur kualifikimin e skuadrës së tij në vendin e dytë në grup.

Tashmë Portugalia do të përballet me Çekinë, ndërsa Holanda kthehet në shtëpi krejtësisht e zhgënjyer pas dështimit të jashtëzakonshëm në këtë turne ku ishte një prej skuadrave favorite. (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Portugali-Holandë         2-1

28’, 74’ K. Ronaldo / 11’ Van Der Vart

Danimarkë-Gjermani    1-2

24’ Krohn Dehli / 19’ Podolski, 80’ Bender

Renditja

Gjermani          9          5-2

Portugali          6          5-4

Danimarkë      3          4-5

Holandë           0          2-5

Çerekfinalet

21.06.2012

R. Çeke-Portugali         20:45

22.06.2012

Gjermani-Greqi            20:45

23.06.2012

1C-2D                               20:45

24.06.2012

1D-2C                               20:45