12
 
Lajme Shqip Friday, 22 June 2012 17:33

Ish-mbrojtësi i përfaqësueses gjermane, Karsten Ramelou, beson se Spanja do të jetë kombëtarja e parë që do të arrijë të mbrojë titullin Kampion Evrope. Gjermania ka kaluar qetësisht në çerekfinale me tre fitore në po aq ndeshje, ndërsa janë favoritë për fitoren e turneut.

Po në rast kualifikimi përballë Greqisë, ata do të ndeshen në gjysmëfinale kundër Anglisë ose Italisë, ndërsa Ramelou mendon se skuadra e Prandelit do të arrijë t’i mposhtë.

“Italia është e mirë për surpriza ndaj është gjithmonë mes favoritëve. Besoj se gjithçka do të varet nga forma e skuadrës në atë ditë. Italia është gjithmonë favoritja e fshehtë dhe për këtë arsye unë besoj se do të fitojnë ata”.

“Në një gjysmëfinale mes Portugalisë dhe Spanjës, këta të fundit janë favoritë. Portugezët janë të fortë dhe do i kisha parë në finale nëse do të kishin përballë kundërshtarë të tjerë, por mendoj se Spanja është shumë e fortë për ta”.

“Finalja besoj se do të jetë Spanjë-Itali. Spanjollët do të kenë një marsh më shumë dhe mundin të kaltrit 3-1. Ata luajnë në mënyrë efektive dhe nuk munden atëherë kur nevojitet, pasi janë Spanja”, ishte deklarata e Ramelou që ka acaruar tifozerinë gjermane në vendlindjen e tij, për të cilën ai ka luajtur në 46 ndeshje, përfshirë pjesëmarrjet në Euro 2000 dhe Botërorin 2002. (LajmeShqip.com)

Çerekfinalet

R. Çeke-Portugali    0-1

79’ Kristiano Ronaldo

22.06.2012

Gjermani-Greqi        20:45

Gjyqtar: Damir Skomina (Slloveni)

Gdansk

23.06.2012

Spanjë-Francë          20:45

Gjyqtar: Nikola Ricoli (Itali)

Donetsk

24.06.2012

Angli-Itali                     20:45

Gjyqtar: Pedro Proença (Portugali)

Kiev

 
Lajme Shqip Friday, 22 June 2012 09:20

Kristiano Ronaldo nuk ka fshehur faktin që objektivi i kombëtares portugeze tani është të përpiqet të fitojë në sfidën gjysmëfinale dhe të kthehet pas 8 vitesh në finalen e Kampionatit Evropian.

Pas suksesit 1-0 ndaj Çekisë ku ai shënoi golin e vetëm të ndeshjes dhe u shpall lojtari më i mirë, Kristiano Ronaldo ka treguar se skuadra është më e pjekur dhe kjo shton besimin për suksese të mëtejshme.

“Luajtëm mirë dhe krijuam shumë raste, duke goditur edhe shtyllën, por prioriteti ynë ishte të shkonim në gjysmëfinale dhe këtë e arritëm. Skuadra është më e pjekur dhe ne tani jemi gati për ndeshjen e radhës”.

“Kundër Holandës godita dy herë shtyllën dhe e njëjta gjë ndodhi edhe kundër Çekisë, por këtë radhë ishte e rëndësishme të shënoja dhe skuadra luajti shumë mirë, ndaj të gjithë jemi të lumtur. Tani shanset për të mbërritur në finale janë 50-50, ne thjesht duhet të besojmë në forcën tonë”, komentoi ai.

Të njëjtin mendim e ndan edhe trajneri Paulo Bento, i cili ka përgëzuar të gjithë skuadrën për lojën e shkëlqyer ofensive që shfaqi. “Nuk kemi kundërshtarë të preferuar, pasi në gjysmëfinalen e një turneu të tillë, kushdo që luan përballë është një skuadër e mirë. Objektivi ynë është të mundim këto që na del para,  qoftë ajo Spanja apo Franca, nuk ka asnjë lloj objektivi tjetër për ne”, deklaroi Bento. (LajmeShqip.com)

Çerekfinalet

R. Çeke-Portugali   0-1

79’ Kristiano Ronaldo

22.06.2012

Gjermani-Greqi       20:45

Gjyqtar: Damir Skomina (Slloveni)

Gdansk

23.06.2012

Spanjë-Francë          20:45

Gjyqtar: Nikola Ricoli (Itali)

Donetsk

24.06.2012

Angli-Itali                     20:45

Gjyqtar: Pedro Proença (Portugali)

Kiev

 
Lajme Shqip Thursday, 21 June 2012 22:05

Portugalia është gjysmëfinalistja e parë e Euro 2012, pasi ka mundur Republikën Çeke me rezultatin minimal 1-0 në çerekfinale. Në një ndeshje të luajtur kryesisht nga ekipi iberik, diferencën e ka bërë i zakonshmi Kristiano Ronaldo, i cili ka shënuar golin e vetëm të ndeshjes. 

Që në fillim dukej qartë që Portugalia ishte skuadra që do të bënte lojën dhe do të kërkonte me më shumë ngulm fitoren. Kristiano Ronaldo duket në formë të shkëlqyer dhe vë në vështirësi disa herë mbrojtjen kundërshtare, duke treguar se ka lënë pas fillimin e turbullt që i bëri këtij turneu.

Republika Çeke thuajse nuk provon të rrezikojë portën e Portugalisë dhe arrin të mbrohet mirë, ndonëse e shpëton dy herë fati i nga gjuajtjet e Kristiano Ronaldos që ndalen nga shtylla. Me kalimin e minutave, porta e Petr Çeh kthehet në një poligon të mirëfilltë ku të gjithë me radhë provojnë të kalojnë portierin e Çelsit, por pa sukses.

Megjithatë, edhe ai detyrohet të dorëzohet para Kristiano Ronaldos, i cili me kokë dërgon në rrjetë një harkim perfekt të Zhoao Mutinjos.

Deri në fundin ndeshjes asgjë nuk ndryshon pasi Çekia nuk ka forcën e duhur për të vënë në vështirësi portugezët, të cilët shkojnë të qetë drejt gjysmëfinales, duke parë edhe formën e shkëlqyer të Kristiano Ronaldos. Kundërshtari i tyre do të dalë nga sfida mes Spanjës dhe Francës. (LajmeShqip.com)

Çerekfinalet

R. Çeke-Portugali         0-1

79’ Kristiano Ronaldo

22.06.2012

Gjermani-Greqi        20:45

Gjyqtar: Damir Skomina (Slloveni)

Gdansk

23.06.2012

Spanjë-Francë           20:45

Gjyqtar: Nikola Ricoli (Itali)

Donetsk

24.06.2012

Angli-Itali                     20:45

Gjyqtar: Pedro Proença (Portugali)

Kiev

 
Lajme Shqip Thursday, 21 June 2012 19:04

Shumë prej pilotëve të Formula 1 janë tifozë të çmendur futbolli dhe janë shfaqur shpesh edhe si futbollistë me kombëtaren e pilotëve dhe aktivitete të tjera bamirësie.

Normalisht, këta pilotë nuk kanë ngurruar të japin edhe mendimet e tyre për Euro 2012 dhe kombëtaret për të cilat bëjnë tifo.

“Do të pendohemi që kemi kritikuar kombëtaren spanjolle. Ky është një brez i veçantë dhe i papërsëritshëm. Jemi të privilegjuar që i kemi patur. Unë nuk ndaj të njëjtin mendim me kritikët. Pas pesë apo gjashtë vitesh, do ta ëndërrojmë kombëtaren që kemi tani”, ishin fjalët e Fernando Alonsos që është një tifoz i zjarrtë i përfaqësueses së vendlindjes së tij.

“Nuk besoj se Groszhan do ia kalojë mirë të shtunën”, tha ai me humor duke iu referuar ndeshjes çerekfinale Spanjë-Francë.

Nëse Alonso beson se Italia do të eliminojë Anglinë, britaniku Luis Hemilton mendon se spanjollët do të fitojnë Evropianin. “Ky aktivitet ka shumë ekipe të mira, por besoj se Spanja është skuadra më e mirë”.

Kuptohet që nuk mund të mungonte mendimi i një eksperti si Mikael Shumaker, i cili është tifoz i zjarrtë i Gjermanisë dhe shpesh ka vizituar grumbullimet e kësaj kombëtareje. “Nuk e besoj se Spanja është favorite. Deri tani, Gjermania ka treguar më shumë cilësi, ndaj besoj se do të fitojmë ne Euro2012”, tha piloti gjerman. (LajmeShqip.com)

Çerekfinalet

21.06.2012

R. Çeke-Portugali    20:45

Gjyqtar: Hauard Ueb (Angli)

Varshavë

22.06.2012

Gjermani-Greqi        20:45

Gjyqtar: Damir Skomina (Slloveni)

Gdansk

23.06.2012

Spanjë-Francë           20:45

Gjyqtar: Nikola Ricoli (Itali)

Donetsk

24.06.2012

Angli-Itali                     20:45

Gjyqtar: Pedro Proença (Portugali)

Kiev

 
Lajme Shqip Thursday, 21 June 2012 15:55

“Spanja dhe Gjermania do të jenë dy finalistet e Euro 2012”. Nuk ka asnjë dyshim Fabio Kapelo për emrat e ekipeve që do të diskutojnë kundër njëra-tjetrës finalen e 1 korrikut në Kiev.

“Për momentin nuk mund të flas për Itali-Angli, sidomos për këtë të fundit, me të cilën kam punuar katër vite që nuk harrohen lehtësisht. Për këtë arsye kam ndjesi kontradiktore rreth ndeshjes të së dielës”, tha ai.

“Gjermania ka një shpirt skuadre të jashtëzakonshëm dhe shumë forcë, ndërsa Spanja është skuadra që luan futbollin më të mirë, edhe pse i mungon diçka në sulm, një lojtar si Mesi. Por këto dy kombëtare mendoj se janë superiore ndaj të tjerave”, deklaroi trajneri italian.

Kapelo është i ftuar në Bogota të Kolumbisë për një ndeshje bamirësie të organizuar nga “Fondacioni Leo Mesi”, ndërsa do të udhëheqë “përfaqësuesen e Botës”. Si rrjedhojë, ai nuk ka ngurruar të shprehë admirimin e tij për yllin argjentinas.

“Ai është një gjeni, bën gjëra që të tjerët nuk mund t’i bëjnë, është taktkisht perfekt dhe shënon gola. Ai është një lojtar që në çdo moment mund të bëjë gjëra të padeshifrueshme për mbrojtjen kundërshtare. Për mua ai është lojtari më i mirë në historinë e futbollit pas Maradonës”. (LajmeShqip.com)

Çerekfinalet

21.06.2012

R. Çeke-Portugali         20:45

Gjyqtar: Hauard Ueb (Angli)

Varshavë

22.06.2012

Gjermani-Greqi            20:45

Gjyqtar: Damir Skomina (Slloveni)

Gdansk

23.06.2012

Spanjë-Francë             20:45

Gjyqtar: Nikola Ricoli (Itali)

Donetsk

24.06.2012

Angli-Itali                     20:45

Gjyqtar: Pedro Proença (Portugali)

Kiev

 
Lajme Shqip Thursday, 21 June 2012 12:06

Parashikuesit e kompanive të basteve janë të ndërgjegjshëm që Portugalia është favorite e padiskutueshme e sfidës së sotme kundër Republikës Çeke. “Ëilliam Hill” kuoton fitoren e iberikëve me koeficientin 1.75, përballë atij 5.5 të ekipit çek.

Në një ndeshje ku nuk pritet goleadë, për shkak të lojës mbrojtëse të planifikuar nga çekët, edhe rezultatet e sakta flasin të gjithë në favor të CR7 & Co. Fitoret 1-0 (6), 2-0 (8) dhe 2-1 (8.5) janë më të kuotuarat për ekipin portugez. Një barazim 1-1 kuotohet 7 ndërsa një fitore 1-0 e Çekisë kuotohet 11.

Eventualiteti që dy skuadrat të shkojnë në gjuajtjet e 11-metërshave është shumë i vogël, pasi koeficienti i kësaj mundësie është 7.5.

Kristiano Ronaldo mbetet futbollisti më i favorizuar për të shënuar në këtë sfidë, ku një gol i tij ka koeficientin 1.8 ndërsa një dygolësh i tij kuotohet 4.5. Nga ana e skuadrës çeke, Milan Barosh me 4.33 shihet si futbollisti më i mundshëm për të gjetur rrugën e rrjetës, ndonëse nuk ka shënuar asnjëherë në tre ndeshjet në grup. (LajmeShqip.com)

Grupi A

Rusi-Republika Çeke    4-1

15’, 79’ Xhagoev, 24’ Shirokov, 82’ Pavliuçenko / 52’ Pilar

Greqi-Republikë Çeke  1-2

53’ Gekas / 3’ Jiraçek, 6’ Pilar

Republika Çeke-Poloni 1-0

73’ Jiraçek

Grupi B

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Portugali-Holandë         2-1

28’, 74’ K. Ronaldo / 11’ Van Der Vart

Çerekfinalet

21.06.2012

R. Çeke-Portugali      20:45

Gjyqtar: Hauard Ueb (Angli)

Varshavë

22.06.2012

Gjermani-Greqi          20:45

Gjyqtar: Damir Skomina (Slloveni)

Gdansk

23.06.2012

Spanjë-Francë             20:45

Gjyqtar: Nikola Ricoli (Itali)

Donetsk

24.06.2012

Angli-Itali                     20:45

Gjyqtar: Pedro Proença (Portugali)

Kiev

 
Lajme Shqip Thursday, 21 June 2012 08:02

Trajneri i Çekisë, Mikal Bilek, beson se mënyra e vetme që skuadra e tij ka për të ndalur Kristiano Ronaldon është të mos e lejojë atë të vrapojë. Çekia përfundoi si kryesuese në Grupin A por Portugalia është favoritja absolute për këtë ndeshje dhe një pjesë të madhe të meritës e ka pikërisht Kristano Ronaldo.

“Do të përqendrohemi te loja jonë, e dimë që Portugalia ka talent të padiskutueshëm në repartin e avancuar me lojtarë si Nani, Postiga e Ronaldo. Për këtë arsye do të përshtatim taktikat tona për një lojë më mbrojtëse”, pranoi Bilek.

“E dimë që Portugalia është gjithashtu një skuadër kompakte dhe e balancuar, Ronaldo është i rrezikshëm por nuk është i vetmi në radhët e kësaj skuadre. Ndaj ne po bëhemi gati të përballemi me të gjithë”.

“Por për t’u mbrojtur mirë nuk do të thotë që Gebre Selasi duhet të paraqitet mirë kundër Ronaldos, duhet që e gjithë skuadra të veprojë menjëherë në mbrojtje dhe të mos i japë hapësira. Nëse Ronaldo vrapon drejt teje, është e pamundur ta ndalësh”, pranoi trajneri çek. (LajmeShqip.com)

Grupi A

Rusi-Republika Çeke    4-1

15’, 79’ Xhagoev, 24’ Shirokov, 82’ Pavliuçenko / 52’ Pilar

Greqi-Republikë Çeke  1-2

53’ Gekas / 3’ Jiraçek, 6’ Pilar

Republika Çeke-Poloni 1-0

73’ Jiraçek

Grupi B

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Portugali-Holandë         2-1

28’, 74’ K. Ronaldo / 11’ Van Der Vart

Çerekfinalet

21.06.2012

R. Çeke-Portugali     20:45

Gjyqtar: Hauard Ueb (Angli)

Varshavë

22.06.2012

Gjermani-Greqi         20:45

Gjyqtar: Damir Skomina (Slloveni)

Gdansk

23.06.2012

Spanjë-Francë           20:45

Gjyqtar: Nikola Ricoli (Itali)

Donetsk

24.06.2012

Angli-Itali                     20:45

Gjyqtar: Pedro Proença (Portugali)

Kiev

 
Lajme Shqip Wednesday, 20 June 2012 16:23

Euro 2012 ka mbyllur fazën në grupe dhe statistikat tregojnë disa shifra mjaft interesante që janë regjistruar gjatë këtij aktiviteti:

0 – Kjo është hera e parë kur faza në grupe e një Kampionati Evropian me 16 skuadra përfundon pa asnjë ndeshje 0-0.

1 – Holanda nuk kishte humbur asnjëherë më shumë se një ndeshje në fazën në grupe të një Kampionati Evropian, para se të humbte tre në këtë edicion.

2 – Ndeshjet që mungoi Uejn Runi për pezullim para se të kthehej në takimin kundër Ukrainës për të shënuar golin që çoi Anglinë në çerekfinale.

3 – Helder Postiga, Kristiano Ronaldo dhe Zlatan Ibrahimoviç i bashkohen një liste që tani përbëhet nga 7 lojtarë, të cilët kanë arritur të shënojnë në tre Evropianë të ndryshëm. “Kolegët” e tyre janë Jurgen Klinsman, Vladimir Smicer, Nuno Gomes e Tierri Henri.

6 – Minutat që iu deshën Republikës Çeke për të shënuar dy gola ndaj Greqisë. Asnjë ekip më parë në Evropianë nuk kishte shënuar dy gola pa kaluar minuta e 14-të.

15 – Sekondat që Andri Shevçenko kishte në zotërim topin gjatë ndeshjes kundër Suedisë, ku shënoi dy gola. Mario Gomez e mbajti topin 3 sekonda më shumë në ndeshjen kundër Holandës ku edhe ai gjeti dy herë rrugën e rrjetës.

17 – Numri i golave me kokë gjatë Euro 2012, që tani një rekord për Kampionatet Evropianë.

18 – Jetro Uillems u bë lojtari më i ri që luan në një Evropian, në moshën 18 vjeç e 72 ditë.

26 – Golat gjatë pjesëve të para në Euro 2012, që tani një më shumë se edicioni i katër viteve më parë.

73 – Trajneri i Irlandës, Xhovani Trapatoni, është tekniku më i vjetër që merr pjesë në një Evropian, në moshën 73 vjeç e 93 ditë.

810 – Pasimet e kryera nga Spanja përballë Irlandës, një rekord i ri për Kampionatin Evropian. Vetëm Ksavi arriti të bënte 127 pasime, ndërsa e gjithë Irlanda bëri 198. (LajmeShqip.com)

 
Lajme Shqip Tuesday, 19 June 2012 16:35

Mishel Platini mendon se me datën 1 korrik në Kiev, ai do të ulet në tribunën e nderit për të parë finalen e Euro 2012 mes Spanjës dhe Gjermanisë. Sipas ish-futbollistit francez, dy skuadrat vazhdojnë të jenë një nivel më lart se të tjerët, sidomos spanjollët.

“Këto dy kombëtare janë favoritet për të shkuar në finale. Spanja ka prej kohësh një stil loje mjaft të veçantë, një sistem loje që i mundëson të evitojë lodhjen e lojtarëve të saj. Nuk kanë asnjë problem në këtë aspekt, pasi ai që vrapon është topi dhe jo ata. Ai që lodhet është topi, jo lojtarët e Spanjës”, deklaroi Platini.

Sipas presidentit të UEFA-s, eliminimi i Holandës është zhgënjyes për shumë persona, por tregon edhe një herë se Kampionati Evropian i futbollit është shumë më i vështirë për t’u fituar se një Kampionat Botëror”.

Ai nuk ka ngurruar të flasë edhe për rritjen e cilësisë së lojës në turne, duke ia atribuuar këtë faktit se 5 gjyqtarët ndihmojnë në rritje e cilësisë së ndeshjes. “Deri tani nuk ka patur ndeshje që janë mbyllur në barazim pa gola. Kjo vjen për faktin se lojtarët e dinë që ka më shumë sy që i vëzhgojnë dhe nuk vonojnë lojën kot, duke rritur cilësinë. Kështu nuk ka më as gola fantazmë”.

Platini, në fund ka theksuar se niveli i lartë i Evropianit nuk do të ulet nga rritja e numrit të skuadrave nga 16 në 24, duke filluar nga edicioni i ardhshëm. “Ideja është të veprojmë si në Botërorin 1982 dhe 1986 që kam luajtur unë, me 24 skuadra. Faza e parë eliminimit direkt me 16 skuadra do të jetë e shkëlqyer”, ka treguar francezi për ndryshimin që hyn në fuqi në aktivitetin që organizohet në vendlindjen e tij pas katër vitesh. (LajmeShqip.com)

 
Lajme Shqip Tuesday, 19 June 2012 13:20

Ish-trajneri i Portugalisë, Karlos Kueiroz, beson se kombëtarja e vendlindjes së tij ka fituar një varësi të frikshme ndaj Kristiano Ronaldos. Futbollisti 27 vjeçar udhëhoqi ekipin drejt një suksesi të rëndësishëm 2-1 ndaj Holandës duke kaluar skuadrën e tij në çerekfinale falë dy golave të shënuar në këtë sfidë.

Por Kuerioz ka vënë në dyshim faktin nëse ekipi duhet të ketë kaq shumë varësi ndaj një lojtari të vetëm.

“Portugalia ka një ekip kombëtar që quhet Kristiano Ronaldo dhe një grup lojtarësh që vrapojnë pas tij”, tha ai për “TVI24”. “Sjellja duhet të jetë krejtësisht ndryshe, Ronaldo duhet të jetë një pjesë e skuadrës. Para disa vitesh, në kombëtare kishte personalitete të ndryshme si Luis Figo, Rui Kosta, Paulo Souza dhe Fernando Kouto”.

“Kur ata u larguan, ekipi u përqendrua tërësisht të Kristiano Ronaldo. Por kjo rëndësi e jashtëzakonshme që i jepet, bën të tillë që kur e gjithë skuadra të luajë keq, të kritikohet vetëm ai dhe të ndjejë më shumë trysni në kombëtare”, deklaroi trajneri që u shkarkua nga drejtimi i kësaj përfaqësueseje në shtatorin e vitit 2010. (LajmeShqip.com)

Grupi B

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Portugali-Holandë         2-1

28’, 74’ K. Ronaldo / 11’ Van Der Vart

Renditja

Gjermani          9          5-2

Portugali          6          5-4

Danimarkë      3          4-5

Holandë           0          2-5

Çerekfinalet

21.06.2012

R. Çeke-Portugali         20:45

22.06.2012

Gjermani-Greqi            20:45

23.06.2012

Spanjë-2D                      20:45

24.06.2012

1D-Itali                            20:45

12