Lajme Shqip Saturday, 19 April 2014 17:12

Një person është hedhur nga trageti i linjës Bari- Durrës, rreth 12 milje larg portit të Durrësit në ujërat shqiptare. Nga dyshimet e para thuhet se personi i cili ka kryer një akt të tillë mendohet të jetë një shtetas rus i seksit mashkull. Ky lajm konfirmohet nga kapiteneria e Durrësit, ndërsa thuhet se shtetasi i cili është hedhur në det udhëtonte me tragetin i cili ishte drejtuar për në Shqipëri.

Nuk dihet ende fati i tij ndërsa bëhet e ditur se trageti ka ndaluar në det dhe ka nisur kërkimet për gjetjen e udhëtarit, ndërsa këtij operacioni i është bashkuar edhe roja bregdetare.  

 
Lajme Shqip Thursday, 31 October 2013 15:20

Linjat e trageteve janë bërë si furgonët e Kamzës, siguria e udhëtimit me anije e tragete nuk është në standarde; dy ligjvënës të majtë, një nga Vlora dhe tjetri nga Librazhdi, i janë turrur ish-ministrit durrsak të Transporteve, Sokol Olldashi për monopolet në transportin detar. Për deputetin socialist vlonjat të Fatmir Toçi “portet,terminalet, kontrolli kufitar, doganor lënë për të dëshiruar”. Ai akuzoi se “linjat e trageteve janë bërë si furgonët e Kamzës. Duhet të vendosim standarde, të hapim tregun. T’i japim fund monopolit dhe klientelizmit në porte”. Kurse deputeti tjetër “mavi” nga Librazhdi Taulant Balla tha se “siguria e udhëtimit me anije e tragete nuk është në standardet dhe siç e meritojnë shqiptarët”. Balla iu drejtua ish-ministrit: “Do të doja që Olldashi të jepte shifra. Vetëm në një prej akseve Bari-Durrës-Bari udhëtojnte 854 mijë udhëtarë e pjesa më e madhe e tyre në dy sezone në gusht e dhjetor. I keni lënë dy kompani monopol, dy tragete një sa mosha ime, i vitit  1978, i marrë nga Lituania dhe tjetri i 1981”. Kurse Olldashi u mburr me faktin se “vetëm muajt e fundit në portin e Durrësit kanë ardhur 5 kroçera. U bë adminsitrata e re detare”. Dhe, si për të vulosur stilin e tij si ish-gazetar i RD-së, durrsaku, deputet i myzeqarëve të Fierit, Sokol Olldashi përdori shprehje propagandistike të denjë për një militant demokrat dhe pse humbi përballë Lulzim Bashës për kryetar partie: “Uji i detit është blu, nuk është i kuq”

 
Lajme Shqip Friday, 27 September 2013 22:54

Një autobus me pasagjerë nga Kosova, që po kthehej nga Durrësi, është sulmuar nga persona të paidentifikuar.

Autobusi me targa 537KS712 në afërsi të Morinës, është qëlluar nga përpara në krahun e fatorinos, ku fatmirësisht nuk është lënduar asnjë pasagjer.

Shoferi i autobusit ka dëshmuar në polici se sulmi është kryer me armë zjarri, mirëpo policia e Kukësit e ka rrëzuar këtë dëshmi sepse në bazë të ekzaminimit të shenjave rezultoi se autobusi është sulmuar me gurë.

Ende nuk dihen rrethanat e sulmit, nëse sulmi ka për motiv grabitjen apo shkaqe të tjera.

Policia e Kukësit po punon për identifikimin e autorëve, ndërkohë që pasagjerët nuk kanë arritur të fiksojnë asgjë nga autorët.