Lajme Shqip Friday, 13 June 2014 13:23

Prokuroria e Krimeve të Rënda ka sekuestruar në Gjadër avionin e një diplomati austriak, pasi dyshon se do përdorej për trafik droge. Në lidhje me këtë ngjarje është marrë pyetje një diplomat i ambasadës austriake në Tiranë dhe një inxhinier, i cili ka ndërtuar me pjesë avionin. Këtë e fakt e ka bërë të ditur vetë inxhinieri kur është marrë në pyetje, duke u shprehur se: “Avioni në Gjadër u ndërtua me pjesë”. Inxhinieri shton se “avioni nuk është ngritur në fluturim asnjëherë”, ndërsa është gjetur në hangarin e një bujku në Gjadër.

Sipas të dhënave të Prokurorisë, avionit i ka përfunduar licenca e fluturimit, dhe qëndronte në hangar prej dy vitesh si dhe ky avion është në pronësi të një diplomati austriak, i cili tashmë është marrë në pyetje nga grupi hetimor. Gjatë seancës së pyetjeve ai ka pranuar se ka pilotuar avionin disa herë në territorin shqiptarë, por ka sqaruar se dy vitet e fundit nuk e ka ndezur mjetin fluturues, pasi kishte defekte.

Avioni është montuar në Gjadër dhe pjesët kanë mbërritur nga Italia dhe Sllovenia, ndërkohë mësohet se inxhinieri që është marrë me montimin është nga qyteti i Skraparit. Ai ka deklaruar se pjesët janë sjellë dhe montuar në vitin 2009 ndërkohë që avioni është pilotuar nga shqiptarë dhe nga vetë diplomati. Mirëpo nga verifikimi i dokumentacionit të mjetit rezulton se ka disa parregullsi në zhdoganim e tij, arsye kjo mjaft e fortë për ta bllokuar avionin. Në dosjen voluminoze që po heton prokuroria thuhet se Autoriteti i Aviacioni Civil dhe Albkontrolli, kanë konfirmuar fluturimet e avionit të diplomatit austriak, duke dhënë sqarime se leja është marr për të fluturuar vetëm mbi bregdetin shqiptar.

 

 
Lajme Shqip Thursday, 10 April 2014 14:29

Janë plantacione të pafundme marijuane, që janë kthyer të mbulojnë qindra hektarë të fshatrave shqiptare, serave në qiell të hapur, apo të përgatitura me stil madhështor, përmes kritereve absolutisht ultramodernë, siç ndodhte në vitet ’90. Janë bashkëpunimet dhe aleancat me pjesë të konsiderueshme të sektorëve të rëndësishëm të klaneve greke, që garantojnë asistencë logjistike, siç kanë bërë në të kaluarën përsa i takon kontrabandës. Pa harruar edhe sistemet e reja të transportit për të mos rënë në “syrin” e kontrolleve: nga të ashtuquajturat “silura” detare deri tek lojërat e tjera të “prestigjit”. E gjithë kjo është me pak fjalë rikthimi në romanin e vjetër kriminal mes Puljes dhe Shqipërisë. Ja skenari që po përvijëzohet vetëm disa dhjetra kilometra nga Salento. Një farë mozaiku, “tullat” e të cilit po kthehen rrezikshëm në vendin e tyre, përmes levave që sigurojnë një ingranazh të eksperimentuar më parë në vitet e nxehta të emigracionit klandestin. Një situatë delikate që po plotësohet sërish, sipas një regjie të saktë që të mos i lënë asgjë improvizimit. Me të gjithë këtë mori klanesh që kanë pushtuar Adriatikun, tashmë po merret “Guardia di Finanza”, teksa ka nisur monitorimin e fenomenit përmes një aktiviteti konstant kontrolli, por edhe me hetime aspak të thjeshta, në bashkëpunim me forcat shqiptare të rendit. “Riformatimi” i bandave të trafikantëve, investimet në drogë dhe në fluksin e klandestinëve, përmes një xhiroje të pafundme parash që “ushqejnë” shtimin e operacioneve kriminale, rrezikojnë të transformojnë edhe një herë Adriatikun në atë shirit transportues të punëve të pista dhe Puljan në “Kolumbinë e Evropës”, përderisa është një etapë e detyruar gjeografike e veprimeve të orkestruara nga kriminaliteti ndërkombëtar. E të thuash që pas sekuestrimit të plot 7 tonëve marijuanë gjatë gjithë 2013-s, vetëm në tre muajt e parë të 2014 ka pasur sekuestrim të 4 tonëve nga ana e autoriteteve italiane.

Po si funksionon ky trafik bimësh narkotike?

Bëhet fjalë për një xhiro marramendëse fitimprurëse. Sipas asaj që ka dalë nga hetimet, trafikantët për të “përgatitur” një tonelatë mall paguajnë rreth 150 mijë euro mes shpërblimeve për fshatarët që rrisin bimën dhe kostove të transportit, por përfitimi neto për të gjithë këtë është 10 milionë. Projektorët e hetuesve italianë janë të drejtuar nga Shqipëria, nga ku dalin të dhënat aspak siguruese: riorganizimi i “flotës” është në zhvillim e sipër. Klanet po realizojnë gomone të mëdha oqeanike, por sidomos edhe barka të vogla, ose thjesht po planifikojnë përdorimin e “skuterëve” të ujit për organizimin e stafetave të vërteta të drogës në det. Një strategji ndryshe nga e kaluara, kur përdoreshin mjete të vjetra të detit. “Kontrollet janë konstantë dhe bashkëpunimi i nisur me policinë shqiptare pas një marrëveshjeje ndërkombëtare bilaterale, po jep rezultate të shkëlqyera”, thotë komandanti i “Guardia di Finanzas” së Puljas, Mauricio Muskara. Rindërtimi i flotës së trafikantëve është rrjedhojë logjike e “bum”-it të kultivimit të kanabisit që po bëhet në disa zona të fshatrave shqiptarë, fenomen i dokumentuar edhe nga hetimet e bëra veçanërisht në plantacionet e zonës së Lazaratit, që tashmë e quajnë “fshati i marijuanës”. Rreth 4000 banorë të atij fshati mbahen praktikisht vetëm me këtë punë nga mëngjesi deri në darkë, për 3 mijë lekë (të reja) në ditë. Çdo kile shitet me 300 euro dhe përfundon në kampionët e drejtuar nga brigjet e detit.

Por shpesh ngarkesa sistemohet edhe mbi gomarë që e dinë rrugën dhe që të vetëm arrijnë në Greqi. Një mënyrë kjo, për të shmangur arrestimet. Destinacioni përfundimtar, gjithsesi, në më të shumtën e rasteve është Italia, Perëndimi më i afërt, dera për tregun e madh evropian. Nëpërmjet një zbulimi ajror të operacioneve aeronavale është dokumentuar se në Shqipëri ekziston prania e të paktën 300 plantacioneve që arrijnë në një mijë ton marihuanë të gatshme për të pushtuar Evropën. Pjesa më e madhe e territorit shqiptar (12.5 për qind në vetëm dy muaj) është kaluar nëpër një sitë duke u kapur rreth 680 GB imazhe me rezolucion të lartë deri në pesë centimetra mbi tokë. Këto imazhe janë krahasuar me matjet satelitore dhe me mbështetjen e ekspertët e Universitetit të Napolit rezultojnë se në Lazarat rreth 319 hektarë të tokës janë kultivuar me kanabis, që përfshijnë rreth 90% e totalit. Ky “boom” i ri i narkotrafikut ka përfunduar edhe nën analizën e Departamentit të Shtetit Amerikan dhe figuron në një dosier të “International narcotics control strategy report”, që gjithsesi nënvizon sesi niveli i kujdesit e vigjilencës së forcave të rendit në Shqipëri është shtuar ndjeshëm: në 2012-n janë kapur 2.1 tonë marijuanë, me një shtim sekuestrimesh prej 175 për qind.

Përkundër kësaj, megjithatë, prodhimi është shtuar me 40%, kërkesa është e vazhdueshme dhe çmimet po vijnë duke u ulur. Përmes kontrolleve ajrore është dokumentuar prania në Shqipëri e të paktën 300 plantacioneve, ose gati 1000 tonë marijuanë e gatshme për të pushtuar Evropën. Vlera në treg do të ishte te rreth 4.5 miliardë euro. Ky është skenari i ri raporton Corriere della Sera, si një kthim në romanin e vjetër të krimit mes Pulias dhe Shqipërisë. Një situatë delikate, sipas një drejtimi të mirëorganizuar që nuk lë asgjë në dorë të fatit. Megjithatë, Guardia di Finanza, i cili është monitorimin e fenomenit nëpërmjet monitorimit të vazhdueshëm, në bashkëpunim me forcat e rendit në Shqipëri, thotë se këto janë skenare të reja që po mbizotërojnë Adriatikun.

Helikopterë dhe anije patrullimi të Departamentit të Operimit ajror dhe detar po hetojnë çdo centimetër të bregdetit të Pulias. Por jo vetëm. Sepse në këtë hetim të ri në trafikun e mijëvjeçarit të ri, gjithashtu luajnë një rol vendimtar, hetimet kanë filluar po ashtu në anën tjetër të Adriatikut dhe atë Jonian në Greqi. Skenari është ultra modern, citon artikulli, duke shtuar se ka bashkëpunim dhe aleanca mes sektorëve të rëndësishëm të klanit grek, të cilët ofrojnë ndihmë logjistike siç kanë bërë në të kaluarën në lidhje me kontrabandën. Ka edhe sisteme të reja transporti për t’ju shmangur kontrolleve si kanoe të mbushur me marijuanë dhe pastaj të përmbysura dhe të mbyllura, të transformuar në “silure” të mësuara për ngarkesa të vogla. Ka edhe ski jet (motorë uji), të përdorur që të udhëtojnë me anije në det të hapur si depo lundruese. Gjithashtu, barka të vogla që transportohen në bregdet, pas një udhëtimi brenda kamionëve për të anashkaluar rregullat e rrepta që zbatohen tashmë në bregdetin shqiptar në kanalin e Otrantos. “Një lumë me drogë për qëllim të trondisë Evropën” , përfundon artikulli i botuar nga Corriere della Sera.

Skenari

Prodhimi Pjesa më e madhe e marijuanës që pushton tregun italian dhe atë europian vjen nga Shqipëria. Guardia di financa, falë bashkëpunimit me forcat policore shqiptare, ka evidentuar prezencën e rreth 300 plantacioneve, të mbjellë me bimë narkotike. Qendra e prodhimit është Lazarati, rreth 230 kilometra larg Tiranës dhe në një distancë shumë të vogël nga kufiri grek. Është zbuluar se 319 hektarë tokë janë kultivuar me kanabis. Instrumentat Guarda di financa dhe forcat policore shqiptare kanë marrë imazhe me rezolucion të lartë, falë dhe bashkëpunimit me Universitetin e Napolit. Rruga e biznesit Sipas llogaritjeve të guarda di Financa, trafikantët, nga prodhuesit deri te kostet e transportit, shpenzojnë rreth 150 milionë euro, të cilat konvertohen në dhjetra milionë euro. Transporti Përveç gomoneve oqeanike, kur shkalla e transportit arrin në dy ton marijuana, trafikantët kanë arritur një tjetër strategji nëpërmjet ski jet dhe kanoeve të përmbysura./shekulli/

 

 
Lajme Shqip Thursday, 13 February 2014 12:58

Policia kufitare e Vlorës ka sekuestruar rreth 1 ton kanabis sativa në Shën Vasil. Mësohet se gjashtë persona janë arrestura, ndërsa priten edhe të tjera arrestime. Policia e qytetit bregdetar ka bërë të ditur se, në pranga kanë rënë P.Caushi, L.Gjika, V. Bodoj, D.Bodoj, B.Bodoj, G.Halili.

Mësohet se lënda narkotike kishte për destinacion shtetin fqinj Italinë dhe është gjetur në një furgon, ndërsa të arrestuarit po bëheshin gati për transportin e saj. Policia tha se, është duke vazhduar operacionin në qytetin e Vlorës.

 
Lajme Shqip Sunday, 20 October 2013 12:04

Durrës-Policia kufitare e portit të Durrësit bëri të mundur sot zbulimin dhe sekuestrimin e 10 kilogramëve lëndë narkotike të llojit kanabis sativa, të cilat kishin si destinacion Italinë.

Nga të dhënat paraprake mësohet se lënda narkotike u gjet e fshehur në makinën me targa AA 242 F. Mjeti në fjalë drejtohej nga 21-vjeçari nga Bulqiza, Ildi Xheka, i cili u ndalua nga policia nën akuzën e trafikut ndërkombëtar të drogës./BW/

 
Lajme Shqip Saturday, 31 August 2013 10:53

Tiranë- Marijuana përbën produktin kryesor të eksportit në Shqipëri. Është ky titulli i artikullit të djeshëm të publikuar në “Bussines New Europe”, ku nënvizohet rritja e rolit të Shqipërisë në furnizimin e Evropës me këtë produkt, për t’u kthyer madje edhe në furnitorin kryesor në kontinent. “Njoftimi i 23 gushtit sipas të cilit policia shqiptare bllokoi më shumë se 1 ton kokainë me destinacion Italinë nxori në pah rritjen e peshës së këtij vendi (që aspiron të bëhet pjesë e BE-së) në furnizimin e kontinentit evropian me marijuanë”, shkruan artikulli që mban firmën e gazetarit Nicholas Watson.
Furnitori kryesor
“Shqipëria tashmë konsiderohet gjerësisht si furnitori kryesor i Evropës me Kanabis, si dhe një zonë e rëndësishme tranziti për llojet e tjera të drogës, si heroina e kokaina”, vëren artikulli. Më tej citohet një raport i Departamentit Amerikan të Kontrollit të Lëndëve Narkotike, sipas të cilit vitin e shkuar policia bllokoi më shumë se 21 tonë kanabis me destinacion tregjet evropiane, kryesisht Greqinë e Italinë, shifër që sipas raportit është thuajse dyfishuar krahasuar me vitin 2011. Edhe sasitë e kapura të heroinës e kokainës janë dyfishuar për të njëjtën periudhë, përkatësisht 87.7 kilogramë dhe 4.6 kilogramë. “Policia financiare italiane vlerëson se prodhimi i marijuanës i siguron Shqipërisë më shumë se 4.5 miliardë euro në vit (shifër që nuk pranohet nga autoritetet shqiptare). Sipas të dhënave zyrtare, totali i eksporteve për vitin 2012 preku kotën e 1.7 miliardë eurove”, shkruan artikulli.
Lazarati
Sipas “Bussines New Europe”, pjesa më e madhe e prodhimit të marijuanës është përqendruar në zonën malore përreth Lazaratit. Watson i referohet një tjetër artikulli me të njëjtën temë të publikuar nga “Global Post”, ku nënvizohet se këtë vit në zonë janë mbjellë rreth 300 mijë rrënjë kanabis, të cilat sigurojnë një produkt prej rreth 500 tonësh marijuanë. “Me më shumë se 90% të lazaratasve (që në total janë rreth 7 mijë) të cilët mendohet se janë të përfshirë në biznesin e marijuanës, nuk është aspak çudi që treguesit të vazhdojnë të mbesin të pandryshuar”, shkruan Watson, duke sjellë në artikull edhe një fakt tjetër të publikuar nga “Global Post”. Ajo i referohet një përpjekjeje të dështuar verës së shkuar të një njësie speciale për të hyrë në Lazarat, e cila përfundoi në këmbime të ashpra zjarri, të cilat një komisar shqiptar policie, nën anonimat, i përshkroi si një luftë e vërtetë. “U gjendëm nën zjarrin e ashpër që vinte nga 20 pozicione, përfshi këtu edhe mitralozë të rëndë e predha antitank. Pashë një gjyshe të moshuar që na qëllonte me një mitraloz të rëndë. Mendova se do vdisja”, citohej komisari në artikull./BW/

 
Lajme Shqip Thursday, 22 August 2013 15:42

Një ton hashash është sekuestruar sot nga policia eVlores. Ka qenë një kontroll rutine i Policise Kufitare teVlores se bashku me Guardia di Finanza pergjate gadishullit te Karabaurunit,kur u konstatua nje sasi e madhe lende narkotike e tipit cannabissativa.

Droga ishte e ndarë në 38 çanta. Malli ishte fshehur ne shkurre gati per tu transportuar ne drejtim te Italise, shkruan albeu.
Se bashku me Drejtorine e Qarkut Vlore, po vazhdohet me tej me kerkimin dhe identifikimin e personave pergjegjes

 
Lajme Shqip Tuesday, 06 August 2013 12:36

Tiranë – Në Shqipëri vetëm marihuana e prodhuar në fshatin Lazarat, nëse do të shitej me pakicë në tregjet europiane do të kapte një vlerë prej 4.5 miliardë eurosh. Këtë e bëri të ditur dje komandanti i repartit të aviacionit të Guardia di Finanza-s italiane, Stefano Bastoni, i cili i dorëzoi autoriteteve të policisë shqiptare të dhënat mbi praninë e plantacioneve të mbjella me Canabis sativa të cilat u realizuan falë angazhimit dy mujor të avionëve të specializuar, transmeton VOA. Janë të paktën 304 plantacione të lokalizuara në zonat e Gjirokastrës, Vlorës, Tiranës, Durrësit dhe Shkodrës

Për vite të tëra fshati i Lazaratit në jug të vendit është identifikuar si simboli i kultivimit të canabisit, por sot për herë të parë të dhënat e ofruara nga Guardia di Finanza italiane e cila prej fillimit të gushtit realizoi me anë të avionëve të specializuar identifikimin e zonave të kultivuara me këtë bimë narkotike, ofruan një panoramë të përmasës së këtij fenomeni. “Eshtë identifikuar në mënyrë tejet të detajuar ajo që nga qielli duket si një sipërfaqe e vetme prodhimi, zona e Lazaratit, e cila e vetme ka 319 hektarë terren të kultivuar me cannabis, e barabartë me po kaq fusha futbolli, që prodhojnë afër 900 ton produkt të përfunduar, të cilët të hedhur në tregun europian, me një çmim prej 5 eurosh grami do të vlente 4.5 miliard euro”, deklaroi Stefano Bastone, komandant I repartit të aviacionit të Guardia di Financa-s, italiane

Një shifër e cila ngjan marramendëse duke qenë se është vetëm pak më e vogël se gjysma e prodhimit të Brendshëm bruto të Shqipërisë. Të dhënat për Lazaratin i janë nënshtruar një përpunimi në një nga Universitetet e specializuara italiane dhe janë kryqëzuar edhe me imazhet dixhitale të marra nga një satelit izraelit.

Avioni i Guardia di Finanza-s italiane ka kryer misione dhe në zona të tjera të vendit. “Përmes të dhënave të marra në dy muaj në 25 misione fluturimi janë monitoruar 3618 kilometra katror sipërfaqe, e barabartë me afër 12.5 për qind të sipërfaqes së Shqipërisë. Përpunimi I të dhënave ka bërë të mundur identifikimin me një saktësi maksimale të 304 plantacioneve të cilat prodhojnë afër 4.5 ton produkt final”, shpjegoi zoti Bastone.

Avioni italian ka vëzhguar zona të cilat ishin përcaktuar si më problematiket nga autoritet e policisë shqiptare. “Zonat e identifikuara si me problematike gjatë këtij viti ka rezultuar të jenë Qarqet Vlorë, Shkodër, Gjirokastër, Tiranë dhe Durrës. Nga analiza e bërë rezulton se kemi të bëjmë kryesisht me sipërfaqe të vogla të kultivuara larg zonave të banimit dhe kryesisht në zona të thella malore. Ndërkohë sa i përket autorëve mund të themi se ashtu si vitet e mëparshme, në shumë raste autorët janë shpërngulur nga vendbanimet e tyre dhe kanë zhvilluar këtë aktivitet kriminal, në zona të tjera, duke shfrytëzuar lidhjet shoqërore e miqësore të tyre”, u shpreh drejtori i Përgjithshëm i Policisë shqiptare Hysni Burgaj.

Drejtori i Policisë njoftoi se ka nisur ndërhyrja në zonat e lokalizuara si plantacione me cannabis: “Deri në këto momente janë identifikuar dhe asgjësuar sipërfaqet e kultivuara me bimë narkotike në 108 raste, ku janë asgjësuar rreth 14.772 rrënjë bimë narkotike, si dhe janë proceduar 36 shtetas (23 janë arrestuar e ndaluar, 3 ndiqen në gjendje të lirë dhe 10 janë shpallur në kërkim)”.

Drejtori i policisë shqiptare tha se operacionet e ndërhyrjes në plantacione do të vazhdojnë në të gjithë territorin e vendit. Ai u shpreh se pjesa më e madhe e marihuanës është arritur të kapet përpara se të kalojë kufirin, duke përmendur shifrat e vitit të kaluar ku llogaritet të jenë sekuestruar mbi 21 ton. Por krahasuar kjo, me prodhimin që sipas të dhënave të sotme, realizohet vetëm në Lazarat, shifrat janë shumë të ulta. Policia shqiptare me gjithë premtimet e herëpashershme duket se ka dështuar në ndërhyrjet e saj në këtë fshat të jugut, ku vjet përpjekjet për të prishur disa plantacione hasën dhe në rezistencën e armatosur të narkotrafikantëve.