Lajme Shqip Sunday, 15 June 2014 11:25

Oficerët doganorë dhe ata të policisë së Kosovës në orët e para të mëngjesit të sotëm i kanë zënë 3 pako të lëndës narkotike të llojit kanabis sativa.

Mëtutje, Dogana e Kosovës ka njoftuar se në automjetin ku është gjetur kjo sasi e drogës prej 3 kilogramësh, ishin katër shtetas të Kosovës.

Dogana ka njoftuar se vozitësi i makinës e ka pranuar se pakot i përkisnin atij.

Të gjithë personat në veturë janë arrestuar nga policia dhe rasti i tyre po procedohet.

Në fund të njoftimit të sotëm, Dogana e Kosovës thotë se deri tash këtë vit, janë kapur më se 50 kilogramë substanca narkotike të llojeve të ndryshme.

Dogana thotë se janë shtuar kontrollet dhe janë ndërmarrë masa të nevojshme për parandalimin e të gjitha përpjekjeve për futjen e mallrave ilegale në Kosovë.

 

 
Lajme Shqip Tuesday, 11 June 2013 14:29

Prishtinë- Në pesë muajt e parë të këtij viti, Dogana e Kosovës, ka realizuar të hyra më pak se që ka planifikuar, edhe pse janë më shumë se në të njëjtën periudhë të vitit 2012. Këtë e ka pranuar vet drejtori i Doganave, Naim Huruglica, i cili, ndër tjera, ka pohuar se kontrabanda po vazhdon në veri por jo në nivel siç ka qenë më herët.

“Në muajin maj i kemi përfunduar nominalisht me diku 292 milion euro të hyra, që shprehur në raport me periudhën e njëjtë të vitit të kaluar ka një rritje prej 4.5%. Jemi më pas se ajo që kemi bërë projeksione, por tash po provojmë që të gjejmë fushat pa bërë pengesa serioze në mbarëvajtjen e biznesit të arrijmë që deri në fund të vitit ta përmbushim projeksion që shkon në 8% më shumë se vitin 2012”, ka thënë Huriglica, raporon K.Press.

I pyetur nëse ka ndërruar qasja e kontrabandistëve në veri që nga arritja e marrëveshjes mes Kosovës dhe Serbisë, i ka thënë se aktualisht gjendja mbet e njëjtë, por, sipas tij, ka rënë niveli i kontrabandës edhe pse ende ekziston.