Lajme Shqip Sunday, 02 February 2014 15:52

Pavaresisht rinovimit të kontratës dhe fitimit të “Topit të Artë”, Cristiano Ronaldovazhdon të jetë një prej personazheve më të ndjekura për merkaton e ardhshme në futboll.

Për ti shtuar akoma më shumë dyshimet rreth së ardhmes si madrilen dhe një afrimi të mundshëm me Paris SaintGermain mendon vetë ylli portugez i Real Madrid në një intervistë për “Telefoot”.

“Është e vërtetë, po mësoj frengjisht, e dua Francën, më pëlqen gjuha dhe vendi. Nëna ime dhe disa familjarë të mi kanë punuar atje, madje edhe unë të ardhmen do të jem në Francë për të jetuar dhe luajtur. Paris SaintGermain? Është një skuadër e madhe, e pasur me futbollistë fantastikë. Janë mes favoritëve për të fituar Champions League-n”, është shprehur Ronaldo. /albeu/

 
Lajme Shqip Monday, 13 January 2014 22:24

Cristiano Ronaldo është shpallur futbollisti më i mirë në botë për vitin 2013 duke fituarçmimin ‘FIFA Topi i Artë’.

Viti 2013 ishte fantastik për Cristiano Ronaldon, i cili individualisht ishte padyshim lojtari më i mirë.

Megjithatë, portugezi nuk arriti të fitojë asnjë trofe me klubin e tij, Real Madrid, prandaj kjo ia zbehte paksa gjasat për tafituar çmimin. Ai ishte fantastik edhe me kombëtaren e Portugalisë, të cilën e kualifikoi në Kampionatin Botëror që zhvillohet në Brazil. Të mos harrojmë se gjatë sezonit të ri (2013/2014), CR7 ka thyer një sërë rekordesh.

CR7, Lionel Messi dhe Franck Ribery ishin në listën e ngushtë të kandidatëve për ta fituar çmimin prestigjioz individual.

Për Leo Messin, viti që kaloi nuk ishte edhe aq i mirë, veçanërisht për shkak të dëmtimeve që pësoi disa herë, por kurdo që ka luajtur është treguar vendimtar për skuadrën. Ai fitoi titullin e La Ligas me Barcelonën ndërsa fitoi edhe Superkupën e Spanjës. Messi ishte edhe golashënuesi më i mirë i sezonit 2012/13 në La Liga dhe njëherësh më i miri në Evropë dhe e ka fituar ‘Këpucën e Artë’.

Franck Ribery ndoshta nuk ka shënuar shumë gola dhe ndoshta nuk është individualisht futbollisti më i mirë në botë, por ai e ndihmoi Bayern Munichun të fitojë tripletën sezonin e kaluar, ndërsa ka vazhduar të shkëlqejë me fanellën bavareze edhe në sezonin e ri. Francezi u shpall futbollisti më i mirë në Evropë sipas UEFA-s.

Messi është fituesi rekorder i Topit të Artë, të cilin e ka fituar katër herë radhazi.

Futbollistja më e mirë e vitit u shpall portierja gjermane, Nadine Angerer. Ajo pati konkurrente brazilianen Marta dhe amerikanen Abby Ëambach./albeu/

 
Lajme Shqip Sunday, 24 November 2013 23:30

Gareth Bale ka favorizuar Cristiano Ronaldon për të fituar “Topin e Artë” dhe e ka quajtur atë si “lojtari më i mirë në botë”. Ronaldo në fitoren 5-0 kundër Almerian shënoi golin e tij të 25-të për Real Madridin këtë sezon. 

Ai gjithashtu ka qenë në formë të jashtëzakonshme për shtetin e tij, kur shënoi tre gola kundër Suedisë për t`ia siguruar Portugalisë një vend në Kampionatin Botëror, shkruan almakos.

“Për mua, ai është lojtari më i mirë në botë dhe askush nuk i afrohet atij”, ka thënë Bale për Ronaldon. “Ai e meriton atë çmim [Topin e Artë]. Ai me formën e tij dhe golat e shënuar e ka treguar këtë, veçanërisht për Portugalinë. Ai tregoi se çfarë lojtari botëror është”.

“Prejse kam arritur këtu ai ka qenë i pabesueshëm. Golat që ka shënuar ai janë të rëndësishëm këtë sezon”.

 
Lajme Shqip Friday, 25 October 2013 13:53

Carlo Ancelotti ka folur gjerë e gjatë për aktualitetin e Real Madrid në ‘El Larguero’ duke theksuar se “Di Maria i pëlqen më shumë se Ozil si karakter” dhe se ka ardhur koha që “Cristiano Ronaldo të fitojë sërish Topin e Artë”.

Ja temat e prekura nga trajneri italian në intervistë:

Iker Casillas – Ia kam shpjeguar situatën dhe nuk besoj se do të largohet në janar. Unë jam gjithmonë i gatshëm nëse Iker dëshiron të flasë me mua. Për një trajner, gjëja më e vështirë është të shpjegojë vendimet e tij. Ka shumë detaje të vogla që janë të vështira për t’u shpjeguar.

Largimi i Ozil – Ishte një vendim teknik. Preferova Di Marian për t’i dhënë më shumë ekuilibër ekipit. Ka më pak cilësi se Ozil, por më pëlqen më shumë si karakter. Di Maria e ndihmon më shumë ekipin.

Cristiano Ronaldo – Është një profesionist i madh brenda dhe jashtë fushës. Shumë serioz dhe motivon lojtarët e tjerë. Mendoj se duhet ta fitojë Topin e Artë sërish.

Ndeshja ndaj Barcelonës – Nuk do të futemi në fushë për të barazuar. Do të luajmë me guxim dhe personalitet. Asnjëherë nuk është mirë të luash për t’u mbrojtur./top channel/

 
Lajme Shqip Saturday, 12 October 2013 18:31

Cristiano Ronaldo duket se ka arritur të bindë prokurorin federal të Floridës për të rrëzuar dy aktakuza ndaj tifozit shqiptar Roland Gjoka, që kishte zbritur në fushë për të përqafuar asin portugez gjatë ndeshjes Real-Chelsea. 

Gjesti në fjalë i kushtoi 20-vjeçarit shqiptar një natë në burg dhe akuza të shumta, disa prej të cilave prokurori ka vendosur t’i anulojë, pikërisht falë letrës që i kishte dërguar Ronaldo. 

Konkretisht, ndaj të riut janë rrëzuar akuzat e “cënimit të rendit publik”, që shmang mundësinë për të përfunduar në burg; dhe “shkelje të pronës”, që shmang heqjen e kartës së studentit ndërkombëtar në Universitetin e Majemit, të cilën e kishte siguruar me shumë mund. 

“U përqafuam, folëm, pastaj erdhën agjentët e sigurisë dhe e morën. Ai nuk u tregua as i dhunshëm, as agresiv. Kurrë!. Ai po studion në një kolegj prestigjoz të Floridës, por druhem se mund të hasë probleme serioze me Departamentin e Emigracionit nëse akuzat nuk tërhiqen. Prandaj ju lutem që të rishqyrtoni ngjarjen. Me respekt, Cristiano Ronaldo”, shkruante portugezi në letrën e tij. 
/ Top Channel/