Lajme Shqip Thursday, 01 December 2011 15:39

Serbët e Kosovës që kanë aplikuar për nënshtetësinë Ruse kanë mbetur me gishta në gojë, pasi që Rusia u ka refuzuar një kërkesë të tillë, njoftojnë mediat. Presidenti rus Dmitrij Medvedev, e ka shqyrtuar kërkesën e serbëve të Kosovës për shtetësi ruse, por sipas Ligjit për shtetësi të Rusisë nuk mund t’iu përgjigjet kërkesës së tyre, ka thënë për media zëdhënësi MPJ të Rusisë, Aleksandar Lukasheviq. Sipas tij Rusia do të dërgojë të gjitha llojet e ndihmave për serbët në veri të Kosovës ndërsa përmes UNESCO-s do të ndihmojë objektet fetare serbe. Burimet serbe theksojnë se Ambasadës ruse në Beograd i kishte shkuar kërkesa serbe me 22 mijë lutje për shtetësi ruse. Sipas mediave njëri nga iniciatorët e kësaj kërkese dhe kryetar i organizatës së ashtuquajtur “Serbia e Vjetër” kishte thënë se serbët janë të pakënaqur me bisedimet në Bruksel dhe se marrja e shtetësisë ruse do ta pengonte islamizimin e Kosovës.

 
Lajme Shqip Friday, 16 September 2011 19:07

Beograd – Ambasadori i Rusisë në Beograd, Aleksandar Konuzin, ka bërë një skandal dje në Beograd.

Ai e ka ftuar Serbinë, në një debat publik, duke thënë se do të ishte më mirë që ajo të

kalojë në anën e Moskës se sa të radhitet me Bashkimin Evropian dhe me NATO-n, që sipas tij, “ishin kundër interesave të saj kombëtare”.

“Ne kemi interesa të njëjtë dhe ne do ta mbrojmë vendin tuaj, përkundër interesave të disa serbëve, që dëshirojnë që vendin e tyre ta vënë nën ndikimin e Perëndimit”, tha Konuzin, gjatë fjalimit në një forum për sigurinë globale në Beograd.

Ai i ka kritikuar pjesëmarrësit e forumit nga Serbia, me një ton të ashpër, që u vlerësua si i pazakonshëm, duke thënë se ata nuk i mbrojnë interesat e vendit të tyre në Kosovë.

“NATO-ja dhe Bashkimi Evropian do të jenë kundër interesave tuaja kombëtare, dhe duket se ju nuk kujdeseni sa duhet”, tha Konuzin, i cili u largua nga forumi, pasi një pjesëmarrës tha se Rusia po përpiqej ta vendoste Beogradin nën diktatin e Kremlinit.

 

 
Lajme Shqip Friday, 16 September 2011 18:56

Nju-Jork – Skandal nuk ka bërë dje vetëm ambasadori rus në Beograd. Edhe ambasadori rus në Kombet e Bashkuara, Vitali Churkin, ka shpërthyer mbrëmë nga inati, por ky në selinë e Kombeve të Bashkuara, në Nju-Jork, kur e ka zbrazur mllefin ndaj ministrit të Jashtëm të Kosovës, Enver Hoxhaj.

Videoja pasqyron qartë momentin kur ambasadori Churkin i thotë me zemërim ministrit Hoxhaj, derisa ky i fundit përgjigjej për gazetarë. “Ju nuk jeni i autorizuar të flisni në këtë sallë, ju nuk keni asnjë të drejtë të flisni këtu…”.

Kurse, ministri Hoxhaj i thotë butësisht: “Okay, atëherë ju mund ta pyesni UNMIK-un, ta pyesni të vijë këtu…”, ndërkohë që ambasadori rus vazhdon të ndërhyjë, e ministri Hoxhaj i përgjigjet përsëri: “Okay, okay, atëherë lermë të mbaroj këtu, ta mbaroj deklarimin tim. Unë nuk mendoj ashtu”.

Ndërsa, fustrimi i Vitali Churkinit përshkallëzohet, kur ia kthen Hoxhajt me fjalët ofenduese: “Ti jo se nuk mendon por nuk din!”.

Ndërkohë, ministri kosovar, duke e injoruar ambasadorin rus, vazhdon me përgjigjet për gazetarët.

Kurse, në momentin kur një gazetar e pyet ministrin kosovar se çfarë mendon për reagimin e ambasadorit rus, Vitali Churkin, ky ia kthen: “Askush nuk mund ta ndalë historinë, Kosova është shtet dhe kufiri në veri do të jetë çdoherë kufi me Serbinë”.

Ambasadori rus duket të jetë nevrikosur më shumë nga fakti se i është dashur të presë në prani të gazetarëve, derisa ministri kosovar ta përfundojë konferencën. (LajmeShqip.com)