Lajme Shqip Saturday, 31 August 2013 11:15

Menaxheri i Chelseat, Jose Mourinho, ka thënë se skuadra e tij ishte më e mirë, pavarësisht disfatës 5-4 në penalti nga Bayern Munichu në takimin e mbrëmshëm të Superkupës së Evropës.
“Ekipi më i mirë humbi. Ekipi më i mirë luajti me 10 lojtarë për një kohë shumë, shumë të gjatë në ndeshje. Ata luajtën kundër kampionëve të Evropës dhe ishin ekipi më i mirë”.

“Ne kemi arsye vetëm për të qenë krenar, për të besuar në të ardhmen. Por unë preferoj të them vetëm se ekipi më i mirë humbi dhe të qëndroj prapa kësaj”, ka deklaruar portugezi  pas takimit. 

 
Lajme Shqip Friday, 30 August 2013 11:50

Kryeqyteti i Çekisë, Praga, ka bërë të gjitha përgatitjet për zhvillimin e Superkupës së Evropës, ku përball do të jetë Bayern Munchen, fituesi i Ligës së Kampionëve dhe Chelsea, e cila triumfoi në Europa League.

Ajo që e bën interesantë këtë sfidë është edhe fakti që përballë njëri-tjetrit do të jenë Pep Guardiola dhe Jose Mourinho, mes të cilëve ekziston një rivalitet, që nisi në 2010 në La Liga e që vazhdon në distancë edhe tani.

Pep Guardiola nuk e ka problem të vlerësojë punën e rivalit të tij Jose Mourinho, serisa e pranon se synon ta fitoj këtë trofe.

“Kam shumë respekt për Mourinhon dhe karrierën e tij. Përpiqem të mësoj shumë nga trajnerët anembanë botës dhe këtu përfshihet edhe portugezi. Ne do të përpiqemi të fitojmë superkupën e Evropës dhe të njëjtën gjë do të bëjë edhe ai. Duhet të tregojmë kujdes pasi Mourinho është një mjeshtër i kundërsulmit dhe kur humbet topin ndaj skuadrave të tij, atëherë rrezikon të pësosh gol”, ka thënë spanjolli.

Ndërkohë, Jose Mourinho e cilëson finalen e Superkupës së Evropës si përgatitore për edicionin e ri të Ligës së Kampionëve, ndërsa mohoi që brenda kësaj sfide ka edhe një duel mes tij dhe Pep Guardiolës.

“Është një finale Chelsea – Bayern, jo një duel Mourinho – Guardiala. Është bukur të luash kundër kampionëve të Evropës, ndeshja kjo që do të na ndihmojë të përgatitemi për këtë edicion të Ligës së Kampionëve. Forca e Bayernit nuk janë individët, por grupi, edhe pse lojtarët e Bayerni po kalojnë momentin më të mirë të karrierës së tyre.”, deklaroi portugezi.

Thiago Alcantara dhe Holger Holger Badstuber janë mungesat e sigurta në formacionit e Guardiolës për arsye dëmtimi, ndërsa Frank Riberi dhe Havi Martinez janë në dyshim.

Ndërkohë, Mourinhotuhasje e ka ekipin e plotë, ku mungesa e vetme prite të jetë David Luiz, i cili vuan nga një tërheqje muskulore./express/