Lajme Shqip Sunday, 08 April 2012 11:45

Menaxheri i përgjithshëm i Bajern Mynih, Kristian Nerlinger, nuk mund të fshehë dot optimizmin e tij, ndërsa skuadra bavareze po përgatitet që të përballet me Borusia Dortmund, skuadrën që kryeson kampionatin.

Bavarezët mundën 2-1 Augsburgun falë dy golave të sulmuesit më në formë të kampionatit, Mario Gomez. Ndërkohë, ata janë vetëm 3 pikë pas Borusias, me të cilën do të vihen përballë të mërkurën në fushën e këtyre të fundit.

I pyetur nga shtypi se pse ishte aq optimist, menaxheri i përgjithshëm u përgjigj shumë thjeshtë. “Nga nëntë fitoret radhazi në të gjitha turnetë”.

“Kjo ecuri na bën të ndjehemi optimistë dhe të kemi vetëbesim. Ne do të udhëtojmë drejt Dortmundit me kokën lart”, tha ai. (LajmeShqip.com)

 
Lajme Shqip Saturday, 07 April 2012 19:32

Dy ekipet kryesuese të Bundesligës, Borusia Dortmund dhe Bajern Mynih, vazhdojnë sfidën në distancë mes tyre duke ruajtur diferencën prej 3 pikësh nga njëri-tjetri. Skuadrat kanë fituar ndeshjet respektive dhe bëhen gati për sfidën mes tyre të së mërkurës, që me shumë mundësi do të përcaktojë fituesin e titullit.

Borusia Dortmund fitoi lehtësisht 3-1 në fushën e Volfsburgut, falë dy golave të Robert Levandovski dhe golit të Ilkai Gundogan, ndërsa Mario Manxhukiç shënoi golin e ngushëllimit për ekipin vendas që lufton për një vend në Kupat e Evropës në sezonin e ardhshëm.

Ndërkohë, dy gola të Mario Gomez i kanë dhënë suksesin Bajern Mynih në derbin kundër Augsburg. Sulmuesi shënoi golin e avantazhit që në minutën e parë të ndeshjes, ndërsa vulosi rezultatin përfundimtar 2-1 në minutën e 60-të, pasi më parë Ja-Çeol Ko kishte barazuar rezultatin për skuadrën që lufton për mbijetesë. (LajmeShqip.com)

Rezultatet

Shtutgart-Mainz                        4-1

8′ Hajnal, 49′, 85′ Ibisheviç, 66′ Kuzmanoviç / 3′ Ivanschitz (p)

Volfsburg-Borusia Dortmund  1-3

61′ Manxhukiç / 22′, 90′ Levandovski, 49′ Gundogan

Bajern Mynih-Augsburg           2-1

1′, 60′ Gomez / 23′ Ja Çeol Ko

Fraiburg-Nyremberg                2-2

53′ Kaligiuri, 79′ Makiadi / 8′ Didavi, 45′ Pekhart

Këln-Verder Bremen                 1-1

39′ Jemal / 24′ Rosenberg

Kaizerslautern-Hofenhaim         1-2

86′ Bugera / 26′ Salihoviç (p), 71′ Vukçeviç

Mynshenglabah-Herta               0-0

Renditja

Borusia Dortmund 66, Bajern Mynih 63, Shalke 54, Borusia Mynshengladbah 52, Shtutgart 43, Hanover 41, Verder Bremen 41,  Bajer Leverkusen 40, Volfsburg 40, Hofenhaim 37, Mainz 33, Fraiburg 32, Nyremberg 32, Augsburg 30, Hamburg 30, Këln 29, Herta Berlin 27, Kaizerslautern 20.