Lajme Shqip Saturday, 18 May 2013 18:13

Bajern Mynih ka mbyllur me një sukses 4-3 në fushën e Borusia Mynshengladbah kampionatin e rekordeve të Bundesligës. Në ndeshjen e fundit të Jup Heinkes në drejtimin e bavarezëve, pikërisht ndaj skuadrës që e bëri atë të famshëm si lojtar, ka ardhur edhe fitorja e 16-të në 17 ndeshjet e fazës së kthimit, duke bërë që skuadra të mbyllë me 91 pikë kampionatin, plot 25 pikë diferencë nga Borusia e vendit të dytë. 

Fitorja e bavarezëve nuk ka qenë aq e thjeshtë, pasi pa kaluar 20 minuta të ndeshjes, rezultati ishte 3-2 për Mynshengladbah që po gjente me shumë lehtësi hapësira në prapavijën e bavarezëve. Por duket se fjalimi i Heinkes në pushimin e ndeshjes ka ndihmuar skuadrën të reagojë, pasi Bajerni në pjesën e dytë vuri diktatin duke shënuar edhe dy herë të tjera për të marrë këtë fitore e për të mbyllur në mënyrën më të mirë të mundshme kampionatin.

Java e fundit ka përcaktuar edhe verdiktet e tjera të sezonit, me Shalken që ka siguruar vendin e katërt dhe njëkohësisht pjesëmarrjen në Ligën e Kampioneve në sezonin e ardhshëm. Në vendin e 5-të dhe të 6-të janë renditur Fraiburg dhe Eintraht Frankfurt që do të luajnë në Europa League.

Ndërkohë, në fundin e tabelës, kanë rezultuar vendimtare fitoret e Augsburg ndaj Grojter Fyrth dhe Hofenhaim në fushën e Borusia Dortmund. Augsburg siguroi përfundimisht mbijetesën në Bundesligë, ndërsa Hofenhaim do të luajë ndeshjen e play-out ndaj Kaizerslautern. (LajmeShqip.com)

Bundesliga

Java 34  / Rezultatet

Hamburg-Bajer Leverkusen               0-1

90’ Kisling

Augsburg-Grojter Fyrth                      3-1

30’ Verner, 55’ Kallsen-Braker, 75’ Ji / 62’ Trinks

Borusia Dortmund-Hofenhaim           1-2

6’ Levandovski / 77’ 9p), 82’ (p) Salihoviç

B. Mynshengladbah-Bajern Mynih      3-4

4’ Stranzl, 5’ Hanke, 11’ Nordveit / 7’ Martinez, 19’, 53’ Riberi, 59’ Roben

Eintraht Frankfurt-Volfsburg                2-2

36’ (p) Maier, 90’ (ag) Rodriguez / 8’ Polak, 19’ Diego

Fraiburg-Shalke                                   1-2

54’ Shmid / 21’ Draksler, 58’ (ag) Shuster

Hanover-Fortuna Dyseldorf                 3-0

36’ Diuf, 61’, 76’ Ja Konan

Nyremberg-Verder Bremen                 3-2

62’ Nilson, 81’ Polter, 88’ Pekhart / 37’, 89’ De Bryn

Shtutgart-Mainz                                   2-2

33’ Boka, 42’ Myler / 16’ Ede, 22’ (ag) Uetklo

Klasifikimi: Bajern Mynih 91 pikë, Borusia Dortmund 66, Bajer Leverkusen 65, Shalke 55, Fraiburg 51, Eintraht Frankfurt 51, Hamburg 48, Borusia Mynshenladbah 47, Hanover 45, Nyremberg 44, Volfsburg 43, Shtutgart 43, Mainz 42, Verder Bremen 34, Augsburg 33, Hofenhaim 31, Fortuna Dyseldorf 30, Grojter Fyrth 21.

 
Lajme Shqip Saturday, 11 May 2013 19:04

Xherdan Shaqiri ka shkruar emrin e tij në listën e golashënuesve edhe në ndeshjen e fundit të bavarezëve në fushën e këtyre për këtë sezon, gjatë fitores 3-0 ndaj Augsburgut, ku ata kanë zhvilluar edhe ceremoninë e festimit të titullit të 23-të kampion. 

Në derbin bavarez ndaj Augsburgut, kampionët e Gjermanisë kanë treguar forcën e tyre dhe kanë festuar në mënyrën më të mirë të mundshme, pasi kanë dominuar dhe kanë mbyllur ndeshjen falë golave në pjesën e dytë të Myler, Shaqirit e Luiz Gustavos, ku këta dy të fundit e kanë filluar ndeshjen si zëvendësues. Pas fitores ka filluar edhe festa e titullit kampion, me një ceremoni bavareze, ku ishin të pranishëm edhe disa nga legjendat e klubit, ndërsa tifozët kanë përshëndetur në kor trajnerin Heinkes, i cili do të largohet në fund të sezonit.

Por shumë nga verdiktet e kampionatit do të mbeten për t’u përcaktuar në javën e fundit. Humbja e Shalke, e kombinuar me fitoren e Fraiburg, ka bërë që gjithçka të mbetet e hapur për kualifikimin në vendin e katërt në renditje që të çon në Ligën e Kampioneve. Shalke ka 52 pikë, me Fraiburg që e ndjek me një pikë diferencë dhe për më tepër pret Shalken në fushën e vet në javën e fundit. Por të dy skuadrat duhet të kenë kujdes nga Eintraht Frankfurt që i ndjek me një pikë më pak dhe mund të bëjë surprizën, pasi është plotësisht në luftë për vendin e tretë.

Për t’u caktuar mbetet edhe emri i skuadrës që do të shkojë në playoff për rënien nga kategoria, pasi Augsburg dhe Fortuna Dyseldorf janë në një kuotë të barabartë pikësh, 30 të tilla. Të dyja skuadrat shpresojnë të fitojnë në javën e fundit për të evituar probleme me këtë ndeshje mbijetese, ashtu si Hofenhaim që ka 2 pikë më pak, por që synon të ngjitë të paktën një vend, pasi aktualisht është i parafundit, kandidat për të rënë automatikisht në Bundesliga 2. (LajmeShqip.com)

Bundesliga

Java 33 / Rezultatet

Bajern Mynih-Augsburg                     3-0

69’ Myler, 82’ Shaqiri, 87’ Luiz Gustavo

Shalke-Shtutgart                                1-2

90’+2’ (ag) Ulreish / 24’, 66’ Ibisheviç

Bajer Leverkusen-Hanover                 3-1

6’, 59’ Hegler, 28’ Kisling / 71’ Sobieç

Volfsburg-Borusia Dortmund              3-3

13’, 23’ Perisiç, 26’ Naldo / 5’ S. Bender, 84’, 88’ Rois

Verder Bremen-Eintraht Frankfurt      1-1

22’ De Bryn / 51’ Lakiç

Hofenhaim-Hamburg                           1-4

61’ Volland / 18’ Son, 35’ Aogo, 60’ Jiraçek, 88’ Rudnevs

Mainz-Borusia Mynshengladbah          2-4

12’ Parker, 90’ Ivanshitz / 39’ (p), 59’, 80’ Hrgota, 64’ Hanke

Grojter Fyrth-Fraiburg                          1-2

3’ Zimerman / 69’ Shmidt, 78’ Kruse

Fortuna Dyseldorf-Nyremberg             1-2

22’ (ag) Balitsh / 58’ Mak, 64’ Platenhardt

Klasifikimi: Bajern Mynih 88 pikë, Borusia Dortmund 66, Bajer Leverkusen 62, Shalke 52, Fraiburg 51 Eintraht Frankfurt 50, Hamburg 48, Borusia Mynshengladbah 47, Hanover 42, Volfsburg 42, Shtutgart 42, Mainz 41, Nyremberg 41, Verder Bremen 34, Fortuna Dyseldorf 30, Augsburg 30, Hofenhaim 28, Grojter Fyrth.21.

 
Lajme Shqip Saturday, 04 May 2013 22:17

Ndeshja e javës së 32-të të Bundesligës mes Borsuia Dormtund dhe Bajern Mynih nuk ka kaluar pa tension, i cili ishte mëse i pritshëm mes dy skuadrave që në fund të këtij muaji luajnë në finalen e Ligës së Kampioneve. 

Rezultati 1-1 i kësaj ndeshje është vendosur që në pjesën e parë të sfidës, kur fillimisht Groskrojtz e pastaj Gomez kanë shënuar golat për dy skuadrat. Por emocioni dhe tensioni kanë qenë të gjitha në pjesën e dytë të takimit.

Në minutën e 58-të, gjyqtari akordon 11-metërsh për prekje të topit me dorë në zonë nga Boateng. Por Nojer pret gjuajtjen e Levandovskit, duke ruajtur portën e tij nga sulmuesi të cilin mendohet që në sezonin e ardhshëm do ta shohë me fanellën e skuadrës së tij.

Pak minuta më vonë, ndeshja ndizet nga një karton i verdhë i dyfishtë i Rafinja, i cili duke u larguar nga fusha nuk kursen edhe gjestet ndaj tifozëve. Kjo bën që trajneri Klop t’i flasë lojtarit, ndërsa kundërpërgjigja vjen nga Matias Samer, i ulur në pankinën bavareze. U desh ndërhyrja e gjyqtarit të katërt që situata mes pankinave të qetësohej dhe të kishte një shtrëngim duarsh sa për sy e faqe.

Megjithatë, pas këtij episodi ndeshja u qetësua disi dhe të dy skuadrat hoqën dorë nga ndërhyrjet e ashpra, duke bërë që gjithçka të shkonte mirë deri në vërshëllimën përfundimtare të takimit, që sido që të shkonte, nuk do të ndryshonte panoramën e kampionatit gjerman ku Bajern ka siguruar prej kohësh titullin dhe Borusia ka siguruar vendin e dytë. (LajmeShqip.com)

Bundesliga

Java 32 / Rezultatet

E. Frankfurt-F. Duseldorf         3-1

31’, 87’ Maier, 50’ Lakiç / 78’ Shahin

Hanover-Mainz                          2-2

36’ Sobieç, 70’ Diuf / 25’, 79’ Myler

Nyremberg-B. Leverkusen        0-2

26’ Toprak, 62’ (p) Kisling

Shtutgart-Grojter Fyrth              0-2

51’ (ag) Sakai, 89’ Azemi

Verder Bremen-Hofenhaim       2-2

2’ (p) Hunt, 25’ De Bruyn / 88’, 90’+2’ Shiplok

B. Dortmund-B. Mynih              1-1

11’ Groskrojtz / 23’ Gomez

Klasifikimi: Bajern Mynih 85 pikë; Borusia Dortmund 65; Bajer Leverkusen 59; Shalke 52; Eintraht Frankfurt 49; Fraiburg 45; Borusia Mynshengladbah 44, Hamburg 44; Hanover 42; Mainz 41, Volfsburg 40; Shtutgart 39; Nyremberg 38; Verder Bremen 33; Fortuna Dyseldorf 30, Augsburg 30; Hofenhaim 28; Grojter Fyrth 21.

 
Lajme Shqip Sunday, 28 April 2013 20:12

Shalke ka arritur të mbrojë vendin e katërt në renditjen e Bundesligës me një fitore të pastër 4-1 ndaj rivalëve direkt të Hamburgut, duke ruajtur këtë pozicion që siguron pjesëmarrjen në Ligën e Kampioneve në sezonin e ardhshëm. 

Skuadra nga Gelsenkirshen duket se ka lënë prapa problemet e mëdha të fillimit të sezonit dhe tani ka vënë si objektiv minimal që në javët e fundit të mbrojë këtë pozicion prestigjioz dhe që garanton të ardhura të rëndësishme ekonomike për arkat e klubit.

Fitorja ndaj Hamburgut ka ardhur edhe falë kthimit në formën më të mirë të Klas Jan Huntelar, i cili ka vuajtur nga dëmtimet e njëpasnjëshme në këtë sezon. Sulmuesi holandez shënoi tre gola në këtë sfidë, duke ndihmuar skuadrën e tij të përmbyste avantazhin fillestar të miqve me Jansen.

Tani Shalke ka arritur kuotën e 49 pikëve në renditje, ndërsa ndjekësi më i afërt është Eintraht Frankfurt me 3 pikë më pak, skuadër që sot barazoi 0-0 në fushën e Mainc. (LajmeShqip.com)

 
Lajme Shqip Saturday, 27 April 2013 17:58

Xherdan Shaqiri është kthyer tashmë në liderin e atij që cilësohet si “Ekipi B” i Bajern Mynih, skuadrën e rezervave që aktivizohen sa herë që titullarët lihen pushim. Duke menduar për ndeshjen e kthimit në mesjavë ndaj Barcelonës, Heinkes la pushim apo në pankinë thuajse të gjithë titullarët, por për të siguruar fitoren ndaj Fraiburg në kampionat mendoi mesfushori kosovar. 

Një goditje dënimi e tij në minutën e 35-të të takimit ishte aq sa i mjaftonte Bajernit për të marrë 3 pikët e radhës sa për statstika, pasi ka siguruar titullin kampion. Forma e shkëlqyer që po kalon mesfushori ka entuziazmuar 71 mijë tifozët në “Allianz Arena”, të cilët kanë duartrokitur veprimet e tij në mesfushë, aty ku shkëlqente edhe më shumë falë mungesës së emrave si Roben, Riberi, Myler apo Shvajnshtajger.

Në fundin e tabelës, humbja e Verder Bremen dhe fitoret e Hofenhaim dhe Augsburg, kanë rihapur plotësisht luftën për rënien nga kategoria, me skuadrën e Tomas Shaf që e sheh veten të përfshirë në luftën e ethshme për mbijetesë në këto 3 javë të fundit të kampionatit. (LajmeShqip.com)

Bundesliga

Java 31 / Rezultatet

Augsburg-Shtutgart                       3-0

61’ Molders, 83’ De Jong, 85’ Ji

B. Leverkusen-Verder Bremen     1-0

35’ (p) Kisling

Bajern Mynih-Fraiburg                   1-0

35’ Shaqiri

Hofenhaim-Nyrenberg                   2-1

11’ Veis, 20’ Salihoviç / 58’ (p) Simons

Volfsburg-B. Mynshengladbah      3-1

34’ Arnola, 61’ Oliç, 75’ Diego / 51’ Mlapa

F. Dyseldorf-B. Dortmund            1-2

88’ Boxhek / 20’ Shahin, 70’ Blaszczikovski

Klasifikimi: Bajern Mynih 84 pikë, Borusia Dortmund 64, Bajer Leverkusen 56, Shalke 46, Fraiburg 45, Eintraht Frankfurt 45, Hamburg 44, Borusia Mynshengladbah 44, Hanover 41, Volfsburg 40, Mainz 39, Shtutgart 39, Nyremberg 38, Verder Bremen 32, Fortuna Dyseldorf 30, Augsburg 30, Hofenhaim 27, Grojter Fyrth 18.

 
Lajme Shqip Saturday, 20 April 2013 18:18

Bajern Mynih i ka lëshuar një paralajmërim në distancë Barcelonës, duke regjistruar fitoren e dytë radhazi me rezultatin 6-1 në 4 ditët e fundit. Pas fitores me këtë rezultat në mesjavë në Kupën e Gjermanisë ndaj Volfsburgut, bavarezët kanë përsëritur të njëjtat shifra edhe ndaj Hanover në kampionat. 

Gjithçka ka qenë shumë e lehtë për ekipin e Heinkes që ka shënuar 3 herë në pjesën e parë dhe po aq në pjesën e dytë, edhe pse përballë ka pasur një skuadër që në vitet e fundit ka qenë ndër më të mirat në Gjermani. Për më tepër, duket se në radhët e bavarezëve janë në formë të shkëlqyer edhe rezervat, ku lojtari më vendimtar ishte Klaudio Pizarro, autor i dy golave dhe dy pasimeve për gol në këtë sfidë.

Ndërkohë, Borusia Dortmund ka menduar edhe ajo për ndeshjen e Ligës së Kampioneve ndaj Real Madrid, pasi ka rezervuar energjitë dhe është shfaqur nën nivelin e saj të zakonshëm në takimin kundër Mainz, edhe pse ka arritur të fitojë 2-0 me golat e Reus dhe Levandovski.

Një goeladë të thellë 5-0 ka siguruar Bajer Leverkusen ndaj Hofenhaimit, duke bërë një tjetër hap drejt sigurimit të vendit të tretë në renditje dhe pjesëmarrjes në Ligën e Kampioneve në sezonin e ardhshëm. (LajmeShqip.com)

Bundesliga

Java 30 / Rezultatet

Hamburg-Fortuna Dyseldorf    2-1

16’, 22’ Van Der Vart / 35’ Shahin

Borusia Dortmund-Mainz         2-0

1’ Reus, 86’ Levandovski

Eintraht Frankfurt-Shalke        1-0

41’ Rus

Hanover-Bajern Mynih             1-6

85’ Hofman / 16’ (ag) Shtindl, 23’ Riberi, 40’, 63’ Gomez, 71’, 86’ Pizarro

Bajer Leverkusen-Hofenhaim   5-0

17’, 64’ Kisling, 32’, 70’ Shurrle, 80’ Reinartz

Klasifikimi: Bajern Mynih 81 pikë, Borusia Dortmund 61, Bajer Leverkusen 53, Shalke 46, Fraiburg 45, Eintraht Frankfurt 45, Hamburg 44, Borusia Mynshegladbah 44, Mainz 39, Nyremberg 38, Hanover 38, Shtutgart 36, Volfsburg 34, Verder Bremen 32, Fortuna Dyseldorf 30, Augsburg 27, Hofenhaim 24, Grojter Fyrth 15.

 
Lajme Shqip Saturday, 13 April 2013 20:17

Bajern Mynih dhe Borusia Dortmund kanë festuar me dy fitore të thella në kampionat kualifikimin në gjysmëfinalet e Ligës së Kampioneve. Si kampionët e saposhpallur të Bundesligës, ashtu edhe ata të sezonit të kaluar, kanë treguar se janë në një formë të shkëlqyer në momentin më vendimtar të sezonit të tyre. 

Bajern ka mundur pa probleme Nyrenbergun me rezultatin 4-0 në “Allianz Arena”, para 71 mijë spektatorëve, ndonëse Heinkes i kishte dhënë hapësirë shumë lojtarëve që kanë luajtur më pak kohët e fundit në radhët e bavarezëve duke lënë pushim titullarët. Gjithsesi, superioriteti i tyre ka qenë i padiskutueshëm, ndërsa në listën e golashënuesve ka figuruar edhe Xherdan Shaqiri, që luajti si titullar në këtë sfidë.

Edhe Borusia Dortmund ka regjistruar një goleadë, duke mposhtur me rezultatin 6-1 ekipin e Grojter Fyrth që mban vendin e fundit në tabelë. Skuadra e Klop ka dashur të shpalosë arsenalin e plotë sulmues, jo sepse lufton për ndonjë objektiv domethënës në kampionat, por sepse në shkallët e stadiumit ka qenë i pranishëm Zhoze Murinjo, i cili ka vëzhguar nga afër rivalët e radhës të Realit të tij në Ligën e Kampioneve. (LajmeShqip.com)

Bundesliga

Java 29 / Rezultatet

Bajern Mynih-Nyrenberg                      4-0

5’ Boateng, 17’ Gomez, 24’ Rafinja, 56’ Shaqiri

Fortuna Dyseldorf-Verder Bremen      2-2

2’, 48’ Raisinger / 16’ Junuzoviç,  70’ Latka

Grojter Fyrth-Borusia Dortmund          1-6

71’ Prib / 12’, 45’ Gëtze, 15’, 33’ Gyndogan, 29’ Blaszczikovski, 81’ Levandovski

Mainz-Hamburg                                   1-2

86’ Parker / 61’, 81’ Son

Volfsburg-Hofenhaim                           2-2

13’ Arnold, 86’ Naldo / 35’ (p) Salihoviç, 63’ Bek

Klasifikimi: Bajern Mynih 78 pikë; Borusia Dortmund 58; Bajer Leverkusen 49; Shalke 45, Fraiburg 45; Eintraht Frankfurt 42; Hamburg 41, Borusia Mynshengladbah 41; Mainz 39; Nyrenberg 38; Hanover 38;  Volfsburg 34; Shtutgart 33; Verder Bremen 32; Fortuna Dyseldorf 30; Augsburg 24; Hofenhaim 21; Grojter Fyrth 15.

 
Lajme Shqip Saturday, 06 April 2013 17:50

Bajern Mynih është shpallur kampion i Gjermanisë për herën e 23-të, duke thyer një tjetër rekord, pasi bëhet skuadra e parë që siguron matematikisht trofeun e Bundesligës që në javën e 28-të. 

Skuadra e drejtuar nga Jup Heinkes ka mbyllur matematikisht diskutimin për trofeun e parë sezonal falë fitores 1-0 në fushën e Eintraht Frankfurt, ku ka dominuar dhe ka krijuar raste të shumta për të shënuar. Shaqiri, titullar në këtë ndeshje, ka goditur shtyllën, ndërsa Alaba ka humbur një penallti. Por goli i titullit kampion ka ardhur në pjesën e dytë, me një gjuajtje me thembër nga një prej lojtarëve më përfaqësues të kësaj skuadre, mesfushorit Shvajnshtajger.

Tani e gjithë lufta në kampionatin gjerman duket se do të përqendrohet në vendet që sigurojnë pjesëmarrjen në Ligën e Kampioneve. Fitorja e Borusia Dortmund ndaj Augsburg ka ndihmuar ish-kampionët të shkëputen në vendin e dytë nga ndjekësit e Bajer Leverkusen. Vendi i katërt është ai që teorikisht përfshin në luftë shumë skuadra, pasi nga Shalke që mban aktualisht këtë pozicion, deri te Hanover i vendit të 10-të, ka një diferencë prej vetëm 8 pikësh. Duke pasur parasysh se kanë mbetur edhe 6 javë për t’u luajtur, gjithçka mund të ndodhë dhe lufta për Ligën e Kampioneve mund të bëhet edhe më e ndezur. (LajmeShqip.com)

Bundesliga

Java 28 / Rezultatet

Borusia Dortmund-Augsburg         4-2

22’, 52’ Shiber, 64’ Subotiç, 90’+2’ Levandovski / 43’ Baier, 44’ Vogt

B. Mynshengladbah-Grojter Fyrth 1-0

74’ De Jong

Bajer Leverkusen-Volfsburg          1-1

12’ Shurle / 70’ Kjaer

Verder Bremen-Shalke                  0-2

51’ Draksler, 69’ Marica

Eintraht Frankfurt-Bajern Mynih     0-1

52’ Shvajnshtajger

Klasifikimi: Bajern Mynih 75 pikë, Borusia Dortmund 55, Bajer Leverkusen 49, Shalke 45, Eintraht Frankfurt 42, Borusia Mynshengladbah 41, Mainz 39, Fraiburg 39, Hamburg 38, Hanover 37, Nyrenberg 35, Volfsburg 33, Shtutgart 32, Verder Bremen 31, Fortuna Dyseldorf 29, Augsburg 24, Hofenhaim 23, Grojter Fyrth 15.

 
Lajme Shqip Saturday, 30 March 2013 20:56

Bajern Mynih ka regjistruar një fitore të bujshme 9-2 përballë Hamburgut duke shkaktuar padyshim rezultatin me të papritur të kësaj fundjave në Evropë. Kuptohet që një fitore e bavarezëve ishte e pritshme, duke parë se ata janë shumë afër titullit kampion dhe duan ta mbyllin sa më parë këtë çështje për t’u përqendruar te Liga e Kampioneve. Por askush nuk priste lehtësinë me të cilën bavarezët kanë zbërthyer plotësisht ekipin kundërshtar, duke turpëruar një nga skuadrat me më shumë traditë në futbollin gjerman. 

Që në minuta e para diktati i Bajernit ka qenë i pamëshirshëm, duke gjetur avantazhin në minutën e 5-të me Shaqirin, për të vazhduar me radhë me golat e Shvajnshtajger e Roben, duke mbyllur pjesën e parë me rezultatin 5-0 falë edhe dygolëshit të Pizarro.

Sulmuesi kilian ka treguar edhe në pjesën e dytë se vazhdon të jetë në një formë të mirë duke gjetur rrjetën edhe dy herë të tjera. Për Bajernin shënoi përsëri Roben, kurse kishte minuta lavdie edhe për Riberi, i aktivizuar për pjesën e dytë, që çoi në 9 golat e ekipit bavarez. Në minutat e fundit ngjallet disi edhe Hamburgu që shënon dy herë me Bruma e Vesterman, por që gjithsesi nuk mund të quhen gola ngushëllimi përballë goleadës së pësuar në “Allianz Arena”.

Titulli i 23-të kampion është kthyer në formalitet për Bajernin që në 7 javët e mbetura duhet thjesht të fitojë një ndeshje apo të barazojë dy të tilla që të sigurojë matematikisht trofeun. (LajmeShqip.com)

Bundesliga

Java 27 / Rezultatet

Shalke-Hofenhaim                        3-0

72’ Hoger, 79’ Rafael, 83’ Puki

Shtutgart-Borusia Dortmund         1-2

63’ Maksim / 29’ Piszczek, 82’ Levandovski

Fraiburg-B. Mynshengladbah        2-0

69’, 90’ Kruse

Mainz-Verder Bremen                    1-1

1’ Szalai / 69’ Hunt

Augsburg-Hanover                         0-2

61’, 90’ Raush

Fortuna Dyseldorf-B. Leverkusen  1-4

41’ (ag) Shvab / 22’, 88’ (p) Kisling, 62’, 84’ Shurle

Bajern Mynih-Hamburg                   9-2

5’ Shaqiri, 19’ Shvajnshtajger, 31’, 45’, 54’, 68’ Pizarro, 34’, 53’ Roben, 76’ Riberi / 75’ Bruma, 87” Vesterman
Klasifikimi: Bajern Mynih 72 pikë, Borusia Dortmund 52, Bajer Leverkusen 48, Shalke 42, Mainz 39, Eintraht Frankfurt 39, Fraiburg 39, Borusia Mynshengladbah 38, Hamburg 38, Hanover 37, Nyrenberg 34, Shtutgart 32, Verder Bremen 31, Volfsburg 31, Fortuna Dyseldorf 29, Augsburg 24, Hofenhaim 20, Grojter Fyrth 15.

 
Lajme Shqip Saturday, 09 March 2013 18:36

Shalke ka fituar derbin e Ruhrit kundër Borusia Dortmund për të ngjitur shkallë të tjera në renditje dhe për të luftuar përsëri për zonën e Ligës së Kampioneve. Në një ndeshje mjaft të ethshme, skuadra vendase triumfoi 2-1, duke mos menduar për takimin e mesjavës ndaj Gallatasarajit. 

Ndonëse Dortmundi dominoi në fillimin e takimit, ishte Shalke që mori frenat e ndeshjes dhe e kontrolloi tërësisht atë, duke shënuar dy herë me Draksler dhe Huntelar në pjesën e parë të sfidës. Një gol i të zakonshmit Levandovski në pjesën e dytë të takimit ishte shumë pak për Borusian që doli me kokën poshtë për të dytën herë në këtë sezon në derbin më të ndezur në Gjermani.

Ndërkohë, vazhdon dominimi absolut i Bajern Mynih në kampionat, ku falë fitores 3-2 ndaj Fortuna Dyseldorf, të kombinuar me humbjen e Dortmund, ka çuar në 20 pikë diferencën nga kjo skuadër që e ndjek në vendin e dytë në renditje. Duke pasur parasysh se kanë mbetur edhe 9 javë deri në fundin e kampionatit, tashmë Bajernit i nevojiten vetëm 3 fitore për të siguruar matematikisht titullin kampion në Bundesligë. (LajmeShqip.com)

Bundesliga

Java 25 / Rezultatet

Bajern Mynih-Fortuna Dyseldorf    3-2

45’ Myler, 73’ Riberi, 86’ Boateng / 16’ Bolli, 71’ Lambertz

Shalke-Borusia Dortmund              2-1

12’ Draksler, 35’ Huntelar / 59’ Levandovski

Fraiburg-Volfsburg                         2-5

2’ Kruse, 65’ Flum / 7’ (ag) Makiadi, 16’ Vieirinja, 22’, 49’ Oliç, 90’ Diego

Maniz-Bajer Leverkusen                 1-0

61’ (p) Ivanzhitz

Grojter Fyrth-Hofenhaim                 0-3

10’ Firmano, 16’ Hoselu, 50’ Vais

Klasifikimi: Bajern Mynih 66 pikë, Borusia Dortmund 46, Bajer Leverkusen 45, Shalke 39, Eintraht Frankfurt 38, Mainz 37, Fraiburg 36, Hamburg 35, Borusia Mynshengladbah 34, Hanover 33, Nyrenberg 31, Volfsburg 30, Shtutgart 29, Fortuna Dyseldorf 28, Verder Bremen 28, Augsburg 21, Hofenhaim 19, Grojter Fyrth 14.