Lajme Shqip Monday, 02 December 2013 14:12

Tiranë- Ministri i Energjisë dhe Industrisë Damian Gjiknurinjoftoi sot për pezullimin e 17 lejeve minerare me afat të pacaktuar deri në realizimin e detyrimeve dhe kushteve të përcaktuara nga specialistët.

Në një konferencë për shtyp,Gjiknuri, publikoi masat e marra pas përfundimit të inspektimit të grupit të kontrollit për lejet dhe koncesionet minerare në zonën e Bulqizës, shkruan albeu.

“Nga situata problematike me aktivitetin minerar në zonën e Bulqizës një muaj më parë urdhërova ngritjen e një grupipune për kontrollin e një gjithë koncesioneve në zonën e Bulqizës që është një zonë shumë problematike e cila ka marrë jetë njerëzish dhe ka qënë një gangrenë e industrisë minerare.Grupi i kontrollit ka nxjerrë konkluzionet dhe unë si ministër kam marrë masat përkatëse. Kontrolli u krye në 39 subjekte përfshirë edhe koncesionarin kryesor ACR dhe uzhvilluar në një periudhë një mujore.Pasi u njohëm me raportet e specialistëve kam urdhëruar pezullimin e pjesshëm të punimeve në shfrytëzimin e rezervave minerare në zonën e koncesionarit të kompanisë Albkrom deri në realizimin e detyrave si psh për zbatimin e programeve të investimeve” tha Gjiknuri.

I pyetur nga gazetaret në lidhje me grevën e minatorëve të Bulqizës, Gjknuri u shpreh se ata nxiten nga persona të tjerë.

“Grupe të ndryshme po luajne me jetën e njerëzve, më parë nuk u kanë krijuar asnjë kusht, ndërkohë që shfrytëzojnë nevojën

 
Lajme Shqip Tuesday, 20 December 2011 21:00

Tiranë – Ministria e Ekonomisë, Tregtisë dhe Energjetikës shprehu sot përmes një njoftimi keqardhje ndaj pyetjeve të deputetëve të PS-së, që “vijojnë sjelljen jo-institucionale dhe ligjore, duke përdorur mediat si burim propagande, ndërsa ligji për të drejtën e informimit dhe e drejta si deputetë u jep gjithë hapësirat”.

Në njoftimin zyrtar të METE-s, thuhet se miniera e Bulqizës, minatorët, si dhe gjendja në atë sektor, janë duke u përdorur keqazi nga forca të caktuara politike, që përdorin për firma deputetësh të ardhur në Parlament në vitin 2009, madje edhe më vonë, duke harruar të kaluarën socialiste.

“Nuk është e rastit që në pyetjet e drejtuara, asnjë prej firmëtarëve, nuk ka qenë deputet në vitet 2000-2005, kur janë dhënë rreth 54% e lejeve minerare”, thuhet në njoftim, ku shtohet fakti se për një problem kaq serioz siç është situata në minierën e Bulqizës, PS nuk ka futur mes firmëtarëve dy deputetët e qarkut të Peshkopisë ku përfshihet edhe Bulqiza, Sadri Abazi dhe Qemal Minxhozi.

METE shpreh habinë që ky grup ligjvënësish të rinj nuk denonocojnë në Prokurori atë që e quajnë “grupe mafioze të veshura me pushtet kontrollojnë minierat, por bëjnë politikë me jetët e minatorëve dhe me familjet e tyre”.

METE shprehet se e “ka treguar me ligj dhe jo me fjalë prej mëse një viti, se është në krah të shqetësimeve të minatorëve. Vendimet për pezullim, apo heqje liçencash shfrytëzimi janë ndërrmarrë nga ky insitucion dhe jo vetëm një herë, pa pasur nevojë për pyetje të parapërgatitura dhe të qëllimta politike”.

Ministria siguron deputetët e rinj të Partisë Socialiste se do të marrin përgjigje për çdo shqetësim dhe pyetje dhe u kërkon atyre të marrin informacionin e nevojshëm edhe brenda PS-së për marrëveshjet konçensionare të nënshkruara 10 vjet më parë.

Ministria e Ekonomisë shpreh keqardhjen për çdo jetë të humbur në minierën e Bulqizës, premton vendosmëri për t’i thënë “stop” çdo lloj abuzimi politik dhe profesional në kurriz të minatorëve, ndërsa është e gatshme për ngritjen e një Komisioni Hetimor Parlamentar për minierat e Bulqizës dhe e hapur për interpelancë parlamentare nga deputetët e rinj të Partisë Socialiste.

Tetë deputetë të opozitës kanë protokolluar në kryesinë e kuvendit, një letër për kërkesë informacioni ministrit të Ekonomisë Tregtisë dhe Energjitikës Nasip Naco në lidhje me minierën e Bulqizës ku thonë se ka dyshime serioze se grupe mafioze kontrollojnë shfrytëzimin dhe tregëtimin e mineralit duke përdorur minatorët si skllevër e pasurinë kombëtare si mall pa zot dhe se galeritë e minierave janë shëndruar në kampet e përqëndrimit të kohëve moderne. (LajmeShqip.com)

 
Lajme Shqip Tuesday, 20 December 2011 08:30

Tiranë-Tetë deputetë të opozitës kanë protokolluar në kryesinë e kuvendit, një letër për kërkesë informacioni ministrit të Ekonomisë Tregtisë dhe Energjitikës Nasip Naco në lidhje me minierën e Bulqizës.

“Edhe pse greva e minatorëve mori fund pak kohë më parë me një marrëveshje ndërmjet Sindikatës dhe shoqërisë koncesionare ACR, duke i dhënë vetëm zgjidhje të përkohshme problemeve të vetë minatorëve, familjeve të tyre, qytetit dhe banorëve që jetojnë me galeritë e minierës, fakte të njëpasnjëshme më kokëfortë sesa justifikimet politike tuajat, të Kryeminsitrit e të Qeverisë, na lënë të kuptojmë se zgjidhja përfundimtare është më larg se kurrë, siç është rreziku fatal më afër se ndonjëherë më parë”, thuhet në fillim të letrës e inicuar nga deputeti Saimir Tahiri.

“Ka dyshime serioze sipas të cilave grupe tërësisht mafioze e të veshura me pushtet, shkruajnë deputetët, kontrollojnë shfrytëzimin dhe tregëtimin e mineralit duke përdorur minatorët si skllevër e pasurinë kombëtare si mall pa zot dhe se galeritë e minierave janë shëndruar në kampet e përqëndirmit të kohëve moderne, ku varfëria mban peng vetë jetën dhe lirinë e minatorëve e familjarëve të tyre, ndërkohë që pushtetarë e biznesmenë të babzitur nxjerrin miliona euro përfitime me cmimin e lirë të lëkurës së minatorëve skllevër, që varfëria i detyron të punojnë e vdesin në galeritë e minierave”-vijon letra.

Në mbështetje të nenit 8 të ligjit “Për Statusin e Deputetit”, ata i kanë hartuar 23 pyetje që presin të marrin përgjigje nga ministri Naco, ku kërkojnë të informohen sa janë minatorët që kanë humbur jetën në galeritë e minierave nga viti 2000 deri sot.

-Cila është pozita ligjore e kompanisë ACR në raport me shtetin shqiptar?

-Cili është kontraktori i vërtetë? Vazhdon Darfo me nënkontraktor ACR apo është ACR që zëvendëson Darfo me ndryshim emri?

-Cili është aktiviteti ekonomik i ACR nga viti 2000 kur është regjistruar për herë të parë si person juridik deri në 2007 kur filloi biznesin e mineralit në Bulqizë?

-Bazuar në marreshjen koncesionare të miratuar në Parlament 10 vite më parë, sa është totali i investimeve të realizuara nga koncesionari për secilin nga zërat e marrëveshjes?

-METE dhe ju si Ministër i METE, i njihni vlerë ligjore dhe detyruese marrëveshjes së nënshkruar në 9 Korrik 2009 ndërmjet Ministrit Ruli dhe ACR, marrëveshje që modifikonte marrdhënien koncesionare, por që ende sot e kësaj dite nuk është miratuar në parlament siç e kërkon ligji?

Më tej vazhdohet me pyetje të tjera që lidhen me sigurinë e jetës së njerëzve, që punojnë në këtë minierë dhe proceset gjyqësore ku është përfshire kompania ACR. Gjithashtu, deputetët e opozitës kërkojnë t’u vihet në dispozicion i gjithë komunikimi ndërmjet kompanisë koncesionare “Dedeman” dhe METE. (TCH)

 
Lajme Shqip Wednesday, 26 October 2011 12:03

Tiranë – Reparti për Inspektim dhe Shpëtim i Minierave ka kërkuar pezullimin e punës për 10-të ditë në minierën e kromit në Bulqizë, në galeritë të cilat administrohen nga ACR.

RISHM ka argumentuar se këto masa janë marrë për shkak të pranisë jashtë normave të lejuara të hidrogjenit, e cila, sipas specialistëve të këtij reparti, paraqet rrezik për shëndetin e minatorëve.

Këta të fundit janë shprehur të kënaqur me rezultatet që ka paraqitur RISHM, dhe po presin të përcaktohen edhe përgjegjësit e aksidentit, që më tej të marrin vendimin për rifillimin ose jo të punës.

Ndërkaq ACR, është gjobitur një ditë më parë nga RISHM me shifrën 500 mijë lekë për neglizhimin e rregullave të sigurimit teknik, pasi sipas këtij reparti, shkak për shpërthimin e ndodhur ditë më parë në nivelin e 16-të minierës, pusi 2, ku humbi jetën minatori Naim Shyti, dhe u plagosën 8-të tjerë, erdhi si rrjedhojë e pranisë së hidrogjenit tej normave të lejuara, e cila ka mjaftuar për të shkaktuar shpërthimin.

 
Lajme Shqip Tuesday, 25 October 2011 16:30

Tiranë – Reparti i Inspektim-Shpëtimit i Minierave, pas inspektimit të kryer dje dhe sot në Minierën e Bulqizës, ka vlerësuar se shpërthimi ka ndodhur si pasojë e një shkëndije zjarri dhe normave të larta të hidrogjenit në minierë. Ajo ka gjobitur me 500 mijë lekë të reja firmën koncesionare “ACR” ndërsa 150 mijë lekë gjobë inxhinierin dhe drejtorin. RISHM, gjithashtu ka kërkuar nga kompania “ACR” që të kryejë investime në minierë duke vënë sisteme të reja ajrimi në galeri.

RISHM-i argumenton se “kjo masë administrative është marrë për neglizhencë të rregullave të sigurimit teknik në minierën e Bulqizës”.

Si pasojë e shpërthimit të gazit në minierën e kromit në Bulqizë, të ndodhur ditë më parë në nivelin 16 të minierës, humbi jetën minatori Naim Shyti dhe u plagosën 8 minatorë të tjerë.

 
Lajme Shqip Saturday, 22 October 2011 16:59

Tiranë – Një inspektim i dytë do të bëhet në Minierën e Bulqizës, kjo pasi grupi hetimor i dërguar nga Tirana nuk ka mundur të përfundojë inspektimin e tij, çka ka bërë që të bllokohet përsëri puna në minierë.

Burime zyrtare nga Reparti i Inspektim Shpëtim Minierave thanë se “grupi i dërguar nga Tirana nuk ka mundur dot të realizojë një kontroll të detajuar të zonës ku ndodhi shpërthimi, si dhe pjesëve të tjera të minierës, si rezultati i sasisë së gazit që ndodhet aty”.

Ndërkohë, përfaqësia e minatorëve vijon të mos pranojnë fillimin e punës, pasi konsiderohet e rrezikshme për jetën.  Luan Nika, kreu i përfaqësisë së minatorëve, tha se “do rifillojmë punën kur të na garantohet nga specialistët se janë kontrolluar të gjitha frontet e punës dhe të na konfirmohet gjendja e mirë e minierës”.

Ndërkohë, prokuroria vijon hetimet e saj për ta zbardhur tërësisht shkaqet e shpërthimit ndodhur ditë më parë në pusin 2, niveli 16-të të minierës së Bulqizës gjatë punës për hapjen e pusit të ri numër 9, ku një minator humbi jetën, ndërkohë që 8-të të tjerë u plagosën.

 
Lajme Shqip Thursday, 20 October 2011 20:48

Tiranё – Firma Koncesionare e minierës së kromit në Bulqizë, Albanian Crom, më anë të një njoftimi për shtyp bën me dije se Presidentja e kompanisë ACR, Skatsche Depisch, shpreh hidhërimin e saj të thellë për humbjen e punonjësit të ACR Naim Shyti.

Depisch i përcjell ngushëllimet e sinqerta familjes Shyti dhe shpreh mbështetjen e saj dhe të kompanisë ACR jo vetëm në këto momente të vështira por edhe në të ardhmen. Ajo gjithashtu është e interesuar për gjendjen e punonjësve të plagosur dhe iu uron atyre shërim sa më të shpejtë.

Përfaqësues të kompanisë ACR po ndjekin çdo ditë nga afër gjendjen shëndetësore të punonjësve të plagosur që gjenden në spitalin e Bulqizës dhe në Spitalin Amerikan të Tiranës.

Përsa i përket rrethanave të aksidentit tragjik, ACR sqaron se ka përmbushur të gjitha urdhëresat e dhëna nga METE dhe i është përmbajtur Akt-Inspektimeve të RISHM në veprimtarinë e saj për kthimin e minierës në kushte pune. Deri tani ACR është në pritje të raportit përfundimtar të RISHM për rrethanat që shkaktuan aksidentin tragjik. ACR ka vënë në dispozicion të grupit hetimor dokumentacionin e nevojshëm dhe ka krijuar të gjitha lehtësitë për hetimin e kësaj çështje. RISHM në bashkëpunim me strukturat e ACR kanë marrë masa dhe po bëjnë eliminimin e avarisë. Edhe pse ACR është e bindur se ka vepruar brenda të gjitha urdhëresave dhe raporteve të mëparshme do të jetë në pritje të një raporti përfundimtar për përcaktimin e shkaqeve të aksidentit.

 
Lajme Shqip Thursday, 20 October 2011 14:22

Tiranё – Mjekët e Spitalit Amerikan të Tiranës, aty ku ndodhen nga e mërkura tre nga minatorët e plagosur në Bulqizë, bënë të ditur se dy prej të lënduarve nga shpërthimi i gazit në minierën e Bulqizës, ditën e martë, janë drejt rikuperimit, ndërsa i treti vijon të mbetet nën vëzhgim.

“Bahri Toska është rikuperuar plotësisht, ai ka paraqitur qëndrueshmëri të plotë të parametrave jetësorë. Në të njëjtën rrugë është dhe kolegu i tij, Zaim Perkotaj, i cili pritet të dalë nesër nga reanimacioni, pasi dhe parametrat jetësore të tij shfaqin stabilitet. Ndërkohë, për minatorin e tretë të lënduar, Hajri Koçin, gjendja vijon të jetë kritike”, theksuan mjekët, të cilët shtuan se për Koçin do të ketë dhe një ndërhyrje kirurgjikale.

Problemet shëndetësore të minatorëve vijnë pas shpërthimit të gazit, ditën e martë, në nivelin e 16-të, pusi numër të 2, të minierës së Bulqizës, e cila shkaktoi vdekjen e një personi dhe plagosjen e tetë të tjerëve.

 
Lajme Shqip Thursday, 20 October 2011 14:05

Tiranё – Ministri i Ekonomisë, Tregtisë dhe Energjitikës (METE), Nasip Naço,  duke  informuar të enjten Kuvendin për aksidentin e ndodhur dy ditë më parë në minierën e Bulqizës,  akuzoi opozitën  se po kërkon të përfitojë politikisht nga kjo ngjarje.

Duke renditur kronologjikisht vendimet e marra nga METE në kuadër të masave mbrojtëse për garantimin e sigurisë në këtë minierë, ministri Naço tha se më 3 qershor 2011 kishte urdhëruar kontrollin e marrëveshjes së shoqërisë koncesionare ACR, ndërkohë që më 4 korrik 2011 ishte urdhëruar ushtrimi i një kontrolli në minierë për zbatimin e marrëveshjes në fjalë.

“Urdhëri ishte i qartë dhe i prerë dhe për zbatimin e tij u ngarkuan ekspertë të RISHM-t dhe të METE-s. Pas kësaj kanë ardhur konkluzionet e para dhe me urdhërin e datës 20 korrik 2011 kërkova pezullimin e pjesshëm të lejes minerare të dhënë më 2002-n kompanisë ACR”, deklaroi Naço në parlament.

Ai vijoi informimin e deputetëve, duke bërë të ditur se më 27 korrik 2011 aplikoi penalitete ndaj kompanisë ACR, ndërsa më 10 gusht 2011 urdhëroi ndërprerjen e prodhimit në minierën e kromit dhe marrjen e masave për rehabilitimin e saj.

Masat e marra vijojnë më tej me urdhërin e datës 5 gusht të METE-s, ku kërkohej shlyerja e detyrimeve nga ACR.

Paraditen e 18 tetorit, në pusin nr. 2, niveli i 16-të në minierën e Bulqizës, ku zhvillon aktivitetin e saj me koncesion kompania ACR, ndodhi një shpërthim i fuqishëm i gazit metan, nga i cili humbi jetën një minator, ndërsa u plagosën 8 të tjerë, tre prej tyre në gjendje të rëndë.

 
Lajme Shqip Thursday, 20 October 2011 10:43

Bulqizë – Minatorët e Bulqizës do vijojnë të bojkotojnë punën deri në zbardhjen e plotë të ngjarjes.

Sipas përfaqësisë së tyre, gjendja emocionale e minatorëve është e rënduar. “Pas ditës së martë, të gjithë jemi të shokuar, prandaj së bashku me kreun e Konfederatës, Kol Nikollën dhe kreun e sindikatës, Taf Kolecin, kemi vendosur të bojkotojmë punën deri në momentin kur institucionet përkatëse të nxjerrin raportin përfundimtar, ku të zbardhen dhe përgjegjësit e këtij aksidenti tragjik”, tha Luan Nika, kreu i përfaqësisë së minatorëve, i cili bëri me dije gjithashtu se në momentin e daljes së raportit, përfaqësia e minatorëve do të marrin vendim mbi rifillimin ose jo të punës.

Ndërkaq, ditën e djeshme Kreu i Ekzekutivit, Sali Berisha, vizitoi në spital minatorët e  plagosur dhe u interesua për gjendjen e tyre shëndetësore. Kryeministri në fjalën tij theksoi se “ky ishte një aksident i dhimbshëm dhe tragjik”, ndërsa siguroi se Qeveria do të bëjë gjithçka për të ndihmuar të lënduarit.