Lajme Shqip Thursday, 11 July 2013 10:48

Sot bëhen 18 vjet nga krimi në Srebrenicë. Para 18 vjetëve , Ushtria e Republikës serbe hyri në Srebrenicë, në enklavën boshnjake që u krijua në mbrojtje të Kombeve të Bashkuara. Më pas ajo bëri masakër ndaj popullatës lokale.

Sulmi në Srebrenicë filloi më 6 korrik 1995 dhe përfundoi pesë ditë më vonë, me hyrjen e ushtrisë në qytet nën komandën e Ratko Mladiqit.

Ratko Mladiq, pas fshehjes që ia bëri Serbia me vite, tani gjykohet për krime lufte në Hagë. Prokuroria e Hagës e akuzon atë se deri më 19 korrik të vitit 1995, në mënyrë të organizuar dhe sistematike ka vrarë rreth 8.000 myslimanë, burra e fëmijë. Rreth. 30.000 gra e fëmijë janë deportuar brenda dy ditësh.

Në Potoçane, te Srebrencia, sot do të varrosen edhe 409 viktima të identifikuara. Deri më tash janë varrosur 5.657 të vrarë./INA/Lajmeshqip/

 
Lajme Shqip Wednesday, 15 May 2013 15:36

“The Economist”, shkruan se Kelmendi kishte lidhje politike në të dy vendet. Ai hetohej me vite për krim të organizuar por që deri më tash nuk është dënuar asnjëherë. Sipas gazetës emri i tij po përmendet si i lidhur me politikën dhe i lidhur me trafikun e drogës.

Kelmendi ka mohuar akuzën se ai është marrë me drogë, ndërkaq ai është i vetmi individ nga Ballkani në të ashtuquajturën “Lista e Zezë amerikane” e trafikantëve të caktuar dhe posaçërisht dilerëve të drogës”.

“Arrestimi i Kelmendit, në qoftë se pasohet me një gjykim të drejtë, mund të jetë një pikë e rëndësishme kthese në luftën kundër krimit të organizuar në rajon”, shkruan gazeta britanike.

Kelmendi u arrestua në Prishtinë më 5 maj mbi bazën e një urdhër-arresti të Interpolit. Ai është kërkuar për “vrasje në tentative dhe shpërndarje të paligjshme të narkotikëve në Amerikën e Jugut, Turqi, Serbi, Kroaci dhe vende tjera të Evropës Perëndimore”.