Lajme Shqip Wednesday, 11 June 2014 15:12

Kreu i AKR-së, Behgjet Pacolli ka reaguar pas disa shkrimeve se AKR-ja pret vota nga Kazakistani, konkretisht nga punëtorët e Mabetex-it që punojnë atje. Pacolli ka thënë se është fyese dhe e pamoralshme të spekulohet me votat nga punëtorët e Mabetexit në Kazakistan.

“Ky spekulim mediatik që ka nisur vetëm dje të prodhohet në kuzhina të caktuara është mjerim mendor i dikujt që është i obsesionuar nga AKR”, ka shkruar ai në Facebook.

“Unë personalisht, nga familja ime dhe askush nga drejtorët e Mabetexit nuk kemi përmendur vota të punëtorëve të MABETEX që punojnë në Kazakistan apo kudo në botë. Njerëzit që punojnë në kompanitë e mija, nuk janë kushtëzuar asnjëherë që të votojnë për ndonjë parti politike”, ka shkruar ai.

Sipas tij, punëtorët në mënyrë dinjitoze janë duke punuar dhe nuk kanë qenë, dhe nuk do të jenë të obliguar që të votojnë jashtë vullnetit të tyre.

“Kjo është arsyeja pse as di se çfarë kanë bërë ata, a kanë votuar, a nuk kanë votuar. Është paradoks që përsëritet kur dëshmitë e ndershmërisë sime si kjo e mospërdorimit të votës së punonjësve, të tentohet të përkthehet në të kundërtën e vet.

AKR respekton çdo votë të qytetarit të Kosovës. Deri më sot nuk janë numëruar ende të gjithë votat dhe ne inkurajojmë institucionet gjegjëse ta përkryejnë deri në fund këtë numërim që është parakusht për proceset e tjera. AKR bën thirrje tek të gjithë spektri politik, që të presin me qetësi numërimin e çdo vote të qytetarëve të Kosovës”, ka shkruar në fund Pacolli.  

 
Lajme Shqip Monday, 21 October 2013 16:35

Prishtinë-  Presidenti iAleancës Kosova e Re, z.Behgjet Pacolli, i shoqëruar nga kandidati për kryetar të Prishtinës, z.Korab Sejdiu, kanë qëndruar në Kodrën e Trimave, ku kanë pirë çaj më qytetarët e kësaj ane. Pacolli nga këtu e ka ftuar publikisht  kryetarin aktual të Prishtinës, z.Isa Mustafa, që të dalë në debat dhe të mos vjedhë ide nga AKR-ja.

“E ftoj kryetarin aktual të Prishtinës të debatojë me kandidatin tonë dhe mos të na kopjojë idetë, po të vijë dhe ta zbërthejë idenë e tij, unë jam i bindur që nuk ka ide, përndryshe do t`i kishte zbatuar për 8 vjet”, ka thënë Pacolli.  I pari i AKR-së, z.Behgjet Pacolli, ka folur edhe për Kodrën e Timave dhe kaosin në komunikacion. Ai ka thënë që plani i AKR-së për ta ndryshuar këtë gjendje është të bëhet një Tunel nga fshati Bardhosh në drejtim të Xhamisë së Llapit.

“Familja ime posedon 70 hektarë tokë në Prishtinë dhe në ditën që ne do ta marrim Prishtinën, atë tokë do t` ia falim Komunës, pasi që do të krijohen zona të lira ekonomike dhe pastaj nga to do të hapen edhe vendet të lira të punës. Isa Mustafa tash e tetë vjet e ka penguar punën time në Fushë Kosovë, ku do të hapeshin vende të punës dhe veprimtari ekonomike, mirëpo ai nuk dëshiron që ju të punësoheni”, ka thënë Pacolli.

Ndërsa kandidati I AKR-së për kryetar të Prishtinës, z.Korab Sejdiu, ka folur për mungesat dhe problemet e përgjithshme të lagjes Kodra e Trimave.

Presidenti I partisë z.Behgjet Pacolli së bashku me kandidiatin për Prishtinën z.Korab Sejdiu, më pas vizituan tenden që është e vendosur në shesh të qytetit ku vazhduan bashkëbisedimin më qytetarë./koha/ 

 
Lajme Shqip Monday, 19 August 2013 12:54

Prishtinë – Fadil Maloku ia ka kthyer akuzat Aleancës Kosova e Re. Ai thotë se ajo nuk funksionon si një parti e mirëfilltë dhe ka një kryetar të vetëshpallur. Ai thotë t’i jetë ofruar një post tjetër, nëse do të jepte dorëheqje, para se ta largonin dhe të nisnin procedurat për zëvendësim, transmeton KTV.

Maloku, përveç kundërshtimeve për heqjen e logos nga fletëvotimet, ka thënë se nuk ka pranuar që organizimi i zgjedhjeve në veri të Kosovës të bëhet nga OSBE-ja. Sipas tij, e gjitha kishte nisur me shkuarjen e kryetares së KQZ-së, Valdete Daka në Bruksel, pas marrëveshjes së 19 prillit. Anëtar i KQZ-së, ka thënë se kryetarja Daka ishte kthyer nga atje me një listë të temave që do të prekeshin. Ndër to, edhe logot e fletëvotimeve dhe roli i OSBE-së në zgjedhjet e 3 nëntorit në komunat në veri të Kosovës. Ndërkohë, për shkarkimin e tij thotë se është në pritje të përgjigjes së Zyrës së Presidencës, pasi një gjë e tillë, sipas tij, nuk mund të bëhet dhe se nuk është përfaqësues vetëm i AKR-së, por i koalicionit Kosova e Re. Maloku e thotë këtë duke u bazuar në nenet 61.5 dhe 61.6 të Ligjit për Zgjedhjet në Kosovë, ku flitet për mandatet e anëtarëve të KQZ-së, e ku shkarkimi nga partia nuk parashihet.

AKR të shtunën bëri të ditur se ka dërguar në presidencë emrin e Arbërie Nagavcit për të zëvendësuar Fadil Malokun.

 
Lajme Shqip Sunday, 07 July 2013 17:48

Prishtinë – Zëvendëskryeministri i Qeverisë së Kosovës dhe njëherë kryetar i Aleancës Kosova e Re, Behgjet Pacolli, duke komentuar gjendjen, sipas tij, aspak të mirë në kryeqytet, ka thënë se Prishtina nuk duhet të jetë peng i njerëzve të paditur dhe të korruptuar. Sipas Pacollit, për këtë situatë, fajin nuk e ka vetëm kryetari i saj, Isa Mustafa por edhe Qeveria e Kosovës, e cila prej vitesh nuk ka miratuar ligjin për Prishtinë.

Pacolli gjatë një interviste për Agjencinë e Lajmeve Kosovapress, ka premtuar se aktiviteti i tij lobues për shtimin e njohjeve të pavarësisë së Kosovës do të vazhdojë dhe se vendi ynë, deri në fund të këtij viti do të arrij numrin e mbi 110 njohjeve.

Ditë më parë, pas kritikave të zëvendëskryeministrit, Pacolli për menaxhimin e kryeqytetit, kreu i Prishtinës, Isa Mustafa, i ka preferuar atij se mund ta lëshoj kryeqytetin dhe të shkoj diku tjetër. Menjëherë i është kundërpërgjigjur Pacolli duke thënë se ai ka ku mund të jetoj, por që Prishtina nuk duhet të jetë edhe më tutje nën menaxhimin e njerëzve të paditur dhe të korruptuar.

“Ju garantoj qytetarëve të Prishtinës se po të ishte një njeri i cili do të kishte vullnetin dhe diturinë se Prishtina është minierë e parave dhe Prishtina nuk e meriton këtë gjendje që e ka sot. Prishtina nuk mundet me qenë peng i njerëzve të paditur, Prishtina nuk mundet me qenë peng i njerëzve të korruptuar, Prishtina nuk mundet me qenë e njerëzve që nuk kanë vullnet për të vepruar e ndryshuar gjendjen”, ka theksuar Pacolli.

Për këtë gjendje, sipas tij, fajin nuk e ka vetëm kryetarit Isa Mustafa, por gjithë struktura e udhëheqjes dhe Qeveria e Kosovës, e cila nuk ka miratuar Ligjin për Prishtinën.

“Unë nuk e kam drejtuar këtë tek profesori Mustafa, tek profesori i nderuar. Unë kam marrëdhënie të mira dhe e respektoj Isën. Ka qenë në familjen time dhe shkoj në familjen e tij por Prishtina dhe anët e Prishtinës kalojnë mbi respektin njerëzor që e kam unë për profesorin. Por profesori nuk është i vetmi që ka qeverisur me Prishtinën dhe ai si kryetar i komunës nuk është i vetmuar aty. Unë flas për krejt njerëzit e tij, por nëse është gabim edhe Qeveria e Kosovës e cila nuk ka mundësuar Ligjin për Prishtinën. Edhe këta janë fajtor. Çdo kush që ka vepruar te Prishtina, nuk ka vepruar mjaftueshëm që Prishtina të jetë një qytet i dashur për të”, ka theksuar zëvendëskryeministri Pacolli.

Numri dy i ekzekutivit të vendit i cili merret edhe me lobimin për shtimin e njohjeve të pavarësisë së Kosovës, ka thënë se aktiviteti i tij lobus do të vazhdojë duke shtuar se deri në fund të vitit Kosova do të ketë mbi 110 njohje.

“Unë gjithmonë kam thënë se lobimi është një punë kompleksive, nuk është një gjë që të shkosh të marrësh dhe të materializosh atë, por është një mori punësh që duhet pas shumë vizitash, sepse duhet lobim edhe tek vet shteti dhe institucioni i atij shteti. Kështu që puna nuk ka munguar. Unë besoj se është bërë punë dhe besoj se këtë vit jam i sigurt që do të kemi mbi 110 njohje”, është shprehur ai.

E ideja e Pacollit për të ringjallur gjigantin Trepça, nuk parasheh privatizim apo koncesionim, por bashkëpunimin me ndonjë kompani nga jashtë për të zhvilluar këtë ndërmarrje.

“Trepça nuk duhet të privatizohet, Trepça nuk ka mundësi reale të privatizohet për arsye se nuk ka mundësi askush të jap një çmim nominal. Nëse gjendet një kompani e cila do të vinte me një çmim atraktiv disa miliardësh ne na nuk konvenon ajo, për arsye se në tregun e metaleve ka njëfarë konjukture e cila e dikton edhe vet punën e minierave. Miniera nganjëherë duhet të ndalet, për disa muaj në mënyrë që të ndikosh, në ofertën dhe kërkesën e mineraleve për arsye të rritjes së çmimit të caktuar që i konvenon minierës”, ka deklaruar zëvendëskryeministri Pacolli.

Ai ka shtuar se pret reagimet, por edhe idetë nga të tjerët për Trepçën në mënyrë që në këtë kompani të nis mbarë zhvillimi i saj. 

 

 

 

 
Lajme Shqip Tuesday, 02 July 2013 09:41

Prishtinë – Kryetari i Aleancës Kosova e Re dhe zëvendëskryeministri Behgjet Pacolli ka vazhduar kritikat në drejtim të kryetarit të Lidhjes Demokratike të Kosovës, njëherit kryetarit të Komunës së Prishtinës, Isa Mustafa.

Pacolli i ka sugjeruar Mustafës që të zgjidh sa më shpejt që mundet problemin dhe kaosin në Prishtinë dhe dështimet e tij dhe paraardhësve për t’u siguruar një jetë më të mirë qytetarëve të Prishtinës.

“Nuk është hera e parë i nderuari Kryetar që JU ofroni si zgjidhje të problemeve tua largimin e kritikëve. Lagjet e Prishtinës të cilat duken si rrugë të Kabulit, pa asfalt, pa ujë, me gropa dhe pluhur nuk mbulohen nga ikja ime. Puna ime flet pa folur unë dhe ashtu do të duhej të ishte edhe për JU, por ju doni të na verboni të mos shohim paaftësitë e administratës tuaj apo të na largoni të mos flasim për shëmtinë e Prishtinës”, ka shkruar Pacolli në një status të tij në facebook.

“Për dallim nga shumica e bashkëqytetarëve tonë, unë kam ku të shkoj, POR nuk kanë ku të shkojnë ata të cilët nuk kanë ende sot ujë, asfalt dhe vend ku mund të ndihen të sigurt për jetën dhe sigurinë e fëmijëve të tyre. Ato janë dështimet tua dhe të administratës tënde Kryetar dhe përkundrejt respektit njerëzor që ka për JU më befasoni me verbërinë për të parë shëmtinë për të cilën JU keni kontribuar për dy mandate të plota”, ka thënë Pacolli.

 

 
Lajme Shqip Sunday, 19 May 2013 20:10

Gazeta Jeta në Kosovë në Prishtinë raportoi se zv/kryeministri i parë i Qeverisë së Kosovës ka krijuar një Shoqëri të përbashkët që merret me telekomunikime me njerëz që kanë rënë ndesh me ligjin.

“W-Intramedia” Sh.P.K u themelua në Kosovë në vitin 2005.

Por, përveq Pacollit aksionerë në kompani është edhe Leme Xhema ish-drejtoresha e Postë-Telekomit të Kosovës e dënuar për korrupsion me tri vite burgim e cila gjendet në arrati dhe kërkohet nga “Interpol”.

Një tjetër aksionerë është edhe biznesmeni që u bë i njohur prej rastit të vdekjës së këngëtarës  Elsina Hidersha të njohur si Emmy.

Aziz Kelmendi është dënuar nga Gjykata e Faktit në Tiranë me dy vite burg me kusht për veprën penale “vrasje nga pakujdesia” . Biznesmeni kosovarë do të vuaj burgun nëse gjatë dy viteve kryen vepër penale.

 

 

 
Lajme Shqip Tuesday, 14 May 2013 15:10

 Lideri i Koalicionit për Kosovë të re Behxhet Pacolli kërkoi shkarkimin e menjëhershëm të kryetarit të bordit të Agjencisë Kosovare të Privatizimit. 

Parneri i vogël në Qeveri reagoi pas largimit të përfaqësueses amerikane nga Bordi i AKP-së. 
Pacolli në një intervistë për portalin Exress deklaroi se nëse nuk shkarkohet kryetari i bordit atëherë partia e tij edhe mund të dalë nga Qeveria. 
Pacolli vlerësoi se tërheqja e amerikanëve nga privatizimit përben problem shqetësuses për Kosovën. 
“Ky është kulmi i degradimit. Ne nuk e bëjmë as një hap përpara pa u pastruar kjo çështje”, deklaroi Pacolli.

 
Lajme Shqip Monday, 13 May 2013 10:59

 

 

 

 

Janë bërë dy vjet prej se është arritur marrëveshja ndërmjet kryeministrit Hashim Thaçi, liderit të opozitës së LDK-së Isa Mustafa dhe kryetarit të AKR-së, Behgjet Pacolli, për reformimin e sistemit zgjedhor, ndërsa përveç frazave politike, asnjë hap nuk është ecur përpara.

Zgjedhjet lokale pritet të mbahen ndërmjet periudhës 15 shtator – 15 nëntor, ndërsa mundësitë që deri atëherë të miratohet ligji i ri duken të pamundura. Zëri shkruan se për këtë tregojnë vetë anëtarët e ish-komisionit për reformë zgjedhore.

 

Ish-kryesuesi i këtij komisioni, Haki Demolli, nga radhët e LDK-së, bën të ditur se ka një pajtueshmëri mes partive politike që të shkohet me ligj të vjetër. “Besoj se në tubimet joformale, lidhur me zgjedhjet lokale, partitë politike janë pajtuar unanimisht që të shkohet me ligjin e vjetër”, u shpreh ai.

 

Ndërkohë që para një muaji zëvendëskryeministri Behxhet Pacolli tha se “në zgjedhjet lokale do të shkohet me ligj të ri”. Ndërsa tash Pacolli bashkë me udhëheqësit e partive tjera “nuk po bëjnë zë”.