Lajme Shqip Wednesday, 02 October 2013 14:15

 

Mimoza Kusari sot e lë Ministrinë e Tregtisë dhe Industrisë e edhe postin e Zëvendëskryeministres, por ajo s’ka shkuar pa e nënshkruar edhe një kontratë. MTI-ja ka nënshkruar edhe një kontratë me CNN dhe BBC për të transmetuar edhe një herë spote 30 sekondash për Kosovën. Njëra reklamë, raporton Koha Ditore, do të ketë si qëllim të tregojë arsyet pse duhet të investohet në Kosovë e tjetra shtatë sektorët prioritare për investime, siç janë ndër to përpunimi i drurit, ushqimi, tekstili, etj.

 

CNN do të marrë 400 mijë euro për emetimin e reklamës e BBC-ja ndërkaq 300 mijë euro. Sipas Valdrin Llukës, kryeshef i Agjencisë për Promovimin të Investimeve reklama do të transmetohet deri në pesë herë në ditë, dhe kjo sipas tij e bën dallimin nga fushatat tjera që janë bërë në këtë formë në këto rrjete televizive. 

Ministria që sot po e lë Mimoza Kusari Lila kishte dhënë më vonë 1 milionë euro për një fushatë tjetër e ku ishte deformuar monumenti ‘NewBorn’ në ‘NewPorn’.
Burime të Reporterit.net bëjnë me dije se xhirimi i spoteve që do të publikohet në dy mediat e njohura në botë është kompania Entermedia, dhe ata kanë dy javë kohë për të bërë xhirimet.

“Ministrja kishte insistuar që kjo kontratë të kryhet para se ajo të jepte dorëheqje”, ka thënë burimi i Reporterit nga MTI-ja.

Qeveria e Kosovës  edhe më herët ka dhënë miliona për spote të shkurta në televizionet botërore. Kontrata e parë kishte qenë me Saatchi & Saatchi, në vlerë prej 5.7 milionë euro për promovimin e shtetit të sapo shpallur, e që në realitet efekti i tyre ka rezultuar të jetë fare i vogël, për të mos thënë zero.

 
Lajme Shqip Friday, 09 August 2013 15:48

Londër – Detektivët britanik të ekipeve të mashtrimit janë duke e ekzaminuar nëse pagesat jashtëzakonisht të mëdha që u janë bërë menaxherëve të lartë të radio televizionit publik britanik, BBC përbëjnë shkelje penale kushtetuese, ka njoftuar të premtën policia në Londër, raporton REL.

Siç raporton agjencia e lajmeve Reuters, muajin e kaluar Zyra e Auditimit Kombëtar në Britani, ka verifikuar se mediumi publik britanik ka shkelur politikat e saj edhe ashtu bujare sa i përket pagesave shtesë pa ndonjë arsye.

Kjo zyrë ka thënë se 60 milion funta apo mbi 90 milion dollarë u janë paguar menaxherëve të lartë prej vitit 2005 deri në mars të këtij viti, ndërsa ka gjetur se në 14 nga 60 rastet e rishikuara, menaxherët kanë marrë më shumë para se sa që u ka takuar, duke ju shkaktuar kështu humbje taksapaguesve në vlerë prej 1 milion funta.

Disa prej këtyre pagesave shumë të larta, sipas raportit thuhet se janë aprovuar nga ish Drejtori i BBC, Mark Thompson.

Ky i fundit tani është shefi i gazetës, “New York Times”.

Shqetësim për këtë ka shprehur edhe bordi udhëheqës i transmetuesit publik, mirëpo ata e kanë hedhur poshtë mundësinë që kjo të përbëjë krim.

 
Lajme Shqip Sunday, 23 June 2013 10:52

Londër- Votimet janë hapur në Shqipëri, në zgjedhjet parlamentare që shihen si një test kyç për progresin që ka bërë vendi drejt rrugës për në Bashkimin Evropian. Kryeministri Sali Berisha po garon për mandatin e tretë por ai përballet me një garë të fortë nga lideri opozitar, Edi Rama, ish kryetar i Tiranës, shkruan BBC në artikullin e sotëm për zgjedhjet në Shqipëri. 
“Zgjedhjet në Shqipëri, një nga vendet më të varfra në Evropë, zakonisht janë përshkruar nga dhuna apo incidentete, që prej kur vendi u shkëput nga periudha e komunizmit dy dekada më parë”, shkruan BBC.
Më pas, jepet mesazhi i presidentit shqiptar, Bujar Nishani, dhënë në prag të mbajtjes së zgjedhjeve.
“Duhet të kemi parasyshë se rëndësia e këtyre zgjedhjeve qëndron në lidhjet tona me botën, me lirinë, me prosperitetin, fati i së ardhmes dhe të shkuarës janë lidhur ngushtë”, citon BBC deklaratën e presidentit Nishani. 
Berisha dhe Rama kanë premtuar vende të reja të punës, zhvillim ekonomik dhe reforma në taksa. Ata janë që të dy liderë pro europianë.

Rezultati në rrezik 

Analistët thonë se pyetja më e madhe qëndron rreth Komisionit Qendror Zgjedhor. Të shtunën, një diplomat perëndimor ka thënë për agjencinë e lajmeve AFP se KQZ “përbanë një rrezik për rezultatet, të cilat mund të kontestohen qoftë nga pozita qoftë nga opozita”. /Lajmeshqip/