Lajme Shqip Saturday, 08 March 2014 17:51

Presidenti sirian, Bashar Assad, thotë se marrja ushtarake e Krimesë nga Rusia reflekton “politikën e zgjuar” të presidentit Vladimir Putin dhe përpjekjet e tij për të rikthyer “sigurinë dhe stabilitetin” në Ukrainë. 

Në një letër adresuar presidentit të Rusisë, Assad-i e quan lëvizjen e Putin-it në Ukrainën lindore si parandalim të marrjes së pushtetit në Kiev nga “terroristët ekstremistë”.  

Komentet e Asadit, të parat që nga përshkallëzimi i krizës në Ukrainë që muajin e kaluar, u transmetuan nga shërbimi shtetëror i lajmeve në Siri, ditën e enjte.

Rusia ka qenë një mbështetëse e fortë e Asad-it gjatë konfliktit 3-vjeçar, që filloi si një protestë e gjerë paqësore kundër qeverisjes së tij, por që u kthye në një luftë civile, e cila mori të paktën 140 mijë jetë njerëzish. 

Asad-i thotë se trupat e tij po luftojnë ekstremistët islamikë që duan të shkatërrojnë Sirinë. 

 

 
Lajme Shqip Tuesday, 15 October 2013 21:47

Damask- Diktatori sirian, Bashar al-Assad i tha një gazete libaneze pro regjimit se Çmimin Nobel për Paqen duhet ta kishte marrë ai. 

Çmimi iu dha javën e kaluar Organizatës për Ndalimin e Armëve Kimike (ONAK).

” Ky çmim duhet të më ishte dhënë mua”, tha Assad, me shaka,  kur intervistuesi i komunikoi atij fituesin e vërtetë të Çmimit Nobel, shkruan Zeri. 

Diktatori është fajësuar gjerësisht për një sulm me armë kimike ndaj popullit të tij më 21 gusht, ku mbetën të vrarë më shumë se 1.400 njerëz.

Inspektorët e armëve të OKB-së kanë konfirmuar se ka patur një sulm kimik, por nuk kanë qenë në gjendje të përcaktojë përfundimisht se kush e ka patur fajin për këtë, regjimi apo rebelët.