Lajme Shqip Tuesday, 12 November 2013 23:43

Prishtinë- Ish-deputetja nga radhët e Lëvizjes Vetëvendosje, e cila para pak kohësh kaloi në Lidhjen Demokratike të Kosovës, gjatë një debati “Rubikon” të KTV-së, ku për temë ishin komentet në portalet informative në Kosovës, ka bërë një akuzë në drejtim të ish-subjektit të saj politik.

Lama, teksa po flitej për gjuhën e urrejtjes dhe atë denigruese që paraqitet në komentet e artikujve të publikuar nëpër portalet tona informative, ka thënë se ka raste kur parti politike paguajnë njerëz me paga mujore për të qenë aktivë në komentim të artikujve.

“Subjekti im i kaluar politik ka pasur të angazhuar njerëz me pagë për të komentuar në raste të ndryshme”, ka thënë Lama gjatë debatit.

 

I menjëhershëm ka qenë reagimi i aktivistit më aktiv të Vetëvendosjes, Fisnik Ismaili. Ai, përmes rrjetit social Facebook, ka komentuar në lidhje me deklaratën e Lamës, duke thënë se Vetëvendosje nuk ka nevojë që të paguajë njerëz për ta sharë atë, pasi që ka mjaftë të tillë që këtë e bëjnë edhe pa pagesë, shkruan Zëri.

 

“Alma Lama, se pak punë ma të mençme po ka LVV, veç me u marrë me ty nëpër komente të portaleve? Ani, me pague njerëz për me të shajtë ty? Mos të rritet mendja, bijo, se ka boll njerëz që s’dojnë me ti pa sytë edhe shprehen vetë, pa pare. E ke humbë elektoratin, se ke rrejtë, ke shpifë edhe fije parimi nuk të ka mbetë. Sa shpejt u mishnove me kolegët e partisë së re edhe nise me i fajësue të tjerët për dështimet tua. Ec, bjer flej, a naksen”, ka shkruar Ismaili në profilin e tij në Facebook. 

 
Lajme Shqip Wednesday, 10 July 2013 19:29

Prishtinë – Rrjetet sociale janë kthyer në arenë debati për politikanët tanë.
Së fundmi Memli Krasniqi në twitter me disa statuse ka kritikuar Lëvizjen Vetëvendosje. Ai e thotë se Alma Lamës, iu paskan dashur 3 vite për të kuptuar që Vetëvendosje është parti fundamentaliste.
“Alma Lames iu paskan dashur 3 vite me e kuptu atë që secili njeri racional e kupton për 3 minuta: faktin që VV është parti fundamentaliste”, shkruan ai.
E shpejtë ka qenë Alma Lama duke i thënë atij se të paktën për 3 minuta e ka kuptuar kush është Memli dhe këtë e ka bërë kur ai ka larguar foton e Nënës Terezë nga zyra e Ministrisë.
“Në fakt 3 minuta më janë dashur për të kuptuar se kush jeni ju, kur hoqët foton e Nënë Terezës nga zyra e Ministrisë”, ja ktheu ajo.
Por Memli nuk ndalet tek Alma. Më vonë u morr edhe me Shpend Ahmetin.
Tha se ka qejf me ditë çka do të thotë ai kur të largohet (ose largojnë) atë nga Vetëvendosje.
“Bash kisha pas qef me e dite çka ka me deklaru Shpend Ahmeti kurdo qe largohet (ose e largojnë) prej VV. Besa edhe çka do thonë VV për të. :)”, shkruan Krasniqi. /K.press/Lajmeshqip/ 

 
Lajme Shqip Tuesday, 09 July 2013 09:07

Prishtinë – Deputetja e Vetëvendosjes, Albulena Haxhiu ka bërë disa akuza në drejtim të ish-bashkëpartiakes së saj,  Alma Lama.

E ftuar në Interaktiv, Haxhiu ka thënë se Lama ka injoruar forumet e partisë si mbledhjet e Këshillit të Përgjithshëm, dhe mbledhjet e Grupit Parlamentar. Por, mbi të gjithë, Haxhiu tha se ajo ka afërsi me njerëzit e SHIK-ut. “Zonja Lama është parë në Kuvend shpeshherë me njerëzit e SHIK-ut. Ajo rri edhe me Adem Grabovcin, gjë që ne të tjerët në Vetëvendosje nuk mund ta bëjmë, duke e ditur kush është ai”, ka thënë Haxhiu. 

  Ajo i ka kujtuar Lamës se votuesit kanë zgjedhur ‘Vetëvendosjen’, para se t’ia japin votën asaj personalisht. 

Deputetja Alma Lama pak ditë më parë dha dorëheqje nga Vetëvendosje. Ajo sqaroi arsyet e dorëheqjes nëpërmjet një letre.

 

Letra e plotë:

 

Letër e hapur votuesve të mi

Të dashur votues,

Kam vendosur t’ju drejtohem të gjithëve ju, që kur u afruat pranë kutive të votimit, në zgjedhjet e vitit 2010, në mendje kishit emrin tim, dhe dora juaj rrumbullakësoi pikërisht numrin që përkonte me këtë emër.

Ju drejtohem sepse në një shoqëri demokratike, të vetmit që japin legjitimitet demokratik, janë pikërisht votuesit, pjesë e sovranit që quhet popull. Vetëm ju mund t’i jepni mundësinë dikujt t’ju përfaqësojë, të bëhet zëri juaj.

Ndihem e privilegjuar që ma dhatë mundësinë të bëhem pjesë e Kuvendit të Kosovës, institucionit më të lartë në vend dhe jam e vetëdijshme çdo çast për përgjegjësinë e madhe që kam marrë mbi supe.
Me një vetëdije të tillë, jam përpjekur të jem zëri juaj, zëri i mijëra njerëzve që e dëshironi një Kosovë të ndryshme nga ajo që është sot, që dëshironi një shtet më të fortë, më demokratik, një shtet që kujdeset për ju, që respekton e garanton liritë tuaja, që i respekton miqtë që na dolën në krah, atëherë kur gjysma e kombit- Kosova rrezikohej nga zhbërja.

Po ju drejtohem ju sepse jeni të vetmit që ndjej obligim t’ju shpjegoj situatatën e krijuar përreth meje dhe subjektit politik ku bëj pjesë.

Në tetor të vitit 2010 iu bashkova Lëvizjes Vetëvendosje! me dëshirën dhe vullnetin më të mirë për të dhënë kontributin tim për ndërtimin dhe konsolidimin e demokracisë në shtetin e Kosovës.
Iu bashkova Lëvizjes Vetëvendosje! me besimin e plotë se vetëm në këtë subjekt mund të punoja për çuar përpara ëndrrën tonë të përbashkët për bashkim kombëtar.

Iu bashkova Lëvizjes Vetëvendosje! pa pasur as dyshimin më të vogël se kjo organizatë do bënte çmos për të ruajtur identitetin tonë kombëtar, atëherë kur ndonjë gjarpër i pabesë do të tentonte të na futej në gjirin tonë për të na e helmuar shpirtin dhe mendjen, siç na ka ndodhur shpesh përgjatë historisë.
Iu bashkova Lëvizjes Vetëvendosje! me bindjen e plotë se kjo do të ishte gjeneratori i moderimit të shoqërisë, i instalimit të kulturës demokratike përendimore, që do ta dërrmonte politikën klienteliste, klanore e të errët që sot po e mban peng politikën dhe vetë jetën.

Iu bashkova Lëvizjes Vetëvendosje! sepse i besova programit të saj.
Iu bashkova Lëvizjes Vetëvendosje! sepse kam besuar se vërtete kjo lëvizje do t’i kthejë politikës moralin e munguar.

Sot, pas më shumë se dy vitesh e gjysmë që jam pjesë e këtij subjekti politik, mund t’ju them se shumica e koncepteve dhe parimeve që permenda më lart, janë ngulfatur dhe zvetënuar nga radikalizmi, nga mjetet të cilat shpesh përfundojnë në promovim të dhunës, e që kompromentojnë çfarëdolloj qëllimi të mirë.

Radikalizmi po i ngulfat edhe vlerat më të mira që i kanë shumica e vajzave dhe djemve të Vetevendosjes!

Qytetarët e Kosovës kanë kaluar nëpër periudha shumë të dhimbshme të dhunës së imponuar, plagët janë ende të hapura, dhe unë mendoj se riciklimi i saj, në çfarëdolloj niveli apo intensiteti, qoftë edhe simbolik, nuk i ndihmon askujt, as qytetarëve, as demokracisë, as imazhit të Kosovës, as interesit kombëtar.

Përdorimi i dhunës si mjet për arritjen e synimeve politike, nuk ka qenë pjesë të programit të Lëvizjes, por kjo po ndodh në praktikë gjithnjë e më shpesh. Asnjë forcë serioze nuk mund të ecë përpra duke u bazuar në këtë mjet. Mjeti i gabuar degradon vetë qëllimin.

I kam shprehur në mënyrë të vazhdueshme këto brenga dhe qëndrime të mia brenda Lëvizjes, kam kërkuar me ngulm që të respektojmë rregullat e lojës demokratike, të respektojmë institucionet dhe ligjin, por për fat të keq zëri im nuk është dëgjuar, ka qenë vazhdimisht i izoluar brenda strukturave, ku debatet janë vetëm nuance e së njejtës ngjyrë.

Kam shpresuar gjatë gjithë kësaj kohe se gjërat do të ndryshojnë me jetën institucionale, që kjo do të sillte edhe pjekurinë politike. Mirëpo kjo nuk po ndodh, përkundrazi, radikalizmi po thellohet nga dita në ditë. Jemi dëshmitarë të gjithë të asaj që ndodhi në Kuvendin e Kosovës; në tentativën për të ndaluar deputetët të hyjnë në Kuvend, në trajtimin jodiplomatik që iu bë ambasadores së vendit që është mbështetësi më i madh, i lirisë dhe pavaresisë së shtetit të Kosovës; në përleshjet e vazhdueshme me policinë me qëllimin për të prodhuar konflikt; në polarizimin e skajshëm të shoqërisë.

Unë nuk mund të pajtohem me këto sjellje, nuk mund t’i mbështes. Janë plotësisht në kundërshtim me bindjet e mia.

Nuk pajtohem me politikat e qeverisë aktuale, kam qenë dhe jam kritikuese e ashpër e praktikave korruptive të qeverisjes, e dështimit në bisedime me Serbinë, e dhënies së autonomisë për serbët në veri. Vota ime ka shkuar kundër të gjitha këtyre vendimeve, por nuk mund të pajtohem kurrsesi që sjellja irracionale të zëvendësojë racionalen, që dhuna të zëvendësojë argumentet, që polarizimi i shoqërisë të zëvendësojë tolerancën, dhe të gjitha këto sjellje të dëmshme, aspak të mos e ndryshojnë realitetin e kritikuar. Përkundrazi, thjesht po e legjitimojnë qeverisjen e korruptuar, e cila për ironi, shpesh bëjnë të duket më e moderuar.

Përgjatë gjithë kësaj kohe, kam kuptuar se nuk janë vetëm metodat me të cilat unë nuk pajtohem, por janë edhe vetë konceptet ideologjike të Lëvizjes Vetëvendosje!. Unë jam për demokraci liberale, për respektimin e lirisë së individit, të sferës private, për lirinë e tregut, jam për korigjimin dhe përmirësimin e përditshëm të sistemit demokratik, jo për ideologji të tjera dhe ndryshime radikale të cilat do të mund të kishin pasoja fatale.

Të dashur votues,

Nuk mund ta fsheh para jush se ndihem thellësisht e zhgënjyer nga qëndrimi më i fundit i Lëvizjes Vetëvendosje! në lidhje me fenë dhe raportin me identitetin tonë kombëtar. Flirtimi politik me rrymat radikale fetare, qoftë edhe për arsye pragmatike siç është vota, për mua është joparimor dhe për pasojë i papranueshëm. Janë disa arsye të fuqishme që më shtyjnë drejt këtij qëndrimi por më kryesorja sepse jam e bindur se këto rryma, të cilat nëpërmjet indoktrinimit fetar të popullatës, synojnë identifikimin me fenë dhe jo me kombin, na e rrezikojnë identitetin kombëtar, na çojnë në regres, në epokën e diskriminimit të grave, larg kulturës përendimore. Këto rryma në fund të ditës, mund të na e rrezikojnë lirinë, për të cilën u derdh shumë gjak.

Çfarëdo tendence për të keqinterpretuar fjalën time dhe qendrimet e mia publike në lidhje me fenë islame në përgjithësi, ka qenë një luftë speciale e grupacioneve të caktuara politike, të cilët i shoqëruan me kërcënime, linçim publik dhe me fyerjet më të ulëta që iu është bërë ndonjëherë grave shqiptare. Jam ndjerë e shokuar nga niveli i këtij diskursi.

Prandaj të heshtesh apo me vetëdije të mbash qëndrime relativizuese ndaj synimeve te grupacioneve të tilla, që kërcënojnë, prodhojnë gjuhën e urrejtjes, linçimit publik, fanatizmit, fondamentalizmit, antishqiptarizmit, që bëjnë diversion kombëtar, për mendimin tim është e pajustifikueshme.

Për mua pra kjo është një çështje që ndan dy botë, është një zgjedhje mes errësirës dhe dritës, prandaj dhe pozicionimi im është i pakompromis me këdo dhe kurdo.

Për mua tashmë kjo është edhe një çështje e dinjitetit personal.

E kam të qartë se politika ndërtohet mbi kompromise por një devijim kaq i madh nga parimet dhe programi, nga ana e Lëvizjes për mua ka qenë i papërfytyrueshëm.

Të dashur votues,

Për shkak të këtyre qëndrimeve të shpjeguara më lart, por dhe shumë çështjeve të tjera shumë të rëndësishme , të cilat nuk do t’i rendis në këto radhë, mua më është bërë i pamundur qëndrimi i mëtejshëm në Lëvizjen Vetëvendosje! Ndryshimet konceptuale mes meje dhe drejtuesve të LVV janë fondamentale; qëndrimet për çështjet më të rëndësishme nacionale nuk përputhen dhe metodat për të arritur synimet politike, janë të papajtueshme mes nesh.

Shpreh keqardhjen e thellë që gjërat nuk shkuan në drejtimin e duhur, në drejtimin në të cilin unë besoja kur iu bashkova Lëvizjes Vetëvendosje!, me vullnetin më të mirë që nëpërmjet saj të jepja kontributin për vendin dhe shoqërinë.

Mandatin tim si deputete në Kuvendin e Kosovës tani e tutje do ta përmbush jashtë grupit parlamentar. Do të vazhdoj të jem zëri juaj në Kuvend, deri në fund të mandatit, duke punuar më përkushtim dhe aktivizëm në interes të vendit dhe aspiratave tona të përbashkëta për demokraci dhe bashkimin të kombit.

Me respekt
Alma Lama

 

 
Lajme Shqip Monday, 08 July 2013 14:10

Prishtinë – Lëvizja Vetëvendosje ka reaguar ndaj letrës së Forumit të të Rinjve Myslimanë, e cila sërish ka pasur një përmbajtje fyese ndaj deputetes Alma Lama.

Vetëvendosje konsideron se pa marrë parasyshë dorëheqjes së Lamës nga Vetëvendosje, “mesazhet që cenojnë dinjitetin e Lamës por edhe të kombit shqiptar janë të papranueshme”.

 

Mesazhi i plotë i Vetëvendosjes:

 

Lëvizja VETËVENDOSJE! e dënon fuqishëm letrën e dytë të të ashtuquajturit “Forumi i të Rinjve Myslimanë” dërguar medieve, në të cilën përsëri me shprehje përçarëse dhe kërcënuese ofendohet deputetja Alma Lama dhe provohet të kapitalizohet dalja e saj nga Lëvizja VETËVENDOSJE!. Mesazhet që cenojnë dinjitetin e zonjës Lama, por edhe atë të kombit shqiptar janë të papranueshme.

Duam të vëmë theksin se Lëvizja VETËVENDOSJE! nuk ka nevojë për mbështetjen e atyre që diskriminojnë dhe fyejnë dinjitetin e qytetarit mbi baza të prejardhjes apo identiteteve gjinore e kulturore, e as për mbështetjen e atyre që s’e respektojnë kombin. Kufiri midis Kosovës dhe Shqipërisë nuk është as kufi yni e as i vendosur aty paqësisht. Pranimi dhe afirmimi, normalizimi dhe natyralizimi i atij kufiri është i padrejtë dhe i dëmshëm.   

Qëndrimet tona për secilën çështje janë të qarta e parimore, dhe janë vendime të marra në mënyrë demokratike, nga organet legjitime të Lëvizjes.

Thirrjet që Alma Lama të kthehet në Shqipëri, sepse nuk e ka vendin këtu, janë thirrje injorante, seksiste dhe antikombëtare. 

Deputetja Lama ka dhënë dorëheqjen nga Lëvizja VETËVENDOSJE!, megjithatë ne jemi vendosmërisht kundër çfarëdolloj cenimi ndaj saj apo të cilitdo qytetar, dhe do t’i kundërshtojmë ofendimet, përbuzjet apo kërcënimet e tilla.

 
Lajme Shqip Friday, 05 July 2013 08:52

Prishtinë – (E plotësuar). Ashtu siç kishte premtuar, se arsyen e dorëheqjes nga Vetevendosje do ta sqaronte nëpërmjet një letre, Alma Lama e ka bërë këtë.

 

Letra e plotë e Alma Lamës:

 

Letër e hapur votuesve të mi
Të dashur votues,

Kam vendosur t’ju drejtohem të gjithëve ju, që kur u afruat pranë kutive të votimit, në zgjedhjet e vitit 2010, në mendje kishit emrin tim, dhe dora juaj rrumbullakësoi pikërisht numrin që përkonte me këtë emër.

Ju drejtohem sepse në një shoqëri demokratike, të vetmit që japin legjitimitet demokratik, janë pikërisht votuesit, pjesë e sovranit që quhet popull. Vetëm ju mund t’i jepni mundësinë dikujt t’ju përfaqësojë, të bëhet zëri juaj.

Ndihem e privilegjuar që ma dhatë mundësinë të bëhem pjesë e Kuvendit të Kosovës, institucionit më të lartë në vend dhe jam e vetëdijshme çdo çast për përgjegjësinë e madhe që kam marrë mbi supe.
Me një vetëdije të tillë, jam përpjekur të jem zëri juaj, zëri i mijëra njerëzve që e dëshironi një Kosovë të ndryshme nga ajo që është sot, që dëshironi një shtet më të fortë, më demokratik, një shtet që kujdeset për ju, që respekton e garanton liritë tuaja, që i respekton miqtë që na dolën në krah, atëherë kur gjysma e kombit- Kosova rrezikohej nga zhbërja.

Po ju drejtohem ju sepse jeni të vetmit që ndjej obligim t’ju shpjegoj situatatën e krijuar përreth meje dhe subjektit politik ku bëj pjesë.

Në tetor të vitit 2010 iu bashkova Lëvizjes Vetëvendosje! me dëshirën dhe vullnetin më të mirë për të dhënë kontributin tim për ndërtimin dhe konsolidimin e demokracisë në shtetin e Kosovës.
Iu bashkova Lëvizjes Vetëvendosje! me besimin e plotë se vetëm në këtë subjekt mund të punoja për çuar përpara ëndrrën tonë të përbashkët për bashkim kombëtar.

Iu bashkova Lëvizjes Vetëvendosje! pa pasur as dyshimin më të vogël se kjo organizatë do bënte çmos për të ruajtur identitetin tonë kombëtar, atëherë kur ndonjë gjarpër i pabesë do të tentonte të na futej në gjirin tonë për të na e helmuar shpirtin dhe mendjen, siç na ka ndodhur shpesh përgjatë historisë.
Iu bashkova Lëvizjes Vetëvendosje! me bindjen e plotë se kjo do të ishte gjeneratori i moderimit të shoqërisë, i instalimit të kulturës demokratike përendimore, që do ta dërrmonte politikën klienteliste, klanore e të errët që sot po e mban peng politikën dhe vetë jetën.

Iu bashkova Lëvizjes Vetëvendosje! sepse i besova programit të saj.
Iu bashkova Lëvizjes Vetëvendosje! sepse kam besuar se vërtete kjo lëvizje do t’i kthejë politikës moralin e munguar.

Sot, pas më shumë se dy vitesh e gjysmë që jam pjesë e këtij subjekti politik, mund t’ju them se shumica e koncepteve dhe parimeve që permenda më lart, janë ngulfatur dhe zvetënuar nga radikalizmi, nga mjetet të cilat shpesh përfundojnë në promovim të dhunës, e që kompromentojnë çfarëdolloj qëllimi të mirë.

Radikalizmi po i ngulfat edhe vlerat më të mira që i kanë shumica e vajzave dhe djemve të Vetevendosjes!

Qytetarët e Kosovës kanë kaluar nëpër periudha shumë të dhimbshme të dhunës së imponuar, plagët janë ende të hapura, dhe unë mendoj se riciklimi i saj, në çfarëdolloj niveli apo intensiteti, qoftë edhe simbolik, nuk i ndihmon askujt, as qytetarëve, as demokracisë, as imazhit të Kosovës, as interesit kombëtar.

Përdorimi i dhunës si mjet për arritjen e synimeve politike, nuk ka qenë pjesë të programit të Lëvizjes, por kjo po ndodh në praktikë gjithnjë e më shpesh. Asnjë forcë serioze nuk mund të ecë përpra duke u bazuar në këtë mjet. Mjeti i gabuar degradon vetë qëllimin.

I kam shprehur në mënyrë të vazhdueshme këto brenga dhe qëndrime të mia brenda Lëvizjes, kam kërkuar me ngulm që të respektojmë rregullat e lojës demokratike, të respektojmë institucionet dhe ligjin, por për fat të keq zëri im nuk është dëgjuar, ka qenë vazhdimisht i izoluar brenda strukturave, ku debatet janë vetëm nuance e së njejtës ngjyrë.

Kam shpresuar gjatë gjithë kësaj kohe se gjërat do të ndryshojnë me jetën institucionale, që kjo do të sillte edhe pjekurinë politike. Mirëpo kjo nuk po ndodh, përkundrazi, radikalizmi po thellohet nga dita në ditë. Jemi dëshmitarë të gjithë të asaj që ndodhi në Kuvendin e Kosovës; në tentativën për të ndaluar deputetët të hyjnë në Kuvend, në trajtimin jodiplomatik që iu bë ambasadores së vendit që është mbështetësi më i madh, i lirisë dhe pavaresisë së shtetit të Kosovës; në përleshjet e vazhdueshme me policinë me qëllimin për të prodhuar konflikt; në polarizimin e skajshëm të shoqërisë.

Unë nuk mund të pajtohem me këto sjellje, nuk mund t’i mbështes. Janë plotësisht në kundërshtim me bindjet e mia.

Nuk pajtohem me politikat e qeverisë aktuale, kam qenë dhe jam kritikuese e ashpër e praktikave korruptive të qeverisjes, e dështimit në bisedime me Serbinë, e dhënies së autonomisë për serbët në veri. Vota ime ka shkuar kundër të gjitha këtyre vendimeve, por nuk mund të pajtohem kurrsesi që sjellja irracionale të zëvendësojë racionalen, që dhuna të zëvendësojë argumentet, që polarizimi i shoqërisë të zëvendësojë tolerancën, dhe të gjitha këto sjellje të dëmshme, aspak të mos e ndryshojnë realitetin e kritikuar. Përkundrazi, thjesht po e legjitimojnë qeverisjen e korruptuar, e cila për ironi, shpesh bëjnë të duket më e moderuar.

Përgjatë gjithë kësaj kohe, kam kuptuar se nuk janë vetëm metodat me të cilat unë nuk pajtohem, por janë edhe vetë konceptet ideologjike të Lëvizjes Vetëvendosje!. Unë jam për demokraci liberale, për respektimin e lirisë së individit, të sferës private, për lirinë e tregut, jam për korigjimin dhe përmirësimin e përditshëm të sistemit demokratik, jo për ideologji të tjera dhe ndryshime radikale të cilat do të mund të kishin pasoja fatale.

Të dashur votues,

Nuk mund ta fsheh para jush se ndihem thellësisht e zhgënjyer nga qëndrimi më i fundit i Lëvizjes Vetëvendosje! në lidhje me fenë dhe raportin me identitetin tonë kombëtar. Flirtimi politik me rrymat radikale fetare, qoftë edhe për arsye pragmatike siç është vota, për mua është joparimor dhe për pasojë i papranueshëm. Janë disa arsye të fuqishme që më shtyjnë drejt këtij qëndrimi por më kryesorja sepse jam e bindur se këto rryma, të cilat nëpërmjet indoktrinimit fetar të popullatës, synojnë identifikimin me fenë dhe jo me kombin, na e rrezikojnë identitetin kombëtar, na çojnë në regres, në epokën e diskriminimit të grave, larg kulturës përendimore. Këto rryma në fund të ditës, mund të na e rrezikojnë lirinë, për të cilën u derdh shumë gjak.

Çfarëdo tendence për të keqinterpretuar fjalën time dhe qendrimet e mia publike në lidhje me fenë islame në përgjithësi, ka qenë një luftë speciale e grupacioneve të caktuara politike, të cilët i shoqëruan me kërcënime, linçim publik dhe me fyerjet më të ulëta që iu është bërë ndonjëherë grave shqiptare. Jam ndjerë e shokuar nga niveli i këtij diskursi.

Prandaj të heshtesh apo me vetëdije të mbash qëndrime relativizuese ndaj synimeve te grupacioneve të tilla, që kërcënojnë, prodhojnë gjuhën e urrejtjes, linçimit publik, fanatizmit, fondamentalizmit, antishqiptarizmit, që bëjnë diversion kombëtar, për mendimin tim është e pajustifikueshme.

Për mua pra kjo është një çështje që ndan dy botë, është një zgjedhje mes errësirës dhe dritës, prandaj dhe pozicionimi im është i pakompromis me këdo dhe kurdo.

Për mua tashmë kjo është edhe një çështje e dinjitetit personal.

E kam të qartë se politika ndërtohet mbi kompromise por një devijim kaq i madh nga parimet dhe programi, nga ana e Lëvizjes për mua ka qenë i papërfytyrueshëm.

Të dashur votues,

Për shkak të këtyre qëndrimeve të shpjeguara më lart, por dhe shumë çështjeve të tjera shumë të rëndësishme , të cilat nuk do t’i rendis në këto radhë, mua më është bërë i pamundur qëndrimi i mëtejshëm në Lëvizjen Vetëvendosje! Ndryshimet konceptuale mes meje dhe drejtuesve të LVV janë fondamentale; qëndrimet për çështjet më të rëndësishme nacionale nuk përputhen dhe metodat për të arritur synimet politike, janë të papajtueshme mes nesh.

Shpreh keqardhjen e thellë që gjërat nuk shkuan në drejtimin e duhur, në drejtimin në të cilin unë besoja kur iu bashkova Lëvizjes Vetëvendosje!, me vullnetin më të mirë që nëpërmjet saj të jepja kontributin për vendin dhe shoqërinë.

Mandatin tim si deputete në Kuvendin e Kosovës tani e tutje do ta përmbush jashtë grupit parlamentar. Do të vazhdoj të jem zëri juaj në Kuvend, deri në fund të mandatit, duke punuar më përkushtim dhe aktivizëm në interes të vendit dhe aspiratave tona të përbashkëta për demokraci dhe bashkimin të kombit.

Me respekt
Alma Lama

 

 

Lama konfirmon largimin nga Vetëvendosje

 

Prishtinë – (E plotësuar) Alma Lama është larguar nga Lëvizja Vetëvendosje.

Këtë e ka konfirmuar ajo për Express.

Duke mos dhënë më shumë detaje, deputetja Lama thotë se gjatë ditës do ta sqarojë përmes një letre arsyet e largimit.

“Tash do e dërgoj një letër ku do të sqaroj të gjitha rreth largimit tim”, ka thënë Lama.

 

Pritet largimi i Alma Lamës nga Vetëvendosje

 

Prishtinë – Deputetja Alma Lama ka vendosur që përfundimisht të largohet nga Lëvizja Vetëvendosje. 

Burime të sigurta të Tribunës kanë konfirmuar se deputetja Lama të premten (sot) do të bëjë publike largimin zyrtar nga Vetëvendosje. 
Qe një kohë të gjatë, Lama dhe kreu i Vetëvendosjes nuk pajtoheshin për koncepte dhe politika të kësaj lëvizjeje pas hyrjes në institucione. 
Burimi i gazetës ka treguar se Alma Lama do të vazhdojë të qëndrojë në Kuvend si deputete e pavarur. 
Ajo nuk ka vendosur ende nëse do t’i bashkohet ndonjë grupi Parlamentar në Kuvend dhe nuk ka diskutuar me asnjë parti për ndonjë transfero të mundur siç ka ndodhur deri tani brenda Kuvendit.  

 
Lajme Shqip Tuesday, 25 June 2013 10:43

Prishtinë – (E plotësuar) Lëvizja Vetëvendosje i është përgjigjur deputetes së saj Alma Lama dhe akuzave të cilat ajo ia ka adresuar Albin Kurti.

Lama kishte thënë se Kurti ka devijuar programin politik me të cilën subjekti ka hyrë në Parlamentin e Kosovës duke heshtur për çështjet kombëtare të cilat janë ngritur kohëve të fundit në vend.

Lama ka përmendur disa deklarata ekstremiste të disa personave të cilat janë lëshuara kundër figurave historike shqiptare si Nënë Tereza dhe Gjergj Kastrioti- Skënderbeu.

Mirëpo, në përgjigjen dhënë për Express, Sekretari i VV’së, Dardan Molliqaj ia kujton deputetes Lama se për të gjitha ato çështje subjekti i tyre ka marrë qëndrimet qysh në 2011’ën. Molliqaj po ashtu ia kujtoi Lames se qëndrimet e subjektit të tyre merren brenda Kryesisë dhe Këshillit, pjesë e së cilës është edhe vetë Lama ngase mban statutin e deputetes nga ky subjekt, përmes debateve të brendshme dhe në përputhje me programin që kanë.

“Qëndrimet e marra në këto forume bëhen pas shumë debateve e diskutimeve, si pjesë e demokracisë së brendshme, shumë të rëndësishme të Lëvizjes. Edhe për çështjet e debatuara ditëve të fundit, Lëvizja ka marr qëndrime që në vitin 2011, pas shumë debateve e diskutimeve ku kanë marrë pjesë të gjithë. Kryetari, kryesia pastaj i sqarojnë këto qëndrime tek publiku dhe në debate”, thuhet në përgjigjen e Molliqaj dhënë për Express.

“Alma Lama si deputete është edhe anëtare e Këshillit dhe ka të drejtë ti shprehë të gjitha qëndrimet e saja në Këshill dhe tek kryesia, edhe kur pajtohet edhe kur nuk pajtohet, siç kanë edhe anëtarët e tjerë të Lëvizjes. Këto janë pjesë të demokracisë së brendshme”, shtoi ai.

Sekretari i VV’së ndër të tjera bëri të ditur se brenda organeve të partisë nuk janë diskutuar ende brengat e deputetes Lama por se të gjitha çështje e ngritura nga ajo si shqetësim do të diskutohen në mbledhjen e ardhshme të këtij subjekti.

Ndryshe, kjo nuk është hera e parë që një anëtar i VV’së del publikisht kundër Liderit të saj Albin Kurti.

Sekretari organizatori i VV’së në Viti Arton Musliu kishte dalë nga ky subjekt duke e akuzuar Albin Kurtin për diktaturë.

I pakënaqur me Vetëvendosjen dhe liderin e saj nga ky subjekt kishte dalë edhe Rron Gjinovci. Ndërsa të njëjtën mundësie ka lënë të hapur edhe deputetja Alma Lama.

Ajo në një intervistë për “Zërin” kritikoi ashpër partinë e saj duke thënë se ka devijuar rrugën sidomos me daljen haptazi pro shamive dhe mësimit mbi fe nëpër shkolla.

“Z. Kurti, i cili promovon idenë e bashkimit kombëtar hezitoi të thoshte një fjalë të vetme kundër atyre që përmes meje, si një shqiptare e lindur në Krujë, atakuan një pjesë të kombit tonë, e që është ajo që jeton në Shqipëri. Në Kosovë u përçmua edhe figura e Skënderbeut; pak kohë më parë është fyer edhe humanistja e botës, Nënë Tereza, nesër kushedi kush do të atakohet, sepse qëllimi është të na rrënohet identiteti kombëtar”, ka thënë Lama, duke i bërë të ditura dallimet konceptuale me kreun e VV’së, Albin Kurti.

Lama tha se nuk e ka ndërmend të ndryshojë konceptet e saj thjesht për të siguruar një bashkëjetesë politike.

Por, në lidhje me mundësinë e largimit të Lamës nga VV nukështë përgjigjur Sekretari i VV’së.

 

Lëvizja Bashkohu i gëzohet largimit të Alma Lamës

 

Prishtinë – Pas deklaratës së deputetës së Vetëvendosjes Alma Lama, se ajo lë të hapur mundësinë e largimit nga kjo parti, ka ardhur edhe reagimi i Lëvizjes Bashkohu.

Kjo Lëvizje, nëpërmjet një postimi në Facebook, shkruan se “misioni ka përfunduar me sukses”.

Bashkohu vlerëson se “ata që ofendojnë dhe sulmojnë nuk kanë vend në vendin tonë”.

“Ata që na ofendojnë, ata që na urrejnë dhe ata që na sulmojnë nuk ka vend në vendin tonë! Boll më, ka kaluar koha e sundimit të ateistëve mbi myslimanë. Misioni përfundoj me sukses”, shkruan kjo Lëvizje në faqen e saj në Facebook, ku edhe ka shpërndarë linkun me lajmin se Lama mund të “divorcohet” nga Vetëvendosje.

Ndryshe, i gjithë ky debat nisi me videon e publikuar të hoxhë Irfan Salihut ku ai ofendonte femrat për amoralitet. Ndër reagimet e para që erdhën ato ditë, ishte edhe ai i deputetes Lama. E ndaj kësaj të fundit, ishin hedhur akuza të shumëta nga Forumi i Të Rinjëve Muslimanë. Mirëpo pas një kohe, kreu i Vetëvendosjes, Albin Kurti, shfaqi pikëpamjet e tij në lidhje me shaminë në shkolla dhe mësimin fetar, çështje për të cilat, Kurti pati deklaruar se ishte pro të dyjave. 

 

Lamës i “mbetet hatri” nga deklaratat e Kurtit

 

https://www.lajmeshqip.com/kombetare/lames-i-mbetet-hatri-nga-deklaratat-e-kurtit

 
Lajme Shqip Tuesday, 25 June 2013 09:06

Prishtië – Deputetja, Alma Lama, ka shfaqur haptazi mospajtime rreth koncepteve të “Vetëvendosjes”, duke e lënë hapur mundësinë e largimit. Ajo kritikon ashpër partinë e saj duke thënë se ka devijuar rrugën sidomos me daljen haptazi pro shamive dhe mësimit mbi fe nëpër shkolla.

“Z. Kurti, i cili promovon idenë e bashkimit kombëtar hezitoi të thoshte një fjalë të vetme kundër atyre që përmes meje, si një shqiptare e lindur në Krujë, atakuan një pjesë të kombit tonë, e që është ajo që jeton në Shqipëri. Në Kosovë u përçmua edhe figura e Skenderbeut; pak kohë më parë është fyer edhe humanistja e botës, Nënë Tereza, nesër kushedi kush do të atakohet, sepse qëllimi është të na rrënohet identiteti kombëtar”, ka thënë Lama në një intervistë për “Zërin”, duke i bërë të ditur dallimet konceptuale me kreun e VV-së, Albin Kurti.

Ajo tha se nuk e ka ndërmend të ndryshojë konceptet e saj thjesht për të siguruar një bashkëjetesë politike.