Lajme Shqip Thursday, 01 May 2014 11:30

Në pikën kufitare në Vërmicë, është paraqitur në Polici, deputeti i LDK-së, Naser Osmani. “Rreth orës 06:05 në Pikë Kalimin Kufitar Vërmicë, është paraqitur në Polici personi i kërkuar N. O. I njëjti është shoqëruar nga njësiti policor i Policisë Kufitare për në Drejtorinë Kundër Krimeve Ekonomike dhe Korrupsionit, për të vazhduar me procedurat e mëtutjeshme”, njofton policia.

Deputeti i LDK-së, Naser Osmani ështi i dyshuar për çështjen e privatizimit të fabrikës “FAN”, në komunën e Podujevës.

Policia e Kosovës përmes një komunikate për media, dje ka bërë të ditur se për 11 personat e arrestuar, në cilësinë e personave të dyshuar, është shqiptuar masa e ndalimit prej 48 orësh.

Drejtoria për Hetimin e Krimeve Ekonomike dhe Korrupsionit, djenë orët e hershme të mëngjesit,  ka zhvilluar një operacion të gjerë policor në disa lokacione  të Kosovës.  Operacionit i ka paraprirë një hetim disa mujor lidhur me çështjen e privatizimit të fabrikës “FAN”, në komunën e Podujevës, me ç’rast nga zyrtarë të Agjencionit Kosovare të Privatizimit, anëtarë të Bordit Menaxhues të Agjencionit Kosovar të Privatizimit dhe zyrtarë të Kadastrës në Komunën e Podujevës, në bashkëkryerje nga viti 2006 deri në vitin 2012 dyshohet se kanë kryer veprat penale si:
 
“Keqpërdorim i pozitës zyrtare apo autoritetit zyrtar nga neni 422 i KPK-së”,
“Mashtrimi në detyrë nga neni 426”
“Legalizim i përmbajtjes së rreme nga neni 403”,
“Mashtrimi nga neni 335”,
“Shkaktim i falimentimit nga neni 286 i KPK-së” dhe,
“Keqpërdorim i autorizimeve ekonomike nga neni 290 paragrafi 1 pika 1.2. i Kodit Penal të  Republikës së Kosovës”.
 
Me këtë rast në cilësinë e personave të dyshuar janë arrestuar:
·         Sh. Ll.             viti i lindjes 1967,
·         N.  A.              viti i lindjes 1959,
·         A. D.               viti i lindjes 1965,
·         SH.                  viti i lindjes 1963,
·         A.  K.              viti i lindjes 1984,
·         N.  I.                viti i lindjes  1984,
·         K. LL.             viti i lindjes 1975,
·         A.  K.              viti i lindjes 1969,
·         Sh. M.             viti i lindjes 1946,
·         I.   H.               viti i lindjes 1950,
·         T.  S.                viti i lindjes 1953,

Gjatë këtij operacioni policor ka qenë në kërkim edhe i dyshuari  N. O. shtetas i Republikës së Kosovës, por i njëjti nuk është gjetur në lokacionin e kërkuar nga Policia. Me këtë rast është lëshuar urdhërarrest nga Gjykata Themelore në Prishtinë-Departamenti i Krimeve të Rënda.

Dyshohet se dëmi, shkaktuar buxhetit të Kosovës, lidhur me këtë rast, të jetë disa milionësh.
Gjatë këtij operacioni policor janë bastisur (5) pesë lokacione të ndryshme, ndërsa personave të dyshuar u është caktuar masa e ndalimit prej 48 orësh’, thuhet në komunikatën e policisë.

 

 
Lajme Shqip Wednesday, 30 April 2014 13:00

Policia e Kosovës ka bastisur Agjencinë Kosovare të Privatizimit dhe ka arrestuar disa persona. Bastisja është kryer nga Njësia për Krime Ekonomike të Policisë së Kosovës që në orët e hershme të mëngjesit. Bastisjet thuhet se kanë të bëjnë për shkak të keqpërdorimit me prona, ndërkaq Policia e Kosovës konfirmon operacionin.

Pos në AKP, mësohet se bastisje ka pasur edhe në shtëpitë e disa prej zyrtarëve të AKP-së. Policia e Kosovës konfirmon që në orët e hershme të mëngjesit kanë ndërmarr një operacion të bastisjes, por që nuk jep detaje tjera.

Baki Kelani, zëdhënës i Policisë së Kosovës deklaroi për www.rtklive.com se operacioni i bastisjes është duke vazhduar dhe deri në përfundimin e tij nuk jep detaje tjera, madje as emrat e personave të arrestuar.

Sipas burimeve thuhet se në mesin e të arrestuarve ka biznesmen, zyrtarë të AKP-së, të Kadastrit të Komunës së Podujevës dhe se në kërkim është edhe një deputet i cili thuhet se ju ka shmangur arrestimit.

Lajmi për bastisje dhe ndalime është konfirmuar nga Ylli Kalosh,i zëdhënës i AKP së.

“Policia ka ndaluar disa zyrtar të AKP’së. Nuk kemi informacione për dyshimet e tyre dhe po presim që këto organe të na njoftojnë ndërkohë” tha Kaloshi.

Në mesin e të dyshuarve sipas burimeve policore është edhe deputeti i LDK’së, Naser Osmani, ish anëtar i Bordit të AKP’së si dhe Shkëlzen Lluka, ish-drejtor i AKP’së,

Ndërsa, burimet konfirmojnë arrestimin e Naim Avdiu, ish Zëvendësdrejtor, Melita Ymeraga, Udhëheqëse e Njësisë së Monitorimit në AKP, Adrian Kelmendi, UD kryesues i Zyrës së monitorimit në , Nehat Islami, ish zyrtar i monitorimit në AKP; Kreshnik Lleshi – ish zyrtar i monitorimit në AKP. Agron Kamberaj, ish kryesues i njësisë së monitorimit në AKP./RTK/

 
Lajme Shqip Wednesday, 22 May 2013 13:13

Millan Baçeviq, ministër për Xehëtari e Planifikim Hapësinor ka deklaruar për mediat serbe se marrëveshja për Trepçën do të mbetet e pandryshueshme përkundër kundërshtimit të Ambasadës amerikane në Prishtinë.

“E gjithë xehja në “Trepçë” nxirret jashtë kufijve administrativë të Kosovës. Dhe këtu s’ka ndryshime”, citojnë mediat serbe ministrin Baçeviq.

Qeveria e serbisë nënshkroi kontratë për investime në Kombinatin Xehetar “Trepça”, me konsorciumin amerikan New Generation Power (NGP).

Ministri serb ka deklaruar se kontratën nuk mund ta ndryshojë Qeveria e Kosovës dhe as reagimi i ambasadës amerikane në Prishtinë.

Në Kosovë është kundërshtuar veprimi i Qeverisë serbe.

Agjencia Kosovare e Privatizimit ka reaguar duke vlerësuar se kontrata me konsorciumin amerikan është e paligjshme dhe e pazbatueshme.

 
Lajme Shqip Thursday, 16 May 2013 23:23

Pas zyrtarizimit të dorëheqjes, ish-drejtori i Bordit të Agjensisë Kosovare të Privatizimit (AKP), Blerim Rexha, sonte ka treguar për presionet që i janë bërë derisa mbante këtë post.

“Miqtë me kanë thënë më mirë me ardhë te ti që ke dhënë dorëheqje, sesa me ardhë te ti për të pame”, ka thënë Rexha në Zonën e Debatit në Klan Kosova.

Sipas tij, ka qenë një tokë 25 hektarë më një ofertë për 5 mijë euro dhe me rekomandim që duhet të pranohet.

Rexha ka folur edhe për qëndrimet e tij ndaj shtetit amerikan duke thënë që “Tendenca se kinse unë jam kundër interesave amerikane dhe evropiane në Kosovë, nuk qëndron”.

Dino Asanaj ishte kryetar bordi i AKP-së por u gjet i vrarë në zyrën e kompanisë private të tij në Veterrnik.

Ai vdiq nga 11 plagët e marra me thikë.

Hetimet e prokurorisë konstatuan se ai kishte bërë vetëvrasje.

Prokuoria po heton rastin e tij ende nën dyshimin se ka mundur të jetë i shtyrë për të bërë vetëvrasje.