Lajme Shqip Thursday, 16 May 2013 23:23

Pas zyrtarizimit të dorëheqjes, ish-drejtori i Bordit të Agjensisë Kosovare të Privatizimit (AKP), Blerim Rexha, sonte ka treguar për presionet që i janë bërë derisa mbante këtë post.

“Miqtë me kanë thënë më mirë me ardhë te ti që ke dhënë dorëheqje, sesa me ardhë te ti për të pame”, ka thënë Rexha në Zonën e Debatit në Klan Kosova.

Sipas tij, ka qenë një tokë 25 hektarë më një ofertë për 5 mijë euro dhe me rekomandim që duhet të pranohet.

Rexha ka folur edhe për qëndrimet e tij ndaj shtetit amerikan duke thënë që “Tendenca se kinse unë jam kundër interesave amerikane dhe evropiane në Kosovë, nuk qëndron”.

Dino Asanaj ishte kryetar bordi i AKP-së por u gjet i vrarë në zyrën e kompanisë private të tij në Veterrnik.

Ai vdiq nga 11 plagët e marra me thikë.

Hetimet e prokurorisë konstatuan se ai kishte bërë vetëvrasje.

Prokuoria po heton rastin e tij ende nën dyshimin se ka mundur të jetë i shtyrë për të bërë vetëvrasje.

 
Lajme Shqip Thursday, 16 May 2013 13:40

Kryetari i Bordit të Agjensisë së Privatizimit Blerim Rexha dha dorëheqje të mërkurën nga kjo pozitë. Dorëheqja e tij u pasua pas dy dorëheqje të kolegeve të tij në bordin e AKP-së përkatësisht anëtares Dardane Peja dhe përfaqësueses amerikane në bord Bernadete Roberts.

Blerim Rexha ka dhënë dorëheqje nga pozita e kryetarit të Bordit të Drejtorëve të Agjencisë Kosovare të Privatizimit. Rexha thotë që shkas i dorëheqjes së tij  ishte tendenca që kinse ai është kundër interesave amerikane dhe evropiane në Kosovë, nuk qëndron. “ Unë e familja ime, ashtu sikur të gjithë qytetarët e Kosovës, përkulemi me shumë respekt para kontributit të SHBA-së dhe BE-së dhënë për popullin dhe shtetin e Kosovës.

“Në këtë situatë të krijuar jap dorëheqje të pakthyeshme nga pozita e kryesuesit të Bordit të AKP-së”, thuhet në letrën e Rexhës. Ai u ka kërkuar falje deputetëve të Kuvendit të Kosovës, qytetarëve të Kosovës, që në këtë kohë të shkurtër nuk ka mundur të zbatojë rekomandimet e tyre për rritje të transparencës dhe ndryshimit të modelit të privatizimit, të dala nga Rezoluta e Kuvendit e tetorit e vitit 2012. Ai ka ripërsëritur se AKP-ja duhet të ndërrojë qasjen ndaj pronës, aseteve që privatizon dhe menaxhon. 

 
Lajme Shqip Thursday, 16 May 2013 00:44

 

Kryetari i Bordit të Agjencisë Kosovare të Privatizimit e vlerësoi si përsonale dorëheqjën e përfaqësues amerikane në Bord.

Në një intervistë për emisionin “Interaktiv”, Rexha deklaroi se ka pasur qëndrime të ndryshme me amerikanën Berndadete Roberts e cila dha dorëheqje duke akuzuar se AKP-ja nuk po udhëheqej si duhej.

“Përkulem para kontributit të këtij shteti për vendin tim. Jemi për bashkëpunim me SHBA-të, por me zyrtaren e cila ka dhënë dorëheqje kemi pasur divergjenca rreth disa vendimeve”, deklaroi Rexha.

Ndërkaq për dorëheqjën e Dardane Peja, një anëtare tjetër e bordit, Rexha deklaroi se ajo është infleuncuar nga Behxhet Pacolli. Lideri i AKR-së Pacolli një ditë më herët akuzoi se mënyra se si po qeveriset AKP-ja ka bërë që vendi të prish raportet e mira dhe të humb mbështetjën për zhvillim ekonomik nga SHBA-ja.

Dardane Peja ishte propozuar në bord nga partia e Pacollit raportojnë mediat në Kosovë. Kryetari i bordit Rexha, dorëheqja e të cilit është kërkuar nga Pacolli, deklaroi se do ta bëjë një gjë të tillë vetëm nëse i kërkohet nga Kuvendi i Kosovës.