Lajme Shqip Wednesday, 21 September 2011 12:29

Tiranë – Efektivi i Gardës së Republikes, Sadik Çela, i dyshuar si i përfshirë në ngjarjet e 21 janarit, është rikthyer në paraburgimin e Tiranës.

Strukurat e policisë kanë ekzekutuar vendimin e Gjykatës së Lartë, e cila urdhëroi rikthimin në qeli të gardistit Çela.

Aktualisht në paraburgimin e Tiranës janë efektivët e Gardës, Agim Llupo dh Sadik Çela, ndërkohë që, nën hetim në gjendje të lirë për çështjen janë disa efektivë të tjerë  të Gardës.

Gardistët dyshohet se janë përgjegjës për vrasjen me arme zjarri të  4 protestuesve gjatë demonstratës së opozites në 21 janar të këtij viti, para selisë së Kryeministrisë.

Në demonstratën e dhunshme të opozites, si rezultat i konfrontimit midis demonstruesve dhe forcave te rendit pati edhe disa të plagosur, civil dhe punonjës të rendit.

Pas ngjarjeve të 21 janarit, prokuroria e Tiranës ndaloi disa efektivë të Gardës së Republikës. Ndërkohë, Gjykata vendoi lirimin e disa prej tyre, për mungesë provash.

 
Lajme Shqip Wednesday, 14 September 2011 14:33

Gjykata e Lartë ka vendosur të rikthejë në burg gardistin Sadik Çela i cili akuzohet nga prokuroria si një nga katër oficerët që qëlloi mbi protestuesit në 21 janar.

Ky vendim ka rrëzuar nismën e Gjykatës së Apelit që linte të lire gardistin Sadik Cela, dhe ka lënë në fuqi vendimin e Shkallës së parë të gjyqesorit, që kishte dhënë masën e sigurise 30 dite burg për gardistin Cela.

Pasi nisën hetimet për 21 janarin, gardisti u mbajt në burg përreth 20 dite, dhe më pas u la i lirë pasi Gjykata e Apelit rrëzoi vendimin e Gjykatës së Shkallës së Parë, por prokuroria duke iu drejtuar Gjykates e Lartë, kërkoi që të prishej vendimi i Apelit dhe të mbetej në fuqi ai i Shkallës së Parë.

Me këtë vendim gardisti Çela duhet të dërgohet në qeli edhe për 10 dite të tjera.
Pas këtij vendimi Prokurorisë i lind e drejta të kërkojë masë të re sigurie ndaj Sadik Celës, dhe për faktin se hetimet për 21 Janarin dhe vrasjen e 4 qytetareve tashmë kanë përparuar, mund ta ngarkoje atë edhe me pergjegjesi penale.

Ngjarja e 21 janarit e cila nuk është zbardhur ende nga prokuroria shqiptare, protesta në të cilat humbën jetën Hekuran Deda, Aleks Nikaj, Ziver Veizi dhe Faik Myrtaj.

 
Lajme Shqip Wednesday, 25 May 2011 14:29

Tiranë – Gjykata e Lartë e Shqipërisë është shprehur kundër kërkesës së Prokurorisë së Përgjithshme për të rikthyer në burg gardistin Gazmend Ahmetaj, i cili bashkë me dy gardistë të tjerë, është në hetim e sipër në liri si i dyshuar për vrasjet e katër demonstruesve më 21 janar, përballë godinës së Kryeministrisë.

Kështu ka qenë Kolegji Penal i Gjykatës së Lartë që e ka cilësuar të drejtë vendimin e Gjykatës së Apelit dhe të rrëzojë kërkesën e prokurorisë për mungesë provash.

Efektivi i Gardës së Republikës, u cilësua nga prokuroria si një nga pjesëtarët e “grupit të zjarrit”, të cilët qëlluan me armë në demonstratën e 21 janarit. Gjykata e Shkallës së Parë caktoi më 7 shkurt të këtij viti masën e sigurisë “arrest me burg” me afat 30-ditor. Gardistët ankimuan vendimin dhe më 2 mars garditës u liruan nga qelitë. Për shkak të mangësisë në provat që faktonin përfshirjen e tyre në vrasjet, apo plagosjet e ndodhura gjatë demonstratës së 21 janarit 2011, Gjykata e Apelit caktoi masën e sigurisë “detyrim për paraqitje”.

I vetmi i mbetur në burg është gardisti Agim Llupo, i cili akuzohet për vrasjen e Ziver Veizit përpara godinës së kryeministrisë. Gjatë protestës humbën jetën dhe Hekuran Deda, Aleks Nika Faik Myrtaj.

 
Lajme Shqip Wednesday, 23 March 2011 15:38

Tiranë – Prokuroria ka ankimuar vendimin e Gjykatës së Apelit për lirimin e 3 efektivëve të Gardës së Republikës së Shqipërisë, të dyshuar në ngjarjet e 21 janarit.

Burime zyrtare nga Gjykata e Lartë konfirmuan mbërritjen në këtë Gjykatë të kërkesës së Prokurorisë për ricaktimin e masës shtrenguese së arrestit me burg për 3 efektivët e Gardës, Sadik Çela, Gazmend Ahmetaj dhe Mark Nikolli.

Pak ditë më parë, Gjykata e Apelit vendosi  shfuqizimin e masave të arrestit me afat 30 ditor ndaj tre efektiveve të Gardes,  marrë nga Gjykata e Shkallës së Parë pas arrestimit të tyre lidhur me ngjarjet e 21 janarit.

Në argumentin e saj, Gjykata e Apelit deklaroi mungesen e provave ndaj te dyshuarve, përkundër pretendimit te prokurorisë. Tashmë, i mbetet Gjykatës së Larte të vendose lidhur me masat e sigurise ndaj 3 punonjesve te  Gardes se Republikes.

Ata dyshohen për përdorim të armëve të zjarrit me pasojë vdekjen e 4 shtetasve gjatë demonstratës së dhunshme të opozitës në 21 janar para selisë së Kryeministrisë.